പ്രവൃത്തികൾ 4:1-37

4  അവർ രണ്ടും ജനത്തോ​ടു സംസാ​രി​ച്ചു​കൊ​ണ്ടി​രി​ക്കു​മ്പോൾ പുരോ​ഹി​ത​ന്മാ​രും ദേവാ​ല​യ​ത്തി​ലെ കാവൽക്കാ​രു​ടെ മേധാ​വി​യും സദൂക്യരും+ അവരുടെ നേരെ വന്നു.  അപ്പോസ്‌തലന്മാർ ആളുകളെ പഠിപ്പി​ക്കു​ക​യും മരിച്ച​വ​രിൽനിന്ന്‌ യേശു ഉയിർത്തെ​ഴു​ന്നേ​റ്റെന്നു പരസ്യ​മാ​യി പ്രസം​ഗി​ക്കു​ക​യും ചെയ്‌ത​തു​കൊണ്ട്‌ അവർ ആകെ ദേഷ്യ​ത്തി​ലാ​യി​രു​ന്നു.+  അവർ അവരെ പിടി​കൂ​ടി. നേരം സന്ധ്യയാ​യ​തു​കൊണ്ട്‌ പിറ്റേ​ന്നു​വരെ തടവിൽവെച്ചു.+  എന്നാൽ ആ അപ്പോ​സ്‌ത​ല​ന്മാ​രു​ടെ പ്രസംഗം കേട്ട ഒരുപാ​ടു പേർ വിശ്വ​സി​ച്ചു; പുരു​ഷ​ന്മാർതന്നെ ഏകദേശം 5,000-ത്തോള​മാ​യി.+  പിറ്റേന്ന്‌ അവരുടെ പ്രമാ​ണി​മാ​രും മൂപ്പന്മാരും* ശാസ്‌ത്രി​മാ​രും യരുശ​ലേ​മിൽ ഒരുമി​ച്ചു​കൂ​ടി.  മുഖ്യപുരോഹിതനായ അന്നാസും+ കയ്യഫയും+ യോഹ​ന്നാ​നും അലക്‌സാ​ണ്ട​റും മുഖ്യ​പു​രോ​ഹി​തന്റെ ബന്ധുക്ക​ളായ എല്ലാവ​രും അവിടെ കൂടി​വന്നു.  അവർ പത്രോ​സി​നെ​യും യോഹ​ന്നാ​നെ​യും അവരുടെ നടുവിൽ നിറുത്തി ചോദ്യം ചെയ്യാൻ തുടങ്ങി: “ആരുടെ നാമത്തിൽ, എന്ത്‌ അധികാ​ര​ത്തി​ലാ​ണു നിങ്ങൾ ഇതൊക്കെ ചെയ്യു​ന്നത്‌?”  അപ്പോൾ പത്രോ​സ്‌ പരിശു​ദ്ധാ​ത്മാവ്‌ നിറഞ്ഞവനായി+ അവരോ​ടു പറഞ്ഞു: “ജനത്തിന്റെ പ്രമാ​ണി​മാ​രേ, മൂപ്പന്മാ​രേ,  മുടന്തനായ ഒരാൾക്ക്‌ ഒരു നല്ല കാര്യം ചെയ്‌തുകൊടുത്തതിനാണോ+ ഞങ്ങളെ ചോദ്യം ചെയ്യു​ന്നത്‌? ആരാണ്‌ ഇയാളെ സുഖ​പ്പെ​ടു​ത്തി​യത്‌ എന്നാണു നിങ്ങൾക്ക്‌ അറി​യേ​ണ്ട​തെ​ങ്കിൽ 10  നിങ്ങളും ഇസ്രാ​യേൽ ജനമൊ​ക്കെ​യും ഇക്കാര്യം മനസ്സി​ലാ​ക്കി​ക്കൊ​ള്ളുക: നിങ്ങൾ സ്‌തം​ഭ​ത്തിൽ തറച്ചുകൊല്ലുകയും+ എന്നാൽ ദൈവം മരിച്ച​വ​രിൽനിന്ന്‌ ഉയിർപ്പിക്കുകയും+ ചെയ്‌ത നസറെ​ത്തു​കാ​ര​നായ യേശു​ക്രി​സ്‌തു​വി​നാ​ലാണ്‌,+ യേശു​ക്രി​സ്‌തു​വി​ന്റെ പേരി​നാ​ലാണ്‌, ഈ മനുഷ്യൻ സുഖം പ്രാപി​ച്ച്‌ നിങ്ങളു​ടെ മുന്നിൽ നിൽക്കു​ന്നത്‌. 11  ‘പണിയു​ന്ന​വ​രായ നിങ്ങൾ ഒരു വിലയും കല്‌പി​ക്കാ​തി​രു​ന്നി​ട്ടും മുഖ്യ മൂലക്കല്ലായിത്തീർന്ന* കല്ല്‌’ ഈ യേശു​വാണ്‌.+ 12  മറ്റൊരാളിലൂടെയും രക്ഷ ലഭിക്കില്ല;+ മനുഷ്യർക്കു രക്ഷ കിട്ടാ​നാ​യി ദൈവം ആകാശ​ത്തിൻകീ​ഴിൽ വേറൊ​രു പേരും നൽകി​യി​ട്ടില്ല.”+ 13  പത്രോസിന്റെയും യോഹ​ന്നാ​ന്റെ​യും ധൈര്യം കാണു​ക​യും അവർ സാധാ​ര​ണ​ക്കാ​രും വലിയ പഠിപ്പില്ലാത്തവരും*+ ആണെന്നു മനസ്സി​ലാ​ക്കു​ക​യും ചെയ്‌ത​പ്പോൾ എല്ലാവ​രും അതിശ​യി​ച്ചു​പോ​യി. അവർ യേശു​വി​ന്റെ​കൂ​ടെ​യു​ണ്ടാ​യി​രു​ന്ന​വ​രാ​ണെന്ന്‌ അവർ തിരി​ച്ച​റി​ഞ്ഞു.+ 14  സുഖം പ്രാപിച്ച മനുഷ്യൻ അവരോ​ടൊ​പ്പം നിൽക്കുന്നുണ്ടായിരുന്നതുകൊണ്ട്‌+ അവർക്ക്‌ ഒന്നും എതിർത്തു​പ​റ​യാൻ കഴിഞ്ഞില്ല.+ 15  അതുകൊണ്ട്‌ അവരോ​ടു സൻഹെദ്രിൻ* ഹാൾ വിട്ട്‌ പുറത്ത്‌ പോകാൻ കല്‌പി​ച്ച​ശേഷം അവർ കൂടി​യാ​ലോ​ചി​ച്ചു. 16  അവർ പറഞ്ഞു: “ഇവരെ നമ്മൾ എന്തു ചെയ്യും?+ ഇവരി​ലൂ​ടെ ശ്രദ്ധേ​യ​മായ ഒരു അത്ഭുതം സംഭവി​ച്ചി​രി​ക്കു​ന്നു എന്നതു വാസ്‌ത​വ​മാണ്‌. അത്‌ യരുശ​ലേ​മി​ലെ ആളുകൾക്കെ​ല്ലാം നന്നായി അറിയു​ക​യും ചെയ്യാം.+ നമുക്ക്‌ അതു നിഷേ​ധി​ക്കാ​നാ​കില്ല; 17  എന്നാൽ ഇതു ജനത്തിന്‌ ഇടയിൽ കൂടുതൽ പ്രചരി​ക്കാ​തി​രി​ക്കാൻ, മേലാൽ ആരോ​ടും ഈ നാമത്തിൽ സംസാ​രി​ക്ക​രു​തെന്നു പറഞ്ഞ്‌ അവർക്കു താക്കീതു കൊടു​ക്കാം.”+ 18  അങ്ങനെ, അവർ അവരെ വിളിച്ച്‌ യേശു​വി​ന്റെ നാമത്തിൽ ഒന്നും സംസാ​രി​ക്കു​ക​യോ പഠിപ്പി​ക്കു​ക​യോ ചെയ്യരു​തെന്ന്‌ ആജ്ഞാപി​ച്ചു. 19  എന്നാൽ പത്രോ​സും യോഹ​ന്നാ​നും അവരോ​ടു പറഞ്ഞു: “ദൈവ​ത്തി​നു പകരം നിങ്ങളെ അനുസ​രി​ക്കു​ന്നതു ദൈവ​മു​മ്പാ​കെ ശരിയാ​ണോ? നിങ്ങൾതന്നെ ചിന്തി​ച്ചു​നോ​ക്കൂ. 20  ഞങ്ങൾ കാണു​ക​യും കേൾക്കു​ക​യും ചെയ്‌ത കാര്യ​ങ്ങ​ളെ​ക്കു​റിച്ച്‌ സംസാ​രി​ക്കാ​തി​രി​ക്കാൻ ഞങ്ങൾക്കു കഴിയില്ല.”+ 21  അവരെ ശിക്ഷി​ക്കാ​നുള്ള അടിസ്ഥാ​ന​മൊ​ന്നും കണ്ടെത്താൻ അവർക്കു കഴിഞ്ഞില്ല. മാത്രമല്ല, ഈ സംഭവം നിമിത്തം ജനമെ​ല്ലാം ദൈവത്തെ മഹത്ത്വ​പ്പെ​ടു​ത്തി​ക്കൊ​ണ്ടി​രു​ന്ന​തി​നാൽ അവർ ജനത്തെ​യും ഭയപ്പെട്ടു.+ അതു​കൊണ്ട്‌ ഒരിക്കൽക്കൂ​ടി ഭീഷണി​പ്പെ​ടു​ത്തി​യ​ശേഷം അവർ അവരെ വിട്ടയച്ചു. 22  അത്ഭുതകരമായി സുഖം പ്രാപിച്ച ആ മനുഷ്യ​ന്‌ 40 വയസ്സിൽ കൂടുതൽ പ്രായ​മു​ണ്ടാ​യി​രു​ന്നു. 23  മോചിതരായശേഷം അവർ സഹവി​ശ്വാ​സി​ക​ളു​ടെ അടുത്ത്‌ ചെന്ന്‌, മുഖ്യ​പു​രോ​ഹി​ത​ന്മാ​രും മൂപ്പന്മാ​രും പറഞ്ഞ കാര്യങ്ങൾ അവരെ അറിയി​ച്ചു. 24  ഇതു കേട്ട​പ്പോൾ അവർ ഏകമന​സ്സോ​ടെ ദൈവ​ത്തോ​ടു പ്രാർഥി​ച്ചു: “ആകാശ​വും ഭൂമി​യും സമു​ദ്ര​വും അവയി​ലുള്ള സകലവും സൃഷ്ടിച്ച പരമാ​ധി​കാ​രി​യായ കർത്താവേ,+ 25  ഞങ്ങളുടെ പൂർവി​ക​നും അങ്ങയുടെ ദാസനും ആയ ദാവീദിലൂടെ+ പരിശു​ദ്ധാ​ത്മാവ്‌ മുഖാ​ന്തരം അങ്ങ്‌ ഇങ്ങനെ പറഞ്ഞി​ട്ടു​ണ്ട​ല്ലോ: ‘ജനതകൾ ക്ഷോഭി​ച്ച​തും ജനങ്ങൾ നടക്കാത്ത കാര്യ​ങ്ങ​ളെ​ക്കു​റിച്ച്‌ ചിന്തി​ച്ച​തും എന്തിന്‌? 26  യഹോവയ്‌ക്കും* ദൈവ​ത്തി​ന്റെ അഭിഷിക്തനും* എതിരെ ഭൂമി​യി​ലെ രാജാ​ക്ക​ന്മാർ അണിനി​ര​ക്കു​ക​യും അധിപ​തി​കൾ സംഘടി​ക്കു​ക​യും ചെയ്‌തു.’+ 27  അങ്ങ്‌ അഭി​ഷേകം ചെയ്‌ത അങ്ങയുടെ വിശു​ദ്ധ​ദാ​സ​നായ യേശുവിന്‌+ എതിരെ ഹെരോ​ദും പൊന്തി​യൊസ്‌ പീലാത്തൊസും+ ഇസ്രാ​യേൽ ജനവും മറ്റു ജനതക​ളിൽപ്പെ​ട്ട​വ​രും ഈ നഗരത്തിൽ ഒന്നിച്ചു​കൂ​ടി​യ​ല്ലോ. 28  അങ്ങയുടെ ഇഷ്ടത്തിനു ചേർച്ച​യിൽ അങ്ങയുടെ ശക്തിയാൽ അങ്ങ്‌ മുമ്പു​തന്നെ നിർണ​യിച്ച കാര്യങ്ങൾ+ നിവർത്തി​ക്കാൻ അവർ കൂടി​വന്നു. 29  ഇപ്പോൾ യഹോവേ,* അവരുടെ ഭീഷണി​കൾ ശ്രദ്ധി​ക്കേ​ണമേ. അങ്ങയുടെ വചനം പൂർണ​ധൈ​ര്യ​ത്തോ​ടെ പ്രസം​ഗി​ച്ചു​കൊ​ണ്ടി​രി​ക്കാൻ അങ്ങയുടെ ഈ ദാസരെ പ്രാപ്‌ത​രാ​ക്കേ​ണമേ. 30  സുഖപ്പെടുത്താൻ അങ്ങ്‌ ഇനിയും കൈ നീട്ടേ​ണമേ; അങ്ങയുടെ വിശു​ദ്ധ​ദാ​സ​നായ യേശു​വി​ന്റെ നാമത്തിൽ+ ഇനിയും അടയാ​ള​ങ്ങ​ളും അത്ഭുത​ങ്ങ​ളും സംഭവി​ക്കാൻ ഇടയാ​ക്കേ​ണമേ.”+ 31  അവർ ഉള്ളുരു​കി പ്രാർഥിച്ചുകഴിഞ്ഞപ്പോൾ* അവർ കൂടിവന്ന സ്ഥലം കുലുങ്ങി. എല്ലാവ​രും പരിശു​ദ്ധാ​ത്മാവ്‌ നിറഞ്ഞവരായി+ ദൈവ​വ​ചനം ധൈര്യ​ത്തോ​ടെ സംസാ​രി​ച്ചു.+ 32  വിശ്വാസികളുടെ ആ വലിയ കൂട്ടം ഒരേ മനസ്സും ഹൃദയ​വും ഉള്ളവരാ​യി​രു​ന്നു. തങ്ങളുടെ വസ്‌തു​വ​കകൾ തങ്ങളുടെ സ്വന്തമാ​ണെന്ന്‌ ഒരാൾപ്പോ​ലും കരുതി​യില്ല; പകരം അവർക്കു​ള്ള​തെ​ല്ലാം പൊതു​വ​ക​യാ​യി കണക്കാക്കി.+ 33  അപ്പോസ്‌തലന്മാർ പ്രാഗ​ല്‌ഭ്യ​ത്തോ​ടെ കർത്താ​വായ യേശു​വി​ന്റെ പുനരു​ത്ഥാ​ന​ത്തെ​ക്കു​റിച്ച്‌ ആളുക​ളോ​ടു പറഞ്ഞു​കൊ​ണ്ടി​രു​ന്നു.+ ദൈവ​ത്തി​ന്റെ അനർഹദയ എല്ലാവ​രു​ടെ​യും മേൽ സമൃദ്ധ​മാ​യു​ണ്ടാ​യി​രു​ന്നു. 34  ഇല്ലായ്‌മ അനുഭ​വി​ക്കുന്ന ആരും അവർക്കി​ട​യി​ലു​ണ്ടാ​യി​രു​ന്നില്ല.+ കാരണം വയലു​ക​ളും വീടു​ക​ളും സ്വന്തമാ​യു​ണ്ടാ​യി​രുന്ന എല്ലാവ​രും അവ വിറ്റ്‌ പണം 35  അപ്പോസ്‌തലന്മാരുടെ അടുത്ത്‌ കൊണ്ടു​വന്നു;+ ഓരോ​രു​ത്ത​രു​ടെ​യും ആവശ്യ​മ​നു​സ​രിച്ച്‌ അതു വിതരണം ചെയ്‌തു.+ 36  സൈപ്രസുകാരനായ യോ​സേഫ്‌ എന്ന ഒരു ലേവ്യ​നും 37  കുറച്ച്‌ സ്ഥലമു​ണ്ടാ​യി​രു​ന്നു. ബർന്നബാസ്‌+ (പരിഭാ​ഷ​പ്പെ​ടു​ത്തു​മ്പോൾ, “ആശ്വാ​സ​പു​ത്രൻ” എന്ന്‌ അർഥം.) എന്നാണ്‌ അപ്പോ​സ്‌ത​ല​ന്മാർ അദ്ദേഹത്തെ വിളി​ച്ചി​രു​ന്നത്‌. ബർന്നബാ​സും സ്വന്തം സ്ഥലം വിറ്റ്‌ പണം അപ്പോ​സ്‌ത​ല​ന്മാ​രു​ടെ അടുത്ത്‌ കൊണ്ടു​വന്നു.+

അടിക്കുറിപ്പുകള്‍

പദാവലി കാണുക.
അക്ഷ. “മൂലയു​ടെ തലയാ​യി​ത്തീർന്ന.”
അഥവാ “നിരക്ഷ​ര​രും.” അതായത്‌, റബ്ബിമാ​രു​ടെ വിദ്യാ​ല​യ​ങ്ങ​ളിൽ പഠിച്ചി​ട്ടി​ല്ലാ​ത്തവർ. അക്ഷരാ​ഭ്യാ​സ​മി​ല്ലാ​ത്തവർ എന്നല്ല അർഥം.
പദാവലി കാണുക.
അനു. എ5 കാണുക.
അഥവാ “ക്രിസ്‌തു​വി​നും.”
അനു. എ5 കാണുക.
അഥവാ “ആത്മാർഥ​മാ​യി പ്രാർഥി​ച്ചു​ക​ഴി​ഞ്ഞ​പ്പോൾ.”

പഠനക്കുറിപ്പുകൾ

ദൃശ്യാവിഷ്കാരം

സൻഹെ​ദ്രിൻ
സൻഹെ​ദ്രിൻ

മഹാസൻഹെ​ദ്രിൻ എന്ന്‌ അറിയ​പ്പെ​ട്ടി​രുന്ന, ജൂതന്മാ​രു​ടെ പരമോ​ന്ന​ത​കോ​ട​തി​യിൽ 71 അംഗങ്ങ​ളു​ണ്ടാ​യി​രു​ന്നു. യരുശ​ലേ​മി​ലാ​യി​രു​ന്നു അത്‌. (പദാവ​ലി​യിൽ “സൻഹെ​ദ്രിൻ” കാണുക.) അതിലെ ഇരിപ്പി​ടങ്ങൾ അർധവൃ​ത്താ​കൃ​തി​യിൽ, മൂന്നു നിരയാ​യി​ട്ടാ​ണു ക്രമീ​ക​രി​ച്ചി​രു​ന്നത്‌ എന്നു മിഷ്‌ന പറയുന്നു. കോട​തി​വി​ധി​കൾ രേഖ​പ്പെ​ടു​ത്താൻ രണ്ടു ശാസ്‌ത്രി​മാ​രും കാണും. ഒന്നാം നൂറ്റാ​ണ്ടി​ലെ സൻഹെ​ദ്രിൻ എന്നു ചിലർ കരുതുന്ന ഒരു കെട്ടി​ട​ത്തി​ന്റെ (യരുശ​ലേ​മിൽനിന്ന്‌ കണ്ടെടു​ത്തത്‌) വാസ്‌തു​ശൈലി അടിസ്ഥാ​ന​മാ​ക്കി​യാണ്‌ ഈ ചിത്ര​ത്തി​ലെ ചില ഭാഗങ്ങൾ തയ്യാറാ​ക്കി​യി​രി​ക്കു​ന്നത്‌.—അനുബന്ധം ബി12-ലെ “യരുശ​ലേ​മും സമീപ​പ്ര​ദേ​ശ​വും” എന്ന ഭൂപടം കാണുക.

1. മഹാപു​രോ​ഹി​തൻ

2. സൻഹെ​ദ്രി​നി​ലെ അംഗങ്ങൾ

3. പ്രതി

4. ഗുമസ്‌തന്മാർ