വിവരങ്ങള്‍ കാണിക്കുക

ഉള്ളടക്കം കാണിക്കുക

യഹോവയുടെ സാക്ഷികൾ

ഭാഷ തിരഞ്ഞെടുക്കുക മലയാളം
വിശുദ്ധ തിരുവെഴുത്തുകൾ​—പുതിയ ലോക ഭാഷാ​ന്തരം (പഠനപ്പ​തിപ്പ്‌)

യിരെമ്യ 40:1-16

40  കാവൽക്കാ​രു​ടെ മേധാ​വി​യായ നെബൂസരദാൻ+ യിരെ​മ്യ​യെ രാമയിൽനിന്ന്‌+ വിട്ടയ​ച്ച​ശേഷം യിരെ​മ്യക്ക്‌ യഹോ​വ​യിൽനിന്ന്‌ ഒരു സന്ദേശം കിട്ടി. യരുശ​ലേ​മിൽനി​ന്നും യഹൂദ​യിൽനി​ന്നും ബാബി​ലോ​ണി​ലേക്കു നാടു​ക​ട​ത്തു​ന്ന​വ​രു​ടെ​കൂ​ടെ അയാൾ യിരെ​മ്യ​യെ​യും കൈവി​ല​ങ്ങു​വെച്ച്‌ രാമയി​ലേക്കു കൊണ്ടു​പോ​യി​രു​ന്നു.  കാവൽക്കാരുടെ മേധാവി യിരെ​മ്യ​യെ വിളിച്ച്‌ ഇങ്ങനെ പറഞ്ഞു: “നിന്റെ ദൈവ​മായ യഹോവ ഈ സ്ഥലത്തിന്‌ എതിരെ ഇങ്ങനെ​യൊ​രു ദുരന്തം മുൻകൂ​ട്ടി​പ്പ​റ​ഞ്ഞ​താണ്‌.  പറഞ്ഞതുപോലെതന്നെ യഹോവ അതു വരുത്തു​ക​യും ചെയ്‌തു. കാരണം, നിങ്ങൾ യഹോ​വ​യോ​ടു പാപം ചെയ്‌തു; ദൈവ​ത്തി​ന്റെ വാക്കു കേട്ടനു​സ​രി​ച്ചില്ല. അതു​കൊ​ണ്ടാണ്‌ നിങ്ങൾക്ക്‌ ഇങ്ങനെ​യൊ​ക്കെ സംഭവി​ച്ചത്‌.+  ഞാൻ ഇപ്പോൾ നിന്റെ കൈവി​ല​ങ്ങു​കൾ അഴിച്ച്‌ നിന്നെ സ്വത​ന്ത്ര​നാ​ക്കു​ന്നു. എന്റെകൂ​ടെ ബാബി​ലോ​ണി​ലേക്കു വരുന്ന​താ​ണു നല്ലതെന്നു തോന്നു​ന്നെ​ങ്കിൽ പോരൂ, ഞാൻ നിന്നെ നോക്കി​ക്കൊ​ള്ളാം. എന്റെകൂ​ടെ വരാൻ താത്‌പ​ര്യ​മി​ല്ലെ​ങ്കിൽ വരേണ്ടാ. ഇതാ! ദേശം മുഴു​വ​നും നിന്റെ മുന്നി​ലുണ്ട്‌. ഇഷ്ടമു​ള്ളി​ട​ത്തേക്കു പൊയ്‌ക്കൊ​ള്ളൂ.”+  തിരികെ പോക​ണോ വേണ്ടയോ എന്നു ചിന്തി​ച്ചു​നിൽക്കുന്ന യിരെ​മ്യ​യോ​ടു നെബൂ​സ​ര​ദാൻ പറഞ്ഞു: “യഹൂദാ​ന​ഗ​ര​ങ്ങ​ളു​ടെ മേൽ ബാബി​ലോൺരാ​ജാവ്‌ നിയമിച്ച ശാഫാന്റെ മകനായ+ അഹീക്കാ​മി​ന്റെ മകൻ+ ഗദല്യയുടെ+ അടു​ത്തേക്കു മടങ്ങി​പ്പോ​യി അയാ​ളോ​ടൊ​പ്പം ജനത്തിന്‌ ഇടയിൽ താമസി​ക്കുക. ഇനി, മറ്റ്‌ എവി​ടെ​യെ​ങ്കി​ലും പോകാ​നാ​ണു നിനക്ക്‌ ഇഷ്ടമെ​ങ്കിൽ അങ്ങനെ​യും ചെയ്യാം.” ഇങ്ങനെ പറഞ്ഞിട്ട്‌, കാവൽക്കാ​രു​ടെ മേധാവി ഭക്ഷണവും സമ്മാന​വും കൊടു​ത്ത്‌ യിരെ​മ്യ​യെ പറഞ്ഞയച്ചു.  അങ്ങനെ യിരെമ്യ മിസ്‌പയിൽ+ അഹീക്കാ​മി​ന്റെ മകൻ ഗദല്യ​യു​ടെ അടു​ത്തേക്കു പോയി ദേശത്ത്‌ ശേഷിച്ച ജനത്തിന്റെ ഇടയിൽ അയാ​ളോ​ടൊ​പ്പം താമസി​ച്ചു.  ബാബിലോൺരാജാവ്‌ അഹീക്കാ​മി​ന്റെ മകൻ ഗദല്യയെ ദേശത്തി​നു മേൽ നിയമി​ച്ചെ​ന്നും ബാബി​ലോ​ണി​ലേക്കു നാടു​ക​ട​ത്താ​ത്ത​വ​രാ​യി ദേശത്ത്‌ ശേഷിച്ച പാവപ്പെട്ട പുരു​ഷ​ന്മാ​രെ​യും സ്‌ത്രീ​ക​ളെ​യും കുട്ടി​ക​ളെ​യും അയാളു​ടെ ചുമത​ല​യി​ലാ​ക്കി​യെ​ന്നും വെളി​മ്പ്ര​ദേ​ശത്ത്‌ തങ്ങളുടെ ആളുക​ളോ​ടൊ​പ്പം കഴിയുന്ന എല്ലാ സൈന്യാ​ധി​പ​ന്മാ​രും കേട്ടു.+  അതുകൊണ്ട്‌ അവർ മിസ്‌പ​യിൽ ഗദല്യ​യു​ടെ അടു​ത്തേക്കു ചെന്നു.+ നെഥന്യ​യു​ടെ മകൻ യിശ്‌മാ​യേൽ,+ കാരേ​ഹി​ന്റെ പുത്ര​ന്മാ​രായ യോഹാ​നാൻ,+ യോനാ​ഥാൻ, തൻഹൂ​മെ​ത്തി​ന്റെ മകൻ സെരായ, നെതോ​ഫ​ത്യ​നായ എഫായി​യു​ടെ പുത്ര​ന്മാർ, മാഖാ​ത്യ​ന്റെ മകൻ യയസന്യ+ എന്നിവ​രും അവരുടെ ആളുക​ളും ആണ്‌ ചെന്നത്‌.  ശാഫാന്റെ മകനായ അഹീക്കാ​മി​ന്റെ മകൻ ഗദല്യ അവരോ​ടും അവരുടെ ആളുക​ളോ​ടും സത്യം ചെയ്‌തി​ട്ട്‌ ഇങ്ങനെ പറഞ്ഞു: “കൽദയരെ സേവി​ക്കു​ന്ന​തി​നെ​ക്കു​റിച്ച്‌ ഓർത്ത്‌ നിങ്ങൾ പേടി​ക്കേണ്ടാ. ദേശത്ത്‌ താമസി​ച്ച്‌ ബാബി​ലോൺ രാജാ​വി​നെ സേവി​ച്ചു​കൊ​ള്ളുക. അതു നിങ്ങൾക്കു ഗുണം ചെയ്യും.+ 10  ഞാൻ മിസ്‌പ​യിൽ താമസി​ക്കാം. നമ്മുടെ അടു​ത്തേക്കു വരുന്ന കൽദയ​രു​ടെ മുന്നിൽ ഞാൻ നിങ്ങളു​ടെ പ്രതി​നി​ധി​യാ​യി​രി​ക്കും.* നിങ്ങൾ വീഞ്ഞും വേനൽക്കാ​ല​പ​ഴ​ങ്ങ​ളും എണ്ണയും പാത്ര​ങ്ങ​ളിൽ ശേഖരി​ച്ച്‌, നിങ്ങൾ കൈവ​ശ​പ്പെ​ടു​ത്തിയ നഗരങ്ങ​ളിൽത്തന്നെ താമസ​മു​റ​പ്പി​ക്കുക.”+ 11  ബാബിലോൺരാജാവ്‌ കുറച്ച്‌ പേരെ യഹൂദ​യിൽത്തന്നെ താമസി​ക്കാൻ അനുവ​ദി​ച്ചെ​ന്നും ശാഫാന്റെ മകനായ അഹീക്കാ​മി​ന്റെ മകൻ ഗദല്യയെ അവരുടെ ചുമതല ഏൽപ്പി​ച്ചെ​ന്നും മോവാ​ബി​ലും അമ്മോ​നി​ലും ഏദോ​മി​ലും മറ്റെല്ലാ ദേശങ്ങ​ളി​ലും ഉള്ള ജൂതന്മാ​രെ​ല്ലാം കേട്ടു. 12  അതുകൊണ്ട്‌ ആ ജൂതന്മാ​രെ​ല്ലാം തങ്ങളെ ചിതറി​ച്ചു​കളഞ്ഞ എല്ലാ സ്ഥലങ്ങളിൽനി​ന്നും യഹൂദാ​ദേ​ശ​ത്തേക്കു മടങ്ങി​വ​രാൻതു​ടങ്ങി. അവർ മിസ്‌പ​യിൽ ഗദല്യ​യു​ടെ അടുത്ത്‌ വന്നു. വീഞ്ഞും വേനൽക്കാ​ല​പ​ഴ​ങ്ങ​ളും അവർ സമൃദ്ധ​മാ​യി ശേഖരി​ച്ചു. 13  കാരേഹിന്റെ മകൻ യോഹാ​നാ​നും വെളി​മ്പ്ര​ദേ​ശ​ത്തു​ണ്ടാ​യി​രുന്ന എല്ലാ സൈന്യാ​ധി​പ​ന്മാ​രും മിസ്‌പ​യിൽ ഗദല്യ​യു​ടെ അടുത്ത്‌ വന്നു. 14  അവർ ഗദല്യ​യോട്‌, “അമ്മോ​ന്യ​രാ​ജാ​വായ ബാലിസ്‌ അങ്ങയെ കൊല്ലാനാണു+ നെഥന്യ​യു​ടെ മകൻ യിശ്‌മായേലിനെ+ അയച്ചി​രി​ക്കു​ന്ന​തെന്ന കാര്യം അങ്ങയ്‌ക്ക്‌ അറിയി​ല്ലേ” എന്നു ചോദി​ച്ചു. പക്ഷേ അഹീക്കാ​മി​ന്റെ മകൻ ഗദല്യ അവർ പറഞ്ഞതു വിശ്വ​സി​ച്ചില്ല. 15  പിന്നെ കാരേ​ഹി​ന്റെ മകൻ യോഹാ​നാൻ മിസ്‌പ​യിൽവെച്ച്‌ രഹസ്യ​മാ​യി ഗദല്യ​യോ​ടു പറഞ്ഞു: “നെഥന്യ​യു​ടെ മകൻ യിശ്‌മാ​യേ​ലി​നെ ഞാൻ കൊന്നു​ക​ള​യട്ടേ? ഒരു കുഞ്ഞു​പോ​ലും അറിയില്ല. അവൻ അങ്ങയെ വധിച്ചി​ട്ട്‌ അങ്ങയുടെ അടുത്ത്‌ വന്നിരി​ക്കുന്ന യഹൂദാ​ജനം മുഴുവൻ എന്തിനു ചിതറി​പ്പോ​കണം? യഹൂദാ​ജ​ന​ത്തിൽ ബാക്കി​യു​ള്ളവർ എന്തിനു നശിക്കണം?” 16  പക്ഷേ അഹീക്കാ​മി​ന്റെ മകൻ ഗദല്യ+ കാരേ​ഹി​ന്റെ മകൻ യോഹാ​നാ​നോ​ടു പറഞ്ഞു: “അങ്ങനെ ചെയ്യരു​ത്‌. യിശ്‌മാ​യേ​ലി​നെ​ക്കു​റിച്ച്‌ നീ ഈ പറയു​ന്ന​തൊ​ന്നും സത്യമല്ല.”

അടിക്കുറിപ്പുകള്‍

അക്ഷ. “ഞാൻ നിൽക്കും.”

പഠനക്കുറിപ്പുകൾ

ദൃശ്യാവിഷ്കാരം