യിരെമ്യ 29:1-32

29  യരുശ​ലേ​മിൽനിന്ന്‌ ബാബി​ലോ​ണി​ലേക്കു നെബൂ​ഖ​ദ്‌നേസർ ബന്ദിക​ളാ​യി കൊണ്ടു​പോ​യ​വ​രിൽപ്പെട്ട മൂപ്പന്മാർക്കും പുരോ​ഹി​ത​ന്മാർക്കും പ്രവാ​ച​ക​ന്മാർക്കും സർവജ​ന​ത്തി​നും യിരെമ്യ പ്രവാ​ചകൻ യരുശ​ലേ​മിൽനിന്ന്‌ അയച്ച കത്തിലെ വാക്കുകൾ.  യഖൊന്യ രാജാവും+ അമ്മമഹാറാണിയും*+ കൊട്ടാ​രോ​ദ്യോ​ഗ​സ്ഥ​ന്മാ​രും യഹൂദ​യി​ലെ​യും യരുശ​ലേ​മി​ലെ​യും പ്രഭു​ക്ക​ന്മാ​രും ശില്‌പി​ക​ളും ലോഹപ്പണിക്കാരും* യരുശ​ലേ​മിൽനിന്ന്‌ പോയ​തി​നു ശേഷമാ​ണ്‌ അത്‌ അയച്ചത്‌.+  യഹൂദാരാജാവായ സിദെക്കിയ+ ബാബി​ലോ​ണി​ലെ നെബൂ​ഖ​ദ്‌നേസർ രാജാ​വി​ന്റെ അടു​ത്തേക്ക്‌ അയച്ച ശാഫാന്റെ മകനായ+ എലാസ​യു​ടെ​യും ഹിൽക്കി​യ​യു​ടെ മകനായ ഗമര്യ​യു​ടെ​യും കൈയി​ലാ​ണു യിരെമ്യ അതു കൊടു​ത്ത​യ​ച്ചത്‌. അതിൽ ഇങ്ങനെ എഴുതി​യി​രു​ന്നു:  “ഇസ്രാ​യേ​ലി​ന്റെ ദൈവം, സൈന്യ​ങ്ങ​ളു​ടെ അധിപ​നായ യഹോവ എന്ന ഞാൻ, യരുശ​ലേ​മിൽനിന്ന്‌ ബാബി​ലോ​ണി​ലേക്കു നാടു കടത്തിയ ജനത്തോ​ടു മുഴുവൻ പറയുന്നു:  ‘നിങ്ങൾ വീടുകൾ പണിത്‌ അവയിൽ താമസി​ക്കൂ! തോട്ടങ്ങൾ നട്ടുണ്ടാ​ക്കി അവിടെ വിളയു​ന്നതു കഴിക്കൂ!  നിങ്ങൾ വിവാഹം കഴിച്ച്‌ മക്കളെ ജനിപ്പി​ക്കണം. നിങ്ങളു​ടെ ആൺമക്കൾക്കു ഭാര്യ​മാ​രെ കണ്ടെത്തു​ക​യും പെൺമ​ക്കളെ വിവാഹം ചെയ്‌ത്‌ കൊടു​ക്കു​ക​യും വേണം. അവർക്കും മക്കൾ ഉണ്ടാകട്ടെ. അങ്ങനെ, നിങ്ങൾ അവിടെ പെരു​കണം; നിങ്ങളു​ടെ എണ്ണം കുറഞ്ഞു​പോ​ക​രുത്‌.  ഞാൻ നിങ്ങളെ നാടു കടത്തിയ നഗരത്തിൽ സമാധാ​നം നിലനി​റു​ത്താൻ ശ്രദ്ധി​ക്കണം. ആ നഗരത്തി​നു​വേണ്ടി യഹോ​വ​യോ​ടു പ്രാർഥി​ക്കുക.+ കാരണം, അവിടെ സമാധാ​ന​മു​ണ്ടെ​ങ്കിൽ നിങ്ങൾക്കും സമാധാ​ന​മു​ണ്ടാ​കും.  ഇസ്രായേലിന്റെ ദൈവം, സൈന്യ​ങ്ങ​ളു​ടെ അധിപ​നായ യഹോവ, പറയുന്നു: “നിങ്ങളു​ടെ ഇടയിലെ പ്രവാ​ച​ക​ന്മാ​രും ഭാവി​ഫലം പറയു​ന്ന​വ​രും നിങ്ങളെ വഞ്ചിക്കാൻ ഇടയാ​ക​രുത്‌.+ അവർ കാണുന്ന സ്വപ്‌ന​ങ്ങൾക്കു ശ്രദ്ധ കൊടു​ക്ക​രുത്‌.  കാരണം, ‘അവർ എന്റെ നാമത്തിൽ നിങ്ങ​ളോ​ടു പ്രവചി​ക്കു​ന്നതു നുണക​ളാണ്‌. അവരെ ഞാൻ അയച്ചതല്ല’+ എന്ന്‌ യഹോവ പ്രഖ്യാ​പി​ക്കു​ന്നു.”’” 10  “യഹോവ പറയു​ന്നത്‌ ഇതാണ്‌: ‘ബാബി​ലോ​ണിൽ ചെന്ന്‌ 70 വർഷം തികയു​മ്പോൾ ഞാൻ നിങ്ങളി​ലേക്കു ശ്രദ്ധ തിരി​ക്കും.+ നിങ്ങളെ ഇവി​ടേക്കു തിരികെ കൊണ്ടു​വ​ന്നു​കൊണ്ട്‌ ഞാൻ എന്റെ വാഗ്‌ദാ​നം പാലി​ക്കും.’+ 11  “‘ഞാൻ നിങ്ങൾക്കു​വേണ്ടി ചെയ്യാൻപോ​കു​ന്നത്‌ എന്താ​ണെന്ന്‌ എനിക്കു നന്നായി അറിയാം. ഞാൻ ചിന്തി​ക്കു​ന്നതു ദുരന്ത​ത്തെ​ക്കു​റി​ച്ചല്ല, സമാധാ​ന​ത്തെ​ക്കു​റി​ച്ചാണ്‌;+ നിങ്ങൾക്ക്‌ ഒരു നല്ല ഭാവി​യും പ്രത്യാ​ശ​യും തരുന്ന​തി​നെ​ക്കു​റി​ച്ചാണ്‌’+ എന്ന്‌ യഹോവ പ്രഖ്യാ​പി​ക്കു​ന്നു. 12  ‘നിങ്ങൾ എന്നെ വിളി​ക്കും; വന്ന്‌ എന്നോടു പ്രാർഥി​ക്കും. ഞാൻ നിങ്ങളു​ടെ പ്രാർഥന കേൾക്കു​ക​യും ചെയ്യും.’+ 13  “‘നിങ്ങൾ എന്നെ അന്വേ​ഷി​ക്കും;+ മുഴു​ഹൃ​ദ​യ​ത്തോ​ടെ അന്വേ​ഷി​ക്കു​ന്ന​തു​കൊണ്ട്‌ കണ്ടെത്തു​ക​യും ചെയ്യും.+ 14  അതെ, നിങ്ങൾ എന്നെ കണ്ടെത്താൻ ഞാൻ ഇടവരു​ത്തും’+ എന്ന്‌ യഹോവ പ്രഖ്യാ​പി​ക്കു​ന്നു. ‘ഞാൻ നിങ്ങളി​ലെ ബന്ദികളെ ഒരുമി​ച്ചു​കൂ​ട്ടും; നിങ്ങളെ ചിതറി​ച്ചു​കളഞ്ഞ എല്ലാ ജനതക​ളിൽനി​ന്നും സ്ഥലങ്ങളിൽനി​ന്നും ഞാൻ നിങ്ങളെ ശേഖരി​ക്കും. എവി​ടെ​നി​ന്നാ​ണോ നിങ്ങളെ നാടു കടത്തി​യത്‌ അവി​ടേ​ക്കു​തന്നെ തിരികെ കൊണ്ടു​വ​രും’ എന്ന്‌ യഹോവ പ്രഖ്യാ​പി​ക്കു​ന്നു.+ 15  “പക്ഷേ, ‘യഹോവ ഞങ്ങൾക്കു​വേണ്ടി ബാബി​ലോ​ണിൽ പ്രവാ​ച​ക​ന്മാ​രെ എഴു​ന്നേൽപ്പി​ച്ചി​രി​ക്കു​ന്നു’ എന്നു നിങ്ങൾ പറയുന്നു. 16  “ദാവീ​ദി​ന്റെ സിംഹാ​സ​ന​ത്തിൽ ഇരിക്കുന്ന രാജാവിനോടും+ നിങ്ങ​ളോ​ടൊ​പ്പം ബന്ദിക​ളാ​യി പോകാ​തെ ഈ നഗരത്തിൽ താമസി​ക്കുന്ന നിങ്ങളു​ടെ സഹോ​ദ​ര​ങ്ങ​ളായ ജനത്തോ​ടും യഹോവ പറയു​ന്നത്‌ ഇതാണ്‌. 17  ‘സൈന്യ​ങ്ങ​ളു​ടെ അധിപ​നായ യഹോവ പറയുന്നു: “ഇതാ, ഞാൻ അവരുടെ നേരെ വാളും ക്ഷാമവും മാരക​മായ പകർച്ച​വ്യാ​ധി​യും അയയ്‌ക്കു​ന്നു.+ അവരെ ഞാൻ, വായിൽ വെക്കാൻ കൊള്ളാ​ത്തത്ര ചീഞ്ഞ* അത്തിപ്പ​ഴ​ങ്ങൾപോ​ലെ​യാ​ക്കും.”’+ 18  “‘വാളും+ ക്ഷാമവും മാരക​മായ പകർച്ച​വ്യാ​ധി​യും കൊണ്ട്‌ ഞാൻ അവരെ പിന്തു​ട​രും. ഭൂമി​യി​ലുള്ള എല്ലാ രാജ്യ​ങ്ങൾക്കും അവരെ ഒരു ഭീതി​കാ​ര​ണ​വും ശാപവും ആക്കും.+ അവരെ കണ്ട്‌ എല്ലാവ​രും ആശ്ചര്യ​പ്പെ​ടും, അതിശ​യ​ത്തോ​ടെ തല കുലു​ക്കും.*+ അവരെ ചിതറി​ച്ചു​ക​ള​യുന്ന എല്ലാ ജനതക​ളു​ടെ​യും ഇടയിൽ അവർ ഒരു നിന്ദാ​പാ​ത്ര​മാ​കും.+ 19  കാരണം, എന്റെ ദാസരായ പ്രവാ​ച​ക​ന്മാ​രി​ലൂ​ടെ ഞാൻ അറിയിച്ച സന്ദേശ​ങ്ങൾക്ക്‌ അവർ ശ്രദ്ധ കൊടു​ത്തില്ല’ എന്ന്‌ യഹോവ പ്രഖ്യാ​പി​ക്കു​ന്നു. ‘അവരെ ഞാൻ വീണ്ടുംവീണ്ടും* അയച്ചു.’+ “‘എന്നിട്ടും നിങ്ങൾ ശ്രദ്ധി​ച്ചില്ല’+ എന്നും യഹോവ പ്രഖ്യാ​പി​ക്കു​ന്നു. 20  “അതു​കൊണ്ട്‌ ഞാൻ യരുശ​ലേ​മിൽനിന്ന്‌ ബാബി​ലോ​ണി​ലേക്കു ബന്ദിക​ളാ​യി അയച്ച ജനമേ, നിങ്ങൾ യഹോ​വ​യു​ടെ സന്ദേശം കേട്ടു​കൊ​ള്ളൂ. 21  എന്റെ നാമത്തിൽ നിങ്ങ​ളോ​ടു നുണകൾ പ്രവചിക്കുന്ന+ കോലാ​യ​യു​ടെ മകൻ ആഹാബി​നെ​ക്കു​റി​ച്ചും മയസേ​യ​യു​ടെ മകൻ സിദെ​ക്കി​യ​യെ​ക്കു​റി​ച്ചും ഇസ്രാ​യേ​ലി​ന്റെ ദൈവം, സൈന്യ​ങ്ങ​ളു​ടെ അധിപ​നായ യഹോവ, പറയുന്നു: ‘ഇതാ, ഞാൻ അവരെ ബാബി​ലോ​ണി​ലെ നെബൂഖദ്‌നേസർ* രാജാ​വി​ന്റെ കൈയിൽ ഏൽപ്പി​ക്കു​ന്നു. അവൻ അവരെ നിങ്ങളു​ടെ കൺമു​ന്നിൽവെച്ച്‌ കൊന്നു​ക​ള​യും. 22  അവർക്കു സംഭവി​ക്കു​ന്നത്‌ യഹൂദ​യിൽനിന്ന്‌ ബാബി​ലോ​ണി​ലേക്കു ബന്ദിക​ളാ​യി കൊണ്ടു​പോയ എല്ലാവ​രു​ടെ​യും ഇടയിൽ ഒരു ശാപവ​ച​ന​മാ​യി മാറും. “യഹോവ നിന്നെ, ബാബി​ലോൺരാ​ജാവ്‌ ചുട്ടെ​രിച്ച സിദെ​ക്കി​യ​യെ​യും ആഹാബി​നെ​യും പോ​ലെ​യാ​ക്കട്ടെ!” എന്ന്‌ അവർ പറയും. 23  കാരണം, അവർ ഇസ്രാ​യേ​ലിൽ നിന്ദ്യ​മാ​യതു ചെയ്‌തി​രി​ക്കു​ന്നു.+ അവർ അയൽക്കാ​രു​ടെ ഭാര്യ​മാ​രു​മാ​യി വ്യഭി​ചാ​രം ചെയ്യു​ക​യും ഞാൻ കല്‌പി​ക്കാത്ത, വ്യാജ​മായ സന്ദേശങ്ങൾ എന്റെ നാമത്തിൽ പറയു​ക​യും ചെയ്യുന്നു.+ “‘“ഞാൻ ഇതെല്ലാം അറിയു​ന്നു. ഞാൻ അതിനു സാക്ഷി”+ എന്ന്‌ യഹോവ പ്രഖ്യാ​പി​ക്കു​ന്നു.’” 24  “നെഹലാം​കാ​ര​നായ ശെമയ്യയോടു+ നീ പറയണം: 25  ‘ഇസ്രാ​യേ​ലി​ന്റെ ദൈവം, സൈന്യ​ങ്ങ​ളു​ടെ അധിപ​നായ യഹോവ പറയുന്നു: “നീ നിന്റെ പേരിൽ യരുശ​ലേ​മി​ലുള്ള മുഴുവൻ ജനങ്ങൾക്കും പുരോ​ഹി​ത​നായ മയസേ​യ​യു​ടെ മകൻ സെഫന്യക്കും+ എല്ലാ പുരോ​ഹി​ത​ന്മാർക്കും കത്തുകൾ അയച്ചില്ലേ? നീ ഇങ്ങനെ എഴുതി: 26  ‘പുരോ​ഹി​ത​നായ യഹോ​യാ​ദ​യ്‌ക്കു പകരം യഹോവ അങ്ങയെ പുരോ​ഹി​ത​നാ​ക്കി​യത്‌ യഹോ​വ​യു​ടെ ഭവനത്തി​ന്റെ മേൽവി​ചാ​ര​ക​നാ​യി​രി​ക്കാ​നല്ലേ? വല്ല ഭ്രാന്ത​ന്മാ​രും പ്രവാ​ച​ക​നെ​പ്പോ​ലെ പെരു​മാ​റു​ന്നെ​ങ്കിൽ അവരെ പിടിച്ച്‌ തടിവിലങ്ങിലും*+ ആമത്തിലും* ഇടേണ്ടത്‌ അങ്ങല്ലേ? 27  പിന്നെ എന്താണ്‌ നിങ്ങളു​ടെ മുന്നിൽ പ്രവാ​ച​ക​നെ​പ്പോ​ലെ പെരുമാറുന്ന+ അനാ​ഥോ​ത്തു​കാ​ര​നായ യിരെമ്യയെ+ അങ്ങ്‌ ശിക്ഷി​ക്കാ​ത്തത്‌? 28  അവൻ ബാബി​ലോ​ണി​ലുള്ള ഞങ്ങൾക്കു​പോ​ലും സന്ദേശം അയച്ചു. അവൻ പറഞ്ഞു: “ഇനിയും കാലം കുറെ​യുണ്ട്‌! വീടുകൾ പണിത്‌ താമസി​ക്കുക. തോട്ടങ്ങൾ നട്ടുണ്ടാ​ക്കി അവിടെ വിളയു​ന്നതു കഴിക്കുക,+—”’”’” 29  യിരെമ്യ പ്രവാ​ചകൻ കേൾക്കെ സെഫന്യ പുരോഹിതൻ+ ഈ കത്തു വായി​ച്ച​പ്പോൾ 30  യിരെമ്യക്ക്‌ യഹോ​വ​യു​ടെ സന്ദേശം കിട്ടി: 31  “ബന്ദിക​ളാ​യി കൊണ്ടു​പോയ ജനത്തെ മുഴുവൻ ഈ വിവരം അറിയി​ക്കുക: ‘നെഹലാം​കാ​ര​നായ ശെമയ്യ​യെ​ക്കു​റിച്ച്‌ യഹോവ പറയു​ന്നത്‌ ഇതാണ്‌: “ഞാൻ അയയ്‌ക്കാ​തെ​തന്നെ ശെമയ്യ നിങ്ങ​ളോ​ടു പ്രവചി​ക്കു​ക​യും നിങ്ങളെ നുണകൾ വിശ്വ​സി​പ്പി​ക്കാൻ നോക്കു​ക​യും ചെയ്‌തതുകൊണ്ട്‌+ 32  യഹോവ പറയുന്നു: ‘ഇതാ, ഞാൻ നെഹലാം​കാ​ര​നായ ശെമയ്യ​യ്‌ക്കും അവന്റെ പിൻത​ല​മു​റ​ക്കാർക്കും എതിരെ തിരി​യു​ന്നു. അവന്റെ ആളുക​ളിൽ ഒരാൾപ്പോ​ലും ഈ ജനത്തിന്‌ ഇടയിൽ ബാക്കി​യു​ണ്ടാ​കില്ല. ഞാൻ എന്റെ ജനത്തിനു ചെയ്യാൻപോ​കുന്ന നന്മ അവൻ കാണു​ക​യു​മില്ല. കാരണം, യഹോ​വയെ ധിക്കരി​ക്കാൻ അവൻ ആളുകളെ പ്രേരി​പ്പി​ച്ചു’ എന്ന്‌ യഹോവ പ്രഖ്യാ​പി​ക്കു​ന്നു.”’”

അടിക്കുറിപ്പുകള്‍

അഥവാ “കുലീ​ന​വ​നി​ത​യും.”
മറ്റൊരു സാധ്യത “പ്രതി​രോ​ധ​മ​തിൽ പണിയു​ന്ന​വ​രും.”
മറ്റൊരു സാധ്യത “പഴുത്ത്‌ പൊട്ടിയ.”
അക്ഷ. “എല്ലാവ​രും ആശ്ചര്യ​പ്പെ​ടും, ചൂളമ​ടി​ക്കും.”
അക്ഷ. “അതിരാ​വി​ലെ എഴു​ന്നേറ്റ്‌.”
അക്ഷ. “നെബൂ​ഖ​ദ്‌രേസർ.” ഇങ്ങനെ​യും എഴുതാ​റു​ണ്ട്‌.
പദാവലി കാണുക.
അഥവാ “അവരുടെ കഴുത്ത്‌ ഇരുമ്പു​ബ​ന്ധ​ന​ത്തി​ലും.”

പഠനക്കുറിപ്പുകൾ

ദൃശ്യാവിഷ്കാരം