സുഭാഷിതങ്ങൾ 16:1-33

16  ഒരുവൻ ഹൃദയ​ത്തിൽ ചിന്തകൾ ഒരുക്കി​വെ​ക്കു​ന്നു;*എന്നാൽ അവൻ നൽകുന്ന മറുപടി* യഹോ​വ​യിൽനി​ന്നു​ള്ളത്‌.+   മനുഷ്യനു തന്റെ വഴിക​ളെ​ല്ലാം ശരിയെന്നു* തോന്നു​ന്നു;+എന്നാൽ യഹോവ അവന്റെ ഉള്ളിലി​രു​പ്പു പരി​ശോ​ധി​ക്കു​ന്നു.+   നീ ചെയ്യു​ന്ന​തെ​ല്ലാം യഹോ​വയെ ഭരമേൽപ്പി​ക്കുക;*+അപ്പോൾ നിന്റെ പദ്ധതികൾ വിജയി​ക്കും.   എല്ലാം തന്റെ ഉദ്ദേശ്യം നിറ​വേ​റ്റാൻ യഹോവ ഇടയാ​ക്കു​ന്നു;വിനാ​ശ​ദി​വ​സ​ത്തിൽ ദുഷ്ടന്മാർ നശിക്കാ​നും ഇടയാ​ക്കു​ന്നു.+   ഹൃദയത്തിൽ അഹങ്കാ​ര​മു​ള്ള​വ​രെ​യെ​ല്ലാം യഹോ​വ​യ്‌ക്ക്‌ അറപ്പാണ്‌;+ ദൈവം അവരെ ശിക്ഷി​ക്കാ​തെ വിടി​ല്ലെന്ന്‌ ഉറപ്പാണ്‌.   അചഞ്ചലസ്‌നേഹവും വിശ്വ​സ്‌ത​ത​യും തെറ്റിനു പരിഹാ​രം വരുത്തു​ന്നു;+യഹോ​വ​യോ​ടു ഭയഭക്തി​യു​ള്ളവൻ തെറ്റിൽനി​ന്ന്‌ ഓടി​യ​ക​ലു​ന്നു.+   യഹോവയ്‌ക്ക്‌ ഒരുവന്റെ വഴിക​ളിൽ പ്രസാദം തോന്നി​യാൽശത്രു​ക്ക​ളെ​പ്പോ​ലും അവനു​മാ​യി സമാധാ​ന​ത്തി​ലാ​ക്കു​ന്നു.+   അന്യായമായി നേടുന്ന വലിയ വരുമാനത്തെക്കാൾ+നീതി​കൊണ്ട്‌ നേടുന്ന അൽപ്പം സമ്പത്താണു നല്ലത്‌.+   പോകേണ്ട വഴി​യെ​ക്കു​റിച്ച്‌ മനുഷ്യൻ ഹൃദയ​ത്തിൽ പദ്ധതി​യി​ട്ടേ​ക്കാം;എന്നാൽ യഹോ​വ​യാണ്‌ അവന്റെ കാലടി​കളെ നയിക്കു​ന്നത്‌.+ 10  രാജാവിന്റെ വായിൽ ദൈവി​ക​തീ​രു​മാ​ന​മു​ണ്ടാ​യി​രി​ക്കണം;+അദ്ദേഹം ഒരിക്ക​ലും ന്യായം തള്ളിക്ക​ള​യ​രുത്‌.+ 11  കൃത്യതയുള്ള ത്രാസ്സു​ക​ളും തൂക്കങ്ങ​ളും യഹോ​വ​യിൽനിന്ന്‌;സഞ്ചിയി​ലെ എല്ലാ തൂക്കക്ക​ട്ടി​ക​ളും ദൈവം നൽകി​യത്‌.+ 12  നീതി നിമിത്തം സിംഹാ​സനം സുസ്ഥി​ര​മാ​യി​രി​ക്കു​ന്നു;+അതിനാൽ രാജാ​ക്ക​ന്മാർ ദുഷ്‌ചെ​യ്‌തി​കൾ വെറു​ക്കു​ന്നു.+ 13  നീതിയോടെയുള്ള സംസാരം രാജാ​ക്ക​ന്മാർക്കു പ്രിയം. സത്യസ​ന്ധ​മാ​യി സംസാ​രി​ക്കു​ന്ന​വരെ അവർ സ്‌നേ​ഹി​ക്കു​ന്നു.+ 14  രാജകോപം മരണദൂ​ത​നെ​പ്പോ​ലെ;+എന്നാൽ ബുദ്ധി​യു​ള്ളവൻ അതു ശമിപ്പി​ക്കു​ന്നു.*+ 15  രാജാവിന്റെ മുഖ​പ്ര​സാ​ദ​ത്തിൽ ജീവനു​ണ്ട്‌;അദ്ദേഹ​ത്തി​ന്റെ പ്രീതി വസന്തകാ​ലത്തെ മഴമേ​ഘം​പോ​ലെ.+ 16  ജ്ഞാനം നേടു​ന്നതു സ്വർണം സമ്പാദി​ക്കു​ന്ന​തി​നെ​ക്കാൾ ഏറെ നല്ലത്‌!+ വകതി​രിവ്‌ നേടു​ന്നതു വെള്ളി സമ്പാദി​ക്കു​ന്ന​തി​നെ​ക്കാൾ ഏറെ ശ്രേഷ്‌ഠം!+ 17  നേരുള്ളവന്റെ പ്രധാ​ന​വീ​ഥി തിന്മ ഒഴിവാ​ക്കു​ന്നു; തന്റെ വഴി കാക്കു​ന്നവൻ ജീവൻ സംരക്ഷി​ക്കു​ന്നു.+ 18  തകർച്ചയ്‌ക്കു മുമ്പ്‌ അഹങ്കാരം;വീഴ്‌ചയ്‌ക്കു* മുമ്പ്‌ അഹംഭാ​വം.+ 19  അഹംഭാവികളോടൊപ്പം കൊള്ള​വ​സ്‌തു പങ്കിടു​ന്ന​തി​നെ​ക്കാൾസൗമ്യ​രോ​ടു​കൂ​ടെ താഴ്‌മ​യോ​ടി​രി​ക്കു​ന്നതു നല്ലത്‌.+ 20  എല്ലാ കാര്യ​ത്തി​ലും ഉൾക്കാ​ഴ്‌ച കാണി​ക്കു​ന്നവൻ വിജയി​ക്കും;*യഹോ​വ​യിൽ ആശ്രയി​ക്കു​ന്നവൻ സന്തുഷ്ടൻ. 21  ഹൃദയത്തിൽ ജ്ഞാനമു​ള്ള​വനെ വകതി​രി​വു​ള്ളവൻ എന്നു വിളി​ക്കും;+ദയയുള്ള വാക്കുകൾക്കു* സ്വാധീ​ന​ശ​ക്തി​യുണ്ട്‌.+ 22  ഉൾക്കാഴ്‌ചയുള്ളവർക്ക്‌ അതു ജീവന്റെ ഉറവയാ​ണ്‌;എന്നാൽ വിഡ്‌ഢി​ക​ളു​ടെ വിഡ്‌ഢി​ത്തം അവർക്കു ശിക്ഷണം നൽകുന്നു. 23  ബുദ്ധിയുള്ളവന്റെ ഹൃദയം അവന്റെ വായ്‌ക്ക്‌ ഉൾക്കാ​ഴ്‌ച​യേ​കു​ന്നു;+അത്‌ അവന്റെ വാക്കു​കൾക്കു സ്വാധീ​ന​ശക്തി നൽകുന്നു. 24  ഹൃദ്യമായ സംസാരം തേനട​പോ​ലെ;അതു ദേഹിക്കു* മധുര​വും അസ്ഥികൾക്ക്‌ ഔഷധ​വും ആണ്‌.+ 25  ഒരു വഴി ശരിയാ​ണെന്നു ചില​പ്പോൾ ഒരുവനു തോന്നും;എന്നാൽ അതു ചെന്നെ​ത്തു​ന്നതു മരണത്തി​ലാ​യി​രി​ക്കും.+ 26  ജോലിക്കാരന്റെ വിശപ്പ്‌ അവനെ​ക്കൊണ്ട്‌ കഠിനാ​ധ്വാ​നം ചെയ്യി​ക്കു​ന്നു;അവന്റെ വയറ്‌* അവനെ നിർബ​ന്ധി​ക്കു​ന്നു.+ 27  ഒന്നിനും കൊള്ളാ​ത്തവൻ തിന്മ കുഴി​ച്ചെ​ടു​ക്കു​ന്നു;+അവന്റെ സംസാരം എരിയുന്ന തീപോ​ലെ​യാണ്‌.+ 28  വഴക്കാളി* കലഹം ഉണ്ടാക്കു​ന്നു;+പരദൂ​ഷ​ണം പറയു​ന്നവൻ ഉറ്റസു​ഹൃ​ത്തു​ക്കളെ തമ്മില​ടി​പ്പി​ക്കു​ന്നു.+ 29  അക്രമി അയൽക്കാ​രനെ വശീക​രിച്ച്‌തെറ്റായ വഴിയേ കൊണ്ടു​പോ​കു​ന്നു. 30  അവൻ കണ്ണിറു​ക്കി​ക്കൊണ്ട്‌ തന്ത്രങ്ങൾ മനയുന്നു; ചുണ്ടു കടിച്ചു​കൊണ്ട്‌ ദ്രോഹം പ്രവർത്തി​ക്കു​ന്നു. 31  നീതിയുടെ മാർഗ​ത്തിൽ നടക്കുന്നവർക്ക്‌+നരച്ച മുടി സൗന്ദര്യ​കി​രീ​ട​മാണ്‌.*+ 32  ശാന്തനായ* മനുഷ്യൻ+ ശക്തനാ​യ​വ​നെ​ക്കാൾ ശ്രേഷ്‌ഠൻ;കോപം നിയന്ത്രിക്കുന്നവൻ* ഒരു നഗരം പിടി​ച്ചെ​ടു​ക്കു​ന്ന​വ​നെ​ക്കാൾ മികച്ചവൻ.+ 33  മടിയിൽ നറുക്കി​ടു​ന്നു;+എന്നാൽ തീരു​മാ​ന​ങ്ങ​ളെ​ല്ലാം യഹോ​വ​യു​ടേത്‌.+

അടിക്കുറിപ്പുകള്‍

അക്ഷ. “ഹൃദയ​ത്തി​ലു​ള്ളത്‌ അടുക്കി​വെ​ക്കു​ന്നതു മനുഷ്യ​നു​ള്ളത്‌.”
അഥവാ “ശരിയായ മറുപടി.”
അക്ഷ. “ശുദ്ധമാ​ണെന്ന്‌.”
അക്ഷ. “നിന്റെ പ്രവൃ​ത്തി​കൾ യഹോ​വ​യി​ലേക്ക്‌ ഉരുട്ടി​മാ​റ്റുക.”
അഥവാ “ഒഴിവാ​ക്കു​ന്നു.”
അഥവാ “കാലി​ട​റു​ന്ന​തി​ന്‌.”
അക്ഷ. “നന്മ കണ്ടെത്തും.”
അഥവാ “ആകർഷ​ക​മായ വാക്കു​കൾക്ക്‌.” അക്ഷ. “ചുണ്ടു​ക​ളു​ടെ മധുര​ത്തി​ന്‌.”
അഥവാ “നാവിന്‌.” പദാവലി കാണുക.
അക്ഷ. “വായ്‌.”
അഥവാ “തന്ത്രശാ​ലി.”
അഥവാ “മഹത്ത്വ​കി​രീ​ട​മാ​ണ്‌.”
അഥവാ “പെട്ടെന്നു കോപി​ക്കാത്ത.”
അക്ഷ. “തന്റെ ആത്മാവി​നെ ഭരിക്കു​ന്നവൻ.”

പഠനക്കുറിപ്പുകൾ

ദൃശ്യാവിഷ്കാരം