ലൂക്കോസ്‌ എഴുതിയത്‌ 14:1-35

14  യേശു ഒരു ശബത്തിൽ പരീശ​ന്മാ​രു​ടെ ഒരു നേതാവിന്റെ വീട്ടിൽ ഭക്ഷണത്തി​നു ചെന്നു.+ അവർ യേശു​വി​നെ നിരീ​ക്ഷി​ച്ചു​കൊ​ണ്ടി​രു​ന്നു.  ശരീരം മുഴുവൻ നീരു​വെച്ച ഒരു മനുഷ്യൻ അവിടെ യേശുവിന്റെ മുന്നി​ലു​ണ്ടാ​യി​രു​ന്നു.  അതു​കൊണ്ട്‌ യേശു നിയമ​പ​ണ്ഡി​ത​ന്മാ​രോ​ടും പരീശ​ന്മാ​രോ​ടും, “ശബത്തിൽ സുഖ​പ്പെ​ടു​ത്തു​ന്നതു ശരിയാ​ണോ”*+ എന്നു ചോദിച്ചു.  എന്നാൽ അവർ ഒന്നും മിണ്ടി​യില്ല. അപ്പോൾ യേശു ആ മനുഷ്യ​നെ തൊട്ട്‌ സുഖ​പ്പെ​ടു​ത്തി, പറഞ്ഞയച്ചു.  എന്നിട്ട്‌ യേശു അവരോ​ടു ചോദി​ച്ചു: “നിങ്ങളിൽ ആരു​ടെ​യെ​ങ്കി​ലും മകനോ കാളയോ ശബത്തു​ദി​വസം കിണറ്റിൽ വീണാൽ ഉടൻതന്നെ നിങ്ങൾ പിടി​ച്ചു​ക​യ​റ്റി​ല്ലേ?”+  അതിന്‌ അവർക്കു മറുപ​ടി​യി​ല്ലാ​യി​രു​ന്നു.  അവിടെ ക്ഷണം ലഭിച്ച്‌ വന്നവർ ഏറ്റവും പ്രധാ​ന​പ്പെട്ട ഇരിപ്പി​ടങ്ങൾ തിരഞ്ഞെടുക്കുന്നതു+ കണ്ടിട്ട്‌ യേശു അവരോട്‌ ഒരു ദൃഷ്ടാന്തം പറഞ്ഞു:  “ആരെങ്കിലും നിങ്ങളെ ഒരു വിവാ​ഹ​വി​രു​ന്നി​നു ക്ഷണിച്ചാൽ പ്രധാ​ന​പ്പെട്ട ഇരിപ്പി​ട​ത്തിൽ ചെന്ന്‌ ഇരിക്ക​രുത്‌.+ അയാൾ നിങ്ങ​ളെ​ക്കാൾ ബഹുമാ​ന്യ​നായ ഒരാളെ ക്ഷണിച്ചി​ട്ടു​ണ്ടാ​കാം.  നിങ്ങളെ ക്ഷണിച്ച​യാൾ വന്ന്‌ നിങ്ങ​ളോട്‌, ‘ഈ ഇരിപ്പി​ടം ഇദ്ദേഹ​ത്തി​നു കൊടു​ക്കുക’ എന്നു പറഞ്ഞാൽ, നിങ്ങൾക്ക്‌ ആകെ നാണ​ക്കേ​ടാ​കും, എഴു​ന്നേറ്റ്‌ ഏറ്റവും പിന്നിൽ പോയി ഇരി​ക്കേ​ണ്ടി​വ​രും. 10  എന്നാൽ നിങ്ങളെ ക്ഷണിക്കു​മ്പോൾ, ചെന്ന്‌ ഏറ്റവും പിന്നിൽ ഇരിക്കുക. അപ്പോൾ ക്ഷണിച്ച​യാൾ വന്ന്‌ നിങ്ങ​ളോട്‌, ‘സ്‌നേ​ഹി​താ, മുമ്പി​ലേക്കു കയറി ഇരിക്കുക’ എന്നു പറയും. അപ്പോൾ മറ്റെല്ലാ അതിഥികളുടെയും* മുന്നിൽ നിങ്ങൾക്കു ബഹുമാ​നം ലഭിക്കും.+ 11  തന്നെത്തന്നെ ഉയർത്തു​ന്ന​വനെ ദൈവം താഴ്‌ത്തും. തന്നെത്തന്നെ താഴ്‌ത്തു​ന്ന​വ​നെ​യോ ദൈവം ഉയർത്തും.”+ 12  പിന്നെ യേശു, തന്നെ ക്ഷണിച്ച​യാ​ളോ​ടാ​യി പറഞ്ഞു: “ഒരു വിരുന്നു നടത്തു​മ്പോൾ കൂട്ടു​കാ​രെ​യോ സഹോ​ദ​ര​ന്മാ​രെ​യോ ബന്ധുക്ക​ളെ​യോ പണക്കാ​രായ അയൽക്കാ​രെ​യോ അല്ല ക്ഷണി​ക്കേ​ണ്ടത്‌. കാരണം, അവർ തിരിച്ച്‌ താങ്ക​ളെ​യും ക്ഷണി​ച്ചേ​ക്കാം. അതോടെ, താങ്കൾക്കുള്ള പ്രതി​ഫലം കിട്ടി​ക്ക​ഴി​ഞ്ഞു.+ 13  അതു​കൊണ്ട്‌ വിരുന്നു നടത്തു​മ്പോൾ പാവ​പ്പെ​ട്ട​വ​രെ​യും വികലാം​ഗ​രെ​യും മുടന്ത​രെ​യും അന്ധരെ​യും ക്ഷണിക്കുക.+ 14  തിരി​ച്ചു​ത​രാൻ അവരുടെ കൈയിൽ ഒന്നുമി​ല്ലാ​ത്ത​തു​കൊണ്ട്‌ താങ്കൾക്കു സന്തോ​ഷി​ക്കാം.+ കാരണം നീതി​മാ​ന്മാ​രു​ടെ പുനരു​ത്ഥാ​ന​ത്തിൽ താങ്കൾക്കു പ്രതി​ഫലം ലഭിക്കും.”+ 15  ഇതൊക്കെ കേട്ട​പ്പോൾ യേശുവിന്റെകൂടെയുണ്ടായിരുന്ന അതിഥി​ക​ളിൽ ഒരാൾ, “ദൈവ​രാ​ജ്യ​ത്തിൽ വിരു​ന്നിന്‌ ഇരിക്കു​ന്നവൻ സന്തുഷ്ടൻ” എന്നു പറഞ്ഞു. 16  യേശു അയാ​ളോ​ടു പറഞ്ഞു: “ഒരാൾ വലി​യൊ​രു അത്താഴ​വി​രുന്ന്‌ ഒരുക്കി+ അനേകരെ ക്ഷണിച്ചു. 17  അത്താഴവിരുന്നിന്റെ സമയമാ​യ​പ്പോൾ അടിമയെ അയച്ച്‌, അയാൾ ക്ഷണിച്ചി​രു​ന്ന​വ​രോട്‌, ‘വരൂ, എല്ലാം തയ്യാറാണ്‌’ എന്ന്‌ അറിയി​ച്ചു. 18  എന്നാൽ എല്ലാവ​രും ഒരു​പോ​ലെ ഒഴിക​ഴി​വു​കൾ പറഞ്ഞു​തു​ടങ്ങി.+ ആദ്യ​ത്തെ​യാൾ അടിമ​യോ​ടു പറഞ്ഞു: ‘ഞാൻ ഒരു വയൽ വാങ്ങി. എനിക്കു പോയി അതൊന്നു കാണണം. എന്നോടു ക്ഷമിക്കൂ.’ 19  മറ്റൊ​രാൾ പറഞ്ഞു: ‘ഞാൻ അഞ്ചു ജോടി കാളയെ വാങ്ങി. അവ എങ്ങനെ​യു​ണ്ടെന്നു നോക്കാൻ പോകു​ക​യാണ്‌. എന്നോടു ക്ഷമിക്കണം.’*+ 20  വേറൊ​രാൾ പറഞ്ഞു: ‘ഞാൻ കല്യാണം കഴിച്ചതേ ഉള്ളൂ. അതു​കൊണ്ട്‌ എനിക്കു വരാൻ കഴിയില്ല.’ 21  ആ അടിമ മടങ്ങി​വന്ന്‌ ഇതെല്ലാം യജമാ​നനെ അറിയി​ച്ചു. അപ്പോൾ അദ്ദേഹ​ത്തി​നു ദേഷ്യം വന്നു. അദ്ദേഹം അടിമ​യോ​ടു പറഞ്ഞു: ‘വേഗം ചെന്ന്‌ നഗരത്തി​ലെ പ്രധാ​ന​തെ​രു​വു​ക​ളി​ലും ഇടവഴി​ക​ളി​ലും കാണുന്ന ദരി​ദ്ര​രെ​യും വികലാം​ഗ​രെ​യും അന്ധരെ​യും മുടന്ത​രെ​യും കൂട്ടി​ക്കൊ​ണ്ടു​വരൂ.’ 22  ആ അടിമ മടങ്ങി​വന്ന്‌ ഇങ്ങനെ പറഞ്ഞു: ‘യജമാ​നനേ, കല്‌പി​ച്ച​തു​പോ​ലെ ചെയ്‌തി​രി​ക്കു​ന്നു. പക്ഷേ ഇനിയും സ്ഥലം ബാക്കി​യുണ്ട്‌.’ 23  അപ്പോൾ യജമാനൻ അടിമ​യോ​ടു പറഞ്ഞു: ‘തെരു​വു​ക​ളി​ലും ഊടു​വ​ഴി​ക​ളി​ലും ചെന്ന്‌ കാണു​ന്ന​വ​രെ​യെ​ല്ലാം വരാൻ നിർബ​ന്ധി​ക്കുക. എന്റെ വീട്‌ ആളുക​ളെ​ക്കൊണ്ട്‌ നിറയട്ടെ.+ 24  ഞാൻ നിങ്ങ​ളോ​ടു പറയുന്നു: ഞാൻ ക്ഷണിച്ചവർ ആരും എന്റെ അത്താഴ​വി​രുന്ന്‌ ആസ്വദി​ക്കില്ല.’”+ 25  വലി​യൊ​രു ജനക്കൂട്ടം യേശുവിന്റെകൂടെ സഞ്ചരി​ക്കു​ന്നു​ണ്ടാ​യി​രു​ന്നു. യേശു തിരിഞ്ഞ്‌ അവരോ​ടു പറഞ്ഞു: 26  “എന്റെ അടുത്ത്‌ വരുന്ന ഒരാൾ അയാളു​ടെ അപ്പനെ​യും അമ്മയെ​യും ഭാര്യ​യെ​യും മക്കളെ​യും സഹോ​ദ​ര​ന്മാ​രെ​യും സഹോ​ദ​രി​മാ​രെ​യും സ്വന്തം ജീവനെത്തന്നെയും+ വെറു​ക്കാ​തെ, അയാൾക്ക്‌ എന്റെ ശിഷ്യ​നാ​യി​രി​ക്കാൻ കഴിയില്ല.+ 27  സ്വന്തം ദണ്ഡനസ്‌തം​ഭം എടുത്ത്‌ എന്നെ അനുഗ​മി​ക്കാ​ത്ത​വ​നും എന്റെ ശിഷ്യ​നാ​യി​രി​ക്കാൻ കഴിയില്ല.+ 28  ഉദാഹ​ര​ണ​ത്തിന്‌, നിങ്ങളിൽ ഒരാൾ ഒരു ഗോപു​രം പണിയാൻ ആഗ്രഹി​ക്കു​ന്നെന്നു കരുതുക. അതു തീർക്കാൻ വേണ്ടതു കൈയി​ലു​ണ്ടോ എന്ന്‌ അറിയാൻ ആദ്യം ഇരുന്ന്‌ ചെലവ്‌ കണക്കു​കൂ​ട്ടി​നോ​ക്കി​ല്ലേ? 29  അങ്ങനെ ചെയ്യു​ന്നി​ല്ലെ​ങ്കിൽ അടിസ്ഥാ​നം ഇട്ടിട്ട്‌ അയാൾക്കു പണി പൂർത്തി​യാ​ക്കാൻ കഴിയാ​തെ വന്നേക്കാം. അതു കാണു​ന്ന​വ​രെ​ല്ലാം, 30  ‘ഈ മനുഷ്യൻ പണി തുടങ്ങി​വെച്ചു, പക്ഷേ പൂർത്തി​യാ​ക്കാൻ കഴിഞ്ഞില്ല’ എന്നു പറഞ്ഞ്‌ കളിയാ​ക്കാൻതു​ട​ങ്ങും. 31  ഇനി, 10,000 പടയാ​ളി​ക​ളുള്ള ഒരു രാജാ​വി​നു നേരെ 20,000 പടയാ​ളി​ക​ളുള്ള മറ്റൊരു രാജാവ്‌ യുദ്ധത്തി​നു വരു​ന്നെന്നു കരുതുക. ഇത്രയും പേരു​മാ​യി അവരെ നേരി​ടാൻ സാധി​ക്കു​മോ എന്ന്‌ അറിയാൻ രാജാവ്‌ ആദ്യം​തന്നെ ഉപദേശം ചോദി​ക്കി​ല്ലേ?+ 32  തന്നെ​ക്കൊണ്ട്‌ പറ്റി​ല്ലെന്നു തോന്നി​യാൽ, മറ്റേ രാജാവ്‌ അടുത്ത്‌ എത്തുന്ന​തി​നു മുമ്പു​തന്നെ ഈ രാജാവ്‌ സ്ഥാനപ​തി​ക​ളു​ടെ ഒരു കൂട്ടത്തെ അയച്ച്‌ സമാധാ​ന​സ​ന്ധി​ക്കാ​യി അപേക്ഷി​ക്കും. 33  ഇതു​പോ​ലെ, എല്ലാ വസ്‌തു​വ​ക​ക​ളോ​ടും വിട പറയാതെ* നിങ്ങളിൽ ആർക്കും എന്റെ ശിഷ്യ​നാ​യി​രി​ക്കാൻ കഴിയില്ല.+ 34  “ഉപ്പു നല്ലതു​തന്നെ. എന്നാൽ അതിന്‌ ഉപ്പുരസം നഷ്ടമാ​യാൽ എങ്ങനെ അതിനു വീണ്ടും ഉപ്പുരസം വരുത്തും?+ 35  അതു മണ്ണിനോ വളത്തി​നോ ഉപകരി​ക്കില്ല. ആളുകൾ അതു പുറ​ത്തേക്ക്‌ എറിഞ്ഞു​ക​ള​യും. കേൾക്കാൻ ചെവി​യു​ള്ളവൻ കേൾക്കട്ടെ.”+

അടിക്കുറിപ്പുകള്‍

അഥവാ “നിയമാ​നു​സൃ​ത​മാ​ണോ.”
അഥവാ “അപ്പോൾ നിങ്ങളു​ടെ​കൂ​ടെ മേശയ്‌ക്കൽ ഭക്ഷണത്തിന്‌ ഇരിക്കുന്ന എല്ലാവ​രു​ടെ​യും.”
അഥവാ “ദയവായി എന്നെ ഒഴിവാ​ക്കാ​മോ?”
അഥവാ “വസ്‌തു​വ​ക​ക​ളും ഉപേക്ഷി​ക്കാ​തെ.”

പഠനക്കുറിപ്പുകൾ

ശരീരം മുഴുവൻ നീരു​വെച്ച: പുരാ​ത​ന​കാ​ലത്ത്‌ ജീവി​ച്ചി​രുന്ന ഹിപ്പോ​ക്രാ​റ്റിസ്‌ (ബി.സി. 5-ഉം 4-ഉം നൂറ്റാ​ണ്ടു​ക​ളി​ലെ ഗ്രീക്ക്‌ വൈദ്യൻ.) മുതലുള്ള വൈദ്യ​ന്മാർ ഇത്തരത്തിൽ ശരീരം നീരു​വെ​ക്കു​ന്ന​തി​നെ​ക്കു​റിച്ച്‌ പരാമർശി​ച്ചി​ട്ടുണ്ട്‌. ശരീര​ത്തി​ലെ സുപ്ര​ധാ​ന​മായ അവയവ​ങ്ങ​ളു​ടെ അവസ്ഥ വളരെ​യ​ധി​കം മോശ​മാ​യി എന്നതിന്റെ ലക്ഷണമാ​യി​രു​ന്നി​രി​ക്കാം ഇത്‌. ഈ ലക്ഷണം കണ്ടുതു​ട​ങ്ങി​യാൽ എപ്പോൾ വേണ​മെ​ങ്കി​ലും പെട്ടെ​ന്നുള്ള മരണം സംഭവി​ച്ചേ​ക്കാം എന്നതു​കൊണ്ട്‌ ആളുകൾക്ക്‌ ഇതിനെ ഭയമാ​യി​രു​ന്നു. ഈ മനുഷ്യ​നെ ഒരു ശബത്തു​ദി​വസം യേശു​വി​ന്റെ അടുത്ത്‌ കൊണ്ടു​വ​ന്നതു പരീശ​ന്മാർ ഒരുക്കിയ ഒരു കെണി​യാ​യി​രി​ക്കാം എന്നു ചിലർ കരുതു​ന്നു. കാരണം “അവർ യേശു​വി​നെ നിരീ​ക്ഷി​ച്ചു​കൊ​ണ്ടി​രു​ന്നു” എന്നാണ്‌ 1-ാം വാക്യ​ത്തിൽ കാണു​ന്നത്‌. ലൂക്കോ​സി​ന്റെ സുവി​ശേ​ഷ​ത്തിൽ മാത്രം രേഖ​പ്പെ​ടു​ത്തി​യി​രി​ക്കുന്ന ഒരു അത്ഭുത​മാണ്‌ ഇത്‌. ഇത്തരത്തിൽ ലൂക്കോസ്‌ മാത്രം പരാമർശി​ച്ചി​രി​ക്കുന്ന ആറ്‌ അത്ഭുത​ങ്ങ​ളെ​ങ്കി​ലു​മുണ്ട്‌.

ഏറ്റവും പ്രധാ​ന​പ്പെട്ട ഇരിപ്പി​ടങ്ങൾ: യേശു​വി​ന്റെ കാലത്ത്‌ അതിഥി​കൾ വിരു​ന്നിന്‌ ഇരുന്നി​രു​ന്നത്‌ ഒരു മേശയു​ടെ മൂന്നു വശത്തായി ഇട്ടിരി​ക്കുന്ന കിടക്ക​ക​ളി​ലാ​യി​രു​ന്നു. നാലാ​മത്തെ വശത്തു​നി​ന്നാണ്‌ വിളമ്പു​കാർ ഭക്ഷണം വിളമ്പി​യി​രു​ന്നത്‌. മേശയു​ടെ വലുപ്പ​മ​നു​സ​രിച്ച്‌, ചുറ്റും ഇട്ടിരുന്ന കിടക്ക​ക​ളു​ടെ എണ്ണത്തി​നും വ്യത്യാ​സം വന്നിരി​ക്കാം. ഒരു കിടക്ക​യിൽ നാലോ അഞ്ചോ പേർക്ക്‌ ഇരിക്കാ​മാ​യി​രു​ന്നെ​ങ്കി​ലും പൊതു​വേ മൂന്നു പേരേ ഇരിക്കു​മാ​യി​രു​ന്നു​ള്ളൂ. ഒരു കിടക്ക​യി​ലെ മൂന്ന്‌ ഇരിപ്പി​ട​ങ്ങളെ പ്രാധാ​ന്യ​മ​നു​സ​രിച്ച്‌, ഏറ്റവും താഴ്‌ന്നത്‌, അതി​നെ​ക്കാൾ അൽപ്പം മുന്തി​യത്‌, ഏറ്റവും മുന്തി​യത്‌ എന്നിങ്ങനെ തിരി​ച്ചി​രു​ന്നു. ഭക്ഷണം കഴിക്കു​ന്നവർ, സാധാ​ര​ണ​യാ​യി ആ കിടക്ക​യി​ലെ കുഷ്യ​നി​ലേക്ക്‌ ഇട​ങ്കൈ​യു​ടെ മുട്ട്‌ ഊന്നി ചാരി​യി​രി​ക്കും. മുഖം മേശയു​ടെ നേരെ​യാ​യി​രി​ക്കും. എന്നിട്ട്‌ വലതു​കൈ​കൊണ്ട്‌ ആഹാരം കഴിക്കും.

വിരു​ന്നിന്‌ ഇരിക്കു​ന്നവൻ: അക്ഷ. “അപ്പം കഴിക്കു​ന്നവൻ.” ബൈബിൾക്കാ​ല​ങ്ങ​ളിൽ അപ്പം ഭക്ഷണത്തി​ന്റെ അവിഭാ​ജ്യ​ഘ​ട​ക​മാ​യി​രു​ന്ന​തു​കൊണ്ട്‌ എബ്രാ​യ​യി​ലും ഗ്രീക്കി​ലും കാണുന്ന “അപ്പം കഴിക്കുക” എന്ന പദപ്ര​യോ​ഗ​ത്തി​ന്റെ അർഥം “(ഭക്ഷണം) കഴിക്കുക” എന്നാണ്‌. “അപ്പം കഴിക്കുക” എന്നതിന്റെ എബ്രാ​യ​പ​ദ​പ്ര​യോ​ഗത്തെ പലപ്പോ​ഴും പരിഭാ​ഷ​പ്പെ​ടു​ത്തി​യി​രി​ക്കു​ന്നത്‌ “ഭക്ഷണം കഴിക്കുക” എന്നാണ്‌. (ഉൽ 37:25; 2രാജ 4:8; 2ശമു 9:7; സഭ 9:7) സമാന​മാ​യി, ലൂക്ക 14:1-ൽ “ഭക്ഷണത്തി​നു ചെന്നു” എന്നു പരിഭാ​ഷ​പ്പെ​ടു​ത്തി​യി​രി​ക്കുന്ന ഗ്രീക്കു​പ​ദ​പ്ര​യോ​ഗ​ത്തി​ന്റെ അക്ഷരാർഥം “അപ്പം കഴിക്കാൻ ചെന്നു” എന്നാണ്‌.

വെറു​ക്കാ​തെ: ബൈബി​ളിൽ “വെറു​ക്കുക” എന്ന പദം പല അർഥത്തിൽ ഉപയോ​ഗി​ച്ചി​ട്ടുണ്ട്‌. അതിനു വൈരാ​ഗ്യ​ത്തിൽനിന്ന്‌ ഉണ്ടാകുന്ന ശത്രു​തയെ കുറി​ക്കാ​നാ​കും. അതാകട്ടെ, മറ്റുള്ള​വരെ ദ്രോ​ഹി​ക്കാൻ ഒരാളെ പ്രേരി​പ്പി​ക്കും. ഇനി, ഏതെങ്കി​ലും വ്യക്തി​യോ​ടോ വസ്‌തു​വി​നോ​ടോ ഒരാൾക്കു തോന്നുന്ന കടുത്ത അനിഷ്ടത്തെ കുറി​ക്കാ​നും “വെറു​ക്കുക” എന്ന പദം ഉപയോ​ഗി​ച്ചി​ട്ടുണ്ട്‌. അങ്ങനെ​യുള്ള ഒരാൾ ആ വ്യക്തി​യെ​യോ വസ്‌തു​വി​നെ​യോ ഏതു വിധേ​ന​യും ഒഴിവാ​ക്കാൻ ശ്രമി​ക്കും. ഇനി, ഒരാളെ സ്‌നേ​ഹി​ക്കു​ന്ന​തി​നെ​ക്കാൾ കുറഞ്ഞ അളവിൽ മറ്റൊ​രാ​ളെ സ്‌നേ​ഹി​ക്കു​ന്ന​തി​നെ കുറി​ക്കാ​നും ഇതേ പദത്തി​നാ​കും. ഉദാഹ​ര​ണ​ത്തിന്‌, യാക്കോബ്‌ ലേയയെ ‘വെറു​ത്തെ​ന്നും’ റാഹേ​ലി​നെ സ്‌നേ​ഹി​ച്ചെ​ന്നും പറഞ്ഞിരിക്കുന്നതിന്റെ അർഥം, യാക്കോ​ബി​നു ലേയ​യോ​ടുള്ള സ്‌നേഹം റാഹേ​ലി​നോ​ടു​ള്ള​തി​നെ​ക്കാൾ കുറവാ​യി​രു​ന്നു എന്നാണ്‌. (ഉൽ 29:31, അടിക്കു​റിപ്പ്‌; ആവ 21:15, അടിക്കു​റിപ്പ്‌.) ഈ പദം ഇതേ അർഥത്തിൽ മറ്റു പുരാതന ജൂതകൃ​തി​ക​ളി​ലും ഉപയോ​ഗി​ച്ചി​ട്ടുണ്ട്‌. അതു​കൊണ്ട്‌, യേശു ഇവിടെ ഉദ്ദേശി​ച്ചതു തന്റെ അനുഗാ​മി​കൾക്കു തങ്ങളുടെ കുടും​ബാം​ഗ​ങ്ങ​ളോ​ടോ തങ്ങളോ​ടു​ത​ന്നെ​യോ ശത്രു​ത​യോ അനിഷ്ട​മോ തോന്ന​ണ​മെന്നല്ല; കാരണം ആ ആശയം മറ്റു തിരു​വെ​ഴു​ത്തു​ഭാ​ഗ​ങ്ങ​ളു​മാ​യി യോജി​ക്കു​ക​യില്ല. (മർ 12:29-31; എഫ 5:28, 29, 33 എന്നിവ താരത​മ്യം ചെയ്യുക.) അതു​കൊ​ണ്ടു​തന്നെ ഈ വാക്യ​ത്തിൽ, ‘വെറു​ക്കുക’ എന്ന പദത്തിന്റെ സ്ഥാനത്ത്‌ “എന്നോ​ടു​ള്ള​തി​നെ​ക്കാൾ കുറഞ്ഞ അളവിൽ സ്‌നേ​ഹി​ക്കുക” എന്ന പരിഭാ​ഷ​യും ചേരും.

ജീവൻ: അഥവാ “ദേഹി.” കാലങ്ങ​ളാ​യി “ദേഹി” എന്നു പരിഭാ​ഷ​പ്പെ​ടു​ത്തി​യി​ട്ടുള്ള സൈക്കി എന്ന ഗ്രീക്കു​പ​ദ​ത്തി​ന്റെ അർഥം സന്ദർഭം നോക്കി​യാ​ണു തീരു​മാ​നി​ക്കു​ന്നത്‌. ഇവിടെ അത്‌ ഒരാളു​ടെ ജീവനെ കുറി​ക്കു​ന്നു. അതു​കൊണ്ട്‌ യേശു പറഞ്ഞതി​ന്റെ അർഥം ഇതാണ്‌: ഒരു യഥാർഥ​ശി​ഷ്യൻ യേശു​വി​നെ തന്റെ ജീവ​നെ​ക്കാൾ കൂടുതൽ സ്‌നേ​ഹി​ക്കണം; വേണ്ടി​വ​ന്നാൽ തന്റെ ജീവൻ ത്യജി​ക്കാൻപോ​ലും അയാൾ മടിക്കില്ല.​—പദാവ​ലി​യിൽ “ദേഹി” കാണുക.

ദണ്ഡനസ്‌തം​ഭം: അഥവാ “വധസ്‌തം​ഭം.” ഇവിടെ കാണുന്ന സ്റ്റോ​റോസ്‌ എന്ന പദം, ഗ്രീക്കു സാഹി​ത്യ​ഭാ​ഷ​യിൽ പ്രധാ​ന​മാ​യും കുത്ത​നെ​യുള്ള ഒരു സ്‌തം​ഭത്തെ അഥവാ തൂണിനെ കുറി​ക്കു​ന്നു. യേശുവിന്റെ അനുഗാമിയായതിന്റെ പേരിൽ ഒരാൾക്കു നേരി​ടേ​ണ്ടി​വ​രുന്ന യാതന​യെ​യും അപമാ​ന​ത്തെ​യും പീഡന​ത്തെ​യും, എന്തിന്‌ മരണ​ത്തെ​പ്പോ​ലും കുറി​ക്കാൻ ആലങ്കാ​രി​കാർഥ​ത്തി​ലും ഈ പദം തിരു​വെ​ഴു​ത്തു​ക​ളിൽ ഉപയോ​ഗി​ച്ചി​ട്ടുണ്ട്‌. തന്റെ അനുഗാ​മി​കൾക്ക്‌ ഒരു ദണ്ഡനസ്‌തം​ഭം എടു​ക്കേ​ണ്ടി​വ​രും എന്ന്‌ യേശു ഇപ്പോൾ മൂന്നാം തവണയാ​ണു പറയു​ന്നത്‌. മറ്റു രണ്ടു സന്ദർഭങ്ങൾ (1) മത്ത 10:38; (2) മത്ത 16:24; മർ 8:34; ലൂക്ക 9:23 എന്നിവി​ട​ങ്ങ​ളിൽ രേഖ​പ്പെ​ടു​ത്തി​യി​രി​ക്കു​ന്നു.​—പദാവലി കാണുക.

ഉപ്പ്‌: ഭക്ഷണം കേടാ​കാ​തെ സൂക്ഷി​ക്കാ​നും അതിന്റെ രുചി വർധി​പ്പി​ക്കാ​നും ഉപയോ​ഗി​ക്കുന്ന ധാതു​പ​ദാർഥം.​—മത്ത 5:13-ന്റെ പഠനക്കു​റി​പ്പു കാണുക.

ഉപ്പുരസം: മത്ത 5:13-ന്റെ പഠനക്കു​റി​പ്പു കാണുക.

ദൃശ്യാവിഷ്കാരം

അത്താഴ​വി​രു​ന്നു​ക​ളി​ലെ പ്രമു​ഖ​സ്ഥാ​നം
അത്താഴ​വി​രു​ന്നു​ക​ളി​ലെ പ്രമു​ഖ​സ്ഥാ​നം

ഒന്നാം നൂറ്റാ​ണ്ടിൽ ആളുകൾ പൊതു​വേ മേശ​യോ​ടു ചേർന്ന്‌ ചാരി​ക്കി​ട​ന്നാ​ണു ഭക്ഷണം കഴിച്ചി​രു​ന്നത്‌. കിടക്ക​യി​ലെ കുഷ്യ​നിൽ ഇട​ങ്കൈ​മുട്ട്‌ ഊന്നി, വലത്തെ കൈ​കൊണ്ട്‌ ഭക്ഷണം കഴിക്കും. ഗ്രീക്ക്‌-റോമൻ രീതി​യ​നു​സ​രിച്ച്‌ ഒരു ഭക്ഷണമു​റി​യിൽ അധികം പൊക്ക​മി​ല്ലാത്ത ഒരു ഭക്ഷണ​മേ​ശ​യും അതിനു ചുറ്റും മൂന്നു കിടക്ക​യും കാണും. ഇത്തരം ഒരു ഭക്ഷണമു​റി​യെ റോമാ​ക്കാർ ട്രൈ​ക്ലി​നി​യം (ഈ ലത്തീൻപദം “മൂന്നു കിടക്ക​യുള്ള മുറി” എന്ന്‌ അർഥമുള്ള ഗ്രീക്കു​പ​ദ​ത്തിൽനിന്ന്‌ വന്നതാണ്‌.) എന്നാണു വിളി​ച്ചി​രു​ന്നത്‌. ഇതു​പോ​ലെ ക്രമീ​ക​രി​ച്ചാൽ ഓരോ കിടക്ക​യി​ലും മൂന്നു പേർ വീതം ഒൻപതു പേർക്ക്‌ ഇരിക്കാ​മാ​യി​രു​ന്നു. എന്നാൽ പിൽക്കാ​ലത്ത്‌ കൂടുതൽ പേർക്ക്‌ ഇരിക്കാൻ പാകത്തിൽ നീളം കൂടിയ കിടക്കകൾ ഉപയോ​ഗി​ക്കു​ന്നതു സാധാ​ര​ണ​മാ​യി​ത്തീർന്നു. ഭക്ഷണമു​റി​യി​ലെ ഇരിപ്പി​ട​ങ്ങൾക്കെ​ല്ലാം ഒരേ പ്രാധാ​ന്യ​മ​ല്ലാ​യി​രു​ന്നു. ഉദാഹ​ര​ണ​ത്തിന്‌ കിടക്ക​കൾതന്നെ പ്രാധാ​ന്യ​മ​നു​സ​രിച്ച്‌, ഏറ്റവും താഴ്‌ന്നത്‌ (എ), അതി​നെ​ക്കാൾ അൽപ്പം മുന്തി​യത്‌ (ബി), ഏറ്റവും മുന്തി​യത്‌ (സി) എന്നിങ്ങനെ തിരി​ച്ചി​രു​ന്നു. ഇനി, ഓരോ കിടക്ക​യി​ലെ സ്ഥാനങ്ങൾക്കും പ്രാധാ​ന്യ​ത്തി​ന്റെ കാര്യ​ത്തിൽ വ്യത്യാ​സ​മു​ണ്ടാ​യി​രു​ന്നു. ഭക്ഷണം കഴിക്കാൻ ഇരിക്കുന്ന ഒരാൾക്ക്‌ അദ്ദേഹ​ത്തി​ന്റെ വലതു​വ​ശ​ത്തുള്ള ആളെക്കാൾ പ്രാധാ​ന്യം കൂടു​ത​ലും ഇടതു​വ​ശ​ത്തുള്ള ആളെക്കാൾ പ്രാധാ​ന്യം കുറവും ആണ്‌ കല്‌പി​ച്ചി​രു​ന്നത്‌. ഔപചാ​രി​ക​മായ ഒരു വിരു​ന്നിൽ ആതി​ഥേയൻ പൊതു​വേ ഇരുന്നി​രു​ന്നത്‌, ഏറ്റവും താണതാ​യി കണ്ടിരുന്ന കിടക്ക​യി​ലെ ഒന്നാം സ്ഥാനത്താണ്‌ (1). ഏറ്റവും ആദരണീ​യ​മാ​യി കണ്ടിരു​ന്നതു നടുവി​ലുള്ള കിടക്ക​യി​ലെ മൂന്നാ​മത്തെ സ്ഥാനമാ​യി​രു​ന്നു (2). ജൂതന്മാർ ഈ ആചാരം എത്ര​ത്തോ​ളം പിൻപറ്റി എന്നതു വ്യക്തമ​ല്ലെ​ങ്കി​ലും ശിഷ്യ​ന്മാ​രെ താഴ്‌മ​യു​ടെ പ്രാധാ​ന്യം പഠിപ്പി​ച്ച​പ്പോൾ യേശു​വി​ന്റെ മനസ്സി​ലു​ണ്ടാ​യി​രു​ന്നത്‌ ഈ സമ്പ്രദാ​യ​മാ​യി​രി​ക്കാം.

ചാവു​ക​ടൽത്തീ​രത്തെ ഉപ്പ്‌
ചാവു​ക​ടൽത്തീ​രത്തെ ഉപ്പ്‌

ഇന്ന്‌, ചാവു​ക​ട​ലി​ലെ (ഉപ്പുകടൽ) ഉപ്പിന്റെ അളവ്‌ മഹാസ​മു​ദ്ര​ങ്ങളെ അപേക്ഷിച്ച്‌ ഏതാണ്ട്‌ ഒൻപത്‌ ഇരട്ടി​യാണ്‌. (ഉൽ 14:3) ചാവു​ക​ട​ലി​ലെ ജലം ബാഷ്‌പീ​ക​രി​ച്ചു​ണ്ടാ​കുന്ന ഉപ്പ്‌ ഇസ്രാ​യേ​ല്യർ ഉപയോ​ഗി​ച്ചി​രു​ന്നു. ചാവു​ക​ട​ലിൽനിന്ന്‌ ധാരാളം ഉപ്പ്‌ ലഭിച്ചി​രു​ന്നെ​ങ്കി​ലും അതിൽ ആവശ്യ​മി​ല്ലാത്ത പല ധാതു​പ​ദാർഥ​ങ്ങ​ളും കലർന്നി​രു​ന്ന​തു​കൊണ്ട്‌ അതു ഗുണനി​ല​വാ​രം കുറഞ്ഞ​താ​യി​രു​ന്നു. ഇസ്രാ​യേ​ല്യർക്കു ഫൊയ്‌നി​ക്യ​ക്കാ​രിൽനി​ന്നും ഉപ്പ്‌ ലഭിച്ചി​രു​ന്നി​രി​ക്കാം. മെഡി​റ്റ​റേ​നി​യൻ സമു​ദ്ര​ജലം വറ്റിച്ചാ​ണു ഫൊയ്‌നി​ക്യ​ക്കാർ ഉപ്പ്‌ ഉണ്ടാക്കി​യി​രു​ന്നത്‌ എന്നു പറയ​പ്പെ​ടു​ന്നു. ആഹാര​ത്തി​നു രുചി വർധി​പ്പി​ക്കാൻ ഉപ്പ്‌ ഉപയോ​ഗി​ക്കു​ന്ന​തി​നെ​ക്കു​റിച്ച്‌ ബൈബി​ളിൽ പറയു​ന്നുണ്ട്‌. (ഇയ്യ 6:6) ആളുക​ളു​ടെ ദൈനം​ദി​ന​ജീ​വി​ത​വു​മാ​യി ബന്ധപ്പെട്ട ദൃഷ്ടാ​ന്തങ്ങൾ പറയു​ന്ന​തിൽ വിദഗ്‌ധ​നാ​യി​രുന്ന യേശു, പ്രാധാ​ന്യ​മേ​റിയ ആത്മീയ​സ​ത്യ​ങ്ങൾ പഠിപ്പി​ക്കാൻ ഉപ്പിനെ ഒരു ദൃഷ്ടാ​ന്ത​മാ​യി ഉപയോ​ഗി​ച്ച​തിൽ അതിശ​യി​ക്കാ​നില്ല. ഉദാഹ​ര​ണ​ത്തിന്‌, ഗിരി​പ്ര​ഭാ​ഷ​ണ​ത്തി​നി​ടെ യേശു ശിഷ്യ​ന്മാ​രോ​ടു “നിങ്ങൾ ഭൂമി​യു​ടെ ഉപ്പാണ്‌” എന്നു പറഞ്ഞു. ആത്മീയ​മാ​യും ധാർമി​ക​മാ​യും ജീർണി​ച്ചു​പോ​കു​ന്ന​തിൽനിന്ന്‌ ആളുകളെ സംരക്ഷി​ക്കാൻ ശിഷ്യ​ന്മാർക്കു കഴിയു​മാ​യി​രു​ന്ന​തു​കൊ​ണ്ടാണ്‌ യേശു അങ്ങനെ പറഞ്ഞത്‌.