മത്തായി എഴുതിയത്‌ 3:1-17

3  ആ കാലത്ത്‌ സ്‌നാപകയോഹന്നാൻ+ യഹൂദ്യ വിജനഭൂമിയിൽ വന്ന്‌,  “സ്വർഗരാജ്യം സമീപിച്ചിരിക്കുന്നു. അതുകൊണ്ട്‌ മാനസാന്തരപ്പെടുക”+ എന്നു പ്രസംഗിച്ചു.+  ഈ യോഹന്നാനെക്കുറിച്ചാണ്‌ യശയ്യ+ പ്രവാചകനിലൂടെ+ ഇങ്ങനെ പറഞ്ഞത്‌: “വിജനഭൂമിയിൽ വിളിച്ചുപറയുന്നവന്റെ ശബ്ദം: ‘യഹോവയ്‌ക്കു വഴി ഒരുക്കുക; ദൈവത്തിന്റെ പാതകൾ നേരെയാക്കുക.’”+  യോഹന്നാൻ ഒട്ടകരോമംകൊണ്ടുള്ള വസ്‌ത്രമാണു ധരിച്ചിരുന്നത്‌. തുകലുകൊണ്ടുള്ള അരപ്പട്ടയും അണിഞ്ഞിരുന്നു.+ വെട്ടുക്കിളിയും+ കാട്ടുതേനും ആയിരുന്നു ഭക്ഷണം.+  യരുശലേമിലും യഹൂദ്യയിലെങ്ങും ഉള്ളവരും യോർദാനു ചുറ്റുവട്ടത്തുള്ള എല്ലാവരും യോഹന്നാന്റെ അടുത്ത്‌ ചെന്ന്‌+  പാപങ്ങൾ പരസ്യമായി ഏറ്റുപറഞ്ഞു; യോഹന്നാൻ അവരെ യോർദാൻ നദിയിൽ സ്‌നാനപ്പെടുത്തി.+  സ്‌നാനമേൽക്കാൻ നിരവധി പരീശന്മാരും+ സദൂക്യരും+ വരുന്നതു കണ്ട്‌ യോഹന്നാൻ അവരോടു പറഞ്ഞു: “അണലിസന്തതികളേ,+ വരാനിരിക്കുന്ന ക്രോധത്തിൽനിന്ന്‌ ഓടിയകലാൻ ആരാണു നിങ്ങൾക്ക്‌ ഉപദേശിച്ചുതന്നത്‌?+  ആദ്യം മാനസാന്തരത്തിനു യോജിച്ച ഫലം പുറപ്പെടുവിക്കൂ.  ‘ഞങ്ങൾക്കു പിതാവായി അബ്രാഹാമുണ്ട്‌ ’+ എന്ന്‌ അഹങ്കരിക്കേണ്ടാ. കാരണം അബ്രാഹാമിനുവേണ്ടി ഈ കല്ലുകളിൽനിന്ന്‌ മക്കളെ ഉളവാക്കാൻ ദൈവത്തിനു കഴിയും എന്നു ഞാൻ നിങ്ങളോടു പറയുന്നു. 10  മരങ്ങളുടെ ചുവട്ടിൽ കോടാലി വെച്ചുകഴിഞ്ഞു. നല്ല ഫലം കായ്‌ക്കാത്ത മരമെല്ലാം വെട്ടി തീയിലിടും.+ 11  നിങ്ങളുടെ മാനസാന്തരം നിമിത്തം+ ഞാൻ നിങ്ങളെ വെള്ളംകൊണ്ട്‌ സ്‌നാനപ്പെടുത്തുന്നു. എന്നാൽ എന്റെ പിന്നാലെ വരുന്നവൻ+ എന്നെക്കാൾ ശക്തനാണ്‌. അദ്ദേഹത്തിന്റെ ചെരിപ്പ്‌ അഴിക്കാൻപോലും ഞാൻ യോഗ്യനല്ല.+ അദ്ദേഹം നിങ്ങളെ പരിശുദ്ധാത്മാവുകൊണ്ടും+ തീകൊണ്ടും+ സ്‌നാനപ്പെടുത്തും. 12  പാറ്റാനുള്ള കോരിക അദ്ദേഹത്തിന്റെ കൈയിലുണ്ട്‌. അദ്ദേഹം മെതിക്കളം മുഴുവൻ വെടിപ്പാക്കി സംഭരണശാലയിൽ ഗോതമ്പു ശേഖരിച്ചുവെക്കും. പതിരാകട്ടെ കെടുത്താൻ പറ്റാത്ത തീയിലിട്ട്‌ ചുട്ടുകളയും.”+ 13  പിന്നെ യേശു സ്‌നാനമേൽക്കാൻ ഗലീലയിൽനിന്ന്‌ യോർദാനിൽ യോഹന്നാന്റെ അടുത്ത്‌ ചെന്നു.+ 14  എന്നാൽ യോഹന്നാൻ, “നീ എന്നെയല്ലേ സ്‌നാനപ്പെടുത്തേണ്ടത്‌, ആ നീ എന്റെ അടുക്കൽ വരുന്നോ” എന്നു ചോദിച്ചുകൊണ്ട്‌ യേശുവിനെ തടഞ്ഞു. 15  യേശു യോഹന്നാനോടു പറഞ്ഞു: “ഇപ്പോൾ ഇതു നടക്കട്ടെ; അങ്ങനെ നീതിയായതു ചെയ്യുന്നതാണല്ലോ എന്തുകൊണ്ടും ഉചിതം.” പിന്നെ യോഹന്നാൻ യേശുവിനെ തടഞ്ഞില്ല. 16  സ്‌നാനമേറ്റ ഉടനെ, യേശു വെള്ളത്തിൽനിന്ന്‌ കയറുമ്പോൾ ആകാശം തുറന്നു.+ ദൈവത്തിന്റെ ആത്മാവ്‌ പ്രാവുപോലെ യേശുവിന്റെ മേൽ ഇറങ്ങിവരുന്നതു+ യോഹന്നാൻ കണ്ടു. 17  “ഇവൻ എന്റെ പ്രിയപുത്രൻ,+ ഇവനിൽ ഞാൻ പ്രസാദിച്ചിരിക്കുന്നു”+ എന്ന്‌ ആകാശത്തുനിന്ന്‌ ഒരു ശബ്ദവും ഉണ്ടായി.+

അടിക്കുറിപ്പുകള്‍

പഠനക്കുറിപ്പുകൾ

സ്‌നാ​പ​കൻ: അഥവാ “നിമജ്ജനം ചെയ്യു​ന്നവൻ; മുക്കു​ന്നവൻ.” ഈ വാക്യ​ത്തിൽ “സ്‌നാ​പ​ക​യോ​ഹ​ന്നാൻ” എന്നാണു കാണു​ന്ന​തെ​ങ്കി​ലും മർ 1:4; 6:14, 24 വാക്യ​ങ്ങ​ളിൽ “യോഹ​ന്നാൻ സ്‌നാ​പകൻ” എന്നു വിളി​ച്ചി​രി​ക്കു​ന്നു. വെള്ളത്തിൽ മുക്കി സ്‌നാ​ന​പ്പെ​ടു​ത്തു​ന്നതു യോഹ​ന്നാ​ന്റെ പ്രത്യേ​ക​ത​യാ​യി​രു​ന്നെന്നു സൂചി​പ്പി​ക്കുന്ന ഒരു വിളി​പ്പേ​രാ​യി​രി​ക്കാം “സ്‌നാ​പകൻ.” ‘സ്‌നാ​പകൻ എന്നു വിളി​പ്പേ​രുള്ള യോഹ​ന്നാ​നെ’ക്കുറിച്ച്‌ ജൂതച​രി​ത്ര​കാ​ര​നായ ഫ്‌ളേ​വി​യസ്‌ ജോസീ​ഫ​സും എഴുതി​യി​ട്ടുണ്ട്‌.

യോഹ​ന്നാൻ: യഹോ​ഹാ​നാൻ അഥവാ യോഹാ​നാൻ എന്ന എബ്രാ​യ​പേ​രി​ന്റെ മലയാ​ള​രൂ​പം. അർഥം: “യഹോവ പ്രീതി കാണി​ച്ചി​രി​ക്കു​ന്നു; യഹോവ കൃപ കാണി​ച്ചി​രി​ക്കു​ന്നു.”

യഹൂദ്യ വിജന​ഭൂ​മി: പൊതു​വേ ആൾപ്പാർപ്പി​ല്ലാത്ത തരിശു​ഭൂ​മി. യഹൂദ്യ മലനി​ര​ക​ളിൽനിന്ന്‌ കിഴ​ക്കോട്ട്‌ യോർദാൻ നദിയു​ടെ​യും ചാവു​ക​ട​ലി​ന്റെ​യും പടിഞ്ഞാ​റൻതീ​രം വരെ [മുകളിൽനിന്ന്‌ താഴെ​വരെ ഏകദേശം 1,200 മീറ്റർ (3,900 അടി).] വ്യാപി​ച്ചു​കി​ട​ക്കുന്ന പ്രദേശം. ഈ പ്രദേ​ശത്ത്‌, ചാവു​ക​ട​ലി​ന്റെ വടക്കുള്ള ഒരു ഭാഗത്താണ്‌ യോഹ​ന്നാൻ ശശ്രൂഷ തുടങ്ങി​യത്‌.​—പദാവലിയിൽ “വിജനഭൂമി” കാണുക.

സ്വർഗ​രാ​ജ്യം: ഈ പദപ്ര​യോ​ഗം 30-ലേറെ തവണ ബൈബി​ളിൽ കാണു​ന്നുണ്ട്‌, എല്ലാം മത്തായി​യു​ടെ സുവി​ശേ​ഷ​ത്തി​ലാണ്‌. മർക്കോ​സി​ന്റെ​യും ലൂക്കോ​സി​ന്റെ​യും സുവി​ശേ​ഷ​ങ്ങ​ളിൽ ഇതി​നോ​ടു സമാന​മായ “ദൈവ​രാ​ജ്യം” എന്ന പ്രയോ​ഗ​മാണ്‌ ഉപയോ​ഗി​ച്ചി​രി​ക്കു​ന്നത്‌. “ദൈവ​രാ​ജ്യ”ത്തിന്റെ ഭരണ​കേ​ന്ദ്രം സ്വർഗ​മാ​യി​രി​ക്കു​മെ​ന്നും അത്‌ അവി​ടെ​നി​ന്നാ​യി​രി​ക്കും ഭരണം നടത്തു​ന്ന​തെ​ന്നും ഇതു സൂചി​പ്പി​ക്കു​ന്നു.​—മത്ത 21:43; മർ 1:15; ലൂക്ക 4:43; ദാനി 2:44; 2തിമ 4:18.

രാജ്യം: ബസിലേയ എന്ന ഗ്രീക്കു​പദം ആദ്യമാ​യി വരുന്നി​ടം. ഒരു രാജാ​വി​ന്റെ ഭരണകൂ​ട​ത്തെ​യോ രാജഭ​ര​ണ​ത്തിൻകീ​ഴി​ലുള്ള പ്രദേശം, ജനങ്ങൾ എന്നിവ​യെ​യോ ഇതിന്‌ അർഥമാ​ക്കാ​നാ​കും. ഗ്രീക്കു​തി​രു​വെ​ഴു​ത്തു​ക​ളിൽ 162 പ്രാവ​ശ്യം ഈ പദം കാണാം. അതിൽ 55-ഉം മത്തായി​യു​ടെ വിവര​ണ​ത്തി​ലാണ്‌. ദൈവ​ത്തി​ന്റെ സ്വർഗീ​യ​ഭ​ര​ണത്തെ കുറി​ക്കു​ന്ന​താണ്‌ അതിൽ മിക്കവ​യും. മത്തായി ഈ പദം ഇത്രയ​ധി​ക​മാ​യി ഉപയോ​ഗി​ച്ചി​രി​ക്കു​ന്ന​തു​കൊണ്ട്‌ മത്തായി​യു​ടെ സുവി​ശേ​ഷത്തെ ‘രാജ്യ സുവി​ശേഷം’ എന്നും വിളി​ക്കാം.​—പദാവ​ലി​യിൽ “ദൈവ​രാ​ജ്യം” കാണുക.

സമീപി​ച്ചി​രി​ക്കു​ന്നു: സ്വർഗ​രാ​ജ്യ​ത്തി​ന്റെ ഭാവി​ഭ​ര​ണാ​ധി​കാ​രി പ്രത്യ​ക്ഷ​പ്പെ​ടാ​റാ​യി എന്ന അർഥത്തി​ലാണ്‌ ഇങ്ങനെ പറഞ്ഞി​രി​ക്കു​ന്നത്‌.

മാനസാ​ന്ത​ര​പ്പെ​ടുക: ഇവിടെ ഉപയോ​ഗി​ച്ചി​രി​ക്കുന്ന ഗ്രീക്കു​പ​ദ​ത്തി​ന്റെ അക്ഷരാർഥം “മനസ്സു മാറ്റുക” എന്നാണ്‌. ചിന്തയി​ലോ മനോ​ഭാ​വ​ത്തി​ലോ ഉദ്ദേശ്യ​ത്തി​ലോ വരുത്തുന്ന മാറ്റത്തെ ഇത്‌ അർഥമാ​ക്കു​ന്നു. ദൈവത്തെ പ്രസാ​ദി​പ്പി​ക്കാ​നും ദൈവ​വു​മാ​യി ഒരു ബന്ധത്തി​ലേക്കു വരാനും ഒരു വ്യക്തി മാറ്റങ്ങൾ വരുത്തണം എന്നാണു ‘മാനസാ​ന്ത​ര​പ്പെ​ടുക’ എന്ന പദം ഇവിടെ അർഥമാ​ക്കു​ന്നത്‌.​—മത്ത 3:8, 11 എന്നിവ​യു​ടെ പഠനക്കു​റി​പ്പു​ക​ളും പദാവ​ലി​യിൽ “മാനസാ​ന്തരം” എന്നതും കാണുക.

പ്രസം​ഗി​ക്കു​ക: ഗ്രീക്കു​പ​ദ​ത്തി​ന്റെ പ്രധാ​നാർഥം “പരസ്യ​മാ​യി ഒരു കാര്യം അറിയി​ച്ചു​കൊണ്ട്‌ അതു ഘോഷി​ക്കുക” എന്നാണ്‌. സന്ദേശം അറിയി​ക്കുന്ന രീതി​ക്കാണ്‌ ഇവിടെ ഊന്നൽ നൽകി​യി​രി​ക്കു​ന്നത്‌. ഒരു കൂട്ടത്തെ അഭിസം​ബോ​ധന ചെയ്‌ത്‌ നടത്തുന്ന പ്രഭാ​ഷ​ണ​ത്തെ​ക്കാൾ ഒരു കാര്യം എല്ലാവ​രോ​ടും പരസ്യ​മാ​യി ഘോഷി​ക്കു​ന്ന​തി​നെ​യാണ്‌ ഇതു പൊതു​വേ അർഥമാ​ക്കു​ന്നത്‌.

യഹോവ: ഇത്‌ യശ 40:3-ൽനിന്നുള്ള ഉദ്ധരണി​യാണ്‌. അതിന്റെ മൂല എബ്രാ​യ​പാ​ഠ​ത്തിൽ ദൈവ​ത്തി​ന്റെ പേരിനെ പ്രതി​നി​ധാ​നം ചെയ്യുന്ന നാല്‌ എബ്രാ​യ​വ്യ​ഞ്‌ജ​നാ​ക്ഷ​രങ്ങൾ (അതിന്റെ ലിപ്യ​ന്ത​രണം യ്‌ഹ്‌വ്‌ഹ്‌ എന്നാണ്‌.) കാണാം. (അനു. സി കാണുക.) യേശു​വി​നു വഴി ഒരുക്കാ​നാ​യി സ്‌നാ​പ​ക​യോ​ഹ​ന്നാൻ ചെയ്‌ത കാര്യ​ങ്ങ​ളു​മാ​യി മത്തായി ഈ പ്രവച​നത്തെ ബന്ധിപ്പി​ക്കു​ന്നു. ഈ പ്രവചനം തനിക്കു​തന്നെ ബാധക​മാ​കു​ന്ന​താ​യി സ്‌നാ​പ​ക​യോ​ഹ​ന്നാൻ യോഹ​ന്നാ​ന്റെ സുവി​ശേ​ഷ​ത്തിൽ പറയു​ന്നുണ്ട്‌.​—യോഹ 1:23.

ദൈവ​ത്തി​ന്റെ പാതകൾ നേരെ​യാ​ക്കുക: പണ്ട്‌ വഴിയിൽനിന്ന്‌ വലിയ കല്ലുകൾ നീക്കി​യും വെള്ളത്തി​നു നടുവി​ലൂ​ടെ പാതകൾ നിർമി​ച്ചും കുന്നുകൾ നിരപ്പാ​ക്കി​യും രാജര​ഥ​ത്തി​നു വഴി ഒരുക്കി​യി​രുന്ന രീതി ഇതു നമ്മുടെ മനസ്സി​ലേക്കു കൊണ്ടു​വ​ന്നേ​ക്കാം.

ഒട്ടകരോമംകൊണ്ടുള്ള വസ്‌ത്രം: യോഹ​ന്നാൻ ധരിച്ചി​രുന്ന ഒട്ടക​രോ​മം​കൊണ്ട്‌ നെയ്‌ത വസ്‌ത്ര​വും തുകൽകൊ​ണ്ടുള്ള അരപ്പട്ട​യും ഏലിയ പ്രവാ​ച​കന്റെ വേഷവി​ധാ​നത്തെ അനുസ്‌മ​രി​പ്പി​ക്കു​ന്ന​താ​യി​രു​ന്നു.​—2രാജ 1:8; യോഹ 1:21.

വെട്ടു​ക്കി​ളി​കൾ: മാംസ്യം അഥവാ പ്രോ​ട്ടീൻ കൊണ്ട്‌ സമ്പുഷ്ടം. ഇസ്രാ​യേ​ല്യർക്കു കൊടുത്ത നിയമ​ത്തിൽ ഇവയെ ഭക്ഷ്യ​യോ​ഗ്യ​മാ​യി വേർതി​രി​ച്ചി​രു​ന്നു.​—ലേവ 11:21, 22.

കാട്ടു​തേൻ: ഇതു കൃത്രി​മ​മായ തേനീ​ച്ച​ക്കൂ​ടു​ക​ളിൽനി​ന്നുള്ള തേനല്ല, മറിച്ച്‌ വിജന​മേ​ഖ​ല​യി​ലെ തേനീ​ച്ച​ക്കൂ​ടു​ക​ളിൽനിന്ന്‌ കിട്ടുന്ന തേനാണ്‌. വിജന​ഭൂ​മി​യിൽ താമസി​ക്കു​ന്നവർ വെട്ടു​ക്കി​ളി​കൾ, കാട്ടു​തേൻ എന്നിവ ഭക്ഷിക്കു​ന്നതു സാധാ​ര​ണ​മാ​യി​രു​ന്നു.

പാപങ്ങൾ പരസ്യ​മാ​യി ഏറ്റുപ​റഞ്ഞു: നിയമ ഉടമ്പടി​ക്കെ​തി​രെ ചെയ്‌ത പാപങ്ങൾ പരസ്യ​മാ​യി തുറന്നു​സ​മ്മ​തി​ക്കു​ന്ന​തി​നെ കുറി​ക്കു​ന്നു.

സ്‌നാ​ന​പ്പെ​ടു​ത്തി: അഥവാ “നിമജ്ജനം ചെയ്‌തു; മുക്കി.”—മത്ത 3:11-ന്റെ പഠനക്കു​റി​പ്പു കാണുക.

പരീശ​ന്മാർ: പദാവലി കാണുക.

സദൂക്യർ: പദാവലി കാണുക.

അണലി​സ​ന്ത​തി​ക​ളേ: അവരുടെ കുടി​ല​ത​യും അവർ വരുത്തിയ ഗുരു​ത​ര​മായ ആത്മീയ​ഹാ​നി​യും, അവരെ കണ്ണുമ​ടച്ച്‌ വിശ്വ​സി​ച്ച​വരെ വിഷം​പോ​ലെ ബാധി​ച്ച​തു​കൊ​ണ്ടാണ്‌ അങ്ങനെ വിളി​ച്ചത്‌.

മാനസാ​ന്ത​ര​ത്തി​നു യോജിച്ച ഫലം: യോഹ​ന്നാൻ പറഞ്ഞ കാര്യങ്ങൾ കേൾക്കു​ന്ന​വ​രു​ടെ മനസ്സി​നോ മനോ​ഭാ​വ​ത്തി​നോ വരുന്ന മാറ്റത്തെ സൂചി​പ്പി​ക്കുന്ന തെളി​വു​ക​ളെ​യും പ്രവൃ​ത്തി​ക​ളെ​യും കുറി​ക്കു​ന്നു.​—ലൂക്ക 3:8; പ്രവൃ 26:20; മത്ത 3:2, 11 എന്നിവ​യു​ടെ പഠനക്കു​റി​പ്പു​ക​ളും പദാവ​ലി​യിൽ “മാനസാ​ന്തരം” എന്നതും കാണുക.

മാനസാ​ന്ത​രം: അക്ഷ. “മനസ്സു​മാ​റ്റം.”​—മത്ത 3:2, 8 എന്നിവ​യു​ടെ പഠനക്കു​റി​പ്പു​ക​ളും പദാവ​ലി​യും കാണുക.

നിങ്ങളെ . . . സ്‌നാ​ന​പ്പെ​ടു​ത്തു​ന്നു: അഥവാ “നിങ്ങളെ നിമജ്ജനം ചെയ്യുന്നു.” ബാപ്‌റ്റി​ഡ്‌സോ എന്ന ഗ്രീക്കു​പ​ദ​ത്തി​ന്റെ അർഥം “മുക്കുക; ആഴ്‌ത്തുക” എന്നൊ​ക്കെ​യാണ്‌. സ്‌നാ​ന​പ്പെ​ടുന്ന ആളെ പൂർണ​മാ​യി മുക്കണ​മെന്നു മറ്റു ബൈബിൾഭാ​ഗ​ങ്ങ​ളും സൂചി​പ്പി​ക്കു​ന്നു. ഒരിക്കൽ യോർദാൻ താ​ഴ്‌വ​ര​യി​ലെ ശലേമിന്‌ അടുത്തുള്ള ഒരു സ്ഥലത്തു​വെച്ച്‌ യോഹ​ന്നാൻ ആളുകളെ സ്‌നാ​ന​പ്പെ​ടു​ത്തി​യത്‌ ‘അവിടെ ധാരാളം വെള്ളമു​ണ്ടാ​യി​രു​ന്ന​തു​കൊ​ണ്ടാണ്‌ ’ എന്നു ബൈബിൾ പറയുന്നു. (യോഹ 3:23) ഫിലി​പ്പോസ്‌ എത്യോ​പ്യൻ ഷണ്ഡനെ സ്‌നാ​ന​പ്പെ​ടു​ത്തി​യ​പ്പോൾ രണ്ടു​പേ​രും “വെള്ളത്തിൽ ഇറങ്ങി” എന്നു കാണുന്നു. (പ്രവൃ 8:38) 2രാജ 5:14-ൽ നയമാൻ “യോർദാ​നിൽ ഏഴു പ്രാവ​ശ്യം മുങ്ങി” എന്നു പറയു​ന്നി​ടത്ത്‌ സെപ്‌റ്റു​വ​ജി​ന്റിൽ കാണു​ന്ന​തും ഇതേ പദംത​ന്നെ​യാണ്‌.

എന്നെക്കാൾ ശക്തനാണ്‌: “കൂടുതൽ അധികാ​രം” ഉണ്ടെന്നു സൂചി​പ്പി​ക്കു​ന്നു.

ചെരിപ്പ്‌: മറ്റൊ​രാ​ളു​ടെ ചെരി​പ്പി​ന്റെ കെട്ട്‌ അഴിച്ചു​കൊ​ടു​ക്കു​ന്ന​തും (മർ 1:7; ലൂക്ക 3:16; യോഹ 1:27) അത്‌ എടുത്തു​കൊണ്ട്‌ നടക്കു​ന്ന​തും തരംതാഴ്‌ന്ന പണിയാ​യി​ട്ടാ​ണു കണക്കാ​ക്കി​യി​രു​ന്നത്‌. മിക്ക​പ്പോ​ഴും അടിമ​ക​ളാണ്‌ അതു ചെയ്‌തി​രു​ന്നത്‌.

പരിശു​ദ്ധാ​ത്മാ​വു​കൊ​ണ്ടും തീകൊ​ണ്ടും സ്‌നാ​ന​പ്പെ​ടു​ത്തും: പരിശു​ദ്ധാ​ത്മാ​വു​കൊ​ണ്ടുള്ള സ്‌നാനം പരിശു​ദ്ധാ​ത്മാ​വി​നാ​ലുള്ള അഭി​ഷേ​ക​ത്തെ​യും തീകൊ​ണ്ടുള്ള സ്‌നാനം നാശ​ത്തെ​യും അർഥമാ​ക്കു​ന്നു. പരിശു​ദ്ധാ​ത്മാ​വു​കൊ​ണ്ടുള്ള സ്‌നാനം എ.ഡി. 33-ലെ പെന്തി​ക്കോ​സ്‌തിൽ തുടങ്ങി. തീകൊ​ണ്ടുള്ള സ്‌നാനം നടന്നതു റോമൻ സൈന്യം എ.ഡി. 70-ൽ യരുശ​ലേം നശിപ്പിച്ച്‌ അവി​ടെ​യുള്ള ദേവാ​ലയം ചുട്ടെ​രി​ച്ച​പ്പോ​ഴാണ്‌.

പാറ്റാ​നു​ള്ള കോരിക: സാധ്യ​ത​യ​നു​സ​രിച്ച്‌ തടി​കൊണ്ട്‌ ഉണ്ടാക്കി​യത്‌. മെതിച്ച ധാന്യം ഇത്‌ ഉപയോ​ഗിച്ച്‌ വായു​വി​ലേക്ക്‌ എറിയു​മ്പോൾ വയ്‌ക്കോൽക്ക​ഷ​ണ​ങ്ങ​ളും പതിരും കാറ്റത്ത്‌ പറന്നു​പോ​കു​മാ​യി​രു​ന്നു.

പതിര്‌: അകത്ത്‌ മണിയി​ല്ലാത്ത ധാന്യ​ത്തെ​യാ​ണു പൊതു​വേ പതി​രെന്നു പറയു​ന്ന​തെ​ങ്കി​ലും ഇവിടെ കാണുന്ന മൂലഭാ​ഷാ​പദം ബാർലി​യും ഗോത​മ്പും പോലുള്ള ധാന്യ​ങ്ങ​ളു​ടെ ആവരണത്തെ അഥവാ ഉമിയെ ആണ്‌ കുറി​ക്കു​ന്നത്‌. കാറ്റത്ത്‌ ഉമിയും പതിരും വീണ്ടും ധാന്യ​ക്കൂ​മ്പാ​ര​വു​മാ​യി ഇടകല​രാ​തി​രി​ക്കാൻ പൊതു​വേ അതു ശേഖരിച്ച്‌ കത്തിച്ചു​ക​ള​ഞ്ഞി​രു​ന്നു. പാറ്റു​ന്ന​തി​നെ​ക്കു​റിച്ച്‌ യോഹ​ന്നാൻ ഇവിടെ പറഞ്ഞത്‌, മിശിഹ ആലങ്കാ​രി​ക​മായ ഗോത​മ്പിൽനിന്ന്‌ പതിരും ഉമിയും മറ്റും വേർതി​രി​ക്കു​ന്ന​തി​നെ കുറി​ക്കാ​നാണ്‌.

കെടു​ത്താൻ പറ്റാത്ത തീ: ജൂതവ്യ​വ​സ്ഥി​തി സമ്പൂർണ​മാ​യി നശിപ്പി​ക്ക​പ്പെ​ടാ​നി​രി​ക്കു​ക​യാ​ണെന്ന്‌ ഇതു സൂചി​പ്പി​ച്ചു.

നീതി​യാ​യ​തു ചെയ്യു​ന്നത്‌: യേശു​വി​ന്റെ സ്‌നാനം മാനസാ​ന്ത​ര​ത്തി​ന്റെ പ്രതീ​ക​മാ​യി​രു​ന്നില്ല. കാരണം യേശു പാപമി​ല്ലാ​ത്ത​വ​നും ദൈവ​ത്തി​ന്റെ നീതി​യുള്ള നിയമങ്ങൾ കുറ്റമറ്റ രീതി​യിൽ പാലി​ച്ച​വ​നും ആയിരു​ന്നു. ആ സ്‌നാനം സമർപ്പ​ണ​ത്തി​ന്റെ പ്രതീ​ക​വു​മാ​യി​രു​ന്നില്ല. കാരണം യേശു അപ്പോൾത്തന്നെ ഒരു സമർപ്പി​ത​ജ​ന​ത​യി​ലെ അംഗമാ​യി​രു​ന്നു. യേശു​വി​ന്റെ സ്‌നാനം, മിശി​ഹ​യെ​ക്കു​റി​ച്ചുള്ള യഹോ​വ​യു​ടെ നീതി​യുള്ള ഹിതം ചെയ്യാൻ സ്വയം വിട്ടു​കൊ​ടു​ക്കു​ന്ന​തി​ന്റെ പ്രതീ​ക​മാ​യി​രു​ന്നു. അതിൽ തന്നെത്തന്നെ ഒരു മോച​ന​വി​ല​യാ​യി അർപ്പി​ക്കു​ന്ന​തും ഉൾപ്പെ​ട്ടി​രു​ന്നു. അങ്ങനെ, തന്നെക്കു​റിച്ച്‌ സങ്ക 40:7, 8-ൽ പറഞ്ഞി​രി​ക്കുന്ന പ്രവച​ന​ത്തി​നു ചേർച്ച​യിൽ പ്രവർത്തി​ക്കു​ക​യാ​യി​രു​ന്നു യേശു. ആ പ്രവചനം എബ്ര 10:5-9-ൽ വിശദീ​ക​രി​ച്ചി​ട്ടുണ്ട്‌.

ആകാശം: ഇതിന്‌ ആകാശ​ത്തെ​യോ ആത്മവ്യ​ക്തി​കൾ വസിക്കുന്ന സ്വർഗ​ത്തെ​യോ അർഥമാ​ക്കാ​നാ​കും.

ആകാശം തുറന്നു: സാധ്യ​ത​യ​നു​സ​രിച്ച്‌ അപ്പോൾ, യേശു സ്വർഗ​ത്തി​ലെ കാര്യങ്ങൾ അറിയാ​നും അവ മനസ്സി​ലാ​ക്കാ​നും ദൈവം ഇടയാക്കി. മനുഷ്യ​നാ​യി വരുന്ന​തി​നു മുമ്പ്‌ സ്വർഗ​ത്തി​ലു​ണ്ടാ​യി​രുന്ന ജീവി​ത​ത്തെ​ക്കു​റി​ച്ചുള്ള ഓർമ​ക​ളും ഇതിൽ ഉൾപ്പെ​ട്ടി​രു​ന്നി​രി​ക്കാം.

പ്രാവു​പോ​ലെ: പ്രാവു​കളെ ബലിയാ​യി അർപ്പി​ച്ചു​കൊണ്ട്‌ വിശു​ദ്ധ​കാ​ര്യ​ങ്ങൾക്ക്‌ ഉപയോ​ഗി​ച്ചി​രു​ന്നു. (മർ 11:15; യോഹ 2:14-16) ഒരു പ്രതീ​ക​മാ​യും അവയെ​ക്കു​റിച്ച്‌ പറഞ്ഞി​ട്ടുണ്ട്‌; നിഷ്‌ക​ള​ങ്ക​ത​യു​ടെ​യും നൈർമ​ല്യ​ത്തി​ന്റെ​യും പ്രതീ​ക​മാ​യി​രു​ന്നു അവ. (മത്ത 10:16) നോഹ അയച്ച പ്രാവ്‌ ഒലിവി​ല​യു​മാ​യി പെട്ടക​ത്തി​ലേക്കു മടങ്ങി​വ​ന്നതു പ്രളയ​ജലം ഇറങ്ങി​ത്തു​ട​ങ്ങി​യെ​ന്നും (ഉൽ 8:11) സ്വസ്ഥത​യു​ടെ​യും സമാധാ​ന​ത്തി​ന്റെ​യും നാളുകൾ സമീപി​ച്ചി​രി​ക്കു​ന്നെ​ന്നും സൂചി​പ്പി​ച്ചു. (ഉൽ 5:29) യേശു​വി​ന്റെ സ്‌നാ​ന​സ​മ​യത്ത്‌ യഹോവ പ്രാവി​നെ ഉപയോ​ഗി​ച്ചതു മിശിഹ എന്ന നിലയിൽ യേശു ചെയ്യാൻപോ​കുന്ന കാര്യ​ങ്ങ​ളി​ലേക്കു ശ്രദ്ധ ക്ഷണിക്കു​ന്ന​തി​നാ​യി​രി​ക്കാം. കാരണം നിർമ​ല​നും പാപര​ഹി​ത​നും ആയ ദൈവ​പു​ത്രൻ മനുഷ്യ​കു​ല​ത്തി​നു​വേണ്ടി തന്റെ ജീവൻ ബലിയർപ്പി​ക്കു​ക​യും അങ്ങനെ തന്റെ ഭരണത്തിൻകീ​ഴിൽ സ്വസ്ഥത​യും സമാധാ​ന​വും നിറഞ്ഞ കാലം വരുന്ന​തിന്‌ അടിസ്ഥാ​ന​മി​ടു​ക​യും ചെയ്യു​മാ​യി​രു​ന്നു. ദൈവ​ത്തി​ന്റെ ആത്മാവ്‌ അഥവാ ചലനാ​ത്മ​ക​ശക്തി സ്‌നാ​ന​സ​മ​യത്ത്‌ യേശു​വി​ന്റെ മേൽ ഇറങ്ങി​യ​പ്പോൾ, വേഗത്തിൽ ചിറക​ടിച്ച്‌ കൂടണ​യുന്ന പ്രാവി​നെ​പ്പോ​ലെ കാണ​പ്പെ​ട്ടി​രി​ക്കാം.

ഇവൻ എന്റെ പ്രിയ​പു​ത്രൻ: ഒരു ആത്മജീ​വി​യാ​യി​രു​ന്ന​പ്പോൾ യേശു ദൈവ​ത്തി​ന്റെ പുത്ര​നാ​യി​രു​ന്നു. (യോഹ 3:16) മനുഷ്യ​നാ​യി ജനിച്ച​ശേ​ഷ​വും യേശു, പൂർണ​നാ​യി​രുന്ന ആദാമി​നെ​പ്പോ​ലെ, ‘ദൈവ​ത്തി​ന്റെ മകനാ​യി​രു​ന്നു.’ (ലൂക്ക 1:35; 3:38) എന്നാൽ ഇവിടെ യേശു ആരാ​ണെന്നു തിരി​ച്ച​റി​യി​ക്കാൻവേണ്ടി മാത്രം ദൈവം പറഞ്ഞ വാക്കു​ക​ളാണ്‌ ഇതെന്നു തോന്നു​ന്നില്ല. സാധ്യ​ത​യ​നു​സ​രിച്ച്‌, ഈ പ്രസ്‌താ​വന നടത്തു​ക​യും ഒപ്പം പരിശു​ദ്ധാ​ത്മാ​വി​നെ പകരു​ക​യും ചെയ്‌ത​തി​ലൂ​ടെ യേശു എന്ന മനുഷ്യ​നെ തന്റെ ആത്മീയ​മ​ക​നാ​യി ജനിപ്പി​ച്ചെന്നു സൂചി​പ്പി​ക്കു​ക​യാ​യി​രു​ന്നു ദൈവം. അങ്ങനെ ‘വീണ്ടും ജനിച്ച’ യേശു​വി​നു സ്വർഗ​ത്തി​ലെ ജീവനി​ലേക്കു മടങ്ങാ​നുള്ള പ്രത്യാശ ലഭി​ച്ചെ​ന്നും ആത്മാവി​നാൽ അഭി​ഷേകം ചെയ്യ​പ്പെ​ട്ട​തോ​ടെ യേശു ദൈവ​ത്തി​ന്റെ നിയുക്ത രാജാ​വും മഹാപു​രോ​ഹി​ത​നും ആയെന്നും സൂചി​പ്പി​ക്കു​ക​യാ​യി​രു​ന്നി​രി​ക്കാം ദൈവം.​—യോഹ 3:3-6; 6:51; ലൂക്ക 1:31-33; എബ്ര 2:17; 5:1, 4-10; 7:1-3 എന്നിവ താരത​മ്യം ചെയ്യുക.

ഇവനിൽ ഞാൻ പ്രസാ​ദി​ച്ചി​രി​ക്കു​ന്നു: അഥവാ “ഇവനെ ഞാൻ അംഗീ​ക​രി​ച്ചി​രി​ക്കു​ന്നു; ഇവനിൽ ഞാൻ വളരെ സംപ്രീ​ത​നാണ്‌.” മത്ത 12:18-ലും ഇതേ പദപ്ര​യോ​ഗ​മാ​ണു കാണു​ന്നത്‌. അതാകട്ടെ, വാഗ്‌ദ​ത്ത​മി​ശി​ഹ​യെ​ക്കു​റിച്ച്‌ അഥവാ ക്രിസ്‌തു​വി​നെ​ക്കു​റിച്ച്‌ പറയുന്ന യശ 42:1-ൽനിന്നുള്ള ഉദ്ധരണി​യാണ്‌. പരിശു​ദ്ധാ​ത്മാ​വി​നെ പകർന്ന​തും പുത്ര​നെ​ക്കു​റി​ച്ചുള്ള ദൈവ​ത്തി​ന്റെ പ്രസ്‌താ​വ​ന​യും യേശു​വാ​ണു വാഗ്‌ദ​ത്ത​മി​ശിഹ എന്ന കാര്യം വ്യക്തമാ​യി തിരി​ച്ച​റി​യി​ച്ചു.​—മത്ത 12:18-ന്റെ പഠനക്കു​റി​പ്പു കാണുക.

ആകാശ​ത്തു​നിന്ന്‌ ഒരു ശബ്ദം: സുവിശേഷവിവരണങ്ങളിൽ, മനുഷ്യർക്കു കേൾക്കാ​വുന്ന രീതി​യിൽ യഹോവ സംസാ​രി​ച്ച​തി​നെ​ക്കു​റിച്ച്‌ പറയുന്ന മൂന്നു സന്ദർഭ​ങ്ങ​ളുണ്ട്‌. അതിൽ ആദ്യ​ത്തേ​താണ്‌ ഇത്‌.​—മത്ത 17:5; യോഹ 12:28 എന്നിവ​യു​ടെ പഠനക്കു​റി​പ്പു​കൾ കാണുക.

ദൃശ്യാവിഷ്കാരം

യഹൂദ്യ വിജന​ഭൂ​മി, യോർദാൻ നദിക്കു പടിഞ്ഞാറ്‌
യഹൂദ്യ വിജന​ഭൂ​മി, യോർദാൻ നദിക്കു പടിഞ്ഞാറ്‌

യോഹ​ന്നാൻ സ്‌നാ​പകൻ തന്റെ ശുശ്രൂഷ ആരംഭി​ച്ച​തും പിശാച്‌ യേശു​വി​നെ പ്രലോ​ഭി​പ്പി​ച്ച​തും ഈ തരിശു​ഭൂ​മി​യിൽവെ​ച്ചാണ്‌.

വിജന​ഭൂ​മി
വിജന​ഭൂ​മി

ബൈബി​ളിൽ വിജന​ഭൂ​മി എന്നു പരിഭാ​ഷ​പ്പെ​ടു​ത്തി​യി​രി​ക്കുന്ന മൂലഭാ​ഷാ​പ​ദങ്ങൾ (എബ്രാ​യ​യിൽ മിദ്‌ബാർ; ഗ്രീക്കിൽ എറേ​മൊസ്‌) പൊതു​വേ സൂചി​പ്പി​ക്കു​ന്നത്‌ അധികം ജനവാ​സ​മി​ല്ലാത്ത, കൃഷി ചെയ്യാത്ത സ്ഥലങ്ങ​ളെ​യാണ്‌. മരങ്ങ​ളൊ​ന്നും ഇല്ലാതെ കുറ്റി​ച്ചെ​ടി​ക​ളും പുല്ലും മാത്രം വളരുന്ന സ്ഥലങ്ങളും പുൽത്ത​കി​ടി​കൾപോ​ലും ഇതിൽപ്പെ​ടും. ഉണങ്ങി​വരണ്ട മരുഭൂ​മി​കളെ കുറി​ക്കാ​നും ഈ പദത്തി​നാ​കും. സുവി​ശേ​ഷ​ങ്ങ​ളിൽ പൊതു​വേ വിജന​ഭൂ​മി എന്നു വിളി​ച്ചി​രി​ക്കു​ന്നത്‌ യഹൂദ്യ വിജന​ഭൂ​മി​യെ ആണ്‌. യോഹ​ന്നാൻ സ്‌നാ​പകൻ ജീവി​ച്ച​തും പ്രസം​ഗ​പ്ര​വർത്തനം നടത്തി​യ​തും പിശാച്‌ യേശു​വി​നെ പ്രലോ​ഭി​പ്പി​ച്ച​തും ഇവി​ടെ​വെ​ച്ചാണ്‌.—മർ 1:12.

യോഹ​ന്നാൻ സ്‌നാ​പ​കന്റെ വസ്‌ത്ര​ധാ​ര​ണ​വും രൂപവും
യോഹ​ന്നാൻ സ്‌നാ​പ​കന്റെ വസ്‌ത്ര​ധാ​ര​ണ​വും രൂപവും

ഒട്ടക​രോ​മം​കൊണ്ട്‌ നെയ്‌ത വസ്‌ത്ര​മാ​ണു യോഹ​ന്നാൻ ധരിച്ചി​രു​ന്നത്‌. അത്‌ ഒരു അരപ്പട്ട​കൊണ്ട്‌ മുറുക്കി കെട്ടു​ക​യും ചെയ്‌തി​രു​ന്നു. ചില ചെറിയ വസ്‌തു​ക്ക​ളൊ​ക്കെ ആ അരപ്പട്ട​യിൽ വെച്ച്‌ കൊണ്ടു​പോ​കാ​മാ​യി​രു​ന്നു. ഏലിയ പ്രവാ​ച​കന്റെ വസ്‌ത്ര​വും ഏതാണ്ട്‌ ഇതു​പോ​ലെ​യാ​യി​രു​ന്നു. (2രാജ 1:8) ഒട്ടക​രോ​മം​കൊ​ണ്ടുള്ള പരുപ​രുത്ത ഇത്തരം വസ്‌ത്രങ്ങൾ സാധാ​ര​ണ​യാ​യി പാവ​പ്പെ​ട്ട​വ​രാ​ണു ധരിച്ചി​രു​ന്നത്‌. സമ്പന്നരാ​കട്ടെ, ലിനനോ പട്ടോ കൊണ്ട്‌ ഉണ്ടാക്കിയ മിനു​സ​വും മാർദ​വ​വും ഉള്ള വസ്‌ത്ര​ങ്ങ​ളാണ്‌ അണിഞ്ഞി​രു​ന്നത്‌. (മത്ത 11:7-9) ജനിച്ച​പ്പോൾമു​തലേ യോഹ​ന്നാൻ ഒരു നാസീ​രാ​യി​രു​ന്ന​തു​കൊണ്ട്‌ അദ്ദേഹ​ത്തി​ന്റെ മുടി ഒരിക്ക​ലും മുറി​ച്ചു​കാ​ണില്ല. അദ്ദേഹം പൂർണ​മാ​യും ദൈ​വേഷ്ടം ചെയ്യാൻ സമർപ്പിച്ച, ലളിത​ജീ​വി​തം നയിക്കുന്ന ഒരാളാ​ണെന്ന്‌ ഒരുപക്ഷേ ആ വസ്‌ത്ര​ധാ​ര​ണ​വും രൂപവും കണ്ടാൽത്തന്നെ ആർക്കും മനസ്സി​ലാ​കു​മാ​യി​രു​ന്നു.

വെട്ടു​ക്കി​ളി
വെട്ടു​ക്കി​ളി

ബൈബി​ളിൽ “വെട്ടു​ക്കി​ളി” എന്ന പദത്തിനു ചെറിയ സ്‌പർശ​നി​കൾ അഥവാ കൊമ്പു​കൾ ഉള്ള, പുൽച്ചാ​ടി​വർഗ​ത്തിൽപ്പെട്ട ഏതൊരു ജീവി​യെ​യും കുറി​ക്കാ​നാ​കും. പ്രത്യേ​കിച്ച്‌, വലിയ കൂട്ടങ്ങ​ളാ​യി ദേശാ​ന്ത​ര​ഗ​മനം നടത്തു​ന്ന​വ​യെ​യാണ്‌ ഇങ്ങനെ വിളി​ച്ചി​രി​ക്കു​ന്നത്‌. യരുശ​ലേ​മിൽ നടത്തിയ ഒരു പഠനം സൂചി​പ്പി​ക്കു​ന്നത്‌, മരുഭൂ​മി​യി​ലെ വെട്ടു​ക്കി​ളി​ക​ളു​ടെ 75 ശതമാ​ന​വും പ്രോ​ട്ടീൻ അഥവാ മാംസ്യം ആണെന്നാണ്‌. ഇന്ന്‌ ആളുകൾ ഇവയുടെ തലയും കാലും ചിറകും വയറും കളഞ്ഞിട്ട്‌ നെഞ്ചു​ഭാ​ഗം പച്ചയ്‌ക്കോ പാകം​ചെ​യ്‌തോ കഴിക്കു​ന്നു. പ്രോ​ട്ടീൻ സമ്പുഷ്ട​മായ ഈ പ്രാണി​കൾക്കു ചെമ്മീ​ന്റെ​യോ ഞണ്ടി​ന്റെ​യോ രുചി​യാ​ണെ​ന്നാ​ണു പറയ​പ്പെ​ടു​ന്നത്‌.

കാട്ടു​തേൻ
കാട്ടു​തേൻ

കാട്ടു​തേ​നീ​ച്ച​യു​ടെ കൂടും (1) തേൻ ഇറ്റിറ്റു​വീ​ഴുന്ന ഒരു തേനട​യും (2) ആണ്‌ ചിത്ര​ത്തിൽ കാണി​ച്ചി​രി​ക്കു​ന്നത്‌. യോഹ​ന്നാൻ കഴിച്ച തേൻ ആ പ്രദേ​ശ​ങ്ങ​ളിൽ പൊതു​വേ​യുള്ള ഏപിസ്‌ മെലിഫറ സിറിയക എന്ന കാട്ടു​തേ​നീ​ച്ച​യു​ടേ​താ​യി​രി​ക്കാം. യഹൂദ്യ​വി​ജ​ന​ഭൂ​മി​യി​ലെ ചൂടുള്ള, വരണ്ട കാലാ​വ​സ്ഥ​യു​മാ​യി ഇണങ്ങി​ക്ക​ഴി​യുന്ന ഈ വർഗം ആക്രമ​ണ​കാ​രി​ക​ളാ​യ​തു​കൊണ്ട്‌ മനുഷ്യർക്ക്‌ ഇവയെ വളർത്താൻ സാധി​ക്കില്ല. എന്നാൽ ബി.സി. 9-ാം നൂറ്റാ​ണ്ടു​മു​തൽതന്നെ ഇസ്രാ​യേ​ലി​ലു​ള്ളവർ തേനീ​ച്ച​കളെ കളിമൺകു​ഴ​ലു​ക​ളിൽ വളർത്തി​യി​രു​ന്നു. പണ്ട്‌ യോർദാൻ താഴ്‌വ​ര​യി​ലു​ണ്ടാ​യി​രുന്ന ഒരു നഗര​പ്ര​ദേ​ശ​ത്തു​നിന്ന്‌ (ഇന്നത്തെ ടേൽ രഹോവ്‌) ഇത്തരം തേനീ​ച്ച​ക്കൂ​ടു​ക​ളു​ടെ അവശി​ഷ്ടങ്ങൾ ധാരാ​ള​മാ​യി കണ്ടെടു​ത്തി​ട്ടുണ്ട്‌. ഇന്ന്‌ തുർക്കി എന്ന്‌ അറിയ​പ്പെ​ടുന്ന സ്ഥലത്തു​നിന്ന്‌ കൊണ്ടു​വന്ന ഒരിനം തേനീ​ച്ച​യെ​യാ​യി​രു​ന്നു സാധ്യ​ത​യ​നു​സ​രിച്ച്‌ ഇതിൽ വളർത്തി​യി​രു​ന്നത്‌.

യേശു​വി​ന്റെ കാലത്തെ ഒരു പരീശന്റെ വസ്‌ത്ര​ധാ​ര​ണ​രീ​തി
യേശു​വി​ന്റെ കാലത്തെ ഒരു പരീശന്റെ വസ്‌ത്ര​ധാ​ര​ണ​രീ​തി

ആവ 6:6-8-ലെയും11:18-ലെയും വാക്കുകൾ അക്ഷരാർഥ​ത്തിൽ മനസ്സി​ലാ​ക്കേ​ണ്ട​താ​ണെന്നു പരീശ​ന്മാർ കരുതി. സ്വയനീ​തി​ക്കാ​രും അന്ധവി​ശ്വാ​സി​ക​ളും ആയിരു​ന്ന​തു​കൊണ്ട്‌ അവർ ഇടത്തെ കൈയി​ലും ചില​പ്പോ​ഴൊ​ക്കെ നെറ്റി​യി​ലും ഒരു വേദവാ​ക്യ​ച്ചെപ്പ്‌ അണിഞ്ഞി​രു​ന്നു. ഇനി, നിയമം ആവശ്യ​പ്പെ​ട്ടി​രു​ന്ന​തു​പോ​ലുള്ള തൊങ്ങ​ലു​കൾ പരീശ​ന്മാ​രു​ടെ വസ്‌ത്ര​ത്തി​ലു​ണ്ടാ​യി​രു​ന്നെ​ങ്കി​ലും മറ്റുള്ള​വ​രു​ടെ ശ്രദ്ധ ആകർഷി​ക്കാ​നാ​യി അവർ അവയുടെ നീളം കൂട്ടി​യി​രു​ന്നു.—സംഖ 15:38; മത്ത 23:5

കൊമ്പൻ അണലി
കൊമ്പൻ അണലി

സ്‌നാ​പ​ക​യോ​ഹ​ന്നാ​നും യേശു​വും ശാസ്‌ത്രി​മാ​രെ​യും പരീശ​ന്മാ​രെ​യും “അണലി​സ​ന്ത​തി​കളേ” എന്നു വിളിച്ചു. കാരണം അവരെ കണ്ണുമ​ടച്ച്‌ വിശ്വ​സി​ച്ച​വർക്ക്‌ അവർ വരുത്തിയ ഗുരു​ത​ര​മായ ആത്മീയ​ഹാ​നി മാരക​മായ വിഷബാ​ധ​പോ​ലെ​യാ​യി​രു​ന്നു. (മത്ത 3:7; 12:34) ഇവിടെ കാണി​ച്ചി​രി​ക്കുന്ന കൊമ്പൻ അണലി​യു​ടെ പ്രത്യേ​കത അവയുടെ ഓരോ കണ്ണി​ന്റെ​യും മുകളി​ലാ​യുള്ള കൂർത്ത, ചെറിയ കൊമ്പു​ക​ളാണ്‌. ഇസ്രാ​യേ​ലിൽ കാണ​പ്പെ​ടുന്ന അപകട​കാ​രി​ക​ളായ മറ്റു ചില അണലി​ക​ളാണ്‌, യോർദാൻ താഴ്‌വ​ര​യിൽ കാണുന്ന മണൽ അണലി​യും (വൈപ്പെറ അമ്മോ​ഡൈ​റ്റ്‌സ്‌) പലസ്‌തീൻ അണലി​യും (വൈപ്പെറ പലസ്‌തീന).

ചെരിപ്പ്‌
ചെരിപ്പ്‌

ബൈബിൾക്കാ​ല​ങ്ങ​ളിൽ ആളുകൾ പരന്ന ചെരി​പ്പു​ക​ളാണ്‌ ഉപയോ​ഗി​ച്ചി​രു​ന്നത്‌. തുകലോ തടിയോ കടുപ്പ​വും വഴക്കവും ഉള്ള മറ്റു വസ്‌തു​ക്ക​ളോ ഉപയോ​ഗി​ച്ചു​ണ്ടാ​ക്കി​യി​രുന്ന ഈ ചെരു​പ്പു​കൾ തോൽവാ​റു​കൊണ്ട്‌ കാലിൽ കെട്ടും. ചെരിപ്പ്‌, ചിലതരം ഇടപാ​ടു​ക​ളിൽ ഒരു പ്രതീ​ക​മാ​യും ചില​പ്പോൾ ഒരു വാങ്‌മ​യ​ചി​ത്ര​മാ​യും ഉപയോ​ഗി​ച്ചി​ട്ടുണ്ട്‌. ഉദാഹ​ര​ണ​ത്തിന്‌, ഒരു വിധവയെ ഭർത്തൃ​സ​ഹോ​ദ​ര​ധർമ​മ​നു​സ​രിച്ച്‌ വിവാഹം കഴിക്കാൻ ഒരാൾ വിസമ്മ​തി​ച്ചാൽ ആ വിധവ അദ്ദേഹ​ത്തി​ന്റെ കാലിൽനിന്ന്‌ ചെരിപ്പ്‌ ഊരാൻ മോശ​യു​ടെ നിയമ​ത്തിൽ വ്യവസ്ഥ ചെയ്‌തി​രു​ന്നു. പിന്നീട്‌ അദ്ദേഹ​ത്തെ​ക്കു​റിച്ച്‌ സംസാ​രി​ക്കു​മ്പോൾ ആളുകൾ നിന്ദ​യോ​ടെ, “ചെരിപ്പ്‌ അഴിക്ക​പ്പെ​ട്ട​വന്റെ കുടും​ബം” എന്നാണു പറഞ്ഞി​രു​ന്നത്‌. (ആവ 25:9, 10) ഒരാൾ വസ്‌തു​വ​ക​ക​ളും വീണ്ടെ​ടു​പ്പ​വ​കാ​ശ​വും മറ്റൊ​രാൾക്കു കൈമാ​റു​മ്പോൾ അതിന്റെ പ്രതീ​ക​മാ​യി സ്വന്തം ചെരിപ്പ്‌ ഊരി കൊടു​ക്കുന്ന രീതി​യു​മു​ണ്ടാ​യി​രു​ന്നു. (രൂത്ത്‌ 4:7) ഒരാളു​ടെ ചെരു​പ്പി​ന്റെ കെട്ട്‌ അഴിക്കു​ന്ന​തും ചെരുപ്പ്‌ എടുത്തു​കൊണ്ട്‌ കൂടെ ചെല്ലു​ന്ന​തും പൊതു​വേ അടിമകൾ ചെയ്യുന്ന തരംതാഴ്‌ന്ന പണിയാ​യി​ട്ടാ​ണു കണ്ടിരു​ന്നത്‌. യോഹ​ന്നാൻ സ്‌നാ​പകൻ ഈ രീതി​യെ​ക്കു​റിച്ച്‌ പരാമർശി​ച്ചത്‌, താൻ യേശു​വി​നെ​ക്കാൾ എത്ര താഴ്‌ന്ന​വ​നാ​ണെന്നു സൂചി​പ്പി​ക്കാ​നാ​യി​രു​ന്നു.

പതിർ പാറ്റുക
പതിർ പാറ്റുക

മെതി​ച്ചെ​ടുത്ത ധാന്യം, പാറ്റാ​നുള്ള കോരിക ഉപയോ​ഗിച്ച്‌ വായു​വി​ലേക്ക്‌ ഉയർത്തി എറിയും. താരത​മ്യേന ഭാരമുള്ള ധാന്യ​മ​ണി​കൾ നില​ത്തേക്കു വീഴു​ക​യും ഭാരം കുറഞ്ഞ ഉമിയും പതിരും കാറ്റത്ത്‌ പറന്നു​പോ​കു​ക​യും ചെയ്യും. ധാന്യ​ത്തിൽനിന്ന്‌ ഉമിയും പതിരും പൂർണ​മാ​യി നീക്കം ചെയ്യു​ന്ന​തു​വരെ ഇതു പല പ്രാവ​ശ്യം ആവർത്തി​ച്ചി​രു​ന്നു.

മെതി​ക്കാ​നുള്ള ഉപകര​ണങ്ങൾ
മെതി​ക്കാ​നുള്ള ഉപകര​ണങ്ങൾ

രണ്ടു മെതി​വ​ണ്ടി​ക​ളു​ടെ (1) തനിപ്പ​കർപ്പാ​ണു ചിത്ര​ത്തിൽ കാണി​ച്ചി​രി​ക്കു​ന്നത്‌. അവ മറിച്ച്‌ ഇട്ടിരി​ക്കു​ന്ന​തു​കൊണ്ട്‌ അതിന്റെ അടിവ​ശത്ത്‌ പിടി​പ്പി​ച്ചി​രി​ക്കുന്ന മൂർച്ച​യുള്ള കല്ലുകൾ കാണാം. (യശ 41:15) ഒരു കൃഷി​ക്കാ​രൻ മെതി​വ​ണ്ടി​കൊണ്ട്‌ ധാന്യം മെതി​ക്കു​ന്ന​താ​ണു രണ്ടാമത്തെ ചിത്ര​ത്തിൽ കാണി​ച്ചി​രി​ക്കു​ന്നത്‌ (2). അയാൾ കറ്റ മെതി​ക്ക​ള​ത്തിൽ അഴിച്ച്‌ നിരത്തി​യിട്ട്‌ മെതി​വ​ണ്ടി​യു​ടെ മുകളിൽ കയറി​നിൽക്കും. എന്നിട്ട്‌ കാള​യെ​ക്കൊ​ണ്ടോ മറ്റോ കതിരു​ക​ളു​ടെ മുകളി​ലൂ​ടെ വണ്ടി വലിപ്പി​ക്കും. മൃഗത്തി​ന്റെ കുളമ്പും മെതി​വ​ണ്ടി​യു​ടെ അടിയി​ലെ മൂർച്ച​യുള്ള കല്ലുക​ളും മുകളി​ലൂ​ടെ കയറു​മ്പോൾ കതിരിൽനിന്ന്‌ ധ്യാനം വേർപെ​ടും. തുടർന്ന്‌ കർഷകൻ പാറ്റാ​നുള്ള കോരി​ക​യോ മുൾക്ക​ര​ണ്ടി​യോ (3) ഉപയോ​ഗിച്ച്‌, മെതിച്ച ധാന്യം വായു​വി​ലേക്ക്‌ ഉയർത്തി എറിയു​മ്പോൾ പതിരും ഉമിയും കാറ്റത്ത്‌ പറന്നു​പോ​കു​ക​യും താരത​മ്യേന ഭാരം കൂടിയ ധാന്യ​മ​ണി​കൾ നിലത്ത്‌ വീഴു​ക​യും ചെയ്യും. യഹോ​വ​യു​ടെ ശത്രു​ക്കളെ പരാജ​യ​പ്പെ​ടു​ത്തി തകർത്ത്‌ തരിപ്പ​ണ​മാ​ക്കു​ന്ന​തി​ന്റെ പ്രതീ​ക​മാ​യി ബൈബി​ളിൽ മെതി​ക്കുക എന്ന പദപ്ര​യോ​ഗം ഉപയോ​ഗി​ച്ചി​രി​ക്കു​ന്നത്‌ എന്തു​കൊ​ണ്ടും അനു​യോ​ജ്യ​മാണ്‌. (യിര 51:33; മീഖ 4:12, 13) നീതി​മാ​ന്മാ​രെ​യും ദുഷ്ടന്മാ​രെ​യും തമ്മിൽ വേർതി​രി​ക്കു​ന്ന​തി​നെ, മെതി​ക്കു​ന്ന​തി​നോ​ടു യോഹ​ന്നാൻ സ്‌നാ​പകൻ താരത​മ്യ​പ്പെ​ടു​ത്തി​യി​ട്ടുണ്ട്‌.

യോർദാൻ നദി
യോർദാൻ നദി

യോഹ​ന്നാൻ സ്‌നാ​പകൻ യേശു​വി​നെ യോർദാൻ നദിയി​ലാ​ണു സ്‌നാ​ന​പ്പെ​ടു​ത്തി​യത്‌. എന്നാൽ അതു കൃത്യ​മാ​യി എവി​ടെ​യാ​യി​രു​ന്നെന്നു വ്യക്തമല്ല.