വിവരങ്ങള്‍ കാണിക്കുക

ഉള്ളടക്കം കാണിക്കുക

യഹോവയുടെ സാക്ഷികൾ

ഭാഷ തിരഞ്ഞെടുക്കുക മലയാളം
വിശുദ്ധ തിരുവെഴുത്തുകൾ​—പുതിയ ലോക ഭാഷാ​ന്തരം (പഠനപ്പ​തിപ്പ്‌)

2 ദിനവൃത്താന്തം 6:1-42

6  അപ്പോൾ ശലോ​മോൻ പറഞ്ഞു: “താൻ കനത്ത മൂടലിൽ വസിക്കു​മെന്ന്‌ യഹോവ പറഞ്ഞി​ട്ടുണ്ട്‌.+  ഞാൻ ഇതാ, അങ്ങയ്‌ക്കാ​യി മഹനീ​യ​മായ ഒരു ഭവനം, അങ്ങയ്‌ക്ക്‌ എന്നും വസിക്കാൻ സ്ഥിരമായ ഒരു വാസസ്ഥാ​നം, പണിതി​രി​ക്കു​ന്നു!”+  പിന്നെ, അവിടെ നിന്നി​രുന്ന ഇസ്രാ​യേ​ല്യ​രു​ടെ സഭയ്‌ക്കു നേരെ തിരിഞ്ഞ്‌ രാജാവ്‌ അവരെ അനു​ഗ്ര​ഹി​ച്ചു.+  ശലോമോൻ രാജാവ്‌ പറഞ്ഞു: “എന്റെ അപ്പനായ ദാവീ​ദി​നോ​ടു തിരു​വാ​യ്‌കൊണ്ട്‌ പറഞ്ഞതു തൃ​ക്കൈ​യാൽ നിവർത്തി​ച്ചി​രി​ക്കുന്ന ഇസ്രാ​യേ​ലി​ന്റെ ദൈവ​മായ യഹോവ വാഴ്‌ത്ത​പ്പെ​ടട്ടെ.  ‘എന്റെ ജനമായ ഇസ്രാ​യേ​ലി​നെ ഈജി​പ്‌ത്‌ ദേശത്തു​നിന്ന്‌ കൊണ്ടു​വന്ന നാൾമു​തൽ, എന്റെ നാമത്തി​നു​വേണ്ടി ഒരു ഭവനം പണിയാൻ ഇസ്രാ​യേ​ലി​ലെ ഏതെങ്കി​ലു​മൊ​രു ഗോ​ത്ര​ത്തിൽനിന്ന്‌ ഒരു നഗരത്തെയോ+ എന്റെ ജനമായ ഇസ്രാ​യേ​ലി​നു നായക​നാ​യി​രി​ക്കാൻ ഒരു പുരു​ഷ​നെ​യോ ഞാൻ തിര​ഞ്ഞെ​ടു​ത്തില്ല.  എന്നാൽ എന്റെ പേര്‌ സ്ഥാപി​ക്കാൻ യരുശലേമിനെയും+ എന്റെ ജനമായ ഇസ്രാ​യേ​ലി​നെ ഭരിക്കാൻ ദാവീ​ദി​നെ​യും ഞാൻ തിര​ഞ്ഞെ​ടു​ത്തു.’+  ഇസ്രായേലിന്റെ ദൈവ​മായ യഹോ​വ​യു​ടെ നാമത്തി​നു​വേണ്ടി ഒരു ഭവനം പണിയണം എന്നത്‌ എന്റെ അപ്പനായ ദാവീ​ദി​ന്റെ ഹൃദയാ​ഭി​ലാ​ഷ​മാ​യി​രു​ന്നു.+  എന്നാൽ യഹോവ എന്റെ അപ്പനായ ദാവീ​ദി​നോ​ടു പറഞ്ഞു: ‘എന്റെ നാമത്തി​നു​വേണ്ടി ഒരു ഭവനം പണിയാ​നുള്ള നിന്റെ തീവ്ര​മായ ആഗ്രഹം നല്ലതു​തന്നെ.  പക്ഷേ നീയല്ല, നിനക്കു ജനിക്കാ​നി​രി​ക്കുന്ന നിന്റെ മകനാ​യി​രി​ക്കും എന്റെ നാമത്തി​നു​വേണ്ടി ആ ഭവനം പണിയു​ന്നത്‌.’+ 10  ആ വാഗ്‌ദാ​നം യഹോവ നിവർത്തി​ച്ചി​രി​ക്കു​ന്നു. യഹോവ വാഗ്‌ദാ​നം ചെയ്‌തതുപോലെതന്നെ+ ഞാൻ ഇതാ, എന്റെ അപ്പനായ ദാവീ​ദി​ന്റെ പിൻഗാ​മി​യാ​യി ഇസ്രാ​യേ​ലി​ന്റെ സിംഹാ​സ​ന​ത്തിൽ അവരോ​ധി​ത​നാ​യി​രി​ക്കു​ന്നു.+ ഞാൻ ഇസ്രാ​യേ​ലി​ന്റെ ദൈവ​മായ യഹോ​വ​യു​ടെ നാമത്തി​നാ​യി ഒരു ഭവനവും പണിതു! 11  യഹോവ ഇസ്രാ​യേൽ ജനവു​മാ​യി ചെയ്‌ത ഉടമ്പടി+ വെച്ചി​രി​ക്കുന്ന പെട്ടക​വും അവിടെ ഞാൻ സ്ഥാപി​ച്ചി​രി​ക്കു​ന്നു.” 12  തുടർന്ന്‌ മുഴുവൻ ഇസ്രാ​യേൽസ​ഭ​യു​ടെ​യും മുമ്പാകെ യഹോ​വ​യു​ടെ യാഗപീ​ഠ​ത്തി​നു മുന്നിൽ നിന്നു​കൊണ്ട്‌ ശലോ​മോൻ കൈകൾ വിരി​ച്ചു​പി​ടി​ച്ചു.+ 13  (ശലോ​മോൻ ചെമ്പു​കൊണ്ട്‌ അഞ്ചു മുഴം* നീളവും അഞ്ചു മുഴം വീതി​യും മൂന്നു മുഴം ഉയരവും ഉള്ള ഒരു തട്ട്‌ ഉണ്ടാക്കി മുറ്റത്തി​ന്റെ നടുവിൽ വെച്ചി​രു​ന്നു.+ ശലോ​മോൻ അതിന്മേൽ കയറി നിന്നു.) മുഴുവൻ ഇസ്രാ​യേൽസ​ഭ​യു​ടെ​യും മുമ്പാകെ ശലോ​മോൻ മുട്ടു​കു​ത്തി​നിന്ന്‌ ആകാശ​ത്തേക്കു കൈകൾ ഉയർത്തി+ 14  ഇങ്ങനെ പ്രാർഥി​ച്ചു: “ഇസ്രാ​യേ​ലി​ന്റെ ദൈവ​മായ യഹോവേ, സ്വർഗ​ത്തി​ലും ഭൂമി​യി​ലും അങ്ങയെ​പ്പോ​ലെ വേറെ ഒരു ദൈവ​വു​മി​ല്ല​ല്ലോ! മുഴു​ഹൃ​ദ​യ​ത്തോ​ടെ അങ്ങയുടെ മുമ്പാകെ നടക്കുന്ന ദാസ​രോട്‌ അങ്ങ്‌ ഉടമ്പടി പാലി​ക്കു​ക​യും അചഞ്ചല​മായ സ്‌നേഹം കാണി​ക്കു​ക​യും ചെയ്യുന്നു.+ 15  അങ്ങയുടെ ദാസനായ ദാവീ​ദി​നോട്‌, എന്റെ അപ്പനോ​ട്‌, ചെയ്‌ത വാഗ്‌ദാ​നം അങ്ങ്‌ പാലി​ച്ചി​രി​ക്കു​ന്നു.+ തിരു​വാ​യ്‌കൊണ്ട്‌ പറഞ്ഞത്‌ അങ്ങ്‌ ഇന്നു തൃ​ക്കൈ​കൊണ്ട്‌ നിവർത്തി​ച്ചി​രി​ക്കു​ന്നു.+ 16  ഇസ്രായേലിന്റെ ദൈവ​മായ യഹോവേ, അങ്ങയുടെ ദാസനായ എന്റെ അപ്പനോ​ട്‌, ദാവീ​ദി​നോട്‌, ‘നീ എന്റെ മുമ്പാകെ നടന്നതു​പോ​ലെ നിന്റെ മക്കളും എന്റെ നിയമം* ശ്രദ്ധാ​പൂർവം അനുസ​രിച്ച്‌ നടന്നാൽ+ എന്റെ മുമ്പാകെ ഇസ്രാ​യേ​ലി​ന്റെ സിംഹാ​സ​ന​ത്തിൽ ഇരിക്കാൻ നിന്റെ വംശത്തിൽ ഒരു പുരു​ഷ​നി​ല്ലാ​തെ​പോ​കില്ല’ എന്ന്‌ അങ്ങ്‌ വാഗ്‌ദാ​നം ചെയ്‌തി​രു​ന്ന​ല്ലോ.+ ഇപ്പോൾ ആ വാഗ്‌ദാ​നം അങ്ങ്‌ നിറ​വേ​റ്റേ​ണമേ. 17  ഇസ്രായേലിന്റെ ദൈവ​മായ യഹോവേ, അങ്ങയുടെ ദാസനായ ദാവീ​ദി​നോട്‌ അങ്ങ്‌ ചെയ്‌ത വാഗ്‌ദാ​നം സത്യമാ​യി​ത്തീ​രട്ടെ. 18  “വാസ്‌ത​വ​ത്തിൽ ദൈവം മനുഷ്യ​രോ​ടൊ​പ്പം ഭൂമി​യിൽ വസിക്കു​മോ?+ സ്വർഗ​ത്തിന്‌, എന്തിനു സ്വർഗാ​ധി​സ്വർഗ​ങ്ങൾക്കു​പോ​ലും, അങ്ങയെ ഉൾക്കൊ​ള്ളാൻ കഴിയില്ല.+ ആ സ്ഥിതിക്ക്‌, ഞാൻ നിർമിച്ച ഈ ഭവനം അങ്ങയെ എങ്ങനെ ഉൾക്കൊ​ള്ളാ​നാണ്‌!+ 19  എന്റെ ദൈവ​മായ യഹോവേ, അടിയന്റെ പ്രാർഥ​ന​യ്‌ക്കും കരുണ​യ്‌ക്കു​വേ​ണ്ടി​യുള്ള യാചന​യ്‌ക്കും ചെവി ചായി​ക്കേ​ണമേ. സഹായ​ത്തി​നു​വേ​ണ്ടി​യുള്ള അടിയന്റെ നിലവി​ളി​യും തിരു​മു​മ്പാ​കെ അടിയൻ നടത്തുന്ന പ്രാർഥ​ന​യും ശ്രദ്ധി​ക്കേ​ണമേ. 20  ഈ സ്ഥലത്തിന്‌ അഭിമു​ഖ​മാ​യി നിന്ന്‌ അങ്ങയുടെ ദാസൻ നടത്തുന്ന പ്രാർഥന ശ്രദ്ധി​ക്കാ​നാ​യി, അങ്ങയുടെ പേര്‌ സ്ഥാപിക്കും+ എന്ന്‌ അങ്ങ്‌ പറഞ്ഞ ഈ ഭവനത്തി​നു നേരെ രാവും പകലും അങ്ങയുടെ കണ്ണുകൾ തുറന്നു​വെ​ക്കേ​ണമേ. 21  സഹായത്തിനുവേണ്ടിയുള്ള അടിയന്റെ അപേക്ഷ​യും ഈ സ്ഥലത്തിനു നേരെ തിരിഞ്ഞ്‌ ഇസ്രാ​യേൽ ജനം നടത്തുന്ന യാചന​യും കേൾക്കേ​ണമേ.+ അങ്ങയുടെ വാസസ്ഥ​ല​മായ സ്വർഗ​ത്തിൽനിന്ന്‌ കേട്ട്‌+ ഞങ്ങളോ​ടു ക്ഷമി​ക്കേ​ണമേ.+ 22  “ഒരാൾ സഹമനു​ഷ്യ​നോ​ടു പാപം ചെയ്‌തി​ട്ട്‌ അയാ​ളോ​ടു സത്യം ചെയ്യേണ്ടിവരുകയും* അതു പാലി​ക്കാൻ നിർബ​ന്ധി​ത​നാ​യി​ത്തീ​രു​ക​യും ആ സത്യത്തിൻകീഴിലായിരിക്കെ* അങ്ങയുടെ ഈ ഭവനത്തി​ലെ യാഗപീ​ഠ​ത്തി​നു മുന്നിൽ വരുക​യും ചെയ്‌താൽ+ 23  അങ്ങ്‌ സ്വർഗ​ത്തിൽനിന്ന്‌ കേട്ട്‌ അങ്ങയുടെ ദാസന്മാർക്കു മധ്യേ വിധി കല്‌പി​ക്കേ​ണമേ. ദുഷ്ടന്റെ പ്രവൃത്തി അവന്റെ തലയിൽത്തന്നെ വരുത്തി അവനോ​ടു പ്രതി​കാ​രം ചെയ്യുകയും+ നീതി​മാ​നെ നിരപരാധിയെന്നു* വിധിച്ച്‌ അയാളു​ടെ നീതിക്കു തക്ക പ്രതി​ഫലം കൊടു​ക്കു​ക​യും ചെയ്യേ​ണമേ.+ 24  “അങ്ങയോ​ട്‌ ആവർത്തി​ച്ച്‌ പാപം ചെയ്‌തതു കാരണം അങ്ങയുടെ ജനമായ ഇസ്രാ​യേൽ ശത്രു​ക്ക​ളു​ടെ മുന്നിൽ പരാജി​ത​രാ​കു​മ്പോൾ,+ അവർ അങ്ങയി​ലേക്കു തിരിഞ്ഞ്‌ അങ്ങയുടെ പേര്‌ മഹത്ത്വപ്പെടുത്തി+ തിരു​മു​മ്പാ​കെ ഈ ഭവനത്തിൽവെച്ച്‌+ കരുണ​യ്‌ക്കു​വേണ്ടി അപേക്ഷിക്കുകയും+ യാചി​ക്കു​ക​യും ചെയ്‌താൽ 25  അങ്ങ്‌ സ്വർഗ​ത്തിൽനിന്ന്‌ കേൾക്കുകയും+ അങ്ങയുടെ ജനമായ ഇസ്രാ​യേ​ലി​ന്റെ പാപം ക്ഷമിച്ച്‌ അവർക്കും അവരുടെ പൂർവി​കർക്കും കൊടുത്ത ദേശ​ത്തേക്ക്‌ അവരെ തിരികെ വരുത്തു​ക​യും ചെയ്യേ​ണമേ.+ 26  “അവർ അങ്ങയോ​ട്‌ ആവർത്തി​ച്ച്‌ പാപം ചെയ്‌തതു കാരണം+ ആകാശം അടഞ്ഞ്‌ മഴ ഇല്ലാതാ​കു​മ്പോൾ,+ അങ്ങ്‌ അവരെ താഴ്‌മ പഠിപ്പിച്ചതിനാൽ* അവർ ഈ സ്ഥലത്തിനു നേരെ തിരിഞ്ഞ്‌ പ്രാർഥി​ക്കു​ക​യും അങ്ങയുടെ പേര്‌ മഹത്ത്വ​പ്പെ​ടു​ത്തു​ക​യും അവരുടെ പാപത്തിൽനി​ന്ന്‌ പിന്തി​രി​യു​ക​യും ചെയ്‌താൽ+ 27  അങ്ങ്‌ സ്വർഗ​ത്തിൽനിന്ന്‌ കേൾക്കു​ക​യും അങ്ങയുടെ ദാസരായ ഇസ്രാ​യേൽ ജനത്തിന്റെ പാപം ക്ഷമിച്ച്‌ അവർക്കു നേരായ വഴി ഉപദേശിച്ചുകൊടുക്കുകയും+ അങ്ങയുടെ ജനത്തിന്‌ അവകാ​ശ​മാ​യി കൊടുത്ത അങ്ങയുടെ ദേശത്ത്‌ മഴ പെയ്യി​ക്കു​ക​യും ചെയ്യേ​ണമേ.+ 28  “ദേശത്ത്‌ ക്ഷാമമോ+ മാരക​മായ പകർച്ചവ്യാധിയോ+ ഉഷ്‌ണ​ക്കാ​റ്റു​കൊ​ണ്ടുള്ള വിളനാ​ശ​മോ പൂപ്പൽരോഗമോ+ വെട്ടു​ക്കി​ളി​ബാ​ധ​യോ ആർത്തി​പൂണ്ട പ്രാണികളുടെ* ആക്രമ​ണ​മോ ഉണ്ടായാൽ,+ അല്ലെങ്കിൽ ദേശത്തെ ഒരു നഗരം ശത്രുക്കൾ ഉപരോ​ധി​ച്ചാൽ,+ അല്ലെങ്കിൽ ഏതെങ്കി​ലും തരത്തി​ലുള്ള ബാധയോ വ്യാധി​യോ ഉണ്ടായാൽ,+ 29  ഒരു മനുഷ്യ​നോ ഇസ്രാ​യേൽ ജനം മുഴു​വ​നു​മോ ഈ ഭവനത്തി​നു നേരെ കൈകൾ ഉയർത്തി+ എന്തുതന്നെ പ്രാർഥി​ച്ചാ​ലും,+ കരുണ​യ്‌ക്കാ​യി എന്ത്‌ അപേക്ഷ നടത്തിയാലും+ (ഓരോ​രു​ത്തർക്കും അവരവർ അനുഭ​വി​ക്കുന്ന ദുരി​ത​വും വേദന​യും അറിയാ​മ​ല്ലോ.)+ 30  അങ്ങ്‌ അങ്ങയുടെ വാസസ്ഥ​ല​മായ സ്വർഗ​ത്തിൽനിന്ന്‌ കേട്ട്‌+ അവരോ​ടു ക്ഷമിക്കുകയും+ ഓരോ​രു​ത്തർക്കും അവരവ​രു​ടെ വഴികൾക്കു ചേർച്ച​യിൽ പ്രതി​ഫലം കൊടു​ക്കു​ക​യും ചെയ്യേ​ണമേ. അവരുടെ ഹൃദയം വായി​ക്കാൻ അങ്ങയ്‌ക്കു കഴിയു​മ​ല്ലോ. (മനുഷ്യ​രു​ടെ ഹൃദയം വായി​ക്കാൻ കഴിയു​ന്നത്‌ അങ്ങയ്‌ക്കു മാത്ര​മാണ്‌.)+ 31  അപ്പോൾ, ഞങ്ങളുടെ പൂർവി​കർക്ക്‌ അങ്ങ്‌ നൽകിയ ദേശത്ത്‌ ജീവി​ച്ചി​രി​ക്കു​ന്നി​ട​ത്തോ​ളം കാലം അവർ അങ്ങയുടെ വഴിക​ളിൽ നടന്നു​കൊണ്ട്‌ അങ്ങയെ ഭയപ്പെ​ടും. 32  “അങ്ങയുടെ ജനമായ ഇസ്രാ​യേ​ലി​ന്റെ ഭാഗമ​ല്ലാത്ത ഒരു അന്യ​ദേ​ശ​ക്കാ​രൻ അങ്ങയുടെ ശ്രേഷ്‌ഠനാമവും*+ ബലമുള്ള കൈയും നീട്ടിയ കരവും നിമിത്തം ദൂര​ദേ​ശ​ത്തു​നിന്ന്‌ വന്ന്‌ ഈ ഭവനത്തി​നു നേരെ നിന്ന്‌ പ്രാർഥിച്ചാൽ+ 33  അങ്ങ്‌ അങ്ങയുടെ വാസസ്ഥ​ല​മായ സ്വർഗ​ത്തിൽനിന്ന്‌ കേട്ട്‌ അയാൾ ചോദി​ക്കു​ന്ന​തെ​ല്ലാം ചെയ്‌തു​കൊ​ടു​ക്കേ​ണമേ. അപ്പോൾ അങ്ങയുടെ ജനമായ ഇസ്രാ​യേ​ലി​നെ​പ്പോ​ലെ ഭൂമി​യി​ലെ ജനങ്ങൾ മുഴുവൻ അങ്ങയുടെ പേര്‌ അറിയു​ക​യും അങ്ങയെ ഭയപ്പെ​ടു​ക​യും ചെയ്യും.+ മാത്രമല്ല ഞാൻ പണിത ഈ ഭവനത്തി​ന്മേൽ അങ്ങയുടെ പേര്‌ വിളി​ക്ക​പ്പെ​ട്ടി​രി​ക്കു​ന്നു എന്നും അവർ മനസ്സി​ലാ​ക്കും. 34  “അങ്ങയുടെ ജനം അങ്ങ്‌ അയയ്‌ക്കു​ന്ന​ത​നു​സ​രിച്ച്‌ ശത്രു​ക്കൾക്കെ​തി​രെ യുദ്ധത്തി​നു പോകുമ്പോൾ+ അങ്ങ്‌ തിര​ഞ്ഞെ​ടു​ത്തി​രി​ക്കുന്ന നഗരത്തി​നു നേരെ​യും അങ്ങയുടെ നാമത്തി​നു​വേണ്ടി ഞാൻ പണിത ഈ ഭവനത്തി​നു നേരെയും+ തിരിഞ്ഞ്‌ അങ്ങയോ​ടു പ്രാർഥിച്ചാൽ+ 35  അവരുടെ പ്രാർഥ​ന​യും കരുണ​യ്‌ക്കു​വേ​ണ്ടി​യുള്ള അപേക്ഷ​യും സ്വർഗ​ത്തിൽനിന്ന്‌ കേട്ട്‌ അവർക്കു​വേണ്ടി ന്യായ​വി​ധി നടപ്പാ​ക്കേ​ണമേ.+ 36  “അവർ അങ്ങയോ​ടു പാപം ചെയ്‌തി​ട്ട്‌ (പാപം ചെയ്യാത്ത മനുഷ്യ​രി​ല്ല​ല്ലോ.)+ അങ്ങ്‌ അവരോ​ട്‌ ഉഗ്രമാ​യി കോപി​ച്ച്‌ അവരെ ശത്രു​ക്ക​ളു​ടെ കൈയിൽ ഏൽപ്പി​ക്കു​ക​യും ശത്രുക്കൾ അവരെ ബന്ദിക​ളാ​ക്കി, അടുത്തോ അകലെ​യോ ഉള്ള ഒരു ദേശ​ത്തേക്കു കൊണ്ടുപോകുകയും+ 37  ആ ദേശത്തു​വെച്ച്‌ അങ്ങയുടെ ജനം സുബോ​ധം വീണ്ടെ​ടു​ക്കു​ക​യും അങ്ങയി​ലേക്കു തിരിഞ്ഞ്‌ അങ്ങയുടെ കരുണ​യ്‌ക്കാ​യി യാചി​ച്ചു​കൊണ്ട്‌, ‘ഞങ്ങൾ പാപം ചെയ്‌ത്‌ കുറ്റക്കാ​രാ​യി​രി​ക്കു​ന്നു, ഞങ്ങൾ ദുഷ്ടത പ്രവർത്തി​ച്ചി​രി​ക്കു​ന്നു’ എന്ന്‌ ഏറ്റുപറയുകയും+ 38  അവരെ ബന്ദിക​ളാ​യി പിടി​ച്ചു​കൊ​ണ്ടു​പോയ ദേശത്തുവെച്ച്‌+ അവർ മുഴുഹൃദയത്തോടും+ മുഴു​ദേ​ഹി​യോ​ടും കൂടെ അങ്ങയി​ലേക്കു തിരി​യു​ക​യും അവരുടെ പൂർവി​കർക്ക്‌ അങ്ങ്‌ നൽകിയ ദേശത്തി​നും അങ്ങ്‌ തിര​ഞ്ഞെ​ടുത്ത നഗരത്തിനും+ അങ്ങയുടെ നാമത്തി​നു​വേണ്ടി ഞാൻ പണിത ഭവനത്തി​നും നേരെ തിരിഞ്ഞ്‌ അങ്ങയോ​ടു പ്രാർഥി​ക്കു​ക​യും ചെയ്‌താൽ 39  അങ്ങയുടെ വാസസ്ഥ​ല​മായ സ്വർഗ​ത്തിൽനിന്ന്‌ അവരുടെ പ്രാർഥ​ന​യും കരുണ​യ്‌ക്കു​വേ​ണ്ടി​യുള്ള അപേക്ഷ​യും കേട്ട്‌ അവർക്കു​വേണ്ടി ന്യായ​വി​ധി നടപ്പാ​ക്കേ​ണമേ.+ അങ്ങയോ​ടു പാപം ചെയ്‌ത അങ്ങയുടെ ജനത്തോ​ടു ക്ഷമി​ക്കേ​ണമേ. 40  “എന്റെ ദൈവമേ, ഈ സ്ഥലത്തു​വെച്ച്‌ അർപ്പിക്കുന്ന* പ്രാർഥ​ന​കൾക്കു നേരെ അങ്ങയുടെ കണ്ണുകൾ തുറന്നു​വെ​ക്കേ​ണമേ, അങ്ങ്‌ കാതോർക്കേ​ണമേ.+ 41  ദൈവമായ യഹോവേ, അങ്ങും അങ്ങയുടെ ശക്തിയു​ടെ പ്രതീ​ക​മായ ഈ പെട്ടക​വും വന്ന്‌ അങ്ങയുടെ വിശ്രമസ്ഥലത്തേക്കു+ പ്രവേ​ശി​ക്കേ​ണമേ. ദൈവ​മായ യഹോവേ, അങ്ങയുടെ പുരോ​ഹി​ത​ന്മാർ രക്ഷയുടെ വസ്‌ത്രം അണിയട്ടെ; അങ്ങയുടെ വിശ്വ​സ്‌തർ അങ്ങയുടെ നന്മയിൽ ആനന്ദി​ക്കട്ടെ.+ 42  ദൈവമായ യഹോവേ, അങ്ങയുടെ അഭിഷി​ക്തനെ ഉപേക്ഷി​ക്ക​രു​തേ.*+ അങ്ങയുടെ ദാസനായ ദാവീ​ദി​നോ​ടുള്ള അചഞ്ചല​മായ സ്‌നേഹം അങ്ങ്‌ മറന്നു​ക​ള​യ​രു​തേ.”+

അടിക്കുറിപ്പുകള്‍

ഒരു മുഴം = 44.5 സെ.മീ. (17.5 ഇഞ്ച്‌). അനു. ബി14 കാണുക.
പദാവലി കാണുക.
അഥവാ “സഹമനു​ഷ്യൻ അയാളു​ടെ മേൽ ശാപം വെക്കു​ക​യും.” അതായത്‌, കള്ളസത്യം ചെയ്യു​ക​യോ സത്യം ചെയ്‌ത​തി​നു ചേർച്ച​യിൽ പ്രവർത്തി​ക്കാ​തി​രി​ക്കു​ക​യോ ചെയ്‌താൽ ശിക്ഷയാ​യി ശാപം പേറി​ക്കൊ​ള്ളാ​മെന്നു സത്യം ചെയ്യുക.
അക്ഷ. “ശാപത്തിൻകീ​ഴി​ലാ​യി​രി​ക്കെ.”
അക്ഷ. “നീതി​മാ​നെന്ന്‌.”
അഥവാ “അവരെ ക്ലേശി​പ്പി​ച്ച​തി​നാൽ.”
അഥവാ “പുൽച്ചാ​ടി​ക​ളു​ടെ.”
അഥവാ “കീർത്തി​യും.”
അഥവാ “സ്ഥലത്തെ​ക്കു​റി​ച്ചുള്ള.”
അക്ഷ. “അഭിഷി​ക്തന്റെ മുഖം തിരി​ച്ചു​ക​ള​യ​രു​തേ.”

പഠനക്കുറിപ്പുകൾ

ദൃശ്യാവിഷ്കാരം