സെഖര്യ 14:1-21

14  “അതാ, ആ ദിവസം വരുന്നു, യഹോ​വ​യു​ടെ ദിവസം! അന്നു നിങ്ങളിൽനിന്ന്‌* എടുത്ത കൊള്ള​വ​സ്‌തു​ക്കൾ നിങ്ങൾക്കു വീതി​ച്ചു​ത​രും.  യരുശലേമിനോടു യുദ്ധം ചെയ്യാൻ ഞാൻ എല്ലാ ജനതക​ളെ​യും ഒരുമി​ച്ചു​കൂ​ട്ടും. അവർ നഗരം പിടി​ച്ച​ട​ക്കും; വീടുകൾ കൊള്ള​യ​ടി​ക്കും; സ്‌ത്രീ​കളെ ബലാത്സം​ഗം ചെയ്യും. നഗരത്തി​ലെ പകുതി പേരെ അവർ ബന്ദിക​ളാ​യി കൊണ്ടു​പോ​കും. എന്നാൽ ശേഷി​ക്കു​ന്നവർ നഗരത്തിൽത്തന്നെ തുടരും, അവരെ അവി​ടെ​നിന്ന്‌ നീക്കം ചെയ്യില്ല.  “യുദ്ധദി​വ​സ​ത്തിൽ പോരാടുന്നതുപോലെ+ യഹോവ ചെന്ന്‌ ആ ജനതക​ളോ​ടു യുദ്ധം ചെയ്യും.+  യരുശലേമിന്‌ അഭിമു​ഖ​മാ​യി കിഴക്കു​വ​ശത്ത്‌ നിൽക്കുന്ന ഒലിവുമലയിൽ+ അന്നു ദൈവം തന്റെ കാലുകൾ വെക്കും. ഒലിവു​മല കിഴക്കുനിന്ന്‌* പടിഞ്ഞാറേക്കു* രണ്ടായി പിളർന്നു​പോ​കും. അങ്ങനെ ഒരു വലിയ താഴ്‌വര രൂപ​പ്പെ​ടും. പകുതി മല വടക്കോ​ട്ടും പകുതി മല തെക്കോ​ട്ടും നീങ്ങും.  നിങ്ങൾ എന്റെ മലകളു​ടെ താഴ്‌വ​ര​യി​ലേക്ക്‌ ഓടി​ര​ക്ഷ​പ്പെ​ടണം. കാരണം, ആ താഴ്‌വര ആസേൽ വരെ നീണ്ടു​കി​ട​ക്കും. യഹൂദാ​രാ​ജാ​വായ ഉസ്സീയ​യു​ടെ കാലത്ത്‌ ഭൂകമ്പം ഉണ്ടായ​പ്പോൾ ഓടി​യ​തു​പോ​ലെ അന്നു നിങ്ങൾക്ക്‌ ഓടേ​ണ്ടി​വ​രും.+ എന്റെ ദൈവ​മായ യഹോവ വരും; വിശു​ദ്ധ​രെ​ല്ലാം കൂടെ​യു​ണ്ടാ​യി​രി​ക്കും.+  “വിശി​ഷ്ട​മായ വെളിച്ചം അന്നുണ്ടായിരിക്കില്ല+—എല്ലാം തണുത്തു​റ​ഞ്ഞി​രി​ക്കും.*  അത്‌ യഹോ​വ​യു​ടെ ദിവസം എന്ന്‌ അറിയ​പ്പെ​ടുന്ന ഒരു ദിവസ​മാ​യി​രി​ക്കും.+ അതു പകലോ രാത്രി​യോ ആയിരി​ക്കില്ല. സന്ധ്യാ​സ​മ​യത്ത്‌ വെളി​ച്ച​മു​ണ്ടാ​യി​രി​ക്കും.  അന്ന്‌ യരുശലേമിൽനിന്ന്‌+ ജീവജലം+ ഒഴുകും; പകുതി കിഴക്കേ കടലിലേക്കും*+ പകുതി പടിഞ്ഞാ​റേ കടലിലേക്കും*+ ചെല്ലും. വേനൽക്കാ​ല​ത്തും മഞ്ഞുകാ​ല​ത്തും അത്‌ ഒഴുകി​ക്കൊ​ണ്ടി​രി​ക്കും.  അന്ന്‌ യഹോവ ഭൂമി​യു​ടെ മുഴുവൻ രാജാ​വാ​യി​രി​ക്കും.+ അന്ന്‌ യഹോവ മാത്ര​മാ​യി​രി​ക്കും ദൈവം;+ ദൈവ​ത്തി​ന്റെ പേരും ഒന്നു മാത്രം.+ 10  “ദേശം മുഴുവൻ, ഗേബ+ മുതൽ യരുശ​ലേ​മി​നു തെക്ക്‌ രിമ്മോൻ+ വരെ, അരാബ​പോ​ലെ​യാ​കും.+ അവൾ എഴു​ന്നേൽക്കും; അവളുടെ സ്ഥലത്ത്‌ ആൾത്താ​മ​സ​മു​ണ്ടാ​കും.+ അതായത്‌, ബന്യാമീൻകവാടംമുതൽ+ പ്രഥമ​ക​വാ​ട​മുള്ള സ്ഥലംവ​രെ​യും കോൺക​വാ​ടം​വ​രെ​യും ഹനനേൽ ഗോപുരംമുതൽ+ രാജാ​വി​ന്റെ മുന്തിരിച്ചക്കുകൾവരെയും* ആളുകൾ താമസി​ക്കും. 11  ആളുകൾ അവളിൽ താമസ​മാ​ക്കും. ഇനി ഒരിക്ക​ലും വിനാ​ശ​ത്തി​ന്റെ ശാപം അവളുടെ മേൽ വരില്ല.+ യരുശ​ലേ​മി​ലു​ള്ളവർ സുരക്ഷി​ത​രാ​യി കഴിയും.+ 12  “യരുശ​ലേ​മി​നോ​ടു യുദ്ധം ചെയ്യുന്ന എല്ലാവ​രു​ടെ​യും മേൽ യഹോവ വരുത്തുന്ന ദുരിതം ഇതായി​രി​ക്കും:+ നിന്ന നിൽപ്പിൽത്തന്നെ അവരുടെ മാംസം അഴുകി​പ്പോ​കും; അവരുടെ കണ്ണുകൾ കൺകു​ഴി​യിൽവെച്ച്‌ ചീഞ്ഞഴു​കും; അവരുടെ നാവുകൾ വായി​ലി​രുന്ന്‌ അഴുകി​പ്പോ​കും. 13  “അന്ന്‌ യഹോവ അവർക്കി​ട​യിൽ വലിയ പരി​ഭ്രാ​ന്തി പടർത്തും. അവർ ഓരോ​രു​ത്ത​രും കൂട്ടു​കാ​രന്റെ കൈയിൽ പിടി​ക്കും, അവർ പരസ്‌പരം ആക്രമി​ക്കും.+ 14  യരുശലേമിൽ നടക്കുന്ന യുദ്ധത്തിൽ യഹൂദ​യും ചേരും. ചുറ്റു​മുള്ള എല്ലാ രാജ്യ​ങ്ങ​ളു​ടെ​യും സമ്പത്തു ശേഖരി​ക്ക​പ്പെ​ടും; ധാരാളം സ്വർണ​വും വെള്ളി​യും വസ്‌ത്ര​ങ്ങ​ളും ശേഖരി​ച്ചു​കൂ​ട്ടും.+ 15  “ആ ദുരി​തം​പോ​ലെ ഒരു ദുരിതം കുതി​ര​ക​ളെ​യും കോവർക​ഴു​ത​ക​ളെ​യും ഒട്ടകങ്ങ​ളെ​യും കഴുത​ക​ളെ​യും ആ പാളയ​ങ്ങ​ളി​ലുള്ള സകല മൃഗങ്ങ​ളെ​യും ബാധി​ക്കും. 16  “യരുശ​ലേ​മിന്‌ എതിരെ വന്ന ജനതക​ളിൽ ശേഷി​ക്കു​ന്നവർ, രാജാ​വും സൈന്യ​ങ്ങ​ളു​ടെ അധിപ​നും ആയ യഹോ​വ​യു​ടെ മുമ്പാകെ കുമ്പിടാനും*+ കൂടാരോത്സവം* ആഘോഷിക്കാനും+ വേണ്ടി എല്ലാ വർഷവും വരും.+ 17  എന്നാൽ സൈന്യ​ങ്ങ​ളു​ടെ അധിപ​നായ യഹോവ എന്ന രാജാ​വി​ന്റെ മുമ്പാകെ കുമ്പി​ടാൻ ഭൂമി​യി​ലെ കുടും​ബ​ങ്ങ​ളിൽ ആരെങ്കി​ലും യരുശ​ലേ​മിൽ വരാതി​രു​ന്നാൽ അവർക്കു മഴ ലഭിക്കില്ല.+ 18  ഈജിപ്‌തിലെ കുടും​ബം വന്ന്‌ നഗരത്തിൽ പ്രവേ​ശി​ച്ചി​ല്ലെ​ങ്കിൽ അവർക്കും മഴ കിട്ടില്ല. കൂടാ​രോ​ത്സവം ആഘോ​ഷി​ക്കാൻ വരാത്ത ജനതക​ളു​ടെ മേൽ യഹോവ വരുത്തുന്ന ദുരി​തങ്ങൾ അവരുടെ മേൽ വരും. 19  ഈജിപ്‌തിന്റെ പാപത്തി​നും കൂടാ​രോ​ത്സവം ആഘോ​ഷി​ക്കാൻ വരാത്ത എല്ലാ ജനതക​ളു​ടെ പാപത്തി​നും ലഭിക്കുന്ന ശിക്ഷ ഇതായി​രി​ക്കും. 20  “‘വിശുദ്ധി യഹോ​വ​യു​ടേത്‌!’+ എന്ന വാക്കുകൾ അന്നു കുതി​ര​ക​ളു​ടെ മണിക​ളിൽ എഴുതി​യി​രി​ക്കും. യഹോ​വ​യു​ടെ ഭവനത്തി​ലെ കലങ്ങൾ*+ യാഗപീ​ഠ​ത്തി​നു മുന്നിലെ പാത്ര​ങ്ങൾപോ​ലെ​യാ​കും.+ 21  യരുശലേമിലും യഹൂദ​യി​ലും ഉള്ള എല്ലാ കലങ്ങളും* വിശു​ദ്ധ​മാ​യി​രി​ക്കും, അവ സൈന്യ​ങ്ങ​ളു​ടെ അധിപ​നായ യഹോ​വ​യു​ടേ​താ​യി​രി​ക്കും. ബലി അർപ്പി​ക്കാൻ വരുന്ന​വ​രെ​ല്ലാം മാംസം വേവി​ക്കാ​നാ​യി അവയിൽ ചിലത്‌ ഉപയോ​ഗി​ക്കും. സൈന്യ​ങ്ങ​ളു​ടെ അധിപ​നായ യഹോ​വ​യു​ടെ ഭവനത്തിൽ അന്നു കനാന്യർ* ആരുമു​ണ്ടാ​യി​രി​ക്കില്ല.”+

അടിക്കുറിപ്പുകള്‍

അതായത്‌, 2-ാം വാക്യ​ത്തിൽ പറഞ്ഞി​രി​ക്കുന്ന നഗരത്തിൽനി​ന്ന്‌.
അഥവാ “സൂര്യോ​ദ​യ​ത്തിൽനി​ന്ന്‌.”
അക്ഷ. “കടലി​ലേക്ക്‌.”
അഥവാ “ചലനമ​റ്റി​രി​ക്കും.”
അതായത്‌, ചാവു​കടൽ.
അതായത്‌, മെഡി​റ്റ​റേ​നി​യൻ കടൽ.
അഥവാ “സംഭര​ണി​കൾവ​രെ​യും.”
അഥവാ “യഹോ​വയെ ആരാധി​ക്കാ​നും.”
അഥവാ “താത്‌കാ​ലിക വാസസ്ഥ​ല​ങ്ങ​ളു​ടെ ഉത്സവം.”
അഥവാ “വാവട്ട​മുള്ള പാചക​ക്ക​ലങ്ങൾ.”
അഥവാ “വാവട്ട​മുള്ള പാചക​ക്ക​ല​ങ്ങ​ളും.”
മറ്റൊരു സാധ്യത “വ്യാപാ​രി​കൾ.”

പഠനക്കുറിപ്പുകൾ

ദൃശ്യാവിഷ്കാരം