ലൂക്കോസ്‌ എഴുതിയത്‌ 13:1-35

13  ബലി അർപ്പി​ക്കാൻ ചെന്ന ചില ഗലീല​ക്കാ​രെ പീലാ​ത്തൊസ്‌ കൊന്ന കാര്യം അവി​ടെ​യു​ണ്ടാ​യി​രുന്ന ചിലർ അപ്പോൾ യേശു​വി​നെ അറിയി​ച്ചു.  യേശു അവരോ​ടു പറഞ്ഞു: “ആ ഗലീല​ക്കാർ മറ്റെല്ലാ ഗലീല​ക്കാ​രെ​ക്കാ​ളും പാപി​ക​ളാ​യ​തു​കൊ​ണ്ടാണ്‌ അവർക്ക്‌ ഇതു സംഭവി​ച്ച​തെന്നു നിങ്ങൾക്കു തോന്നു​ന്നു​ണ്ടോ?  ഒരിക്ക​ലു​മല്ല. മാനസാന്തരപ്പെടുന്നില്ലെങ്കിൽ+ നിങ്ങളും അവരെ​പ്പോ​ലെ മരിക്കും.  ശിലോ​ഹാ​മി​ലെ ഗോപു​രം വീണ്‌ മരിച്ച 18 പേർ യരുശ​ലേ​മിൽ താമസി​ക്കുന്ന മറ്റെല്ലാ​വ​രെ​ക്കാ​ളും പാപി​ക​ളാ​ണെന്നു നിങ്ങൾക്കു തോന്നു​ന്നു​ണ്ടോ?  അല്ല എന്നു ഞാൻ പറയുന്നു. മാനസാ​ന്ത​ര​പ്പെ​ടു​ന്നി​ല്ലെ​ങ്കിൽ നിങ്ങ​ളെ​ല്ലാ​വ​രും അവരെ​പ്പോ​ലെ മരിക്കും.”  പിന്നെ യേശു ഈ ദൃഷ്ടാന്തം പറഞ്ഞു: “ഒരാൾ അയാളു​ടെ മുന്തി​രി​ത്തോ​ട്ട​ത്തിൽ ഒരു അത്തി നട്ടിരു​ന്നു. അതു കായ്‌ച്ചോ എന്നു നോക്കാൻ അയാൾ ചെന്ന​പ്പോൾ അതിൽ ഒന്നുമില്ല.+  അപ്പോൾ അയാൾ തോട്ട​ത്തി​ലെ പണിക്കാ​ര​നോ​ടു പറഞ്ഞു: ‘ഞാൻ മൂന്നു വർഷമാ​യി ഈ അത്തി കായ്‌ച്ചോ എന്നു നോക്കു​ന്നു. പക്ഷേ ഒരു കായ്‌പോ​ലും കണ്ടില്ല. ഇതു വെട്ടി​ക്ക​ളയ്‌! വെറുതേ എന്തിനു സ്ഥലം പാഴാ​ക്കണം!’+  അപ്പോൾ പണിക്കാ​രൻ പറഞ്ഞു: ‘യജമാ​നനേ, ഒരു വർഷം​കൂ​ടെ ഇതു നിൽക്കട്ടെ. ഞാൻ ഇതിനു ചുറ്റും കിളച്ച്‌ വളമി​ട്ടു​നോ​ക്കാം.  ഇതു കായ്‌ച്ചാൽ നല്ലതല്ലേ? കായ്‌ക്കു​ന്നി​ല്ലെ​ങ്കിൽ വെട്ടി​ക്ക​ള​യാം.’”+ 10  ശബത്തിൽ യേശു ഒരു സിന​ഗോ​ഗിൽ പഠിപ്പി​ക്കു​ക​യാ​യി​രു​ന്നു. 11  ഭൂതം ബാധി​ച്ച​തു​കൊണ്ട്‌ 18 വർഷമാ​യി ഒട്ടും നിവരാൻ കഴിയാ​തെ കൂനി​യാ​യി കഴിഞ്ഞി​രുന്ന ഒരു സ്‌ത്രീ അവിടെയുണ്ടായിരുന്നു. 12  യേശു ആ സ്‌ത്രീ​യെ കണ്ടപ്പോൾ, “നിന്റെ വൈക​ല്യ​ത്തിൽനിന്ന്‌ നീ മോചി​ത​യാ​യി​രി​ക്കു​ന്നു”+ എന്നു പറഞ്ഞു. 13  എന്നിട്ട്‌ യേശു ആ സ്‌ത്രീ​യെ തൊട്ടു. ഉടനെ അവർ നിവർന്നു​നിന്ന്‌ ദൈവത്തെ മഹത്ത്വ​പ്പെ​ടു​ത്തി. 14  എന്നാൽ യേശു സ്‌ത്രീ​യെ സുഖ​പ്പെ​ടു​ത്തി​യതു ശബത്തി​ലാ​യ​തു​കൊണ്ട്‌ സിനഗോഗിന്റെ അധ്യക്ഷനു ദേഷ്യം വന്നു. അയാൾ ജനത്തോ​ടു പറഞ്ഞു: “ജോലി ചെയ്യാൻ ആറു ദിവസ​മുണ്ട്‌.+ വേണ​മെ​ങ്കിൽ ആ ദിവസ​ങ്ങ​ളിൽ വന്ന്‌ സുഖ​പ്പെ​ട്ടു​കൊ​ള്ളണം. ശബത്തിൽ ഇതൊ​ന്നും പാടില്ല.”+ 15  അപ്പോൾ കർത്താവ്‌ അയാ​ളോ​ടു ചോദി​ച്ചു: “കപടഭ​ക്തരേ,+ നിങ്ങ​ളെ​ല്ലാം ശബത്തിൽ നിങ്ങളു​ടെ കാള​യെ​യും കഴുത​യെ​യും തൊഴു​ത്തിൽനിന്ന്‌ അഴിച്ച്‌ പുറത്ത്‌ കൊണ്ടു​പോ​യി വെള്ളം കൊടു​ക്കാ​റി​ല്ലേ?+ 16  അങ്ങനെ​യെ​ങ്കിൽ അബ്രാഹാമിന്റെ മകളും സാത്താൻ 18 വർഷമാ​യി ബന്ധനത്തിൽ വെച്ചി​രു​ന്ന​വ​ളും ആയ ഈ സ്‌ത്രീ​യെ ശബത്തു​ദി​വ​സ​ത്തിൽ ആ ബന്ധനത്തിൽനിന്ന്‌ മോചി​പ്പി​ക്കു​ന്നതു ന്യായ​മല്ലേ?” 17  യേശു ഇതു പറഞ്ഞ​പ്പോൾ എതിരാ​ളി​ക​ളെ​ല്ലാം നാണം​കെ​ട്ടു​പോ​യി. ജനം പക്ഷേ യേശു ചെയ്‌ത അത്ഭുത​കാ​ര്യ​ങ്ങ​ളിൽ സന്തോ​ഷി​ച്ചു.+ 18  പിന്നെ യേശു ചോദി​ച്ചു: “ദൈവ​രാ​ജ്യം എന്തു​പോ​ലെ​യാണ്‌? എന്തി​നോ​ടു ഞാൻ അതിനെ ഉപമി​ക്കും? 19  അത്‌ ഒരു മനുഷ്യൻ അയാളു​ടെ തോട്ട​ത്തിൽ പാകിയ കടുകു​മ​ണി​പോ​ലെ​യാണ്‌. അതു വളർന്ന്‌ മരമായി. ആകാശ​ത്തി​ലെ പക്ഷികൾ അതിന്റെ കൊമ്പു​ക​ളിൽ കൂടു കൂട്ടി.”+ 20  യേശു ഇങ്ങനെ​യും പറഞ്ഞു: “ഞാൻ ദൈവ​രാ​ജ്യ​ത്തെ എന്തി​നോട്‌ ഉപമി​ക്കും? 21  പുളി​പ്പി​ക്കുന്ന മാവു​പോ​ലെ​യാണ്‌ അത്‌. ഒരു സ്‌ത്രീ അത്‌ എടുത്ത്‌ മൂന്നു പറ മാവിൽ കലർത്തിവെച്ചു. ഒടുവിൽ മാവ്‌ മുഴുവൻ പുളിച്ചു.”+ 22  യരുശ​ലേ​മി​ലേക്കു പോകുന്ന വഴിക്ക്‌ യേശു നഗരം​തോ​റും ഗ്രാമം​തോ​റും ചെന്ന്‌ ആളുകളെ പഠിപ്പി​ച്ചു.+ 23  അപ്പോൾ ഒരാൾ യേശു​വി​നോട്‌, “കർത്താവേ, കുറച്ച്‌ ആളുകളേ രക്ഷപ്പെ​ടു​ക​യു​ള്ളോ” എന്നു ചോദി​ച്ചു. യേശു അവരോ​ടു പറഞ്ഞു: 24  “ഇടുക്കുവാതിലിലൂടെ അകത്ത്‌ കടക്കാൻ കഠിന​ശ്രമം ചെയ്യുക.+ അനേകർ അകത്ത്‌ കടക്കാൻ നോക്കും. പക്ഷേ സാധി​ക്കില്ല എന്നു ഞാൻ നിങ്ങ​ളോ​ടു പറയുന്നു. 25  വീട്ടു​കാ​രൻ എഴു​ന്നേറ്റ്‌ വാതിൽ അടച്ചു​ക​ഴി​യു​മ്പോൾ നിങ്ങൾ പുറത്ത്‌ നിന്ന്‌ വാതി​ലിൽ മുട്ടി, ‘യജമാ​നനേ, വാതിൽ തുറന്നു​ത​രണേ’+ എന്ന്‌ അപേക്ഷി​ക്കും. എന്നാൽ അദ്ദേഹം നിങ്ങ​ളോട്‌, ‘നിങ്ങൾ എവി​ടെ​നി​ന്നു​ള്ള​വ​രാ​ണെന്ന്‌ എനിക്ക്‌ അറിയില്ല’ എന്നു പറയും.+ 26  അപ്പോൾ നിങ്ങൾ പറയും: ‘ഞങ്ങൾ അങ്ങയു​ടെ​കൂ​ടെ തിന്നു​ക​യും കുടി​ക്കു​ക​യും ചെയ്‌തി​ട്ടി​ല്ലേ? അങ്ങ്‌ ഞങ്ങളുടെ പ്രധാ​ന​തെ​രു​വു​ക​ളിൽ വന്ന്‌ പഠിപ്പി​ച്ചി​ട്ടു​മു​ണ്ട​ല്ലോ.’+ 27  എന്നാൽ വീട്ടു​കാ​രൻ നിങ്ങ​ളോ​ടു പറയും: ‘നിങ്ങൾ എവി​ടെ​നി​ന്നു​ള്ള​വ​രാ​ണെന്ന്‌ എനിക്ക്‌ അറിയില്ല. നീതി​കേടു കാണി​ക്കു​ന്ന​വരേ, എന്റെ അടുത്തു​നിന്ന്‌ പോകൂ!’ 28  അബ്രാ​ഹാ​മും യിസ്‌ഹാ​ക്കും യാക്കോ​ബും എല്ലാ പ്രവാ​ച​ക​ന്മാ​രും ദൈവ​രാ​ജ്യ​ത്തി​ലു​ണ്ടെ​ന്നും എന്നാൽ നിങ്ങൾ പുറന്ത​ള്ള​പ്പെ​ട്ടെ​ന്നും കാണു​മ്പോൾ നിങ്ങൾ കരഞ്ഞ്‌ നിരാ​ശ​യോ​ടെ പല്ലിറു​മ്മും.+ 29  കൂടാതെ, കിഴക്കു​നി​ന്നും പടിഞ്ഞാ​റു​നി​ന്നും വടക്കു​നി​ന്നും തെക്കു​നി​ന്നും ആളുകൾ വന്ന്‌ ദൈവ​രാ​ജ്യ​ത്തിൽ വിരു​ന്നിന്‌ ഇരിക്കും. 30  മുമ്പന്മാ​രാ​യി​ത്തീ​രുന്ന പിമ്പന്മാ​രുണ്ട്‌. പിമ്പന്മാ​രാ​യി​ത്തീ​രുന്ന മുമ്പന്മാ​രു​മുണ്ട്‌.”+ 31  അപ്പോൾ ചില പരീശ​ന്മാർ വന്ന്‌ യേശു​വി​നോ​ടു പറഞ്ഞു: “ഇവിടം വിട്ട്‌ പൊയ്‌ക്കൊ​ള്ളൂ. ഹെരോദ്‌ അങ്ങയെ കൊല്ലാൻ പദ്ധതി​യി​ട്ടി​ട്ടുണ്ട്‌.” 32  അപ്പോൾ യേശു അവരോ​ടു പറഞ്ഞു: “നിങ്ങൾ ചെന്ന്‌ ആ കുറു​ക്ക​നോ​ടു പറയണം: ‘ഇന്നും നാളെ​യും ഞാൻ ഭൂതങ്ങളെ പുറത്താ​ക്കു​ക​യും ആളുകളെ സുഖ​പ്പെ​ടു​ത്തു​ക​യും ചെയ്യും. എന്നാൽ മൂന്നാം ദിവസ​മാ​കു​മ്പോ​ഴേ​ക്കും എനിക്കു ചെയ്യാ​നു​ള്ളതു തീർന്നി​രി​ക്കും.’ 33  എങ്കിലും ഇന്നും നാളെ​യും മറ്റെന്നാ​ളും എനിക്കു യാത്ര തുട​രേ​ണ്ട​തുണ്ട്‌. കാരണം യരുശ​ലേ​മി​നു പുറത്തു​വെച്ച്‌ ഒരു പ്രവാ​ചകൻ കൊല്ല​പ്പെ​ട​രു​ത​ല്ലോ.+ 34  യരുശ​ലേമേ, യരുശ​ലേമേ, പ്രവാ​ച​ക​ന്മാ​രെ കൊല്ലു​ക​യും നിന്റെ അടു​ത്തേക്ക്‌ അയയ്‌ക്കു​ന്ന​വരെ കല്ലെറി​യു​ക​യും ചെയ്യു​ന്ന​വളേ,+ കോഴി കുഞ്ഞു​ങ്ങളെ ചിറകിൻകീ​ഴിൽ ഒന്നിച്ചു​കൂ​ട്ടു​ന്ന​തു​പോ​ലെ നിന്റെ മക്കളെ ഒന്നിച്ചു​കൂ​ട്ടാൻ ഞാൻ എത്രയോ തവണ ആഗ്രഹി​ച്ചു! പക്ഷേ നിങ്ങൾക്ക്‌ അത്‌ ഇഷ്ടമല്ലാ​യി​രു​ന്നു.+ 35  ഇതാ, നിങ്ങളു​ടെ ഈ ഭവനത്തെ ഉപേക്ഷി​ച്ചി​രി​ക്കു​ന്നു!+ ‘യഹോവയുടെ നാമത്തിൽ വരുന്നവൻ അനുഗൃഹീതൻ’+ എന്നു നിങ്ങൾ പറയു​ന്ന​തു​വരെ നിങ്ങൾ ഇനി എന്നെ കാണില്ല എന്നു ഞാൻ നിങ്ങ​ളോ​ടു പറയുന്നു.”

അടിക്കുറിപ്പുകള്‍

പഠനക്കുറിപ്പുകൾ

ശിലോ​ഹാ​മി​ലെ ഗോപു​രം വീണ്‌: തന്റെ വാക്കു​കൾക്കു പിൻബ​ല​മേ​കാൻ യേശു പറഞ്ഞ ഈ സംഭവം, സമീപ​കാ​ലത്ത്‌ നടന്ന ഒരു ദുരന്ത​മോ കുറഞ്ഞ​പക്ഷം അപ്പോ​ഴും ആളുക​ളു​ടെ ഓർമ​യിൽ തങ്ങിനിന്ന ഒരു സംഭവ​മോ ആയിരി​ക്കാം. സാധ്യ​ത​യ​നു​സ​രിച്ച്‌ തെക്കു​കി​ഴക്കൻ യരുശ​ലേ​മി​ലെ ശിലോ​ഹാം കുളത്തിന്‌ അടുത്താ​യി​രു​ന്നു ശിലോ​ഹാ​മി​ലെ ഈ ഗോപു​രം.​—അനു. ബി12-ലെ “യരുശ​ലേ​മും സമീപ​പ്ര​ദേ​ശ​വും” എന്ന ഭൂപടം കാണുക.

മുന്തി​രി​ത്തോ​ട്ട​ത്തിൽ ഒരു അത്തി നട്ടിരു​ന്നു: മുന്തി​രി​ത്തോ​ട്ട​ത്തിൽ അത്തിമ​ര​ങ്ങ​ളും ഒലിവു​മ​ര​ങ്ങ​ളും നടുന്നത്‌ അന്നു സാധാ​ര​ണ​മാ​യി​രു​ന്നു. അതു​കൊ​ണ്ടു​തന്നെ, ഒരു വർഷം മുന്തി​രി​യു​ടെ വിളവ്‌ മോശ​മാ​യാ​ലും അത്തിയിൽനി​ന്നും ഒലിവിൽനി​ന്നും കുറ​ച്ചെ​ങ്കി​ലും വരുമാ​നം കിട്ടു​മാ​യി​രു​ന്നു.

മൂന്നു വർഷം: കൊമ്പ്‌ നട്ട്‌ കിളിർപ്പി​ക്കുന്ന അത്തിമ​ര​ത്തിൽ സാധാ​ര​ണ​യാ​യി രണ്ടോ മൂന്നോ വർഷത്തി​നു​ള്ളിൽത്തന്നെ കുറ​ച്ചെ​ങ്കി​ലും കായ്‌കൾ ഉണ്ടാകും. ഈ ദൃഷ്ടാന്തം പറഞ്ഞ സമയമാ​യ​പ്പോ​ഴേ​ക്കും യേശു ശുശ്രൂഷ തുടങ്ങി​യിട്ട്‌ ഏതാണ്ട്‌ മൂന്നു വർഷമാ​യി​രു​ന്നു. ഇതി​നോ​ടുള്ള താരത​മ്യ​ത്തി​ലാ​യി​രി​ക്കാം യേശു ദൃഷ്ടാ​ന്ത​ത്തിൽ മൂന്നു വർഷ​ത്തെ​ക്കു​റിച്ച്‌ പറഞ്ഞത്‌. ഏതാണ്ട്‌ മൂന്നു വർഷമാ​യി ജൂതന്മാ​രെ വിശ്വാ​സ​മു​ള്ള​വ​രാ​ക്കാ​നുള്ള ശ്രമത്തി​ലാ​യി​രു​ന്നു യേശു. എങ്കിലും യേശു ചെയ്‌ത ആ ആലങ്കാ​രിക കൃഷി​പ്പ​ണി​യു​ടെ ഫലമായി ശിഷ്യ​രാ​യി​ത്തീർന്നത്‌ ഏതാനും പേർ മാത്ര​മാണ്‌. ഇപ്പോൾ ശുശ്രൂ​ഷ​യു​ടെ നാലാം വർഷത്തിൽ യേശു തന്റെ പ്രവർത്തനം ഊർജി​ത​മാ​ക്കു​ന്നു. യഹൂദ്യ​യി​ലും പെരി​യ​യി​ലും പ്രസംഗ-പഠിപ്പി​ക്കൽ വേല നടത്തി​ക്കൊണ്ട്‌ യേശു യഹൂദ​ജ​ന​ത​യെന്ന അത്തിമ​ര​ത്തി​നു ചുറ്റും ആലങ്കാ​രി​ക​മാ​യി കിളച്ച്‌, വളമിട്ടു. എങ്കിലും അതി​നോ​ടു പ്രതി​ക​രിച്ച ജൂതന്മാർ വളരെ കുറച്ചു മാത്ര​മാ​യി​രു​ന്ന​തു​കൊണ്ട്‌ ഒരു ജനതയെന്ന നിലയിൽ അവർ നാശ​യോ​ഗ്യ​രാ​യി.

ഭൂതം ബാധി​ച്ച​തു​കൊണ്ട്‌: അഥവാ “വൈക​ല്യം വരുത്തുന്ന ഭൂതം ബാധി​ച്ച​തു​കൊണ്ട്‌.” സാത്താൻ ആ സ്‌ത്രീ​യെ ‘ബന്ധനത്തിൽ വെച്ചി​രി​ക്കു​ക​യാ​യി​രു​ന്നു’ എന്നാണു ലൂക്ക 13:16-ൽ യേശു പറഞ്ഞത്‌.

കടുകു​മണി: ഇസ്രാ​യേ​ലി​ലെ​ങ്ങും പലതരം കടുകു​ചെ​ടി​കൾ ധാരാ​ള​മാ​യി കാണാം. സാധാ​ര​ണ​യാ​യി കൃഷി ചെയ്യുന്ന ഇനം, കറുത്ത കടുകാണ്‌ (ബ്രാസിക്ക നൈഗ്ര). വെറും 1-1.6 മി.മീ. വ്യാസ​വും 1 മി.ഗ്രാം ഭാരവും ഉള്ള, താരത​മ്യേന ചെറിയ ഈ വിത്തിൽനിന്ന്‌ കാഴ്‌ച​യ്‌ക്കു മരം​പോ​ലി​രി​ക്കുന്ന ഒരു ചെടി വളരുന്നു. ചിലയി​നം കടുകു​ചെ​ടി​കൾ 4.5 മീ. (15 അടി) വരെ ഉയരത്തിൽ വളരാറുണ്ട്‌. ‘വിത്തു​ക​ളിൽവെച്ച്‌ ഏറ്റവും ചെറുത്‌’ എന്നു മത്ത 13:32-ലും മർ 4:31-ലും വിളി​ച്ചി​രി​ക്കുന്ന കടുകു​മ​ണി​യെ ജൂതഭാ​ഷ​യി​ലെ പുരാ​ത​ന​ലി​ഖി​ത​ങ്ങ​ളിൽ, ഒരു വസ്‌തു തീരെ ചെറു​താ​ണെന്നു കാണി​ക്കാ​നുള്ള അലങ്കാ​ര​പ്ര​യോ​ഗ​മാ​യി ഉപയോ​ഗി​ച്ചി​രു​ന്നു. ഇന്ന്‌ അതിലും വലുപ്പം കുറഞ്ഞ വിത്തു​ക​ളെ​ക്കു​റിച്ച്‌ നമുക്ക്‌ അറിയാ​മെ​ങ്കി​ലും തെളി​വ​നു​സ​രിച്ച്‌ യേശുവിന്റെ കാലത്ത്‌ ഇസ്രാ​യേ​ല്യർ കൃഷി​ചെ​യ്‌തി​രുന്ന വിത്തു​ക​ളിൽ ഏറ്റവും ചെറു​താ​യി​രു​ന്നു ഇവ.

കുറച്ച്‌ ആളുകളേ രക്ഷപ്പെ​ടു​ക​യു​ള്ളോ: അന്തിമ​മാ​യി എത്ര പേർക്കു രക്ഷ കിട്ടു​മെ​ന്ന​തി​നെ​ക്കു​റിച്ച്‌ പുരാ​ത​ന​കാ​ലത്തെ ജൂതമ​ത​നേ​താ​ക്ക​ന്മാർക്കി​ട​യിൽ ചൂടു​പി​ടിച്ച തർക്കങ്ങൾ നടന്നി​രു​ന്നു. രക്ഷപ്പെ​ടു​ന്ന​വ​രു​ടെ സംഖ്യ കൃത്യ​മാ​യി കണക്കു​കൂ​ട്ടി​യെ​ടു​ക്കാൻ തുനി​ഞ്ഞി​റ​ങ്ങിയ ചില നിഗൂ​ഢ​പ്ര​സ്ഥാ​ന​ങ്ങൾപോ​ലും പിൽക്കാ​ലത്ത്‌ രൂപം​കൊ​ണ്ടു. അതിനാ​യി വിവിധ വിശു​ദ്ധ​ലി​ഖി​ത​ങ്ങ​ളി​ലെ ഓരോ അക്ഷരത്തി​നും സംഖ്യാ​മൂ​ല്യം കല്‌പിച്ച്‌ അവർ ചില കണക്കു​കൂ​ട്ട​ലു​ക​ളും നടത്തി​യി​രു​ന്നു. ദൈവ​ത്തി​ന്റെ ന്യായ​വി​ധി​യെ​ക്കു​റി​ച്ചുള്ള ഈ ചോദ്യം അദ്ദേഹം വളരെ ജിജ്ഞാ​സ​യോ​ടെ, വിശാ​ല​മായ ഒരർഥ​ത്തിൽ ചോദി​ച്ച​താ​ണെ​ങ്കി​ലും യേശു​വി​ന്റെ ഉത്തരം ഓരോ മനുഷ്യ​ന്റെ​യും വ്യക്തി​പ​ര​മായ ഉത്തരവാ​ദി​ത്വ​ത്തി​ലേ​ക്കാ​ണു വിരൽ ചൂണ്ടി​യത്‌.

കഠിന​ശ്രമം ചെയ്യുക: അഥവാ, “പോരാ​ടി​ക്കൊ​ണ്ടി​രി​ക്കുക.” ഇടുക്കു​വാ​തി​ലി​ലൂ​ടെ അകത്ത്‌ കടക്കാൻ നമ്മൾ അത്യു​ത്സാ​ഹ​ത്തോ​ടെ, മനസ്സ്‌ അർപ്പിച്ച്‌ പ്രവർത്തി​ക്കണം എന്ന്‌ ഊന്നി​പ്പ​റ​യു​ക​യാ​യി​രു​ന്നു യേശു ഇവിടെ. മേൽപ്പറഞ്ഞ പദപ്ര​യോ​ഗത്തെ, “കഴിവിന്റെ പരമാ​വധി ശ്രമി​ക്കുക; കഴിയു​ന്ന​തെ​ല്ലാം ചെയ്യുക” എന്നൊക്കെ ഈ വാക്യ​ത്തിൽ പരിഭാ​ഷ​പ്പെ​ടു​ത്താ​മെന്നു ചില ആധികാ​രി​ക​ഗ്ര​ന്ഥങ്ങൾ പറയുന്നു. ഇവിടെ കാണുന്ന അഗോ​നി​സൊ​മായ്‌ എന്ന ഗ്രീക്കു​ക്രി​യ​യു​മാ​യി ബന്ധമുള്ള അഗോൻ എന്ന ഗ്രീക്ക്‌ നാമപദം പലപ്പോ​ഴും കായി​ക​മ​ത്സ​ര​ങ്ങളെ കുറി​ക്കാ​നാണ്‌ ഉപയോ​ഗി​ച്ചി​രു​ന്നത്‌. എബ്ര 12:1-ൽ ഈ നാമപദം ജീവനു​വേ​ണ്ടി​യുള്ള ക്രിസ്‌തീയ ‘ഓട്ടമ​ത്സ​രത്തെ’ കുറി​ക്കാൻ ആലങ്കാ​രി​കാർഥ​ത്തിൽ ഉപയോ​ഗി​ച്ചി​രി​ക്കു​ന്ന​താ​യി കാണാം. അതിനെ കുറെ​ക്കൂ​ടെ വിശാ​ല​മായ അർഥത്തിൽ, “പോരാ​ട്ടം” എന്നും പരിഭാ​ഷ​പ്പെ​ടു​ത്തി​യി​ട്ടുണ്ട്‌. (ഫിലി 1:30; കൊലോ 2:1; 1തിമ 6:12; 2തിമ 4:7) ലൂക്ക 13:24-ൽ കാണുന്ന ഗ്രീക്കു​ക്രി​യ​യു​ടെ വിവി​ധ​രൂ​പ​ങ്ങളെ, ‘മത്സരത്തിൽ പങ്കെടു​ക്കുക’ (1കൊ 9:25), “കഠിന​മാ​യി അധ്വാ​നി​ക്കുക” (കൊലോ 1:29), “തീവ്ര​മാ​യി (പ്രവർത്തി​ക്കുക)” (കൊലോ 4:12), “യത്‌നി​ക്കുക” (1തിമ 4:10), “പൊരു​തുക” (1തിമ 6:12) എന്നെല്ലാം പരിഭാ​ഷ​പ്പെ​ടു​ത്തി​യി​ട്ടുണ്ട്‌. ഇതു കായി​ക​മ​ത്സ​ര​ങ്ങ​ളു​മാ​യി ബന്ധപ്പെട്ട ഒരു പദപ്ര​യോ​ഗ​മാ​യ​തു​കൊണ്ട്‌ യേശു ഇവിടെ നമ്മളെ പ്രോ​ത്സാ​ഹി​പ്പി​ക്കു​ന്നത്‌, സമ്മാനം നേടാൻ കൈയും മെയ്യും മറന്ന്‌, സർവശ​ക്തി​യു​മെ​ടുത്ത്‌ മുന്നേ​റുന്ന ഒരു കായി​ക​താ​ര​ത്തെ​പ്പോ​ലെ പരി​ശ്ര​മി​ക്കാ​നാ​ണെന്നു ചിലർ അഭി​പ്രാ​യ​പ്പെ​ടു​ന്നു.

പ്രധാ​ന​തെ​രു​വു​കൾ: അഥവാ “വിശാ​ല​മായ തെരു​വു​കൾ.” ഇവിടെ ഉപയോ​ഗി​ച്ചി​രി​ക്കുന്ന ഗ്രീക്കു​പദം ഒരു നഗരത്തി​ലെ പ്രധാ​ന​വീ​ഥി​ക​ളെ​യാ​ണു കുറി​ക്കു​ന്നത്‌. നഗരത്തി​ലെ ചില പ്രധാ​ന​സ്ഥ​ല​ങ്ങ​ളിൽ അത്തരം വഴികൾക്കു വീതി കൂടു​ത​ലാ​യി​രി​ക്കും. ആ ഭാഗങ്ങൾ പൊതു​ച​ത്വ​ര​ങ്ങ​ളാ​യി ഉപയോ​ഗി​ച്ചി​രു​ന്നു. നഗരത്തി​ലെ ‘പ്രധാ​ന​തെ​രു​വു​കൾ’ ഇങ്ങനെ​യാ​യി​രു​ന്നെ​ങ്കി​ലും ഒന്നാം നൂറ്റാ​ണ്ടി​ലെ നഗരങ്ങ​ളി​ലും പട്ടണങ്ങ​ളി​ലും പൊതു​വേ ഉണ്ടായി​രു​ന്നത്‌ വളഞ്ഞു​പു​ളഞ്ഞ, ഇടുങ്ങിയ തെരു​വു​ക​ളാണ്‌.

നിരാ​ശ​യോ​ടെ പല്ലിറു​മ്മും: അഥവാ “പല്ലുക​ടി​ക്കും.” ഈ പ്രയോ​ഗ​ത്തി​നു സങ്കട​ത്തെ​യും നിരാ​ശ​യെ​യും ദേഷ്യ​ത്തെ​യും ഒക്കെ സൂചി​പ്പി​ക്കാ​നാ​കും. അതു വാക്കു​ക​ളി​ലൂ​ടെ​യും അക്രമാ​സ​ക്ത​മായ പെരു​മാ​റ്റ​ത്തി​ലൂ​ടെ​യും പുറത്തു​വ​രു​ക​യും ചെയ്‌തേ​ക്കാം.

കിഴക്കു​നി​ന്നും പടിഞ്ഞാ​റു​നി​ന്നും വടക്കു​നി​ന്നും തെക്കു​നി​ന്നും: നാലു ദിശക​ളെ​ക്കു​റി​ച്ചും പറഞ്ഞ​പ്പോൾ യേശു ഉദ്ദേശി​ച്ചത്‌ ഈ ഭൂമി മുഴു​വ​നു​മാണ്‌. മറ്റു വാക്കു​ക​ളിൽ പറഞ്ഞാൽ, എല്ലാ ജനതക​ളി​ലും​പെട്ട ആളുകൾക്ക്‌ ഇതിനുള്ള അവസരം കിട്ടു​മാ​യി​രു​ന്നു.

വിരുന്നിന്‌ ഇരിക്കും: മത്ത 8:11-ന്റെ പഠനക്കു​റി​പ്പു കാണുക.

ഹെരോദ്‌: അതായത്‌ ഹെരോദ്‌ അന്തിപ്പാസ്‌, മഹാനായ ഹെരോദിന്റെ മകൻ.​—പദാവലി കാണുക.

ആ കുറുക്കൻ: സൂത്ര​ശാ​ലി​യെ​ന്നും കൗശല​ക്കാ​ര​നെ​ന്നും അറിയ​പ്പെ​ടുന്ന ഒരു മൃഗമാ​ണു കുറുക്കൻ. ഹെരോ​ദി​നെ കുറുക്കൻ എന്നു വിളി​ച്ച​പ്പോൾ യേശു​വി​ന്റെ മനസ്സി​ലു​ണ്ടാ​യി​രു​ന്നത്‌ ഈ സ്വഭാ​വ​വി​ശേ​ഷ​ത​ക​ളാ​കാം. യേശു ഹെരോ​ദി​നെ അങ്ങനെ വിളി​ച്ചത്‌ അയാൾ സൂത്ര​ശാ​ലി​യും ദുർബ​ല​നും നിസ്സാ​ര​നും ആണെന്നു സൂചി​പ്പി​ക്കാ​നാ​യി​രി​ക്കാം എന്നു ചില പണ്ഡിത​ന്മാർ അഭി​പ്രാ​യ​പ്പെ​ടു​ന്നു. താരത​മ്യേന ദുർബ​ല​രെ​ങ്കി​ലും (നെഹ 4:3 താരത​മ്യം ചെയ്യുക.) കുടി​ല​ബു​ദ്ധി​ക്കാ​രും അവസര​വാ​ദി​ക​ളും ആയവരെ കുറി​ക്കാൻ കുറുക്കൻ എന്ന പദപ്ര​യോ​ഗം ജൂതസാ​ഹി​ത്യ​ത്തിൽ ആലങ്കാ​രി​ക​മാ​യി ഉപയോ​ഗി​ച്ചി​രു​ന്നു. അതേസ​മയം ധൈര്യ​വും ശക്തിയും മഹത്ത്വ​വും ഉള്ള ഭരണാ​ധി​കാ​രി​കളെ ശക്തനായ സിംഹ​ത്തോ​ടാ​ണു താരത​മ്യ​പ്പെ​ടു​ത്തി​യി​രു​ന്നത്‌. (സുഭ 28:1; യിര 50:17; യഹ 32:2 എന്നിവ താരത​മ്യം ചെയ്യുക.) ആ പണ്ഡിത​ന്മാ​രു​ടെ അഭി​പ്രാ​യം ശരി​യെ​ങ്കിൽ ഹെരോ​ദി​നെ കുറുക്കൻ എന്ന്‌ അഭിസം​ബോ​ധന ചെയ്‌ത​പ്പോൾ യേശു അയാളെ സൂത്ര​ശാ​ലി​യും അഹംഭാ​വി​യും ആയ ഭരണാ​ധി​കാ​രി​യെ​ന്നും ദൈവ​ദൃ​ഷ്ടി​യിൽ നിസ്സാ​ര​നെ​ന്നും വിളി​ക്കു​ക​യാ​യി​രു​ന്നു. യരുശ​ലേ​മി​ലേ​ക്കുള്ള യാത്ര​യ്‌ക്കി​ടെ യേശു ഹെരോ​ദി​ന്റെ ഭരണ​പ്ര​ദേ​ശ​മായ പെരി​യ​യി​ലൂ​ടെ കടന്നു​പോ​യ​പ്പോ​ഴാ​യി​രി​ക്കാം ഹെരോദ്‌ യേശു​വി​നെ കൊല്ലാൻ നോക്കു​ന്നെന്നു പരീശ​ന്മാർ പറഞ്ഞത്‌. യേശു അതു കേട്ട്‌ പേടിച്ച്‌ ആ പ്രദേശം വിട്ടു​പോ​കു​മെന്നു കണക്കു​കൂ​ട്ടി, തന്ത്രശാ​ലി​യായ ഹെരോ​ദു​തന്നെ ഈ വാർത്ത പ്രചരി​പ്പി​ച്ച​താ​കാം. യേശു​വി​നെ​ക്കു​റി​ച്ചും യേശു​വി​ന്റെ ശുശ്രൂ​ഷ​യെ​ക്കു​റി​ച്ചും കേട്ട്‌ ഹെരോദ്‌ ആകെ അസ്വസ്ഥ​നാ​യി​രു​ന്നെന്നു വേണം കരുതാൻ. മുമ്പൊ​രി​ക്കൽ ഭാര്യ​യു​ടെ ഇഷ്ടത്തിനു വഴങ്ങി സ്‌നാ​പ​ക​യോ​ഹ​ന്നാ​നെ വധിച്ച ഹെരോ​ദിന്‌ ദൈവ​ത്തി​ന്റെ മറ്റൊരു പ്രവാ​ച​ക​നെ​ക്കൂ​ടെ കൊല്ലാൻ ഭയമാ​യി​രു​ന്നി​രി​ക്കാം.​—മത്ത 14:1, 2; മർ 6:16.

ഇന്നും നാളെ​യും . . . മൂന്നാം ദിവസ​മാ​കു​മ്പോ​ഴേ​ക്കും എനിക്കു ചെയ്യാ​നു​ള്ളതു തീർന്നി​രി​ക്കും: സമയ​ത്തെ​ക്കു​റിച്ച്‌ യേശു പറഞ്ഞ ഇക്കാര്യം അക്ഷരാർഥ​ത്തിൽ എടു​ക്കേ​ണ്ടതല്ല. പകരം തനിക്ക്‌ യരുശ​ലേ​മി​ലേക്കു പോകാൻ കുറച്ച്‌ സമയമേ അവശേ​ഷി​ക്കു​ന്നു​ള്ളൂ എന്നു സൂചി​പ്പി​ക്കു​ക​യാ​യി​രു​ന്നു യേശു. അവി​ടെ​വെച്ച്‌ യേശു മരിക്കു​മാ​യി​രു​ന്നു. ഇനി, മിശിഹ എന്ന നിലയിൽ താൻ ചെയ്യേണ്ട കാര്യങ്ങൾ നിശ്ചയി​ക്ക​പ്പെ​ട്ടി​ട്ടു​ണ്ടെ​ന്നും ആ ശുശ്രൂ​ഷയെ വെട്ടി​ച്ചു​രു​ക്കാ​നോ നിയ​ന്ത്രി​ക്കാ​നോ അതിന്റെ ഗതി മാറ്റാ​നോ ഏതെങ്കി​ലും ലൗകി​ക​ഭ​ര​ണാ​ധി​കാ​രി​യു​ടെ രാഷ്‌ട്രീ​യ​ല​ക്ഷ്യ​ങ്ങൾക്കാ​കി​ല്ലെ​ന്നും ഉള്ള സൂചന​യും യേശു​വി​ന്റെ വാക്കു​ക​ളി​ലു​ണ്ടാ​യി​രു​ന്നി​രി​ക്കാം.

യരുശ​ലേ​മി​നു പുറത്തു​വെച്ച്‌ . . . കൊല്ല​പ്പെ​ട​രു​ത​ല്ലോ: അഥവാ “യരുശ​ലേ​മി​നു പുറത്തു​വെച്ച്‌ . . . കൊല്ല​പ്പെ​ടുന്ന കാര്യം അചിന്ത​നീ​യ​മാണ്‌.” മിശിഹ യരുശ​ലേ​മിൽവെ​ച്ചാ​യി​രി​ക്കും മരിക്കുക എന്നു തെളി​ച്ചു​പ​റ​യുന്ന ബൈബിൾ പ്രവച​ന​ങ്ങ​ളൊ​ന്നും ഇല്ലെങ്കി​ലും സാധ്യ​ത​യ​നു​സ​രിച്ച്‌ ദാനി​യേൽ 9:24-26 അങ്ങനെ​യൊ​രു ആശയത്തി​ലേ​ക്കാ​ണു വിരൽ ചൂണ്ടു​ന്നത്‌. കൂടാതെ ജൂതന്മാർ ഒരു പ്രവാ​ച​കനെ, പ്രത്യേ​കിച്ച്‌ മിശി​ഹയെ, വധിക്കു​ന്നെ​ങ്കിൽ സ്വാഭാ​വി​ക​മാ​യും അത്‌ ആ നഗരത്തിൽവെച്ച്‌ ആയിരി​ക്കും. 71 അംഗങ്ങ​ളുള്ള പരമോ​ന്ന​ത​നീ​തി​പീ​ഠം, അഥവാ സൻഹെ​ദ്രിൻ കൂടി​യി​രു​ന്നത്‌ യരുശ​ലേ​മി​ലാ​യി​രു​ന്ന​തു​കൊണ്ട്‌ കള്ളപ്ര​വാ​ച​ക​നെന്ന ആരോ​പണം നേരി​ടുന്ന ഒരാളെ അവി​ടെ​വെ​ച്ചാ​യി​രി​ക്കും വിചാരണ ചെയ്യുക. ഇനി, ദൈവ​ത്തി​നു പതിവാ​യി ബലികൾ അർപ്പി​ച്ചി​രു​ന്ന​തും പെസഹാ​ക്കു​ഞ്ഞാ​ടി​നെ അറുത്തി​രു​ന്ന​തും യരുശ​ലേ​മിൽവെ​ച്ചാ​യി​രു​ന്നു എന്ന വസ്‌തു​ത​യും യേശുവിന്റെ മനസ്സി​ലു​ണ്ടാ​യി​രു​ന്നി​രി​ക്കാം. ഒടുവിൽ എല്ലാം യേശു പറഞ്ഞതു​പോ​ലെ​തന്നെ സംഭവി​ച്ചു. യേശു​വി​നെ യരുശ​ലേ​മി​ലെ സൻഹെ​ദ്രി​നു മുന്നിൽ ഹാജരാ​ക്കി മരണശി​ക്ഷ​യ്‌ക്കു വിധിച്ചു. യേശു ‘പെസഹാ​ക്കു​ഞ്ഞാ​ടാ​യി’ മരിച്ച​തും യരുശ​ലേ​മിൽവെച്ച്‌, അതിന്റെ നഗരമ​തി​ലു​ക​ളിൽനിന്ന്‌ അധികം അകലെ​യ​ല്ലാത്ത ഒരു സ്ഥലത്തു​വെച്ച്‌, ആയിരു​ന്നു.​—1കൊ 5:7.

യരുശ​ലേമേ, യരുശ​ലേമേ: തന്റെ ഭൗമി​ക​ശു​ശ്രൂ​ഷ​യു​ടെ അവസാ​നത്തെ ആഴ്‌ച, നീസാൻ 11-ാം തീയതി യരുശ​ലേ​മിൽവെച്ച്‌ യേശു സമാന​മായ ഒരു പ്രസ്‌താ​വന നടത്തി​യ​താ​യി മത്ത 23:37-ൽ കാണാം. എന്നാൽ മുമ്പ്‌, മറ്റൊരു സന്ദർഭ​ത്തിൽ പെരി​യ​യിൽവെച്ച്‌ യേശു പറഞ്ഞ വാക്കു​ക​ളെ​ക്കു​റി​ച്ചാണ്‌ ഇവിടെ പറഞ്ഞി​രി​ക്കു​ന്നത്‌.​—അനു. എ7 കാണുക.

ഭവനം: അതായത്‌, ദേവാ​ലയം.

യഹോ​വ​യു​ടെ: ഇതു സങ്ക 118:26-ൽനിന്നുള്ള ഉദ്ധരണി​യാണ്‌. അതിന്റെ മൂല എബ്രാ​യ​പാ​ഠ​ത്തിൽ ദൈവത്തിന്റെ പേരിനെ പ്രതി​നി​ധാ​നം ചെയ്യുന്ന നാല്‌ എബ്രാ​യ​വ്യ​ഞ്‌ജ​നാ​ക്ഷ​രങ്ങൾ (അതിന്റെ ലിപ്യ​ന്ത​രണം യ്‌ഹ്‌വ്‌ഹ്‌ എന്നാണ്‌.) കാണാം.​—അനു. സി കാണുക.

ദൃശ്യാവിഷ്കാരം

ഹെരോദ്‌ അന്തിപ്പാസ്‌ ഇറക്കിയ നാണയം
ഹെരോദ്‌ അന്തിപ്പാസ്‌ ഇറക്കിയ നാണയം

ചിത്ര​ത്തിൽ കാണി​ച്ചി​രി​ക്കു​ന്നത്‌, യേശു​വി​ന്റെ ശുശ്രൂ​ഷ​ക്കാ​ല​ത്തോട്‌ അടുത്ത്‌ നിർമിച്ച ഒരു നാണയ​ത്തി​ന്റെ രണ്ടു വശങ്ങളാണ്‌. ചെമ്പ്‌ കലർന്ന ഒരു ലോഹ​സ​ങ്ക​രം​കൊ​ണ്ടാണ്‌ അത്‌ ഉണ്ടാക്കി​യി​രി​ക്കു​ന്നത്‌. അതു പുറത്തി​റ​ക്കി​യതു ഗലീല​യും പെരി​യ​യും ഭരിച്ചി​രുന്ന, ജില്ലാ​ഭ​ര​ണാ​ധി​കാ​രി​യായ ഹെരോദ്‌ അന്തിപ്പാ​സാ​യി​രു​ന്നു. ഹെരോദ്‌ യേശു​വി​നെ കൊല്ലാൻ നോക്കു​ന്നു എന്നു പരീശ​ന്മാർ പറഞ്ഞത്‌, യേശു യരുശ​ലേ​മി​ലേ​ക്കുള്ള യാത്രാ​മ​ധ്യേ ഹെരോ​ദി​ന്റെ ഭരണ​പ്ര​ദേ​ശ​മായ പെരി​യ​യി​ലൂ​ടെ കടന്നു​പോ​യ​പ്പോ​ഴാ​യി​രി​ക്കാം. അതിനു മറുപടി കൊടു​ത്ത​പ്പോൾ യേശു ഹെരോ​ദി​നെ​ക്കു​റിച്ച്‌ ‘ആ കുറുക്കൻ’ എന്നു പറഞ്ഞു. (ലൂക്ക 13:32-ന്റെ പഠനക്കു​റി​പ്പു കാണുക.) ഹെരോ​ദി​ന്റെ പ്രജകൾ മിക്കവ​രും ജൂതന്മാ​രാ​യി​രു​ന്ന​തു​കൊണ്ട്‌ അവരെ പ്രകോ​പി​പ്പി​ക്കാത്ത ഈന്തപ്പ​ന​യോ​ല​യു​ടെ​യും (1) ഇലക്കി​രീ​ട​ത്തി​ന്റെ​യും (2) മറ്റും രൂപങ്ങ​ളാണ്‌ അദ്ദേഹം പുറത്തി​റ​ക്കിയ നാണയ​ങ്ങ​ളിൽ ഉണ്ടായി​രു​ന്നത്‌.

കോഴി കുഞ്ഞു​ങ്ങളെ ഒന്നിച്ചു​കൂ​ട്ടു​ന്നു
കോഴി കുഞ്ഞു​ങ്ങളെ ഒന്നിച്ചു​കൂ​ട്ടു​ന്നു

തന്റെ കുഞ്ഞു​ങ്ങൾക്ക്‌ അപകട​മൊ​ന്നും സംഭവി​ക്കാ​തി​രി​ക്കാൻ അവയെ ചിറകിൽകീ​ഴിൽ ചേർത്തു​പി​ടി​ക്കുന്ന ഒരു തള്ളക്കോ​ഴി​യെ​ക്കു​റിച്ച്‌ പറഞ്ഞ​പ്പോൾ യേശു ഹൃദയ​സ്‌പർശി​യായ ഒരു വാങ്‌മ​യ​ചി​ത്രം വരച്ചു​കാ​ട്ടു​ക​യാ​യി​രു​ന്നു. യരുശ​ലേ​മി​ലെ ആളുക​ളെ​ക്കു​റിച്ച്‌ തനിക്ക്‌ ആഴമായ ചിന്തയു​ണ്ടെ​ന്നാ​ണു യേശു അതിലൂ​ടെ സൂചി​പ്പി​ച്ചത്‌. ഈ ദൃഷ്ടാ​ന്ത​വും അപ്പനോ​ടു മുട്ട ചോദി​ക്കുന്ന മകനെ​ക്കു​റി​ച്ചുള്ള യേശു​വി​ന്റെ പരാമർശ​വും (ലൂക്ക 11:11, 12) സൂചി​പ്പി​ക്കു​ന്നത്‌ ഒന്നാം നൂറ്റാ​ണ്ടിൽ ഇസ്രാ​യേ​ല്യ​ഭ​വ​ന​ങ്ങ​ളിൽ കോഴി​യെ വളർത്തു​ന്നതു സാധാ​ര​ണ​മാ​യി​രു​ന്നു എന്നാണ്‌. മത്ത 23:37-ലും ലൂക്ക 13:34-ലും കാണുന്ന ഓർനീസ്‌ എന്ന ഗ്രീക്കു​പ​ദ​ത്തി​നു വീട്ടിൽ വളർത്തു​ന്ന​തോ അല്ലാത്ത​തോ ആയ ഏതു പക്ഷി​യെ​യും കുറി​ക്കാ​നാ​കു​മെ​ങ്കി​ലും ഇവിടെ അത്‌ കോഴി​യെ ഉദ്ദേശി​ച്ചാ​ണു പറഞ്ഞി​രി​ക്കു​ന്ന​തെന്നു കരുത​പ്പെ​ടു​ന്നു. കാരണം അന്നു പൊതു​വേ വീടു​ക​ളിൽ ഏറ്റവും അധികം കണ്ടിരുന്ന, ഏറ്റവും ഉപകാ​ര​പ്ര​ദ​മായ പക്ഷിയാ​യി​രു​ന്നു കോഴി.