മത്തായി എഴുതിയത്‌ 8:1-34

8  മലയിൽനിന്ന്‌ ഇറങ്ങിവന്നപ്പോൾ വലിയ ജനക്കൂട്ടം യേശുവിനെ അനുഗമിച്ചു.  അപ്പോൾ ഒരു കുഷ്‌ഠരോഗി വന്ന്‌ യേശുവിനെ വണങ്ങിയിട്ട്‌, “കർത്താവേ, ഒന്നു മനസ്സുവെച്ചാൽ അങ്ങയ്‌ക്ക്‌ എന്നെ ശുദ്ധനാക്കാം”+ എന്നു പറഞ്ഞു.  യേശു കൈ നീട്ടി അയാളെ തൊട്ടുകൊണ്ട്‌, “എനിക്കു മനസ്സാണ്‌, ശുദ്ധനാകുക”+ എന്നു പറഞ്ഞു. അപ്പോൾത്തന്നെ കുഷ്‌ഠം മാറി അയാൾ ശുദ്ധനായി.+  യേശു അയാളോടു പറഞ്ഞു: “ഇത്‌ ആരോടും പറയരുത്‌.+ എന്നാൽ നീ ചെന്ന്‌ ഇതു പുരോഹിതനെ കാണിച്ച്‌+ മോശ കല്‌പിച്ച കാഴ്‌ച അർപ്പിക്കണം.+ അത്‌ അവർക്കൊരു തെളിവാകട്ടെ.”+  യേശു കഫർന്നഹൂമിൽ എത്തിയപ്പോൾ ഒരു സൈനികോദ്യോഗസ്ഥൻ യേശുവിന്റെ അടുത്ത്‌ വന്ന്‌ ഇങ്ങനെ കേണപേക്ഷിച്ചു:+  “യജമാനനേ, എന്റെ ജോലിക്കാരൻ വീട്ടിൽ തളർന്നുകിടക്കുകയാണ്‌. അവൻ വല്ലാതെ കഷ്ടപ്പെടുന്നു.”  യേശു അയാളോട്‌, “ഞാൻ അവിടെ വരുന്നുണ്ട്‌. അപ്പോൾ അവനെ സുഖപ്പെടുത്താം” എന്നു പറഞ്ഞു.  സൈനികോദ്യോഗസ്ഥൻ യേശുവിനോടു പറഞ്ഞു: “യജമാനനേ, അങ്ങ്‌ എന്റെ വീട്ടിൽ വരാൻമാത്രം യോഗ്യത എനിക്കില്ല. അങ്ങ്‌ ഒരു വാക്കു പറഞ്ഞാൽ മതി, എന്റെ ജോലിക്കാരന്റെ അസുഖം മാറും.  ഞാനും അധികാരത്തിൻകീഴിലുള്ളയാളാണ്‌. എന്റെ കീഴിലും പടയാളികളുണ്ട്‌. ഞാൻ ഒരാളോട്‌, ‘പോകൂ’ എന്നു പറഞ്ഞാൽ അയാൾ പോകും. വേറൊരാളോട്‌, ‘വരൂ’ എന്നു പറഞ്ഞാൽ അയാൾ വരും. എന്റെ അടിമയോട്‌, ‘ഇതു ചെയ്യ്‌ ’ എന്നു പറഞ്ഞാൽ അയാൾ അതു ചെയ്യും.” 10  ഇതു കേട്ട്‌ ആശ്ചര്യപ്പെട്ട യേശു, തന്നെ അനുഗമിക്കുന്നവരോടു പറഞ്ഞു: “ഇസ്രായേല്യരിൽപ്പോലും ഇത്ര വലിയ വിശ്വാസം കണ്ടിട്ടില്ല+ എന്നു ഞാൻ സത്യമായി നിങ്ങളോടു പറയുന്നു. 11  എന്നാൽ ഞാൻ പറയുന്നു: കിഴക്കുനിന്നും പടിഞ്ഞാറുനിന്നും അനേകം ആളുകൾ വന്ന്‌ അബ്രാഹാമിനോടും യിസ്‌ഹാക്കിനോടും യാക്കോബിനോടും കൂടെ സ്വർഗരാജ്യത്തിൽ വിരുന്നിന്‌ ഇരിക്കും.+ 12  അതേസമയം രാജ്യത്തിന്റെ പുത്രന്മാരെ പുറത്തെ ഇരുട്ടിലേക്ക്‌ എറിയും; അവിടെ കിടന്ന്‌ അവർ കരഞ്ഞ്‌ നിരാശയോടെ പല്ലിറുമ്മും.”+ 13  പിന്നെ യേശു സൈനികോദ്യോഗസ്ഥനോട്‌, “പൊയ്‌ക്കൊള്ളൂ. താങ്കളുടെ വിശ്വാസംപോലെതന്നെ സംഭവിക്കട്ടെ”+ എന്നു പറഞ്ഞു. ഉടനെ അയാളുടെ ജോലിക്കാരന്റെ രോഗം ഭേദമായി.+ 14  പിന്നെ യേശു പത്രോസിന്റെ വീട്ടിൽ ചെന്നപ്പോൾ പത്രോസിന്റെ അമ്മായിയമ്മ+ പനി പിടിച്ച്‌ കിടക്കുന്നതു കണ്ടു.+ 15  യേശു ആ സ്‌ത്രീയുടെ കൈയിൽ തൊട്ടു;+ അവരുടെ പനി മാറി. അവർ എഴുന്നേറ്റ്‌ യേശുവിനെ സത്‌കരിച്ചു. 16  വൈകുന്നേരമായപ്പോൾ ധാരാളം ഭൂതബാധിതരെ ആളുകൾ യേശുവിന്റെ അടുത്ത്‌ കൊണ്ടുവന്നു. യേശു രോഗികളെയെല്ലാം സുഖപ്പെടുത്തുകയും വെറും ഒരു വാക്കുകൊണ്ട്‌ ഭൂതങ്ങളെ പുറത്താക്കുകയും ചെയ്‌തു. 17  അങ്ങനെ, “അവൻ നമ്മുടെ അസുഖങ്ങൾ ഏറ്റുവാങ്ങി, നമ്മുടെ രോഗങ്ങൾ ചുമന്നു”+ എന്ന്‌ യശയ്യ പ്രവാചകനിലൂടെ പറഞ്ഞതു നിറവേറി. 18  തനിക്കു ചുറ്റും ഒരു വലിയ ജനക്കൂട്ടമുണ്ടെന്നു കണ്ടപ്പോൾ അക്കരയ്‌ക്കു പോകാമെന്നു+ യേശു ശിഷ്യന്മാരോടു നിർദേശിച്ചു. 19  ഒരു ശാസ്‌ത്രി വന്ന്‌ യേശുവിനോട്‌, “ഗുരുവേ, അങ്ങ്‌ എവിടെ പോയാലും ഞാനും കൂടെ വരും”+ എന്നു പറഞ്ഞു. 20  എന്നാൽ യേശു അയാളോട്‌, “കുറുക്കന്മാർക്കു മാളങ്ങളുണ്ട്‌. ആകാശത്തിലെ പക്ഷികൾക്കു കൂടുകളുമുണ്ട്‌. മനുഷ്യപുത്രനോ തല ചായിക്കാൻ ഇടമില്ല”+ എന്നു പറഞ്ഞു. 21  അപ്പോൾ മറ്റൊരു ശിഷ്യൻ യേശുവിനോട്‌, “കർത്താവേ, ഞാൻ ആദ്യം പോയി എന്റെ അപ്പനെ അടക്കിയിട്ട്‌ വരട്ടേ”+ എന്നു ചോദിച്ചു. 22  യേശു അയാളോട്‌, “നീ എന്നെ അനുഗമിക്കുക; മരിച്ചവർ അവരുടെ മരിച്ചവരെ അടക്കട്ടെ”+ എന്നു പറഞ്ഞു. 23  യേശു ചെന്ന്‌ വള്ളത്തിൽ കയറി. ശിഷ്യന്മാരും പുറകേ കയറി.+ 24  യാത്രയ്‌ക്കിടെ പെട്ടെന്നു കടലിൽ ഒരു കൊടുങ്കാറ്റ്‌ അടിച്ചു; തിരമാലകളിൽപ്പെട്ട്‌ വള്ളം മുങ്ങാറായി. യേശുവോ ഉറങ്ങുകയായിരുന്നു.+ 25  അവർ ചെന്ന്‌, “കർത്താവേ, രക്ഷിക്കേണമേ; ഇല്ലെങ്കിൽ നമ്മൾ ഇപ്പോൾ മരിക്കും” എന്നു പറഞ്ഞ്‌ യേശുവിനെ ഉണർത്തി. 26  അപ്പോൾ യേശു അവരോട്‌, “നിങ്ങൾക്ക്‌ ഇത്ര വിശ്വാസമേ ഉള്ളോ? എന്തിനാണ്‌ ഇങ്ങനെ പേടിക്കുന്നത്‌ ”+ എന്നു ചോദിച്ചു. എന്നിട്ട്‌ എഴുന്നേറ്റ്‌ കാറ്റിനെയും കടലിനെയും ശാസിച്ചു. എല്ലാം ശാന്തമായി.+ 27  ആ പുരുഷന്മാർ അതിശയിച്ച്‌, “ഹൊ, ഇതെന്തൊരു മനുഷ്യൻ! കാറ്റും കടലും പോലും ഇദ്ദേഹത്തെ അനുസരിക്കുന്നല്ലോ!” എന്നു പറഞ്ഞു. 28  യേശു അക്കരെ ഗദരേനരുടെ നാട്ടിൽ എത്തിയപ്പോൾ ഭൂതം ബാധിച്ച രണ്ടു പേർ ശവക്കല്ലറകൾക്കിടയിൽനിന്ന്‌* യേശുവിന്റെ നേരെ ചെന്നു.+ അവർ അതിഭയങ്കരന്മാരായിരുന്നതുകൊണ്ട്‌ ആർക്കും അതുവഴി പോകാൻ ധൈര്യമില്ലായിരുന്നു. 29  അവർ അലറിവിളിച്ച്‌ ചോദിച്ചു: “ദൈവപുത്രാ, അങ്ങ്‌ എന്തിനാണ്‌ ഞങ്ങളുടെ കാര്യത്തിൽ ഇടപെടുന്നത്‌?+ സമയത്തിനു മുമ്പേ ഞങ്ങളെ ഉപദ്രവിക്കാൻ+ വന്നിരിക്കുകയാണോ?”+ 30  കുറെ അകലെയായി ഒരു വലിയ പന്നിക്കൂട്ടം മേയുന്നുണ്ടായിരുന്നു.+ 31  ഭൂതങ്ങൾ യേശുവിനോട്‌, “അങ്ങ്‌ ഞങ്ങളെ പുറത്താക്കുകയാണെങ്കിൽ ആ പന്നിക്കൂട്ടത്തിലേക്ക്‌ അയയ്‌ക്കണേ”+ എന്നു കേണപേക്ഷിച്ചു. 32  അപ്പോൾ യേശു അവയോട്‌, “പോകൂ” എന്നു പറഞ്ഞു. അവ പുറത്തുവന്ന്‌ പന്നിക്കൂട്ടത്തിൽ കടന്നു. പന്നികൾ വിരണ്ടോടി ചെങ്കുത്തായ സ്ഥലത്തുനിന്ന്‌ കടലിലേക്കു ചാടി. അവയെല്ലാം ചത്തുപോയി. 33  പന്നികളെ മേയ്‌ച്ചിരുന്നവർ ഓടി നഗരത്തിൽ ചെന്ന്‌ ഭൂതബാധിതരുടെ കാര്യം ഉൾപ്പെടെ നടന്നതെല്ലാം അറിയിച്ചു. 34  നഗരം മുഴുവൻ യേശുവിന്റെ അടുത്തേക്കു പോയി. യേശുവിനെ കണ്ടപ്പോൾ അവിടം വിട്ട്‌ പോകാൻ അവർ യേശുവിനോട്‌ അപേക്ഷിച്ചു.+

അടിക്കുറിപ്പുകള്‍

അഥവാ “ശവക്കല്ലറകളിൽനിന്ന്‌.”

പഠനക്കുറിപ്പുകൾ

ഒരു കുഷ്‌ഠ​രോ​ഗി: ഗുരു​ത​ര​മായ ഒരു ചർമ​രോ​ഗം ബാധി​ച്ച​യാൾ. ഇന്നു കുഷ്‌ഠം എന്ന പേരിൽ അറിയ​പ്പെ​ടുന്ന രോഗത്തെ മാത്രമല്ല ബൈബി​ളിൽ കുഷ്‌ഠം എന്നു വിളി​ച്ചി​രി​ക്കു​ന്നത്‌. ആർക്കെ​ങ്കി​ലും കുഷ്‌ഠ​മാ​ണെന്നു തെളി​ഞ്ഞാൽ അതു സുഖമാ​കു​ന്ന​തു​വരെ സമൂഹം അദ്ദേഹ​ത്തി​നു ഭ്രഷ്ട്‌ കല്‌പി​ച്ചി​രു​ന്നു.​—ലേവ 13:2, അടിക്കു​റിപ്പ്‌, 45, 46; പദാവ​ലി​യിൽ “കുഷ്‌ഠം; കുഷ്‌ഠ​രോ​ഗി” കാണുക.

യേശു​വി​നെ വണങ്ങി: അഥവാ “യേശു​വി​നെ കുമ്പിട്ട്‌ നമസ്‌ക​രി​ച്ചു; യേശു​വി​നെ ആദരിച്ചു.” പ്രവാ​ച​ക​ന്മാ​രെ​യോ രാജാ​ക്ക​ന്മാ​രെ​യോ ദൈവ​ത്തി​ന്റെ മറ്റു പ്രതി​നി​ധി​ക​ളെ​യോ കണ്ടപ്പോൾ ആളുകൾ അവരുടെ മുന്നിൽ കുമ്പി​ട്ട​താ​യി എബ്രാ​യ​തി​രു​വെ​ഴു​ത്തു​ക​ളി​ലും പറഞ്ഞി​ട്ടുണ്ട്‌. (1ശമു 25:23, 24; 2ശമു 14:4-7; 1രാജ 1:16; 2രാജ 4:36, 37) ആളുകളെ സുഖ​പ്പെ​ടു​ത്താൻ കഴിവുള്ള, ദൈവ​ത്തി​ന്റെ ഒരു പ്രതി​നി​ധി​യോ​ടാ​ണു താൻ സംസാ​രി​ക്കു​ന്ന​തെന്നു സാധ്യ​ത​യ​നു​സ​രിച്ച്‌ ആ മനുഷ്യ​നു മനസ്സി​ലാ​യി​രു​ന്നു. യഹോ​വ​യു​ടെ നിയു​ക്ത​രാ​ജാ​വി​നു മുന്നിൽ ആദരസൂ​ച​ക​മാ​യി കുമ്പി​ടു​ന്നത്‌ ഉചിത​മാ​യി​രു​ന്നു.​—മത്ത 9:18; ഇവിടെ ഉപയോ​ഗി​ച്ചി​രി​ക്കുന്ന ഗ്രീക്കു​പ​ദ​ത്തെ​ക്കു​റിച്ച്‌ കൂടുതൽ അറിയാൻ മത്ത 2:2-ന്റെ പഠനക്കു​റി​പ്പു കാണുക.

യേശു . . . അയാളെ തൊട്ടു: മറ്റുള്ള​വർക്കു രോഗം പകരാ​തി​രി​ക്കാൻ കുഷ്‌ഠ​രോ​ഗി​കളെ മാറ്റി​ത്താ​മ​സി​പ്പി​ക്ക​ണ​മെന്നു മോശ​യി​ലൂ​ടെ കൊടുത്ത നിയമ​ത്തി​ലു​ണ്ടാ​യി​രു​ന്നു. (ലേവ 13:45, 46; സംഖ 5:1-4) എന്നാൽ ജൂതമ​ത​നേ​താ​ക്ക​ന്മാർ കൂടു​ത​ലായ നിയമങ്ങൾ അടി​ച്ചേൽപ്പി​ച്ചു. ഉദാഹ​ര​ണ​ത്തിന്‌, ആളുകൾ ഒരു കുഷ്‌ഠ​രോ​ഗി​യിൽനിന്ന്‌ കുറഞ്ഞതു നാലു മുഴം, അതായത്‌ ഏകദേശം 1.8 മീ. (6 അടി) അകലം പാലി​ക്ക​ണ​മാ​യി​രു​ന്നു. എന്നാൽ കാറ്റുള്ള ദിവസ​ങ്ങ​ളിൽ ദൂരപ​രി​ധി 100 മുഴം, അതായത്‌ ഏകദേശം 45 മീ. (150 അടി) ആയിരു​ന്നു. ഇത്തരം നിയമങ്ങൾ കാരണം ആളുകൾ കുഷ്‌ഠ​രോ​ഗി​ക​ളോ​ടു ദയയി​ല്ലാ​തെ പെരു​മാ​റാൻതു​ടങ്ങി. കുഷ്‌ഠ​രോ​ഗി​ക​ളിൽനിന്ന്‌ ഒളിച്ചു​കളഞ്ഞ ഒരു റബ്ബി​യെ​യും കുഷ്‌ഠ​രോ​ഗി​കളെ അകറ്റി​നി​റു​ത്താൻ അവരെ കല്ലു​പെ​റു​ക്കി എറിഞ്ഞ മറ്റൊരു റബ്ബി​യെ​യും അനുകൂ​ലി​ച്ചാ​ണു ജൂതപാ​ര​മ്പ​ര്യ​രേ​ഖകൾ സംസാ​രി​ക്കു​ന്നത്‌. എന്നാൽ അതിൽനി​ന്നും തികച്ചും വ്യത്യ​സ്‌ത​മാ​യി യേശു ആ കുഷ്‌ഠ​രോ​ഗി​യു​ടെ ദുരവസ്ഥ കണ്ട്‌ മനസ്സലി​ഞ്ഞിട്ട്‌, മറ്റു ജൂതന്മാർക്കു ചിന്തി​ക്കാൻപോ​ലും കഴിയാത്ത ഒരു കാര്യം ചെയ്‌തു​—ആ മനുഷ്യ​നെ തൊട്ടു. ഒറ്റ വാക്കു​കൊണ്ട്‌ സുഖ​പ്പെ​ടു​ത്താ​മാ​യി​രു​ന്നെ​ങ്കി​ലും യേശു അയാളെ തൊട്ടാ​ണു സുഖ​പ്പെ​ടു​ത്തി​യത്‌.​—മത്ത 8:5-12.

എനിക്കു മനസ്സാണ്‌: യേശു ആ അപേക്ഷ സ്വീക​രി​ക്കുക മാത്രമല്ല അതു സാധി​ച്ചു​കൊ​ടു​ക്കാൻ തനിക്കു ശക്തമായ ആഗ്രഹ​മു​ണ്ടെന്നു പ്രകടി​പ്പി​ക്കു​ക​യും ചെയ്‌തു. വെറു​മൊ​രു കടമനിർവ​ഹണം പോ​ലെയല്ല യേശു അയാളെ സുഖ​പ്പെ​ടു​ത്തി​യ​തെന്ന്‌ ഈ വാക്കുകൾ തെളി​യി​ച്ചു.

ഇത്‌ ആരോ​ടും പറയരുത്‌: മർ 1:44-ന്റെ പഠനക്കു​റി​പ്പു കാണുക.

ഇതു പുരോ​ഹി​തനെ കാണി​ക്കുക: മോശ​യി​ലൂ​ടെ കൊടുത്ത നിയമ​മ​നു​സ​രിച്ച്‌ ഒരു കുഷ്‌ഠ​രോ​ഗി സുഖ​പ്പെ​ട്ടോ എന്നു സ്ഥിരീ​ക​രി​ക്കേ​ണ്ടതു പുരോ​ഹി​ത​നാ​യി​രു​ന്നു. അതിനാ​യി, രോഗം ഭേദമായ ഒരു കുഷ്‌ഠ​രോ​ഗി ആലയത്തി​ലേക്കു ചെല്ലണ​മാ​യി​രു​ന്നു. കാഴ്‌ച​യാ​യി അർപ്പി​ക്കാൻ ശുദ്ധി​യുള്ള രണ്ടു പക്ഷികൾ, ദേവദാ​രു​വി​ന്റെ ഒരു കഷണം, കടുഞ്ചു​വ​പ്പു​നൂൽ, ഈസോ​പ്പു​ചെടി എന്നിവ​യും ഒപ്പം കൊണ്ടു​പോ​ക​ണ​മാ​യി​രു​ന്നു.​—ലേവ 14:2-32.

കഫർന്ന​ഹൂം: മത്ത 4:13-ന്റെ പഠനക്കു​റി​പ്പു കാണുക.

സൈനി​കോ​ദ്യോ​ഗസ്ഥൻ: അഥവാ “ശതാധി​പൻ.” അതായത്‌, റോമൻ സൈന്യ​ത്തി​ലെ 100 പടയാ​ളി​ക​ളു​ടെ അധിപൻ.

എന്റെ ജോലി​ക്കാ​രൻ: ഇവിടെ “ജോലി​ക്കാ​രൻ” എന്നു പരിഭാ​ഷ​പ്പെ​ടു​ത്തി​യി​രി​ക്കുന്ന ഗ്രീക്കു​പ​ദ​ത്തി​ന്റെ അക്ഷരാർഥം “കുട്ടി; യുവാവ്‌” എന്നൊ​ക്കെ​യാണ്‌. ഈ പദത്തിന്‌, യജമാനൻ ഇഷ്ടത്തോ​ടെ കണ്ടിരുന്ന ഒരു അടിമയെ, സാധ്യ​ത​യ​നു​സ​രിച്ച്‌ യജമാ​നനു വ്യക്തി​പ​ര​മായ സേവനം ചെയ്‌തു​കൊ​ടു​ത്തി​രു​ന്ന​യാ​ളി​നെ, കുറി​ക്കാ​നാ​കും.

കിഴക്കു​നി​ന്നും പടിഞ്ഞാ​റു​നി​ന്നും അനേകം ആളുകൾ: ജൂതന്മാ​ര​ല്ലാ​ത്ത​വ​രും ദൈവ​രാ​ജ്യ​ത്തിൽ പങ്കുകാ​രാ​കും എന്നതിന്റെ ഒരു സൂചന.

വിരു​ന്നിന്‌ ഇരിക്കും: അഥവാ “മേശയ്‌ക്കൽ ചാരി​ക്കി​ട​ക്കും.” ബൈബിൾക്കാ​ല​ങ്ങ​ളിൽ, വിരു​ന്നു​കൾക്കോ വലിയ സദ്യകൾക്കോ വേണ്ടി ഭക്ഷണ​മേ​ശ​യ്‌ക്കു ചുറ്റും കിടക്കകൾ ക്രമീ​ക​രി​ക്കുന്ന രീതി​യു​ണ്ടാ​യി​രു​ന്നു. ഭക്ഷണം കഴിക്കു​ന്നവർ, സാധാ​ര​ണ​യാ​യി ആ കിടക്ക​യി​ലെ കുഷ്യ​നി​ലേക്ക്‌ ഇട​ങ്കൈ​യു​ടെ മുട്ട്‌ ഊന്നി ചാരി​യി​രി​ക്കും. മുഖം മേശയു​ടെ നേരെ​യാ​യി​രി​ക്കും. എന്നിട്ട്‌ വലതു​കൈ​കൊണ്ട്‌ ആഹാരം കഴിക്കും. ആരു​ടെ​യെ​ങ്കി​ലും ഒപ്പം മേശയ്‌ക്കൽ ചാരി​ക്കി​ട​ക്കു​ന്നത്‌ അയാളു​മാ​യുള്ള ഉറ്റസൗ​ഹൃ​ദ​ത്തി​ന്റെ സൂചന​യാ​യി​രു​ന്നു. അക്കാലത്ത്‌ ജൂതന്മാർ ജൂതന്മാ​ര​ല്ലാ​ത്ത​വ​രു​ടെ​കൂ​ടെ ഇങ്ങനെ ഒരേ മേശയ്‌ക്കൽ ഇരുന്ന്‌ ഭക്ഷണം കഴിക്കി​ല്ലാ​യി​രു​ന്നു.

പല്ലിറു​മ്മു​ക: അഥവാ “പല്ലുക​ടി​ക്കുക.” ഈ പ്രയോ​ഗ​ത്തി​നു സങ്കട​ത്തെ​യും നിരാ​ശ​യെ​യും ദേഷ്യ​ത്തെ​യും ഒക്കെ സൂചി​പ്പി​ക്കാ​നാ​കും. അതു വാക്കു​ക​ളി​ലൂ​ടെ​യും അക്രമാ​സ​ക്ത​മായ പ്രവർത്ത​ന​ങ്ങ​ളി​ലൂ​ടെ​യും പുറത്തു​വ​രു​ക​യും ചെയ്‌തേ​ക്കാം.

വൈകു​ന്നേ​ര​മാ​യ​പ്പോൾ: അതായത്‌, ശബത്തു​ദി​വസം അവസാ​നി​ച്ച​ശേഷം.​—മർ 1:21-32; ലൂക്ക 4:31-40.

ചുമന്നു: അഥവാ “ചുമന്നു​കൊ​ണ്ടു​പോ​യി; നീക്കി​ക്ക​ളഞ്ഞു.” യേശു അത്ഭുത​ക​ര​മാ​യി രോഗങ്ങൾ സുഖ​പ്പെ​ടു​ത്തി​യത്‌, യശ 53:4-ന്റെ നിവൃ​ത്തി​യാ​ണെന്നു ദൈവ​പ്ര​ചോ​ദി​ത​നാ​യി മത്തായി ഇവിടെ രേഖ​പ്പെ​ടു​ത്തി. പാപപ​രി​ഹാ​ര​ദി​വസം “അസസേ​ലി​നു​വേണ്ടി”യുള്ള കോലാട്‌ ഇസ്രാ​യേ​ല്യ​രു​ടെ പാപം വിജന​ഭൂ​മി​യി​ലേക്കു വഹിച്ചു​കൊ​ണ്ടു​പോ​യി​രു​ന്ന​തു​പോ​ലെ യേശു നമ്മുടെ പാപങ്ങൾ പൂർണ​മാ​യി ചുമന്നു​കൊ​ണ്ടു​പോ​കു​മ്പോൾ യശ 53:4-ന്റെ വലിയ നിവൃ​ത്തി​യു​ണ്ടാ​കും. (ലേവ 16:10, 20-22) അങ്ങനെ പാപം ചുമന്നു​കൊ​ണ്ടു​പോ​കു​ന്ന​തി​ലൂ​ടെ യേശു, തന്റെ ബലിയു​ടെ മൂല്യ​ത്തിൽ വിശ്വാ​സം അർപ്പി​ക്കുന്ന എല്ലാവ​രു​ടെ​യും രോഗ​ങ്ങ​ളു​ടെ മൂലകാ​രണം നീക്കം​ചെ​യ്യും.

അങ്ങനെ . . . യശയ്യ പ്രവാ​ച​ക​നി​ലൂ​ടെ പറഞ്ഞതു നിറ​വേറി: മത്ത 1:22-ന്റെ പഠനക്കു​റി​പ്പു കാണുക.

അക്കരയ്‌ക്ക്‌: അതായത്‌, ഗലീല​ക്ക​ട​ലി​ന്റെ കിഴക്കൻ തീര​ത്തേക്ക്‌.

മനുഷ്യ​പു​ത്രൻ: അഥവാ “മനുഷ്യ​ന്റെ പുത്രൻ.” ഈ പദപ്ര​യോ​ഗം സുവി​ശേ​ഷ​ങ്ങ​ളിൽ 80-ലധികം തവണ കാണാം. തന്നെത്തന്നെ ഇങ്ങനെ വിശേ​ഷി​പ്പി​ച്ച​തി​ലൂ​ടെ, താൻ ഒരു സ്‌ത്രീ​യിൽനിന്ന്‌ ജനിച്ച യഥാർഥ​മ​നു​ഷ്യ​നാ​ണെ​ന്നും അതു​കൊ​ണ്ടു​തന്നെ ആദാമി​നു പകരം​വെ​ക്കാൻ എന്തു​കൊ​ണ്ടും അനു​യോ​ജ്യ​നാ​ണെ​ന്നും യേശു വ്യക്തമാ​ക്കു​ക​യാ​യി​രു​ന്നി​രി​ക്കാം. അങ്ങനെ മനുഷ്യ​കു​ലത്തെ പാപത്തിൽനി​ന്നും മരണത്തിൽനി​ന്നും വീണ്ടെ​ടു​ക്കാൻ യേശു​വി​നു കഴിയു​മാ​യി​രു​ന്നു. (റോമ 5:12, 14, 15) ഈ പദപ്ര​യോ​ഗം, യേശു​ത​ന്നെ​യാ​ണു മിശിഹ അഥവാ ക്രിസ്‌തു എന്നും തിരി​ച്ച​റി​യി​ച്ചു.​—ദാനി 7:13, 14. പദാവലി കാണുക.

മനുഷ്യ​പു​ത്ര​നോ തല ചായി​ക്കാൻ ഇടമില്ല: അതായത്‌, സ്വന്ത​മെന്നു പറയാൻ യേശു​വിന്‌ ഒരു വീടി​ല്ലാ​യി​രു​ന്നു.

കൊടു​ങ്കാറ്റ്‌: ഗലീല​ക്ക​ട​ലിൽ ഇത്തരം കൊടു​ങ്കാ​റ്റു​കൾ സർവസാ​ധാ​ര​ണ​മാണ്‌. സമു​ദ്ര​നി​ര​പ്പിൽനിന്ന്‌ ഏതാണ്ട്‌ 210 മീ. (690 അടി) താഴെ​യാണ്‌ ഈ കടലിന്റെ ഉപരി​തലം. കൂടാതെ, ചുറ്റു​മുള്ള പീഠഭൂ​മി​ക​ളു​ടെ​യും മലകളു​ടെ​യും മീതെ​യുള്ള വായു​വി​നെ​ക്കാൾ ചൂടു കൂടു​ത​ലാ​ണു കടലിനു മീതെ​യുള്ള വായു​വിന്‌. ഈ സ്ഥിതി​വി​ശേ​ഷങ്ങൾ അന്തരീ​ക്ഷ​ത്തിൽ വ്യതി​യാ​നങ്ങൾ സൃഷ്ടി​ക്കു​ക​യും ശക്തമായ കാറ്റു​കൾക്കു കാരണ​മാ​കു​ക​യും ചെയ്യുന്നു. ഇതു ഗലീല​ക്ക​ട​ലിൽ പൊടു​ന്നനെ വലിയ തിരമാ​ലകൾ രൂപം​കൊ​ള്ളാൻ ഇടയാ​ക്കു​ന്നു.

നിങ്ങൾക്ക്‌ ഇത്ര വിശ്വാ​സമേ ഉള്ളോ?: അവർക്കു വിശ്വാ​സം തീരെ ഇല്ലെന്നല്ല, വിശ്വാ​സം കുറവാ​ണെ​ന്നാ​ണു യേശു ഉദ്ദേശി​ച്ചത്‌.​—മത്ത 14:31; 16:8; ലൂക്ക 12:28; മത്ത 6:30-ന്റെ പഠനക്കു​റി​പ്പു കാണുക.

ഗദരേ​ന​രു​ടെ നാട്‌: ഗലീല​ക്ക​ട​ലി​ന്റെ അക്കരെ​യുള്ള (കിഴക്കുള്ള) ഒരു പ്രദേശം. കടൽത്തീ​രം​മു​തൽ, 10 കി.മീ. അകലെ ഗദരവരെ ഇതു വ്യാപി​ച്ചു​കി​ട​ന്നി​രി​ക്കാം. അതു​കൊ​ണ്ടാ​യി​രി​ക്കാം ഗദരയിൽനിന്ന്‌ കണ്ടെടുത്ത നാണയ​ങ്ങ​ളിൽ മിക്ക​പ്പോ​ഴും കപ്പലിന്റെ ചിത്ര​മു​ള്ളത്‌. എന്നാൽ സംഭവം നടന്ന സ്ഥലത്തെ മർക്കോ​സും ലൂക്കോ​സും ‘ഗരസേ​ന്യ​രു​ടെ നാട്‌ ’ എന്നാണു വിളി​ച്ചി​രി​ക്കു​ന്നത്‌. (മർ 5:1-ന്റെ പഠനക്കു​റി​പ്പു കാണുക.) ഇതിൽ ഒരു പ്രദേ​ശ​ത്തി​ന്റെ കുറച്ച്‌ ഭാഗം മറ്റേതി​ന്റെ അതിർത്തി​ക്കു​ള്ളി​ലേക്കു വ്യാപി​ച്ചു​കി​ട​ന്നി​രു​ന്ന​താ​കാം ഇതിനു കാരണം.​—അനു. എ7-ലെ, “ഗലീല​ക്ക​ടൽത്തീ​രത്തെ പ്രവർത്തനം” എന്ന ഭൂപടം 3ബി-യും അനു. ബി10-ഉം കാണുക.

രണ്ടു പേർ: മർക്കോ​സി​ന്റെ​യും (5:2) ലൂക്കോ​സി​ന്റെ​യും (8:27) വിവര​ണ​ങ്ങ​ളിൽ ഭൂതബാ​ധി​ത​നായ ഒറ്റ വ്യക്തി​യെ​ക്കു​റിച്ച്‌ മാത്രമേ പറയു​ന്നു​ള്ളൂ.​—മർ 5:2-ന്റെ പഠനക്കു​റി​പ്പു കാണുക.

ശവക്കല്ല​റ​കൾ: അഥവാ “സ്‌മാ​ര​ക​ക്ക​ല്ല​റകൾ.” (പദാവ​ലി​യിൽ “സ്‌മാ​ര​ക​ക്കല്ലറ” കാണുക.) തെളി​വ​നു​സ​രിച്ച്‌ ഈ കല്ലറകൾ, പാറ തുരന്നു​ണ്ടാ​ക്കിയ ഗുഹക​ളോ അറകളോ ആയിരു​ന്നി​രി​ക്കാം. സാധാ​ര​ണ​യാ​യി നഗരങ്ങൾക്കു പുറത്താ​യി​രു​ന്നു ഇവയുടെ സ്ഥാനം. ശ്‌മശാ​നങ്ങൾ തങ്ങളെ ആചാര​പ​ര​മാ​യി അശുദ്ധ​രാ​ക്കും എന്നതു​കൊണ്ട്‌ ജൂതന്മാർ ഇത്തരം സ്ഥലങ്ങൾ ഒഴിവാ​ക്കി​യി​രു​ന്നു. അതു​കൊ​ണ്ടു​തന്നെ മാനസി​ക​നില തെറ്റി​യ​വ​രും ഭൂതബാ​ധി​ത​രും മറ്റും ഇവിട​ങ്ങ​ളിൽ സ്വൈ​ര​വി​ഹാ​രം നടത്തി​യി​രു​ന്നു.

അങ്ങ്‌ എന്തിനാണ്‌ ഞങ്ങളുടെ കാര്യ​ത്തിൽ ഇടപെ​ടു​ന്നത്‌?: അഥവാ “ഞങ്ങൾക്കും അങ്ങയ്‌ക്കും പൊതു​വാ​യിട്ട്‌ എന്താണു​ള്ളത്‌?” ഈ ചോദ്യ​ത്തി​ന്റെ പദാനു​പ​ദ​പ​രി​ഭാഷ, “ഞങ്ങൾക്കും അങ്ങയ്‌ക്കും എന്ത്‌” എന്നാണ്‌. ഈ സെമി​റ്റിക്ക്‌ ഭാഷാ​ശൈലി എബ്രാ​യ​തി​രു​വെ​ഴു​ത്തു​ക​ളിൽ പലയി​ട​ത്തും കാണാം. (യോശ 22:24; ന്യായ 11:12; 2ശമു 16:10; 19:22; 1രാജ 17:18; 2രാജ 3:13; 2ദിന 35:21; ഹോശ 14:8) ഇതേ അർഥം​വ​രുന്ന ഗ്രീക്കു​പ​ദ​പ്ര​യോ​ഗം ഗ്രീക്കു​തി​രു​വെ​ഴു​ത്തു​ക​ളി​ലു​മുണ്ട്‌. (മത്ത 8:29; മർ 1:24; 5:7; ലൂക്ക 4:34; 8:28; യോഹ 2:4) സന്ദർഭ​മ​നു​സ​രിച്ച്‌ ഈ ശൈലി​യു​ടെ അർഥത്തി​നു കുറ​ച്ചൊ​ക്കെ മാറ്റം വരാം. ഈ വാക്യ​ത്തിൽ ഇത്‌ എതിർപ്പി​നെ​യും വിരോ​ധ​ത്തെ​യും ആണ്‌ സൂചി​പ്പി​ക്കു​ന്നത്‌. അതു​കൊണ്ട്‌ ഇതിനെ, “ഞങ്ങളെ ശല്യ​പ്പെ​ടു​ത്ത​രുത്‌!” എന്നോ “ഞങ്ങളെ വെറുതേ വിടൂ!” എന്നോ പരിഭാ​ഷ​പ്പെ​ടു​ത്താ​മെന്നു ചിലർ അഭി​പ്രാ​യ​പ്പെ​ടു​ന്നു. മറ്റു സന്ദർഭ​ങ്ങ​ളിൽ ഈ പദപ്ര​യോ​ഗം, കാഴ്‌ച​പ്പാ​ടി​ലോ അഭി​പ്രാ​യ​ത്തി​ലോ ഉള്ള വ്യത്യാ​സത്തെ സൂചി​പ്പി​ക്കാ​നോ നിർദേ​ശിച്ച ഒരു കാര്യം ചെയ്യാ​നുള്ള വിസമ്മ​തത്തെ സൂചി​പ്പി​ക്കാ​നോ ഉപയോ​ഗി​ച്ചി​ട്ടുണ്ട്‌. എന്നാൽ അത്‌ അവശ്യം പുച്ഛമോ അഹങ്കാ​ര​മോ എതിർപ്പോ ധ്വനി​പ്പി​ക്ക​ണ​മെ​ന്നില്ല.​—യോഹ 2:4-ന്റെ പഠനക്കു​റി​പ്പു കാണുക.

ഞങ്ങളെ ഉപദ്ര​വി​ക്കാൻ: ഇതി​നോ​ടു ബന്ധപ്പെട്ട ഒരു ഗ്രീക്കു​പ​ദ​മാ​ണു മത്ത 18:34-ൽ ‘ജയില​ധി​കാ​രി​കൾ’ എന്നു പരിഭാ​ഷ​പ്പെ​ടു​ത്തി​യി​രി​ക്കു​ന്നത്‌. അതു​കൊണ്ട്‌ ഇവിടെ ഉപയോ​ഗി​ച്ചി​രി​ക്കുന്ന ‘ഉപദ്ര​വി​ക്കുക’ എന്ന പദം, ലൂക്ക 8:31-ലെ സമാന്ത​ര​വി​വ​ര​ണ​ത്തിൽ കാണുന്ന ‘അഗാധ​ത്തിൽ’ അടയ്‌ക്കു​ന്ന​തി​നെ അഥവാ തളച്ചി​ടു​ന്ന​തി​നെ ആയിരി​ക്കാം കുറി​ക്കു​ന്നത്‌.

പന്നിക്കൂ​ട്ടം: മോശ​യി​ലൂ​ടെ കൊടുത്ത നിയമ​മ​നു​സ​രിച്ച്‌ പന്നി ഒരു അശുദ്ധ​മൃ​ഗ​മാ​യി​രു​ന്നെ​ങ്കി​ലും അവയെ ഈ പ്രദേ​ശത്ത്‌ വളർത്തി​യി​രു​ന്നു. “പന്നികളെ മേയ്‌ച്ചി​രു​ന്നവർ” (മത്ത 8:33) ഈ നിയമം ലംഘിച്ച ജൂതന്മാ​രാ​ണോ എന്നു പറഞ്ഞി​ട്ടില്ല. എന്നാൽ ഗ്രീക്കു​കാർക്കും റോമാ​ക്കാർക്കും പന്നിയി​റച്ചി ഒരു വിശി​ഷ്ട​വി​ഭ​വ​മാ​യി​രു​ന്ന​തു​കൊണ്ട്‌ ജൂതന്മാ​ര​ല്ലാ​ത്തവർ ധാരാ​ള​മാ​യി താമസി​ച്ചി​രുന്ന ദക്കപ്പൊ​ലി പ്രദേ​ശത്ത്‌ പന്നിയി​റച്ചി വിൽക്കുന്ന ഒരു ചന്തയു​ണ്ടാ​യി​രു​ന്നു.

ദൃശ്യാവിഷ്കാരം

യുദ്ധസ​ജ്ജ​നായ ഒരു റോമൻ ശതാധി​പൻ അഥവാ സൈനി​കോ​ദ്യോ​ഗസ്ഥൻ
യുദ്ധസ​ജ്ജ​നായ ഒരു റോമൻ ശതാധി​പൻ അഥവാ സൈനി​കോ​ദ്യോ​ഗസ്ഥൻ

ഒരു സാധാരണ പടയാ​ളി​ക്കു കിട്ടാ​വുന്ന ഏറ്റവും ഉയർന്ന സ്ഥാനമാ​യി​രു​ന്നു ശതാധി​പ​ന്റേത്‌. പടയാ​ളി​കൾക്കു കായി​ക​പ​രി​ശീ​ലനം നൽകുക, അവരുടെ ആയുധ​ങ്ങ​ളും ഭക്ഷണവും മറ്റ്‌ അവശ്യ​വ​സ്‌തു​ക്ക​ളും പരി​ശോ​ധി​ക്കുക, അവർക്കു പെരു​മാ​റ്റ​ച്ച​ട്ടങ്ങൾ വെക്കുക എന്നിവ​യെ​ല്ലാം അദ്ദേഹ​ത്തി​ന്റെ ഉത്തരവാ​ദി​ത്വ​മാ​യി​രു​ന്നു. റോമൻ​സൈ​ന്യ​ത്തി​ന്റെ യുദ്ധസ​ജ്ജ​ത​യും ഫലപ്ര​ദ​ത്വ​വും മറ്റാ​രെ​ക്കാ​ളും ശതാധി​പ​ന്മാ​രെ ആശ്രയി​ച്ചാ​ണി​രു​ന്ന​തെന്നു പറയാം. പൊതു​വേ റോമൻ സൈന്യ​ത്തി​ലെ ഏറ്റവും അനുഭ​വ​സ​മ്പ​ന്ന​രാ​യി​രുന്ന ഇക്കൂട്ടർ സൈന്യ​ത്തി​ന്റെ അവിഭാ​ജ്യ​ഘ​ട​ക​മാ​യി​രു​ന്നു. ഇക്കാര​ണ​ങ്ങൾകൊ​ണ്ടു​ത​ന്നെ​യാ​ണു യേശു​വി​നെ കാണാൻ വന്ന ശതാധി​പന്റെ താഴ്‌മ​യും വിശ്വാ​സ​വും വളരെ ശ്രദ്ധേ​യ​മാ​യി​രി​ക്കു​ന്നത്‌.

കുറു​ക്ക​ന്മാ​രു​ടെ മാളവും പക്ഷിക​ളു​ടെ കൂടും
കുറു​ക്ക​ന്മാ​രു​ടെ മാളവും പക്ഷിക​ളു​ടെ കൂടും

കുറു​ക്ക​ന്മാർക്കു മാളങ്ങ​ളും പക്ഷികൾക്കു കൂടു​ക​ളും ഉണ്ടെന്നും അതേസ​മയം തനിക്കു സ്ഥിരമാ​യി താമസി​ക്കാൻ ഒരു വീടി​ല്ലെ​ന്നും യേശു പറഞ്ഞു. ചിത്ര​ത്തിൽ കാണി​ച്ചി​രി​ക്കുന്ന ഇനത്തിൽപ്പെട്ട കുറു​ക്ക​ന്മാർ (വൽപിസ്‌ വൽപിസ്‌) മധ്യപൂർവ​ദേ​ശത്ത്‌ മാത്രമല്ല ആഫ്രിക്ക, ഏഷ്യ, യൂറോപ്പ്‌, വടക്കേ അമേരിക്ക എന്നീ സ്ഥലങ്ങളി​ലും കാണ​പ്പെ​ടു​ന്നു. സമീപ​കാ​ലത്ത്‌ അവയെ ഓസ്‌​ട്രേ​ലി​യ​യി​ലേ​ക്കും കൊണ്ടു​വ​ന്നി​ട്ടുണ്ട്‌. പ്രകൃ​തി​ജ​ന്യ​മായ പാറയി​ടു​ക്കു​ക​ളി​ലും മറ്റു ജീവികൾ ഉപേക്ഷി​ച്ചു​പോയ മാളങ്ങ​ളി​ലും താമസി​ക്കാ​റുള്ള കുറു​ക്ക​ന്മാർ ചില​പ്പോ​ഴൊ​ക്കെ മറ്റു ജീവി​കളെ തുരത്തി​യോ​ടി​ച്ചിട്ട്‌ അവയുടെ മാളങ്ങൾ കൈവ​ശ​പ്പെ​ടു​ത്താ​റു​മുണ്ട്‌. ഇതൊ​ന്നു​മ​ല്ലെ​ങ്കിൽ അവ നിലത്ത്‌ മാളമു​ണ്ടാ​ക്കി അതിൽ താമസ​മാ​ക്കും. ചിത്ര​ത്തിൽ കാണി​ച്ചി​രി​ക്കുന്ന ചെറ്റിസ്‌ വാർബ്ലർ (ചെറ്റിയ ചെറ്റി) എന്ന ഇലക്കു​രു​വി, വർഷത്തി​ലെ പല മാസങ്ങ​ളി​ലാ​യി ഇസ്രാ​യേ​ലിൽ കാണ​പ്പെ​ടുന്ന ഏതാണ്ട്‌ 470 തരം പക്ഷിക​ളിൽ ഒന്നാണ്‌. ഇനങ്ങളി​ലെ വൈവി​ധ്യം​പോ​ലെ​തന്നെ അവയുടെ കൂടു​ക​ളും നാനാ​ത​ര​മാണ്‌. ചുള്ളി​ക്കമ്പ്‌, ഇലകൾ, കടൽസ​സ്യ​ങ്ങൾ, നാരുകൾ, വൈ​ക്കോൽ, പായൽ, തൂവലു​കൾ എന്നിവ ഉപയോ​ഗിച്ച്‌ മരങ്ങളി​ലും മരപ്പൊ​ത്തു​ക​ളി​ലും പാറ​ക്കെ​ട്ടു​ക​ളി​ലും ഒക്കെ അവ കൂടു കെട്ടാ​റുണ്ട്‌. മെഡി​റ്റ​റേ​നി​യൻ കടലിന്റെ തെക്കു​കി​ഴക്കേ ഭാഗത്ത്‌ സ്ഥിതി​ചെ​യ്യുന്ന ഈ രാജ്യം താരത​മ്യേന ചെറു​തെ​ങ്കി​ലും അതു തണു​പ്പേ​റിയ പർവത​ശി​ഖ​ര​ങ്ങ​ളും കൊടും ചൂടുള്ള താഴ്‌വാ​ര​ങ്ങ​ളും, ഉണങ്ങി​വരണ്ട മരുഭൂ​മി​ക​ളും സമു​ദ്ര​തീ​രത്തെ സമഭൂ​മി​ക​ളും അടങ്ങിയ വൈവി​ധ്യ​മാർന്ന ഭൂപ്ര​കൃ​തി​യാൽ അനുഗൃ​ഹീ​ത​മാണ്‌. ഈ ആവാസ​വ്യ​വസ്ഥ വളരെ ആകർഷ​ക​മാ​യ​തു​കൊണ്ട്‌ വിവി​ധ​തരം പക്ഷികൾ ഇസ്രാ​യേ​ലിൽ സ്ഥിരതാ​മ​സ​ക്കാ​രാ​യുണ്ട്‌; ഇവിടം തേടി​യെ​ത്തുന്ന ദേശാ​ട​ന​പ്പ​ക്ഷി​കൾ വേറെ​യും!

ഗലീല​ക്ക​ട​ലി​ന്റെ കിഴക്കുള്ള കിഴു​ക്കാം​തൂ​ക്കായ പ്രദേശം
ഗലീല​ക്ക​ട​ലി​ന്റെ കിഴക്കുള്ള കിഴു​ക്കാം​തൂ​ക്കായ പ്രദേശം

ഗലീല​ക്ക​ട​ലി​ന്റെ കിഴക്കേ തീരത്തു​വെ​ച്ചാണ്‌ യേശു രണ്ടു പുരു​ഷ​ന്മാ​രിൽനിന്ന്‌ ഭൂതങ്ങളെ പുറത്താ​ക്കി അവയെ പന്നിക്കൂ​ട്ട​ത്തി​ലേക്ക്‌ അയച്ചത്‌.