വിവരങ്ങള്‍ കാണിക്കുക

ഉള്ളടക്കം കാണിക്കുക

യഹോവയുടെ സാക്ഷികൾ

ഭാഷ തിരഞ്ഞെടുക്കുക മലയാളം
വിശുദ്ധ തിരുവെഴുത്തുകൾ​—പുതിയ ലോക ഭാഷാ​ന്തരം (പഠനപ്പ​തിപ്പ്‌)

സെഖര്യ 3:1-10

3  മഹാപു​രോ​ഹി​ത​നായ യോശുവ+ ദൈവ​ദൂ​തന്റെ മുന്നിൽ നിൽക്കു​ന്നത്‌ യഹോവ എനിക്കു കാണി​ച്ചു​തന്നു. യോശു​വയെ എതിർക്കാ​നാ​യി സാത്താൻ അദ്ദേഹ​ത്തി​ന്റെ വലതുഭാഗത്ത്‌+ നിൽക്കു​ന്നു​ണ്ടാ​യി​രു​ന്നു.  യഹോവയുടെ ദൂതൻ സാത്താ​നോ​ടു പറഞ്ഞു: “സാത്താനേ, യഹോവ നിന്നെ ശാസി​ക്കട്ടെ!+ യരുശ​ലേ​മി​നെ തിര​ഞ്ഞെ​ടുത്ത യഹോവതന്നെ+ നിന്നെ ശാസി​ക്കട്ടെ! തീയിൽനി​ന്ന്‌ വലി​ച്ചെ​ടുത്ത ഒരു തീക്കൊ​ള്ളി​യല്ലേ ഇവൻ?”  അഴുക്കു പുരണ്ട വസ്‌ത്രങ്ങൾ ധരിച്ചാ​ണു യോശുവ ദൈവ​ദൂ​തന്റെ മുന്നിൽ നിന്നത്‌.  അവിടെയുണ്ടായിരുന്നവരോടു ദൂതൻ പറഞ്ഞു: “അവന്റെ മുഷിഞ്ഞ വസ്‌ത്രങ്ങൾ മാറ്റുക.” പിന്നെ ദൂതൻ യോശു​വ​യോ​ടു പറഞ്ഞു: “ഇതാ, ഞാൻ നിന്റെ തെറ്റുകൾ* നിന്നിൽനി​ന്ന്‌ നീക്കി​യി​രി​ക്കു​ന്നു. ഇനി നിന്നെ നല്ല വസ്‌ത്രങ്ങൾ* ധരിപ്പി​ക്കും.”+  ഞാൻ പറഞ്ഞു: “അദ്ദേഹത്തെ വൃത്തി​യുള്ള ഒരു തലപ്പാവ്‌ ധരിപ്പി​ക്കുക.”+ അവർ അദ്ദേഹത്തെ വൃത്തി​യുള്ള ഒരു തലപ്പാ​വും വസ്‌ത്ര​ങ്ങ​ളും ധരിപ്പി​ച്ചു. യഹോ​വ​യു​ടെ ദൂതൻ അരികെ നിൽക്കു​ന്നു​ണ്ടാ​യി​രു​ന്നു.  യഹോവയുടെ ദൂതൻ യോശു​വ​യോ​ടു പറഞ്ഞു:  “സൈന്യ​ങ്ങ​ളു​ടെ അധിപ​നായ യഹോവ പറയുന്നു: ‘നീ എന്റെ വഴിക​ളിൽ നടന്ന്‌ ഞാൻ ഏൽപ്പിച്ച ഉത്തരവാ​ദി​ത്വ​ങ്ങൾ നിറ​വേ​റ്റി​യാൽ നീ എന്റെ ഭവനത്തിൽ ന്യായാ​ധി​പ​നാ​യി​രി​ക്കും,+ നീയാ​യി​രി​ക്കും എന്റെ മുറ്റങ്ങൾ പരിപാ​ലി​ക്കു​ന്നത്‌.* ഈ നിൽക്കു​ന്ന​വ​രോ​ടൊ​പ്പം നിനക്കു ഞാൻ പ്രവേ​ശ​നാ​നു​മ​തി​യും നൽകും.’  “‘മഹാപു​രോ​ഹി​ത​നായ യോശു​വേ, കേൾക്കുക. നിന്റെ മുന്നിൽ ഇരിക്കുന്ന നിന്റെ കൂട്ടാ​ളി​ക​ളും ഇതു ശ്രദ്ധി​ക്കണം. ഭാവി​യിൽ സംഭവി​ക്കാൻപോ​കു​ന്ന​തി​ന്റെ അടയാ​ള​മാണ്‌ ഈ മനുഷ്യർ. ഇതാ, നാമ്പ്‌+ എന്നു പേരുള്ള എന്റെ ദാസനെ ഞാൻ വരുത്തു​ന്നു.+  യോശുവയുടെ മുന്നിൽ ഞാൻ വെച്ചി​രി​ക്കുന്ന കല്ലു നോക്കുക. ആ കല്ലിന്‌ ഏഴു കണ്ണുണ്ട്‌. ഞാൻ ഇതാ, അതിൽ ഒരു ലിഖിതം കൊത്തി​വെ​ക്കു​ന്നു’ എന്നു സൈന്യ​ങ്ങ​ളു​ടെ അധിപ​നായ യഹോവ പ്രഖ്യാ​പി​ക്കു​ന്നു. ‘ഞാൻ ആ ദേശത്തി​ന്റെ കുറ്റങ്ങൾ ഒറ്റ ദിവസം​കൊണ്ട്‌ നീക്കി​ക്ക​ള​യും.’+ 10  “‘നിങ്ങൾ ഓരോ​രു​ത്ത​രും അന്നു നിങ്ങളു​ടെ അയൽക്കാ​രനെ നിങ്ങളു​ടെ മുന്തി​രി​വ​ള്ളി​യു​ടെ​യും അത്തി മരത്തി​ന്റെ​യും ചുവട്ടി​ലേക്കു ക്ഷണിക്കും’+ എന്നു സൈന്യ​ങ്ങ​ളു​ടെ അധിപ​നായ യഹോവ പറയുന്നു.”

അടിക്കുറിപ്പുകള്‍

അഥവാ “കുറ്റങ്ങൾ.”
അഥവാ “വിശേ​ഷ​വ​സ്‌ത്രങ്ങൾ.”
അഥവാ “നിനക്കാ​യി​രി​ക്കും എന്റെ മുറ്റങ്ങ​ളു​ടെ ചുമതല; നീയാ​യി​രി​ക്കും എന്റെ മുറ്റങ്ങൾ കാക്കു​ന്നത്‌.”

പഠനക്കുറിപ്പുകൾ

ദൃശ്യാവിഷ്കാരം