യിരെമ്യ 51:1-64

51  യഹോവ പറയുന്നു: “ഞാൻ ഇതാ ബാബി​ലോ​ണി​നും ലബ്‌-കമായ്‌നിവാസികൾക്കും* എതിരെവിനാ​ശ​കാ​രി​യായ ഒരു കാറ്റ്‌ അഴിച്ചു​വി​ടു​ന്നു.+   ഞാൻ പതിർ പാറ്റു​ന്ന​വരെ ബാബി​ലോ​ണി​ലേക്ക്‌ അയയ്‌ക്കും.അവർ അവളെ പാറ്റി അവളുടെ ദേശം ശൂന്യ​മാ​ക്കും.ദുരന്ത​ദി​വ​സ​ത്തിൽ അവർ നാലു​പാ​ടു​നി​ന്നും അവളുടെ നേരെ വരും.+   വില്ലാളി തന്റെ വില്ലു കുലയ്‌ക്കാ​തി​രി​ക്കട്ടെ.* ആരും പടച്ചട്ട അണിഞ്ഞ്‌ നിൽക്കാ​തി​രി​ക്കട്ടെ. അവളുടെ യുവാ​ക്ക​ളോട്‌ ഒരു അനുക​മ്പ​യും കാണി​ക്ക​രുത്‌.+ അവളുടെ സൈന്യ​ത്തെ നിശ്ശേഷം നശിപ്പി​ച്ചു​ക​ളയൂ!   അവർ കൽദയ​ദേ​ശത്ത്‌ പിടഞ്ഞു​വീ​ഴും;മാരക​മാ​യി മുറി​വേറ്റ്‌ അവർ അവളുടെ തെരു​വു​ക​ളിൽ കിടക്കും.+   കാരണം, സൈന്യ​ങ്ങ​ളു​ടെ അധിപ​നായ യഹോവ ഇസ്രാ​യേ​ലി​നെ​യും യഹൂദ​യെ​യും ഉപേക്ഷി​ച്ചി​ട്ടില്ല;+ അവർ വിധവ​ക​ളാ​യി​ട്ടില്ല. പക്ഷേ അവരുടെ ദേശം* ഇസ്രാ​യേ​ലി​ന്റെ പരിശു​ദ്ധ​നാ​യ​വന്റെ കണ്ണിൽ കുറ്റം​കൊണ്ട്‌ നിറഞ്ഞി​രി​ക്കു​ന്നു.   ബാബിലോണിൽനിന്ന്‌ ഓടി​യ​കലൂ!ജീവനും​കൊണ്ട്‌ രക്ഷപ്പെടൂ!+ അവളുടെ തെറ്റു നിമിത്തം നിങ്ങൾ നശിച്ചു​പോ​ക​രുത്‌. കാരണം, യഹോ​വ​യു​ടെ പ്രതി​കാ​ര​ത്തി​ന്റെ സമയം, അവൾ ചെയ്‌തു​കൂ​ട്ടി​യ​തിന്‌ അവളോ​ടു പകരം ചോദി​ക്കാ​നുള്ള സമയം,+ വന്നിരി​ക്കു​ന്നു.   ബാബിലോൺ യഹോ​വ​യു​ടെ കൈയി​ലെ പൊൻപാ​ന​പാ​ത്ര​മാ​യി​രു​ന്നു.അവൾ ഭൂമിയെ മുഴുവൻ കുടി​പ്പിച്ച്‌ ലഹരി​യി​ലാ​ഴ്‌ത്തി. ജനതകൾ അവളുടെ വീഞ്ഞു കുടിച്ചു;+അങ്ങനെ അവർക്കു ഭ്രാന്തു പിടിച്ചു.+   ബാബിലോൺ പൊടു​ന്നനെ വീണ്‌ തകർന്നു.+ അവളെ​ച്ചൊ​ല്ലി വിലപി​ക്കൂ!+ അവളുടെ വേദന​യ്‌ക്കു മരുന്നു* കൊണ്ടു​വരൂ! ഒരുപക്ഷേ, അവൾ സുഖം പ്രാപി​ച്ചാ​ലോ.”   “ഞങ്ങൾ ബാബി​ലോ​ണി​നെ സുഖ​പ്പെ​ടു​ത്താൻ നോക്കി; പക്ഷേ സാധി​ച്ചില്ല. അവളെ വിട്ടേക്ക്‌! നമുക്ക്‌ ഓരോ​രു​ത്തർക്കും സ്വദേ​ശ​ത്തേക്കു മടങ്ങാം.+ കാരണം, അവളുടെ ന്യായ​വി​ധി ആകാശ​ത്തോ​ളം എത്തിയി​രി​ക്കു​ന്നു.അതു മേഘങ്ങ​ളോ​ളം ഉയർന്നി​രി​ക്കു​ന്നു.+ 10  യഹോവ നമുക്കു നീതി നടത്തി​ത്ത​ന്നി​രി​ക്കു​ന്നു.+ വരൂ! നമുക്കു സീയോ​നിൽ ചെന്ന്‌ നമ്മുടെ ദൈവ​മായ യഹോ​വ​യു​ടെ പ്രവൃത്തി വിവരി​ക്കാം.”+ 11  “അസ്‌ത്രങ്ങൾ മിനുക്കൂ!+ പരിചകൾ എടുക്കൂ!* യഹോവ ബാബി​ലോ​ണി​നെ നശിപ്പി​ക്കാൻ തീരു​മാ​നി​ച്ചി​രി​ക്കു​ന്നു.അതിനു​വേ​ണ്ടി ദൈവം മേദ്യ​രാ​ജാ​ക്ക​ന്മാ​രു​ടെ മനസ്സ്‌ ഉണർത്തി​യി​രി​ക്കു​ന്നു.+ കാരണം, ഇത്‌ യഹോ​വ​യു​ടെ പ്രതി​കാ​ര​മാണ്‌, ദൈവ​ത്തി​ന്റെ ആലയത്തി​നു​വേ​ണ്ടി​യുള്ള പ്രതി​കാ​രം. 12  ബാബിലോൺമതിലുകൾക്കു നേരെ കൊടി* ഉയർത്തൂ!+ കാവൽപ്പ​ട​യെ ശക്തി​പ്പെ​ടു​ത്തൂ! കാവൽക്കാ​രെ നിറുത്തൂ! ആക്രമി​ക്കാൻവേണ്ടി പതിയി​രി​ക്കാൻ പടയാ​ളി​കളെ നിയോ​ഗി​ക്കൂ! കാരണം, യഹോ​വ​യാ​ണു ബാബി​ലോൺനി​വാ​സി​കൾക്കെ​തി​രെ കരുക്കൾ നീക്കി​യി​രി​ക്കു​ന്നത്‌;അവർക്കെ​തി​രെ പറഞ്ഞ​തെ​ല്ലാം ദൈവം നടപ്പാ​ക്കും.”+ 13  “പെരു​വെ​ള്ള​ത്തി​ന്മീ​തെ കഴിയു​ന്ന​വളേ,+അളവറ്റ സമ്പത്തു​ള്ള​വളേ,+നിന്റെ അന്ത്യം വന്നിരി​ക്കു​ന്നു; നിന്റെ ലാഭ​ക്കൊ​യ്‌ത്ത്‌ അവസാ​നി​ച്ചി​രി​ക്കു​ന്നു.+ 14  സൈന്യങ്ങളുടെ അധിപ​നായ യഹോവ തന്നെ​ക്കൊ​ണ്ടു​തന്നെ ഇങ്ങനെ സത്യം ചെയ്‌തി​രി​ക്കു​ന്നു:‘വെട്ടു​ക്കി​ളി​ക​ളെ​പ്പോ​ലെ അസംഖ്യം മനുഷ്യ​രെ​ക്കൊണ്ട്‌ ഞാൻ നിന്നെ നിറയ്‌ക്കും.അവർ നിന്നെ കീഴടക്കി ജയഘോ​ഷം മുഴക്കും.’+ 15  തന്റെ ശക്തിയാൽ ഭൂമിയെ സൃഷ്ടി​ച്ച​തുംതന്റെ ജ്ഞാനത്താൽ ഫലപു​ഷ്ടി​യുള്ള നിലം ഒരുക്കിയതും+തന്റെ ഗ്രാഹ്യ​ത്താൽ ആകാശത്തെ വിരി​ച്ച​തും ദൈവ​മ​ല്ലോ.+ 16  ദൈവം തന്റെ സ്വരം കേൾപ്പി​ക്കു​മ്പോൾആകാശ​ത്തി​ലെ ജലം പ്രക്ഷു​ബ്ധ​മാ​കു​ന്നു;ദൈവം ഭൂമി​യു​ടെ അറുതി​ക​ളിൽനിന്ന്‌ മേഘങ്ങൾ* ഉയരാൻ ഇടയാ​ക്കു​ന്നു. മഴയ്‌ക്കാ​യി മിന്നൽപ്പി​ണ​രു​കൾ അയയ്‌ക്കു​ന്നു;*തന്റെ സംഭര​ണ​ശാ​ല​ക​ളിൽനിന്ന്‌ കാറ്റ്‌ അടിപ്പി​ക്കു​ന്നു.+ 17  എല്ലാവരും അറിവി​ല്ലാ​തെ ബുദ്ധി​ഹീ​ന​രാ​യി പെരു​മാ​റു​ന്നു. വിഗ്രഹം കാരണം ലോഹ​പ്പ​ണി​ക്കാ​രെ​ല്ലാം നാണം​കെ​ടും;+കാരണം അവരുടെ വിഗ്രഹങ്ങൾ* വെറും തട്ടിപ്പാ​ണ്‌;അവയ്‌ക്കൊ​ന്നും ജീവനില്ല.*+ 18  അവ മായയാ​ണ്‌;*+ വെറും പരിഹാ​സ​പാ​ത്രങ്ങൾ. കണക്കു​തീർപ്പി​ന്റെ നാളിൽ അവ നശിക്കും. 19  യാക്കോബിന്റെ ഓഹരി ഇവയെ​പ്പോ​ലെയല്ല;ആ ദൈവ​മാ​ണ​ല്ലോ എല്ലാം ഉണ്ടാക്കി​യത്‌,തന്റെ അവകാ​ശ​മാ​യ​വന്റെ ദണ്ഡു* ദൈവ​മാണ്‌.+ സൈന്യ​ങ്ങ​ളു​ടെ അധിപ​നായ യഹോവ എന്നാണു ദൈവ​ത്തി​ന്റെ പേര്‌.”+ 20  “നീ എന്റെ കുറു​വ​ടി​യാണ്‌, എന്റെ യുദ്ധാ​യു​ധം.നിന്നെ ഉപയോ​ഗിച്ച്‌ ഞാൻ ജനതകളെ തകർക്കും, രാജ്യ​ങ്ങ​ളെ നശിപ്പി​ക്കും. 21  നിന്നെക്കൊണ്ട്‌ ഞാൻ കുതി​ര​യെ​യും കുതി​ര​ക്കാ​ര​നെ​യും തകർക്കും, തേരി​നെ​യും തേരാ​ളി​യെ​യും നശിപ്പി​ക്കും. 22  നിന്നെക്കൊണ്ട്‌ ഞാൻ പുരു​ഷ​നെ​യും സ്‌ത്രീ​യെ​യും തകർക്കും, വൃദ്ധ​നെ​യും ബാല​നെ​യും സംഹരി​ക്കും, യുവാ​വി​നെ​യും യുവതി​യെ​യും നിഗ്ര​ഹി​ക്കും. 23  നിന്നെക്കൊണ്ട്‌ ഞാൻ ഇടയ​നെ​യും ആടുക​ളെ​യും തകർക്കും, കർഷക​നെ​യും ഉഴവു​മൃ​ഗ​ങ്ങ​ളെ​യും സംഹരി​ക്കും, ഗവർണർമാ​രെ​യും കീഴധി​കാ​രി​ക​ളെ​യും നിഗ്ര​ഹി​ക്കും. 24  ഞാൻ ബാബി​ലോ​ണി​നോ​ടും എല്ലാ കൽദയ​നി​വാ​സി​ക​ളോ​ടും പകരം ചോദി​ക്കും.സീയോ​നിൽവെച്ച്‌ നിങ്ങൾ കാൺകെ ചെയ്‌തു​കൂ​ട്ടിയ എല്ലാ ദുഷ്‌കൃ​ത്യ​ങ്ങൾക്കും പകരം ചോദി​ക്കും”+ എന്ന്‌ യഹോവ പ്രഖ്യാ​പി​ക്കു​ന്നു. 25  “ഭൂമിയെ മുഴുവൻ നശിപ്പി​ക്കു​ന്നവിനാ​ശ​ക​പർവ​തമേ,+ ഞാൻ നിനക്ക്‌ എതിരാ​ണ്‌”+ എന്ന്‌ യഹോവ പ്രഖ്യാ​പി​ക്കു​ന്നു “ഞാൻ നിന്റെ നേരെ കൈ നീട്ടി പാറ​ക്കെ​ട്ടു​ക​ളിൽനിന്ന്‌ നിന്നെ താഴേക്ക്‌ ഉരുട്ടി​വി​ടും.ഞാൻ നിന്നെ കത്തിക്ക​രിഞ്ഞ ഒരു പർവത​മാ​ക്കും.” 26  “ആളുകൾ നിന്നിൽനി​ന്ന്‌ മൂലക്ക​ല്ലോ തറക്കല്ലോ എടുക്കില്ല.കാരണം നീ എന്നും ഒരു പാഴി​ട​മാ​യി​ക്കി​ട​ക്കും”+ എന്ന്‌ യഹോവ പ്രഖ്യാ​പി​ക്കു​ന്നു. 27  “ദേശത്ത്‌ കൊടി* ഉയർത്തൂ!+ ജനതക​ളു​ടെ ഇടയിൽ കൊമ്പു വിളിക്കൂ! ജനതകളെ അവൾക്കെ​തി​രെ നിയമി​ക്കൂ!* അരാരാത്ത്‌,+ മിന്നി, അസ്‌കെനാസ്‌+ എന്നീ രാജ്യ​ങ്ങളെ അവൾക്കെ​തി​രെ വിളി​ച്ചു​കൂ​ട്ടൂ! സൈന്യ​ത്തിൽ ആളെ ചേർക്കാൻ ഉദ്യോ​ഗ​സ്ഥനെ നിയോ​ഗി​ക്കൂ! ഇരമ്പി​വ​രുന്ന വെട്ടു​ക്കി​ളി​ക​ളെ​പ്പോ​ലെ കുതി​ര​കളെ അവളുടെ നേരെ വരുത്തൂ! 28  ജനതകളെ അവൾക്കെ​തി​രെ നിയമി​ക്കൂ!*അങ്ങനെ, മേദ്യരാജാക്കന്മാരും+ അവിടത്തെ ഗവർണർമാ​രുംകീഴധി​കാ​രി​ക​ളും അവർ ഭരിക്കുന്ന ദേശങ്ങ​ളും അവൾക്കെ​തി​രെ ചെല്ലട്ടെ. 29  ഭൂമി പേടി​ച്ചു​വി​റ​യ്‌ക്കും.കാരണം, ബാബി​ലോ​ണിന്‌ എതിരെ യഹോവ തീരു​മാ​നി​ച്ചി​രി​ക്കു​ന്നതു നിറ​വേ​റും.ബാബി​ലോൺ ആൾപ്പാർപ്പി​ല്ലാത്ത, പേടി​പ്പെ​ടു​ത്തുന്ന ഒരിട​മാ​കും.+ 30  ബാബിലോണിന്റെ യുദ്ധവീ​ര​ന്മാർ പോരാ​ട്ടം നിറു​ത്തി​യി​രി​ക്കു​ന്നു. അവർ അവരുടെ കോട്ട​കൾക്കു​ള്ളിൽത്തന്നെ ഇരിക്കു​ക​യാണ്‌. അവരുടെ ശക്തി ചോർന്നു​പോ​യി​രി​ക്കു​ന്നു.+ അവർ സ്‌ത്രീ​ക​ളെ​പ്പോ​ലെ​യാ​യി.+ അവളുടെ വീടു​കൾക്കു തീയി​ട്ടി​രി​ക്കു​ന്നു. അവളുടെ പൂട്ടുകൾ തകർന്നി​രി​ക്കു​ന്നു.+ 31  ഒരു സന്ദേശ​വാ​ഹകൻ മറ്റൊരു സന്ദേശ​വാ​ഹ​കന്റെ അടു​ത്തേക്ക്‌ ഓടുന്നു.ഒരു ദൂതൻ മറ്റൊരു ദൂതന്റെ അടു​ത്തേ​ക്കും ഓടുന്നു.അവർക്കു ബാബി​ലോൺരാ​ജാ​വി​നെ ഒരു വാർത്ത അറിയി​ക്കാ​നുണ്ട്‌: ‘നഗരത്തെ നാനാ​വ​ശ​ത്തു​നി​ന്നും കീഴട​ക്കി​യി​രി​ക്കു​ന്നു.+ 32  കടവുകൾ പിടി​ച്ച​ടക്കി!+പപ്പൈറസ്‌വഞ്ചികൾ* കത്തിച്ചു​ക​ളഞ്ഞു!പടയാ​ളി​ക​ളെ​ല്ലാം പരി​ഭ്രാ​ന്ത​രാണ്‌.’” 33  കാരണം, ഇസ്രാ​യേ​ലി​ന്റെ ദൈവം, സൈന്യ​ങ്ങ​ളു​ടെ അധിപ​നായ യഹോവ, പറയുന്നു: “ബാബി​ലോൺ പുത്രി ഒരു മെതി​ക്ക​ളം​പോ​ലെ​യാണ്‌. അവളെ ചവിട്ടി​യു​റ​പ്പി​ക്കാ​നുള്ള സമയമാ​ണ്‌ ഇത്‌. അവളുടെ കൊയ്‌ത്തു​കാ​ലം പെട്ടെ​ന്നു​തന്നെ വരും.” 34  “ബാബി​ലോ​ണി​ലെ നെബൂഖദ്‌നേസർ* രാജാവ്‌ എന്നെ തിന്നു​ക​ളഞ്ഞു.+അയാൾ എന്നെ പരി​ഭ്രാ​ന്തി​യി​ലാ​ക്കി. കാലി​യാ​യ പാത്രം​പോ​ലെ എന്നെ വെച്ചി​രി​ക്കു​ന്നു. ഒരു മഹാസർപ്പ​ത്തെ​പ്പോ​ലെ അയാൾ എന്നെ വിഴു​ങ്ങി​ക്ക​ളഞ്ഞു.+എന്റെ വിശി​ഷ്ട​വ​സ്‌തു​ക്കൾകൊണ്ട്‌ അയാൾ വയറു നിറച്ചു. അയാൾ എന്നെ കഴുകി​ക്ക​ള​ഞ്ഞി​രി​ക്കു​ന്നു. 35  ‘എന്നോ​ടും എന്റെ ശരീര​ത്തോ​ടും ചെയ്‌തി​രി​ക്കുന്ന അതി​ക്രമം ബാബി​ലോ​ണി​ന്റെ മേൽ വരട്ടെ!’ എന്ന്‌ സീയോൻനി​വാ​സി പറയുന്നു.+ ‘എന്റെ രക്തം കൽദയ​നി​വാ​സി​ക​ളു​ടെ മേൽ വരട്ടെ!’ എന്ന്‌ യരുശ​ലേ​മും പറയുന്നു.” 36  അതുകൊണ്ട്‌ യഹോവ പറയു​ന്നത്‌ ഇതാണ്‌: “ഞാൻ ഇതാ നിന്റെ കേസ്‌ വാദി​ക്കു​ന്നു.+ഞാൻ നിനക്കു​വേണ്ടി പ്രതി​കാ​രം ചെയ്യും.+ ഞാൻ അവളുടെ കടൽ ഉണക്കി​ക്ക​ള​യും, കിണറു​കൾ വറ്റിച്ചു​ക​ള​യും.+ 37  ബാബിലോൺ കൽക്കൂമ്പാരങ്ങളും+കുറു​ന​രി​ക​ളു​ടെ താവള​വും ആകും.+ഞാൻ അതിനെ പേടി​പ്പെ​ടു​ത്തുന്ന ഒരിട​വുംആളുകൾ കണ്ട്‌ അതിശ​യ​ത്തോ​ടെ തല കുലുക്കുന്ന* ഒരു സ്ഥലവും ആക്കും. അതു ജനവാ​സ​മി​ല്ലാ​തെ കിടക്കും.+ 38  അവരെല്ലാം യുവസിംഹങ്ങളെപ്പോലെ* ഗർജി​ക്കും; സിംഹ​ക്കു​ട്ടി​ക​ളെ​പ്പോ​ലെ മുരളും.” 39  “അവർ ആവേശം മൂത്തി​രി​ക്കു​മ്പോൾ, ഞാൻ അവർക്കു വിരുന്ന്‌ ഒരുക്കും; അവരെ കുടി​പ്പിച്ച്‌ ഉന്മത്തരാ​ക്കും.അവർ ആനന്ദിച്ച്‌ ഉല്ലസി​ക്കട്ടെ.+പിന്നെ അവർ ഉറങ്ങും, എന്നേക്കു​മാ​യി.പിന്നീട്‌ ഒരിക്ക​ലും അവർ ഉണരില്ല”+ എന്ന്‌ യഹോവ പ്രഖ്യാ​പി​ക്കു​ന്നു. 40  “അറവു​ശാ​ല​യി​ലേക്കു കൊണ്ടു​പോ​കുന്ന ചെമ്മരി​യാ​ട്ടിൻകു​ട്ടി​ക​ളെ​പ്പോ​ലെ,ആൺചെ​മ്മ​രി​യാ​ടു​ക​ളെ​യും കോലാ​ടു​ക​ളെ​യും പോലെ, ഞാൻ അവരെ കൊണ്ടു​വ​രും.” 41  “ഭയങ്കരം! ശേശക്കിനെ* പിടി​ച്ച​ട​ക്കി​യി​രി​ക്കു​ന്നു.+ഭൂമി​യു​ടെ മുഴുവൻ പ്രശം​സാ​പാ​ത്രം പിടി​ക്ക​പ്പെ​ട്ടി​രി​ക്കു​ന്നു!+ ജനതക​ളു​ടെ ഇടയിൽ ബാബി​ലോൺ ഒരു ഭീതി​കാ​ര​ണ​മാ​യി​രി​ക്കു​ന്നു! 42  കടൽ ബാബി​ലോ​ണി​നെ കടന്നാ​ക്ര​മി​ച്ചി​രി​ക്കു​ന്നു. അതിന്റെ എണ്ണമറ്റ തിരമാ​ലകൾ അവളെ മൂടി​യി​രി​ക്കു​ന്നു. 43  അവളുടെ നഗരങ്ങൾ പേടി​പ്പെ​ടു​ത്തുന്ന ഒരിട​മാ​യി​രി​ക്കു​ന്നു. ഉണങ്ങി​വരണ്ട ഒരു ദേശം! ഒരു മരുഭൂ​മി! ആരും താമസി​ക്കാത്ത, മനുഷ്യ​സ​ഞ്ചാ​ര​മി​ല്ലാത്ത, ഒരു ദേശം.+ 44  ബാബിലോണിലെ ബേലിനു നേരെ ഞാൻ ശ്രദ്ധ തിരി​ക്കും.+അവൻ വിഴു​ങ്ങി​യതു ഞാൻ അവന്റെ വായി​ലൂ​ടെ പുറ​ത്തെ​ടു​ക്കും.+ ഇനി ഒരിക്ക​ലും ജനതകൾ അവനി​ലേക്ക്‌ ഒഴുകില്ല.ബാബി​ലോൺമ​തിൽ വീഴും.+ 45  എന്റെ ജനമേ, അവളുടെ ഇടയിൽനി​ന്ന്‌ പുറത്ത്‌ കടക്കൂ!+ യഹോ​വ​യു​ടെ ഉഗ്രകോപത്തിൽനിന്ന്‌+ ജീവനും​കൊണ്ട്‌ രക്ഷപ്പെടൂ!+ 46  ദേശത്ത്‌ കേൾക്കാ​നി​രി​ക്കുന്ന വാർത്തകൾ കാരണം അധൈ​ര്യ​പ്പെ​ടു​ക​യോ പേടി​ക്കു​ക​യോ അരുത്‌. ഒരു വർഷം ഒരു വാർത്ത കേൾക്കും,അടുത്ത വർഷം മറ്റൊരു വാർത്ത​യും.“ദേശത്ത്‌ അക്രമം നടമാ​ടു​ന്നു,” “ഭരണാ​ധി​കാ​രി ഭരണാ​ധി​കാ​രി​ക്കെ​തി​രെ തിരി​യു​ന്നു” എന്നിങ്ങ​നെ​യുള്ള വാർത്തകൾ! 47  അതുകൊണ്ട്‌, ബാബി​ലോ​ണി​ലെ കൊത്തി​യു​ണ്ടാ​ക്കിയ രൂപങ്ങൾക്കു നേരെഞാൻ ശ്രദ്ധ തിരി​ക്കുന്ന കാലം ഇതാ വരുന്നു. അവളുടെ ദേശം മുഴുവൻ നാണം​കെ​ടും.അവളുടെ ആളുക​ളിൽ കൊല്ല​പ്പെ​ടു​ന്നവർ അവളുടെ മധ്യേ വീഴും.+ 48  ആകാശവും ഭൂമി​യും അവയി​ലു​ള്ള​തൊ​ക്കെ​യുംബാബി​ലോ​ണി​ന്റെ അവസ്ഥ കണ്ട്‌ സന്തോ​ഷി​ച്ചാർക്കും.+കാരണം, വടക്കു​നിന്ന്‌ സംഹാ​രകർ അവളുടെ നേരെ വരുന്നു”+ എന്ന്‌ യഹോവ പ്രഖ്യാ​പി​ക്കു​ന്നു. 49  “ബാബി​ലോൺ കാരണം വീണത്‌ ഇസ്രാ​യേ​ല്യ​രു​ടെ ശവങ്ങൾ മാത്രമല്ല;+ഭൂമി​യി​ലെ​ങ്ങു​മു​ള്ള​വ​രു​ടെ ശവങ്ങൾ അവിടെ വീണി​രി​ക്കു​ന്നു. 50  വാളിൽനിന്ന്‌ രക്ഷപ്പെട്ട്‌ പോകു​ന്ന​വരേ, എങ്ങും നിൽക്കാ​തെ മുന്നോ​ട്ടു​തന്നെ പോകൂ!+ ദൂരെ​നിന്ന്‌ യഹോ​വയെ ഓർക്കണം.യരുശ​ലേം നിങ്ങളു​ടെ മനസ്സി​ലേക്കു വരട്ടെ.”+ 51  “നിന്ദാ​വാ​ക്കു​കൾ കേട്ട്‌ ഞങ്ങൾ നാണം​കെ​ട്ടി​രി​ക്കു​ന്നു. അപമാ​നം​കൊണ്ട്‌ ഞങ്ങളുടെ മുഖം മൂടി​യി​രി​ക്കു​ന്നു;കാരണം, യഹോ​വ​യു​ടെ ഭവനത്തി​ലെ വിശു​ദ്ധ​സ്ഥ​ല​ങ്ങൾക്കു നേരെ വിദേശികൾ* വന്നല്ലോ.”+ 52  “അതു​കൊണ്ട്‌ ഇതാ, ബാബി​ലോ​ണി​ലെ കൊത്തു​രൂ​പ​ങ്ങൾക്കു നേരെഞാൻ ശ്രദ്ധ തിരി​ക്കുന്ന കാലം വരുന്നു” എന്ന്‌ യഹോവ പ്രഖ്യാ​പി​ക്കു​ന്നു.“അപ്പോൾ, അവളുടെ ദേശ​ത്തെ​ങ്ങും മുറി​വേ​റ്റവർ ഞരങ്ങും.”+ 53  “ബാബി​ലോൺ ആകാശ​ത്തോ​ളം ഉയർന്നാലും+അവൾ തന്റെ ഉയരമുള്ള കോട്ടകൾ ശക്തി​പ്പെ​ടു​ത്തി​യാ​ലുംഎന്നിൽനിന്ന്‌ അവളുടെ സംഹാ​രകർ വരും”+ എന്ന്‌ യഹോവ പ്രഖ്യാ​പി​ക്കു​ന്നു. 54  “കേൾക്കൂ! ബാബി​ലോ​ണിൽനിന്ന്‌ ഒരു നിലവി​ളി ഉയരുന്നു.+കൽദയ​ദേ​ശ​ത്തു​നിന്ന്‌ മഹാവി​നാ​ശ​ത്തി​ന്റെ ഒരു ശബ്ദം.+ 55  യഹോവ ബാബി​ലോ​ണി​നെ നശിപ്പി​ക്കു​ക​യാണ്‌.അവളുടെ ഗംഭീ​ര​ശബ്ദം ദൈവം ഇല്ലാതാ​ക്കും.അവരുടെ തിരമാ​ലകൾ പെരു​വെ​ള്ളം​പോ​ലെ ഇരമ്പും. അവരുടെ ആരവം ഉയർന്നു​കേൾക്കും. 56  കാരണം, സംഹാ​രകൻ ബാബി​ലോ​ണി​ലെ​ത്തും.+അവളുടെ യുദ്ധവീ​ര​ന്മാർ പിടി​യി​ലാ​കും.+അവരുടെ വില്ലുകൾ തകരും.യഹോവ പകരം ചോദി​ക്കുന്ന ദൈവ​മ​ല്ലോ.+ നിശ്ചയ​മാ​യും ദൈവം പകരം വീട്ടും.+ 57  ഞാൻ അവളുടെ പ്രഭു​ക്ക​ന്മാ​രെ​യും ജ്ഞാനി​ക​ളെ​യും കുടി​പ്പിച്ച്‌ ഉന്മത്തരാ​ക്കും;+അവളുടെ ഗവർണർമാ​രെ​യും കീഴധി​കാ​രി​ക​ളെ​യും യുദ്ധവീ​ര​ന്മാ​രെ​യും ലഹരി പിടി​പ്പി​ക്കും.അപ്പോൾ അവർ ഉറങ്ങും, എന്നേക്കു​മാ​യി.പിന്നീട്‌ ഒരിക്ക​ലും അവർ ഉണരില്ല”+ എന്നു സൈന്യ​ങ്ങ​ളു​ടെ അധിപ​നായ യഹോവ എന്നു പേരുള്ള രാജാവ്‌ പ്രഖ്യാ​പി​ക്കു​ന്നു. 58  സൈന്യങ്ങളുടെ അധിപ​നായ യഹോവ പറയുന്നു: “ബാബി​ലോൺമ​തിൽ വീതി​യു​ള്ള​തെ​ങ്കി​ലും പൂർണ​മാ​യും തകർക്ക​പ്പെ​ടും.+അവളുടെ കവാടങ്ങൾ ഉയരമു​ള്ള​തെ​ങ്കി​ലും കത്തി നശിക്കും. ജനങ്ങളു​ടെ കഠിനാ​ധ്വാ​നം പാഴാ​കും.ജനതക​ളു​ടെ അധ്വാ​ന​ഫലം തീക്കി​ര​യാ​കും.”+ 59  യഹൂദയിലെ സിദെ​ക്കിയ രാജാ​വി​ന്റെ വാഴ്‌ച​യു​ടെ നാലാം വർഷത്തിൽ രാജാ​വി​നോ​ടൊ​പ്പം ബാബി​ലോ​ണി​ലേക്കു പോയ സെരാ​യ​യ്‌ക്കു യിരെമ്യ പ്രവാ​ചകൻ ചില നിർദേ​ശങ്ങൾ കൊടു​ത്തു. ഈ സെരായ, മഹസേ​യ​യു​ടെ മകനായ നേരി​യ​യു​ടെ മകനും+ പാളയ​വി​ചാ​ര​ക​നും ആയിരു​ന്നു. 60  ബാബിലോണിനു സംഭവി​ക്കാ​നി​രി​ക്കുന്ന എല്ലാ ദുരന്ത​ങ്ങ​ളും, അതായത്‌ ബാബി​ലോ​ണിന്‌ എതിരെ എഴുതി​യി​രുന്ന എല്ലാ വചനങ്ങ​ളും, യിരെമ്യ ഒരു പുസ്‌ത​ക​ത്തിൽ എഴുതി. 61  യിരെമ്യ സെരാ​യ​യോ​ടു പറഞ്ഞു: “താങ്കൾ ബാബി​ലോ​ണിൽ ചെന്ന്‌ സ്വന്തക​ണ്ണാൽ ആ നഗരം കാണു​മ്പോൾ ഈ വാക്കു​ക​ളെ​ല്ലാം ഉച്ചത്തിൽ വായി​ക്കണം. 62  എന്നിട്ട്‌, ‘യഹോവേ, ഈ സ്ഥലം നശിച്ച്‌ മനുഷ്യ​നോ മൃഗമോ ഇല്ലാത്ത ശൂന്യ​സ്ഥ​ല​മാ​കു​മെ​ന്നും അവൾ എന്നും ഒരു പാഴ്‌നി​ല​മാ​യി​ക്കി​ട​ക്കു​മെ​ന്നും അങ്ങ്‌ പറഞ്ഞി​ട്ടു​ണ്ട​ല്ലോ’ എന്നു പറയണം.+ 63  പുസ്‌തകം വായി​ച്ചു​ക​ഴി​യു​മ്പോൾ അതിൽ ഒരു കല്ലു കെട്ടി യൂഫ്ര​ട്ടീസ്‌ നദിയു​ടെ നടുവി​ലേക്ക്‌ എറിയുക. 64  എന്നിട്ട്‌ പറയണം: ‘ഞാൻ ദുരന്തം വരുത്തു​മ്പോൾ ബാബി​ലോ​ണും ഇതു​പോ​ലെ മുങ്ങി​പ്പോ​കും. പിന്നെ ഒരിക്ക​ലും അവൾ പൊങ്ങി​വ​രില്ല.+ അവർ ക്ഷയിച്ചു​പോ​കും.’”+ ഇത്രയു​മാ​ണു യിരെ​മ്യ​യു​ടെ വാക്കുകൾ.

അടിക്കുറിപ്പുകള്‍

കൽദയ എന്നതിന്റെ കോഡു​ഭാ​ഷ​യി​ലുള്ള പേരാ​യി​രി​ക്കാം ലബ്‌-കമായ്‌.
അക്ഷ. “വില്ലു ചവിട്ടാ​തി​രി​ക്കട്ടെ.”
അതായത്‌, കൽദയ​രു​ടെ ദേശം.
അഥവാ “സുഗന്ധക്കറ.”
മറ്റൊരു സാധ്യത “ആവനാഴി നിറയ്‌ക്കൂ!”
അഥവാ “കൊടി​മരം.”
അഥവാ “നീരാവി.”
മറ്റൊരു സാധ്യത “മഴയ്‌ക്കാ​യി നീർച്ചാ​ലു​കൾ ഉണ്ടാക്കു​ന്നു.”
അഥവാ “ലോഹം വാർത്തു​ണ്ടാ​ക്കിയ പ്രതി​മകൾ.”
അഥവാ “ആത്മാവില്ല; ശ്വാസ​മില്ല.”
അഥവാ “വ്യർഥ​ത​യാ​ണ്‌.”
മറ്റൊരു സാധ്യത “തന്റെ അവകാ​ശ​ദ​ണ്ഡു​പോ​ലും ഉണ്ടാക്കി​യത്‌.”
അഥവാ “കൊടി​മരം.”
അക്ഷ. “വിശു​ദ്ധീ​ക​രി​ച്ച്‌ വേർതി​രി​ക്കൂ!”
അക്ഷ. “വിശു​ദ്ധീ​ക​രി​ച്ച്‌ വേർതി​രി​ക്കൂ!”
പദാവലിയിൽ “പപ്പൈ​റസ്‌” കാണുക.
അക്ഷ. “നെബൂ​ഖ​ദ്‌രേസർ.” ഇങ്ങനെ​യും എഴുതാ​റു​ണ്ട്‌.
അക്ഷ. “കണ്ട്‌ ചൂളമ​ടി​ക്കുന്ന.”
അഥവാ “സടയുള്ള, വളർച്ച​യെ​ത്തിയ സിംഹ​ങ്ങ​ളെ​പ്പോ​ലെ.”
ബാബേൽ (ബാബി​ലോൺ) എന്നതിന്റെ കോഡു​ഭാ​ഷ​യി​ലുള്ള പേരാ​യി​രി​ക്കാം ഇത്‌.
അഥവാ “അന്യർ.”

പഠനക്കുറിപ്പുകൾ

ദൃശ്യാവിഷ്കാരം