യിരെമ്യ 21:1-14

21  സിദെക്കിയ+ രാജാവ്‌ മൽക്കീ​യ​യു​ടെ മകനായ പശ്‌ഹൂരിനെയും+ പുരോ​ഹി​ത​നായ മയസേ​യ​യു​ടെ മകൻ സെഫന്യയെയും+ യിരെ​മ്യ​യു​ടെ അടുത്ത്‌ ഇങ്ങനെ​യൊ​രു അപേക്ഷ​യു​മാ​യി അയച്ചു:  “ബാബി​ലോ​ണി​ലെ നെബൂഖദ്‌നേസർ* രാജാവ്‌ ഞങ്ങൾക്കെ​തി​രെ യുദ്ധം ചെയ്യു​ക​യാണ്‌.+ അതു​കൊണ്ട്‌ ദയവായി ഞങ്ങൾക്കു​വേണ്ടി യഹോ​വ​യു​ടെ ഇഷ്ടം ചോദി​ച്ച​റി​യുക. ചില​പ്പോൾ, ഞങ്ങളുടെ കാര്യ​ത്തിൽ യഹോവ എന്തെങ്കി​ലും ഒരു അത്ഭുതം ചെയ്‌തി​ട്ട്‌ അയാൾ ഞങ്ങളെ വിട്ട്‌ പിൻവാ​ങ്ങി​യാ​ലോ.”+ അപ്പോൾ, യിരെ​മ്യക്ക്‌ യഹോ​വ​യിൽനിന്ന്‌ ഒരു സന്ദേശം കിട്ടി.  യിരെമ്യ അവരോ​ടു പറഞ്ഞു: “സിദെ​ക്കി​യ​യോ​ടു നിങ്ങൾ പറയേ​ണ്ടത്‌ ഇതാണ്‌:  ‘ഇസ്രാ​യേ​ലി​ന്റെ ദൈവ​മായ യഹോവ പറയുന്നു: “നിങ്ങളെ ഉപരോ​ധി​ച്ചു​കൊണ്ട്‌ മതിലി​നു പുറത്ത്‌ നിൽക്കുന്ന ബാബിലോൺരാജാവിനോടും+ കൽദയ​രോ​ടും യുദ്ധം ചെയ്യാൻ നിങ്ങൾ കൈയിൽ എടുത്തി​രി​ക്കുന്ന ആയുധ​ങ്ങൾതന്നെ ഇതാ ഞാൻ നിങ്ങൾക്കെ​തി​രെ തിരി​ക്കു​ന്നു. ഞാൻ അവ നഗരമ​ധ്യ​ത്തിൽ ഒന്നിച്ചു​കൂ​ട്ടും.  നീട്ടിയ കരം​കൊ​ണ്ടും ബലമുള്ള കൈ​കൊ​ണ്ടും ഞാൻതന്നെ+ കോപ​ത്തോ​ടെ, ക്രോ​ധ​ത്തോ​ടെ, കടുത്ത ധാർമി​ക​രോ​ഷ​ത്തോ​ടെ നിങ്ങൾക്കെ​തി​രെ യുദ്ധം ചെയ്യും.+  ഈ നഗരത്തിൽ താമസി​ക്കു​ന്ന​വരെ ഞാൻ പ്രഹരി​ക്കും. മാരക​മായ പകർച്ച​വ്യാ​ധി​യാൽ മനുഷ്യ​നും മൃഗവും ഒരു​പോ​ലെ ചത്തൊ​ടു​ങ്ങും.”’+  “‘യഹോവ പ്രഖ്യാ​പി​ക്കു​ന്നു: “അതിനു ശേഷം, യഹൂദ​യി​ലെ സിദെ​ക്കിയ രാജാ​വി​നെ​യും അവന്റെ ദാസന്മാ​രെ​യും, മാരക​മായ പകർച്ച​വ്യാ​ധി​യാ​ലും വാളി​നാ​ലും ക്ഷാമത്താ​ലും നശിച്ചു​പോ​കാ​തെ നഗരത്തിൽ ബാക്കി​യുള്ള എല്ലാവ​രെ​യും ഞാൻ ബാബി​ലോ​ണി​ലെ നെബൂ​ഖ​ദ്‌നേസർ രാജാ​വി​ന്റെ കൈയി​ലും അവരുടെ ശത്രു​ക്ക​ളു​ടെ കൈയി​ലും അവരുടെ ജീവ​നെ​ടു​ക്കാൻ നോക്കു​ന്ന​വ​രു​ടെ കൈയി​ലും ഏൽപ്പി​ക്കും.+ അവൻ അവരെ വാളു​കൊണ്ട്‌ അരിഞ്ഞു​വീ​ഴ്‌ത്തും. അവരോ​ട്‌ അവന്‌ ഒരു കനിവും തോന്നില്ല; അവൻ അവരോ​ട്‌ അനുക​മ്പ​യോ കരുണ​യോ കാണി​ക്കില്ല.”’+  “ജനത്തോ​ടു നീ ഇങ്ങനെ പറയണം: ‘യഹോവ പറയു​ന്നത്‌ ഇതാണ്‌: “ഇതാ, ഞാൻ നിങ്ങളു​ടെ മുന്നിൽ ജീവന്റെ വഴിയും മരണത്തി​ന്റെ വഴിയും വെക്കുന്നു.  ഈ നഗരത്തിൽത്തന്നെ കഴിയു​ന്നവർ വാളാ​ലും ക്ഷാമത്താ​ലും മാരക​മായ പകർച്ച​വ്യാ​ധി​യാ​ലും മരിക്കും. പക്ഷേ നിങ്ങളെ ഉപരോ​ധി​ച്ചി​രി​ക്കുന്ന കൽദയ​രു​ടെ അടു​ത്തേക്ക്‌ ഇറങ്ങി​ച്ചെന്ന്‌ അവർക്കു കീഴട​ങ്ങു​ന്നവൻ ജീവി​ക്കും; അവന്റെ ജീവൻ അവനു കൊള്ള​മു​തൽപോ​ലെ കിട്ടും.”’*+ 10  “‘“ഞാൻ ഈ നഗരത്തി​ന്‌ എതിരെ തിരി​ഞ്ഞി​രി​ക്കു​ന്നതു നന്മയ്‌ക്കാ​യി​ട്ടല്ല ദുരന്ത​ത്തി​നാ​യി​ട്ടാണ്‌”+ എന്ന്‌ യഹോവ പ്രഖ്യാ​പി​ക്കു​ന്നു. “ഈ നഗരത്തെ ബാബി​ലോൺരാ​ജാ​വി​ന്റെ കൈയിൽ ഏൽപ്പി​ക്കും;+ അവൻ ഇതു ചുട്ടെ​രി​ക്കും.”+ 11  “‘യഹൂദാ​രാ​ജാ​വി​ന്റെ വീട്ടി​ലു​ള്ള​വരേ, യഹോ​വ​യു​ടെ സന്ദേശം കേൾക്കൂ. 12  ദാവീദുഗൃഹമേ, യഹോവ പറയു​ന്നത്‌ ഇതാണ്‌: “രാവി​ലെ​തോ​റും നീതി​യു​ടെ പക്ഷത്ത്‌ നിൽക്കുക;വഞ്ചി​ച്ചെ​ടു​ക്കു​ന്ന​വന്റെ കൈയിൽനി​ന്ന്‌ വഞ്ചിതനെ രക്ഷിക്കുക;+അല്ലെങ്കിൽ നിങ്ങളു​ടെ ദുഷ്‌പ്ര​വൃ​ത്തി​കൾ കാരണം+എന്റെ ക്രോധം തീപോ​ലെ ആളിക്ക​ത്തും;+അതു നിന്ന്‌ കത്തും; ആരും കെടു​ത്തു​ക​യു​മില്ല.”’ 13  ‘താഴ്‌വ​ര​യിൽ താമസി​ക്കു​ന്ന​വളേ, സമഭൂ​മി​യി​ലെ പാറയേ,ഇതാ ഞാൻ നിനക്ക്‌ എതിരാ​ണ്‌’ എന്ന്‌ യഹോവ പ്രഖ്യാ​പി​ക്കു​ന്നു. ‘“ആരാണു ഞങ്ങളുടെ നേർക്ക്‌ ഇറങ്ങി​വ​രുക? ആരാണു ഞങ്ങളുടെ താമസ​സ്ഥ​ല​ങ്ങ​ളി​ലേക്ക്‌ അതി​ക്ര​മിച്ച്‌ കടന്നു​വ​രുക” എന്നു ചോദി​ക്കു​ന്ന​വരേ, 14  നിങ്ങളുടെ പ്രവൃ​ത്തി​കൾക്ക​നു​സ​രിച്ച്‌ഞാൻ നിങ്ങ​ളോ​ടു കണക്കു ചോദി​ക്കും’+ എന്ന്‌ യഹോവ പ്രഖ്യാ​പി​ക്കു​ന്നു. ‘ഞാൻ അവളുടെ വനത്തിനു തീയി​ടും;ആ തീ അവളുടെ ചുറ്റു​മു​ള്ള​തെ​ല്ലാം ചുട്ടെ​രി​ക്കും.’”+

അടിക്കുറിപ്പുകള്‍

അക്ഷ. “നെബൂ​ഖ​ദ്‌രേസർ.” ഇങ്ങനെ​യും എഴുതാ​റു​ണ്ട്‌.
അഥവാ “അവൻ ജീവനും​കൊ​ണ്ട്‌ രക്ഷപ്പെ​ടും.”

പഠനക്കുറിപ്പുകൾ

ദൃശ്യാവിഷ്കാരം