വിവരങ്ങള്‍ കാണിക്കുക

ഉള്ളടക്കം കാണിക്കുക

യഹോവയുടെ സാക്ഷികൾ

ഭാഷ തിരഞ്ഞെടുക്കുക മലയാളം
വിശുദ്ധ തിരുവെഴുത്തുകൾ​—പുതിയ ലോക ഭാഷാ​ന്തരം (പഠനപ്പ​തിപ്പ്‌)

സുഭാഷിതങ്ങൾ 12:1-28

12  ശിക്ഷണം ഇഷ്ടപ്പെ​ടു​ന്നവൻ അറിവി​നെ സ്‌നേ​ഹി​ക്കു​ന്നു;+എന്നാൽ ശാസന വെറു​ക്കു​ന്നവൻ ബുദ്ധി​ഹീ​നൻ.*+   നല്ല മനുഷ്യ​ന്‌ യഹോ​വ​യു​ടെ അംഗീ​കാ​രം ലഭിക്കു​ന്നു;എന്നാൽ ദുഷ്ടമായ പദ്ധതികൾ ഉണ്ടാക്കു​ന്ന​വരെ ദൈവം കുറ്റം വിധി​ക്കു​ന്നു.+   ദുഷ്ടത കാണിച്ച്‌ ആർക്കും സുരക്ഷി​ത​ത്വം നേടാ​നാ​കില്ല;+എന്നാൽ നീതി​മാ​ന്മാ​രെ ഒരിക്ക​ലും പിഴു​തെ​റി​യാ​നാ​കില്ല.   കാര്യപ്രാപ്‌തിയുള്ള ഭാര്യ ഭർത്താ​വിന്‌ ഒരു കിരീ​ട​മാണ്‌;+എന്നാൽ നാണം​കെട്ട കാര്യങ്ങൾ ചെയ്യു​ന്നവൾ ഭർത്താ​വി​ന്റെ അസ്ഥികൾ ദ്രവി​പ്പി​ക്കു​ന്നു.+   നീതിമാന്റെ ചിന്തകൾ നീതി​യു​ള്ളവ;എന്നാൽ ദുഷ്ടന്മാ​രു​ടെ ഉപദേശം വഞ്ചന നിറഞ്ഞത്‌.   ദുഷ്ടന്മാരുടെ വാക്കുകൾ രക്തം ചൊരി​യാൻ പതിയി​രി​ക്കു​ന്നു;+എന്നാൽ നേരു​ള്ള​വ​രു​ടെ വായ്‌ അവരെ രക്ഷിക്കു​ന്നു.+   ദുഷ്ടന്മാരെ നശിപ്പി​ക്കു​മ്പോൾ അവർ ഇല്ലാതാ​യി​പ്പോ​കു​ന്നു;എന്നാൽ നീതി​മാ​ന്റെ വീട്‌ ഇളകാതെ നിൽക്കും.+   ഒരുവന്റെ വായിലെ വിവേകം നിമിത്തം ആളുകൾ അവനെ പുകഴ്‌ത്തു​ന്നു;+എന്നാൽ ഹൃദയ​ത്തിൽ വക്രത​യു​ള്ള​വനെ അവർ വെറു​ക്കു​ന്നു.+   ആഹാരത്തിനു വകയി​ല്ലാത്ത പൊങ്ങ​ച്ച​ക്കാ​ര​നെ​ക്കാൾഒരു വേലക്കാ​ര​നുള്ള പാവ​പ്പെ​ട്ടവൻ ഭേദം.+ 10  നീതിമാൻ തന്റെ വളർത്തു​മൃ​ഗ​ങ്ങളെ നന്നായി നോക്കു​ന്നു;+എന്നാൽ ദുഷ്ടന്മാ​രു​ടെ കരുണ​പോ​ലും ക്രൂരത നിറഞ്ഞ​താണ്‌. 11  തന്റെ നിലം കൃഷി ചെയ്യു​ന്നവൻ ഭക്ഷണം കഴിച്ച്‌ തൃപ്‌ത​നാ​കും;+എന്നാൽ പ്രയോ​ജ​ന​മി​ല്ലാത്ത കാര്യ​ങ്ങൾക്കു പിന്നാലെ പോകു​ന്നവൻ സാമാ​ന്യ​ബോ​ധ​മി​ല്ലാ​ത്ത​വ​നാണ്‌. 12  ഒരു ദുഷ്ടൻ പിടി​ച്ചതു സ്വന്തമാ​ക്കാൻ മറ്റൊരു ദുഷ്ടൻ ആഗ്രഹി​ക്കു​ന്നു;എന്നാൽ നീതി​മാ​ന്മാ​രു​ടെ വേരു ഫലം കായ്‌ക്കു​ന്നു. 13  പാപപൂർണമായ സംസാരം നിമിത്തം ദുഷ്ടൻ കെണി​യി​ലാ​കു​ന്നു;+എന്നാൽ നീതി​മാൻ കഷ്ടതക​ളിൽനിന്ന്‌ രക്ഷപ്പെ​ടു​ന്നു. 14  തന്റെ സംസാ​ര​ത്തി​ന്റെ ഫലമായി ഒരുവൻ നന്മകൊ​ണ്ട്‌ തൃപ്‌ത​നാ​കു​ന്നു;+അവന്റെ കൈകൾ ചെയ്‌ത​തിന്‌ അവനു പ്രതി​ഫലം കിട്ടും. 15  വിഡ്‌ഢിക്കു സ്വന്തം വഴി ശരിയാ​ണെന്നു തോന്നു​ന്നു;+എന്നാൽ ബുദ്ധി​യു​ള്ളവൻ ഉപദേശം സ്വീക​രി​ക്കു​ന്നു.+ 16  വിഡ്‌ഢി പെട്ടെന്നു* കോപം പ്രകടി​പ്പി​ക്കു​ന്നു;+എന്നാൽ വിവേ​ക​മു​ള്ളവൻ പരിഹാ​സം വകവെ​ക്കു​ന്നില്ല.* 17  വിശ്വസ്‌തതയോടെ സാക്ഷി പറയു​ന്നവൻ സത്യം* സംസാ​രി​ക്കു​ന്നു;എന്നാൽ കള്ളസാക്ഷി വഞ്ചന​യോ​ടെ സംസാ​രി​ക്കു​ന്നു. 18  ചിന്തിക്കാതെ സംസാ​രി​ക്കു​ന്നതു വാളു​കൊണ്ട്‌ കുത്തു​ന്ന​തു​പോ​ലെ​യാണ്‌;എന്നാൽ ബുദ്ധി​യു​ള്ള​വ​രു​ടെ നാവ്‌ മുറിവ്‌ ഉണക്കുന്നു.+ 19  സത്യം സംസാ​രി​ക്കുന്ന ചുണ്ടുകൾ എന്നും നിലനിൽക്കും;+എന്നാൽ നുണ പറയുന്ന നാവ്‌ ഒരു നിമി​ഷം​കൊണ്ട്‌ നശിച്ചു​പോ​കും.+ 20  ദ്രോഹിക്കാൻ പദ്ധതി​യി​ടു​ന്ന​വ​രു​ടെ ഹൃദയ​ത്തിൽ വഞ്ചനയു​ണ്ട്‌;എന്നാൽ സമാധാ​ന​ത്തി​നാ​യി പ്രവർത്തിക്കുന്നവർ* സന്തുഷ്ടർ.+ 21  നീതിമാന്‌ ഒരു ദോഷ​വു​മു​ണ്ടാ​കില്ല;+എന്നാൽ ദുഷ്ടന്മാ​രു​ടെ ജീവിതം ആപത്തു​കൊണ്ട്‌ നിറയും.+ 22  നുണ പറയുന്ന വായ്‌ യഹോ​വ​യ്‌ക്ക്‌ അറപ്പാണ്‌;+എന്നാൽ വിശ്വ​സ്‌തത കാണി​ക്കു​ന്നവർ ദൈവത്തെ സന്തോ​ഷി​പ്പി​ക്കു​ന്നു. 23  വിവേകമുള്ളവൻ തന്റെ അറിവ്‌ മൂടി​വെ​ക്കു​ന്നു;വിഡ്‌ഢി​യു​ടെ ഹൃദയം വിഡ്‌ഢി​ത്തം വിളമ്പു​ന്നു.+ 24  അധ്വാനശീലമുള്ളവന്റെ കൈകൾ ഭരണം നടത്തും;+എന്നാൽ മടിയന്റെ കൈകൾ അടിമ​പ്പണി ചെയ്യേ​ണ്ടി​വ​രും.+ 25  മനുഷ്യന്റെ ഹൃദയ​ത്തി​ലെ ഉത്‌ക​ണ്‌ഠ അവനെ തളർത്തി​ക്ക​ള​യു​ന്നു;*+എന്നാൽ ഒരു നല്ല വാക്ക്‌ അവനിൽ സന്തോഷം നിറയ്‌ക്കു​ന്നു.+ 26  നീതിമാൻ തന്റെ മേച്ചിൽപ്പു​റങ്ങൾ പരി​ശോ​ധി​ക്കു​ന്നു;എന്നാൽ ദുഷ്ടന്റെ ചെയ്‌തി​കൾ അവനെ വഴി​തെ​റ്റി​ക്കു​ന്നു. 27  മടിയൻ ഇരയുടെ പിന്നാലെ ഓടു​ന്നില്ല;+എന്നാൽ അധ്വാ​ന​ശീ​ലം ഒരുവന്റെ അമൂല്യ​സ്വ​ത്താണ്‌. 28  നീതിയുടെ വഴി ജീവനി​ലേക്കു നയിക്കു​ന്നു;+അതിന്റെ പാതയിൽ മരണമില്ല.

അടിക്കുറിപ്പുകള്‍

അഥവാ “സാമാ​ന്യ​ബോ​ധ​മി​ല്ലാ​ത്തവൻ.”
അഥവാ “അതേ ദിവസം​തന്നെ.”
അക്ഷ. “മൂടി​വെ​ക്കു​ന്നു.”
അക്ഷ. “നീതി​യാ​യത്‌.”
അക്ഷ. “സമാധാ​ന​ത്തി​ന്റെ ഉപദേ​ശകർ.”
അഥവാ “നിരാ​ശ​പ്പെ​ടു​ത്തു​ന്നു.”

പഠനക്കുറിപ്പുകൾ

ദൃശ്യാവിഷ്കാരം