1 ശമുവേൽ 10:1-27

10  ശമുവേൽ തൈല​ക്കു​ടം എടുത്ത്‌ തൈലം ശൗലിന്റെ തലയിലൊ​ഴി​ച്ചു.+ എന്നിട്ട്‌, ശൗലിനെ ചുംബി​ച്ച്‌ ഇങ്ങനെ പറഞ്ഞു: “യഹോവ തന്റെ അവകാശത്തിന്മേൽ+ നേതാ​വാ​യി താങ്കളെ അഭി​ഷേകം ചെയ്‌തി​രി​ക്കു​ന്നു.+  ഇന്നു താങ്കൾ എന്റെ അടുത്തു​നിന്ന്‌ പോകു​മ്പോൾ ബന്യാ​മീ​ന്റെ പ്രദേ​ശത്തെ സെൽസ​ഹി​ലുള്ള, റാഹേ​ലി​ന്റെ ശവകുടീരത്തിന്‌+ അടുത്തു​വെച്ച്‌ രണ്ടു പുരു​ഷ​ന്മാ​രെ കാണും. അവർ പറയും: ‘താങ്കൾ അന്വേ​ഷി​ച്ചുപോയ കഴുത​കളെ കിട്ടി. പക്ഷേ, ഇപ്പോൾ കഴുത​ക​ളു​ടെ കാര്യമൊ​ക്കെ വിട്ട്‌ താങ്ക​ളെ​ക്കു​റി​ച്ചാണ്‌ അപ്പന്റെ ചിന്ത.+ “മകന്റെ കാര്യ​ത്തിൽ ഞാൻ ഇനി എന്തു ചെയ്യും” എന്ന്‌ അദ്ദേഹം പറയുന്നു.’  അവിടെനിന്ന്‌ യാത്ര തുടർന്ന്‌ താബോ​രി​ലെ വലിയ വൃക്ഷത്തി​ന്റെ അടുത്തു​വരെ ചെല്ലുക. അവി​ടെവെച്ച്‌, ബഥേലിൽ+ സത്യദൈ​വ​ത്തി​ന്റെ അടു​ത്തേക്കു പോകുന്ന മൂന്നു പുരു​ഷ​ന്മാ​രെ കണ്ടുമു​ട്ടും. ഒന്നാമന്റെ കൈയിൽ മൂന്നു കോലാ​ട്ടിൻകു​ട്ടി​ക​ളും രണ്ടാമന്റെ കൈയിൽ മൂന്ന്‌ അപ്പവും മൂന്നാ​മന്റെ കൈയിൽ ഒരു വലിയ ഭരണി വീഞ്ഞും ഉണ്ടായി​രി​ക്കും.  അവർ താങ്കളു​ടെ ക്ഷേമം അന്വേ​ഷി​ക്കു​ക​യും രണ്ട്‌ അപ്പം തരുക​യും ചെയ്യും. അവ വാങ്ങണം.  അതിനു ശേഷം താങ്കൾ സത്യദൈ​വ​ത്തി​ന്റെ കുന്നിലെ​ത്തും. അവിടെ ഫെലി​സ്‌ത്യ​രു​ടെ കാവൽസേ​നാകേന്ദ്ര​മുണ്ട്‌. താങ്കൾ നഗരത്തി​ലേക്കു ചെല്ലു​മ്പോൾ ആരാധനാസ്ഥലത്തുനിന്ന്‌* ഇറങ്ങി​വ​രുന്ന ഒരു കൂട്ടം പ്രവാ​ച​ക​ന്മാ​രെ കണ്ടുമു​ട്ടും. അവർ പ്രവചി​ച്ചുകൊ​ണ്ടി​രി​ക്കുമ്പോൾ അവരുടെ മുന്നിൽ ചിലർ തന്ത്രി​വാ​ദ്യ​വും തപ്പും കുഴലും കിന്നര​വും വായി​ക്കു​ന്നു​ണ്ടാ​കും.  അപ്പോൾ, യഹോ​വ​യു​ടെ ആത്മാവ്‌ താങ്കൾക്കു ശക്തി തരും.+ താങ്കളും അവരോടൊ​പ്പം പ്രവചി​ക്കും. താങ്കൾ മറ്റൊ​രാ​ളാ​യി മാറും.+  ഈ അടയാ​ളങ്ങൾ സംഭവി​ച്ചു​ക​ഴി​യുമ്പോൾ യുക്തംപോ​ലെ ചെയ്‌തുകൊ​ള്ളുക. കാരണം, സത്യ​ദൈവം താങ്കളുടെ​കൂടെ​യുണ്ട്‌.  പിന്നെ, എനിക്കു മുമ്പേ ഗിൽഗാ​ലിലേക്കു പോകുക.+ ദഹനബ​ലി​ക​ളും സഹഭോ​ജ​ന​ബ​ലി​ക​ളും അർപ്പി​ക്കാൻ ഞാൻ അവിടെ താങ്കളു​ടെ അടുത്ത്‌ വരും. ഞാൻ വരുന്ന​തു​വരെ ഏഴു ദിവസം കാത്തി​രി​ക്കണം. താങ്കൾ എന്തു ചെയ്യണ​മെന്ന്‌ അപ്പോൾ ഞാൻ അറിയി​ക്കും.”  ശൗൽ ശമു​വേ​ലി​ന്റെ അടുത്തു​നിന്ന്‌ പോകാൻ തിരിഞ്ഞ ഉടനെ ദൈവം ശൗലിന്റെ ഹൃദയം മറ്റൊ​രാ​ളുടേ​തുപോലെ​യാ​ക്കി​ത്തു​ടങ്ങി. ആ അടയാ​ള​ങ്ങളെ​ല്ലാം അന്ന്‌ അങ്ങനെ​തന്നെ സംഭവി​ക്കു​ക​യും ചെയ്‌തു. 10  അവർ അവി​ടെ​നിന്ന്‌ കുന്നിൻപു​റത്തേക്കു പോയി. ശൗൽ ഒരു പ്രവാ​ച​ക​ഗ​ണത്തെ കണ്ടുമു​ട്ടി. ഉടനെ ദൈവ​ത്തി​ന്റെ ആത്മാവ്‌ ശൗലിനു ശക്തി കൊടു​ത്തു.+ ശൗലും അവരുടെ​കൂ​ടെ പ്രവചി​ച്ചു​തു​ടങ്ങി.+ 11  പ്രവാചകന്മാരുടെകൂടെ ശൗലും പ്രവചി​ക്കു​ന്നതു ശൗലിനെ പരിച​യ​മു​ള്ളവർ കണ്ടപ്പോൾ അവർ പരസ്‌പരം പറഞ്ഞു: “കീശിന്റെ മകന്‌ എന്തു പറ്റി? ശൗലും പ്രവാ​ച​ക​ഗ​ണ​ത്തി​ലു​ണ്ടോ?” 12  അപ്പോൾ, അവി​ടെ​യു​ണ്ടാ​യി​രുന്ന ഒരാൾ ചോദി​ച്ചു, “അങ്ങനെയെ​ങ്കിൽ, മറ്റു പ്രവാ​ച​ക​ന്മാ​രോ? അവരുടെ പിതാ​ക്ക​ന്മാർ ആരാണ്‌?” “ശൗലും പ്രവാ​ച​ക​ഗ​ണ​ത്തി​ലു​ണ്ടോ” എന്നത്‌ അങ്ങനെ ഒരു പഴഞ്ചൊ​ല്ലാ​യി.+ 13  പ്രവചിച്ചുകഴിഞ്ഞപ്പോൾ ശൗൽ ആരാധനാസ്ഥലത്തേക്കു* ചെന്നു. 14  ശൗലിന്റെ പിതൃ​സഹോ​ദരൻ പിന്നീട്‌ ശൗലിനോ​ടും പരിചാ​ര​കനോ​ടും, “നിങ്ങൾ എവിടെ പോയി​രു​ന്നു” എന്നു ചോദി​ച്ചു. അപ്പോൾ ശൗൽ പറഞ്ഞു: “കഴുത​കളെ അന്വേ​ഷി​ച്ചുപോ​യ​താണ്‌.+ പക്ഷേ, അവയെ കാണാതെ വന്നപ്പോൾ ഞങ്ങൾ ശമു​വേ​ലി​ന്റെ അടു​ത്തേക്കു പോയി.” 15  അപ്പോൾ, ശൗലിന്റെ പിതൃ​സഹോ​ദരൻ ചോദി​ച്ചു: “ശമുവേൽ നിങ്ങ​ളോട്‌ എന്തു പറഞ്ഞു? ദയവായി എന്നോടു പറയൂ.” 16  അപ്പോൾ ശൗൽ പറഞ്ഞു: “കഴുത​കളെ കണ്ടുകി​ട്ടിയെന്നു ശമുവേൽ ഞങ്ങളോ​ടു പറഞ്ഞു.” പക്ഷേ, രാജാ​വാ​കു​ന്ന​തിനെ​ക്കു​റിച്ച്‌ ശമുവേൽ പറഞ്ഞതു ശൗൽ മിണ്ടി​യില്ല. 17  തുടർന്ന്‌, ശമുവേൽ ജനത്തെ മിസ്‌പ​യിൽ യഹോ​വ​യു​ടെ സന്നിധി​യിൽ വിളി​ച്ചു​കൂ​ട്ടി.+ 18  എന്നിട്ട്‌ ഇസ്രായേ​ല്യരോ​ടു പറഞ്ഞു: “ഇസ്രായേ​ലി​ന്റെ ദൈവ​മായ യഹോവ പറയുന്നു: ‘ഈജി​പ്‌തിൽനിന്ന്‌ ഇസ്രായേ​ലി​നെ വിടു​വിച്ച്‌ കൊണ്ടു​വ​ന്നത്‌ ഈ ഞാനാണ്‌.+ ഈജി​പ്‌തിന്റെ​യും നിങ്ങളെ ഞെരു​ക്കിക്കൊ​ണ്ടി​രുന്ന എല്ലാ രാജ്യ​ങ്ങ​ളുടെ​യും പിടി​യിൽനിന്ന്‌ ഞാൻ നിങ്ങളെ രക്ഷിച്ചു. 19  പക്ഷേ, നിങ്ങളു​ടെ എല്ലാ പ്രയാ​സ​ങ്ങ​ളി​ലും കഷ്ടതക​ളി​ലും നിങ്ങളു​ടെ രക്ഷകനാ​യി മാറിയ നിങ്ങളു​ടെ ദൈവത്തെ ഇന്നു നിങ്ങൾ തള്ളിക്കളഞ്ഞ്‌+ ഇങ്ങനെ പറഞ്ഞി​രി​ക്കു​ന്നു: “അങ്ങ്‌ ഞങ്ങൾക്ക്‌ ഒരു രാജാ​വി​നെ നിയമി​ച്ചു​ത​രണം, അല്ലാതെ പറ്റില്ല.” അതു​കൊണ്ട്‌, നിങ്ങൾ ഇപ്പോൾ ഗോ​ത്രംഗോത്ര​മാ​യും സഹസ്രംസഹസ്രമായും* യഹോ​വ​യു​ടെ സന്നിധി​യിൽ നിൽക്കുക.’” 20  അങ്ങനെ, ശമുവേൽ ഇസ്രായേൽഗോത്ര​ങ്ങളെയെ​ല്ലാം അടുത്ത്‌ വരുത്തി.+ ബന്യാ​മീ​ന്റെ ഗോത്രം തിര​ഞ്ഞെ​ടു​ക്കപ്പെട്ടു.+ 21  പിന്നെ, ബന്യാ​മീ​ന്റെ ഗോ​ത്രത്തെ കുലം​കു​ല​മാ​യി അടുത്ത്‌ വരുത്തി. മത്രി​യു​ടെ കുലം തിര​ഞ്ഞെ​ടു​ക്കപ്പെട്ടു. ഒടുവിൽ, കീശിന്റെ മകനായ ശൗൽ തിര​ഞ്ഞെ​ടു​ക്കപ്പെട്ടു.+ പക്ഷേ, അവർ ശൗലിനെ അന്വേ​ഷിച്ചെ​ങ്കി​ലും അവി​ടെയെ​ങ്ങും കണ്ടില്ല. 22  അതുകൊണ്ട്‌, അവർ യഹോ​വയോട്‌,+ “ആ പുരുഷൻ ഇവിടെ വന്നിട്ടു​ണ്ടോ” എന്ന്‌ ആരാഞ്ഞു. അപ്പോൾ യഹോവ, “അവൻ അതാ, ആ സാധന​ങ്ങൾക്കി​ട​യിൽ ഒളിച്ചി​രി​പ്പുണ്ട്‌” എന്നു പറഞ്ഞു. 23  അപ്പോൾ, അവർ ഓടി​ച്ചെന്ന്‌ ശൗലിനെ അവി​ടെ​നിന്ന്‌ കൂട്ടിക്കൊ​ണ്ടു​വന്നു. ജനത്തിന്‌ ഇടയിൽ നിന്ന​പ്പോൾ ശൗലിന്‌ എല്ലാവരെ​ക്കാ​ളും വളരെ പൊക്ക​മു​ണ്ടാ​യി​രു​ന്നു.+ 24  ശമുവേൽ ജനത്തോ​ടു പറഞ്ഞു: “യഹോവ തിര​ഞ്ഞെ​ടു​ത്തി​രി​ക്കുന്ന ആളെ നിങ്ങൾ കണ്ടോ?+ ജനത്തിന്‌ ഇടയിൽ ശൗലിനെപ്പോ​ലെ മറ്റാരു​മി​ല്ല​ല്ലോ.” അപ്പോൾ ജനമെ​ല്ലാം, “രാജാവ്‌ നീണാൾ വാഴട്ടെ!” എന്ന്‌ ആർത്തു​വി​ളി​ക്കാൻതു​ടങ്ങി. 25  രാജാക്കന്മാർക്കു ന്യായ​മാ​യി അവകാശപ്പെടാവുന്ന+ സംഗതി​കളെ​ക്കു​റിച്ച്‌ ശമുവേൽ ജനത്തോ​ടു പറയു​ക​യും അത്‌ ഒരു പുസ്‌ത​ക​ത്തിലെ​ഴു​തി യഹോ​വ​യു​ടെ സന്നിധി​യിൽ വെക്കു​ക​യും ചെയ്‌തു. തുടർന്ന്‌, ശമുവേൽ ജനത്തെ മുഴുവൻ അവരവ​രു​ടെ വീട്ടി​ലേക്കു പറഞ്ഞയച്ചു. 26  ശൗലും ഗിബെ​യ​യി​ലെ വീട്ടി​ലേക്കു പോയി. യഹോവ ചില യുദ്ധവീ​ര​ന്മാ​രു​ടെ മനസ്സു​ണർത്തി​യ​തുകൊണ്ട്‌ അവരും ശൗലിനെ അനുഗ​മി​ച്ചു. 27  പക്ഷേ, കൊള്ള​രു​താത്ത ചിലർ പറഞ്ഞു: “ഇയാൾ നമ്മളെ എങ്ങനെ രക്ഷിക്കാ​നാണ്‌?”+ അതു​കൊണ്ട്‌, അവർ ശൗലിനു വില കല്‌പി​ക്കു​ക​യോ കാഴ്‌ചകൾ കൊണ്ടു​വ​രു​ക​യോ ചെയ്‌തില്ല.+ ശൗൽ പക്ഷേ, അതെപ്പറ്റി മൗനം പാലിച്ചു.*

അടിക്കുറിപ്പുകള്‍

അക്ഷ. “ഉയർന്ന സ്ഥലത്തു​നി​ന്ന്‌.”
അക്ഷ. “ഉയർന്ന സ്ഥലത്തേക്ക്‌.”
അഥവാ “കുലം​കു​ല​മാ​യും.”
അക്ഷ. “അവനാ​കട്ടെ ഊമ​നെ​പ്പോ​ലെ​യി​രു​ന്നു.”

പഠനക്കുറിപ്പുകൾ

ദൃശ്യാവിഷ്കാരം