പ്രവൃത്തികൾ 24:1-27

24  അഞ്ചു ദിവസം കഴിഞ്ഞ​പ്പോൾ മഹാപു​രോ​ഹി​ത​നായ അനന്യാസ്‌+ ചില മൂപ്പന്മാ​രോ​ടും അഭിഭാഷകനായ* തെർത്തു​ല്ലൊ​സി​നോ​ടും ഒപ്പം പൗലോ​സിന്‌ എതി​രെ​യുള്ള കേസ്‌ വാദി​ക്കാൻ ഗവർണറുടെ+ മുമ്പാകെ എത്തി.  തെർത്തുല്ലൊസിനെ വിളി​ച്ച​പ്പോൾ പൗലോ​സിന്‌ എതിരെ ആരോ​പണം ഉന്നയി​ച്ചു​കൊണ്ട്‌ അദ്ദേഹം പറഞ്ഞു: “അഭിവ​ന്ദ്യ​നായ ഫേലി​ക്‌സ്‌, അങ്ങുള്ള​തു​കൊണ്ട്‌ ഞങ്ങൾ വളരെ സമാധാ​ന​ത്തോ​ടെ കഴിയു​ന്നു. അങ്ങയുടെ ദീർഘ​വീ​ക്ഷണം നിമിത്തം ഈ രാജ്യത്ത്‌ പല പുരോ​ഗ​തി​ക​ളും ഉണ്ടാകു​ന്നു.  അക്കാര്യം അങ്ങേയറ്റം നന്ദി​യോ​ടെ എപ്പോ​ഴും എവി​ടെ​വെ​ച്ചും ഞങ്ങൾ പറയാ​റുണ്ട്‌.  അങ്ങയെ അധികം ബുദ്ധി​മു​ട്ടി​ക്കാ​തെ ഞങ്ങൾക്കു ബോധി​പ്പി​ക്കാ​നു​ള്ളതു ചുരു​ക്കി​പ്പ​റ​യാം, ദയവായി കേട്ടാ​ലും:  ഈ മനുഷ്യൻ ഒരു ഒഴിയാബാധയും*+ ഭൂലോ​ക​ത്തെ​ങ്ങു​മുള്ള ജൂതന്മാർക്കി​ട​യിൽ പ്രക്ഷോ​ഭങ്ങൾ ഇളക്കിവിടുന്നവനും+ നസറെ​ത്തു​കാ​രു​ടെ മതവിഭാഗത്തിന്റെ+ നേതാ​വും ആണെന്നു ഞങ്ങൾ കണ്ടെത്തി​യി​രി​ക്കു​ന്നു.  ദേവാലയം അശുദ്ധ​മാ​ക്കാ​നും ഇയാൾ ശ്രമിച്ചു. അതു​കൊണ്ട്‌ ഞങ്ങൾ ഇയാളെ പിടി​കൂ​ടി.+  *——  അങ്ങ്‌ ഇയാളെ വിസ്‌ത​രി​ക്കു​മ്പോൾ ഞങ്ങൾ ഇയാൾക്കെ​തി​രെ ഉന്നയി​ക്കുന്ന ആരോ​പ​ണ​ങ്ങ​ളെ​ല്ലാം ശരിയാ​ണെന്നു ബോധ്യ​മാ​കും.”  ഇക്കാര്യങ്ങൾ സത്യമാ​ണെന്നു തറപ്പി​ച്ചു​പ​റ​ഞ്ഞു​കൊണ്ട്‌ ജൂതന്മാ​രും കുറ്റാ​രോ​പ​ണ​ത്തിൽ പങ്കു​ചേർന്നു. 10  സംസാരിക്കാൻ ഗവർണർ പൗലോ​സി​നോ​ടു തലകൊ​ണ്ട്‌ ആംഗ്യം കാട്ടി. അപ്പോൾ പൗലോ​സ്‌ പറഞ്ഞു: “വളരെ​ക്കാ​ല​മാ​യി അങ്ങ്‌ ഈ ജനതയു​ടെ ന്യായാ​ധി​പ​നാ​ണെന്ന്‌ എനിക്ക്‌ അറിയാം. അതു​കൊണ്ട്‌ അങ്ങയുടെ മുമ്പാകെ നിന്ന്‌ ഞാൻ സന്തോ​ഷ​ത്തോ​ടെ എനിക്കു​വേണ്ടി വാദി​ക്കും.+ 11  ഞാൻ ആരാധ​ന​യ്‌ക്കു​വേണ്ടി യരുശ​ലേ​മിൽ പോയിട്ട്‌+ 12 ദിവസ​ത്തി​ല​ധി​ക​മാ​യി​ട്ടില്ല. ഇക്കാര്യം അങ്ങയ്‌ക്കു​തന്നെ അന്വേ​ഷി​ച്ച​റി​യാ​വു​ന്ന​താണ്‌. 12  ഞാൻ ദേവാ​ല​യ​ത്തിൽ ആരോ​ടെ​ങ്കി​ലും തർക്കി​ക്കു​ന്ന​താ​യോ സിന​ഗോ​ഗു​ക​ളി​ലും നഗരത്തി​ലും ജനക്കൂ​ട്ടത്തെ ഇളക്കി​വി​ടു​ന്ന​താ​യോ ഇവർ ആരും കണ്ടിട്ടില്ല. 13  ഇപ്പോൾ എനിക്ക്‌ എതിരെ ഉന്നയി​ക്കുന്ന ആരോ​പ​ണങ്ങൾ തെളി​യി​ക്കാ​നും ഇവർക്കു കഴിയില്ല. 14  എന്നാൽ ഒന്നു ഞാൻ സമ്മതി​ക്കു​ന്നു: മതവി​ഭാ​ഗം എന്ന്‌ ഇവർ വിളി​ക്കുന്ന ഈ മാർഗ​ത്തി​ലാണ്‌ എന്റെ പൂർവി​ക​രു​ടെ ദൈവത്തെ ഞാൻ സേവി​ക്കു​ന്നത്‌.*+ നിയമ​ത്തിൽ പറഞ്ഞി​രി​ക്കു​ന്ന​തും പ്രവാ​ച​ക​പു​സ്‌ത​ക​ങ്ങ​ളിൽ എഴുതി​യി​രി​ക്കു​ന്ന​തും ആയ എല്ലാ കാര്യ​ങ്ങ​ളും ഞാൻ വിശ്വ​സി​ക്കു​ക​യും ചെയ്യുന്നു.+ 15  നീതിമാന്മാരുടെയും നീതികെട്ടവരുടെയും+ പുനരുത്ഥാനം+ ഉണ്ടാകു​മെ​ന്നാ​ണു ദൈവ​ത്തി​ലുള്ള എന്റെ പ്രത്യാശ; ഇവരും അതുത​ന്നെ​യാ​ണു പ്രത്യാ​ശി​ക്കു​ന്നത്‌. 16  അതുകൊണ്ട്‌ ദൈവ​ത്തി​ന്റെ​യും മനുഷ്യ​രു​ടെ​യും മുന്നിൽ ശുദ്ധമായ* ഒരു മനസ്സാക്ഷി കാത്തു​സൂ​ക്ഷി​ക്കാൻ ഞാൻ എപ്പോ​ഴും ശ്രമി​ക്കു​ന്നു.+ 17  എന്റെ ജനത്തിനു ദാനധർമങ്ങൾ+ എത്തിച്ചു​കൊ​ടു​ക്കാ​നും യാഗങ്ങൾ അർപ്പി​ക്കാ​നും വേണ്ടി​യാ​ണു കുറെ വർഷങ്ങൾക്കു ശേഷം ഞാൻ ഇവിടെ വന്നത്‌. 18  ദേവാലയത്തിൽവെച്ച്‌ അവർ എന്നെ കാണു​മ്പോൾ ഞാൻ ആചാര​പ്ര​കാ​രം ശുദ്ധി​യു​ള്ള​വ​നാ​യി​രു​ന്നു.+ എന്റെകൂ​ടെ ജനക്കൂ​ട്ട​മൊ​ന്നു​മി​ല്ലാ​യി​രു​ന്നു, ഞാൻ അവിടെ പ്രശ്‌ന​മൊ​ന്നും ഉണ്ടാക്കി​യി​ട്ടു​മില്ല. ഏഷ്യ സംസ്ഥാ​ന​ത്തു​നി​ന്നുള്ള ചില ജൂതന്മാർ അവി​ടെ​യു​ണ്ടാ​യി​രു​ന്നു. 19  എനിക്ക്‌ എതിരെ അവർക്ക്‌ എന്തെങ്കി​ലും പരാതി​യു​ണ്ടാ​യി​രു​ന്നെ​ങ്കിൽ അവർതന്നെ അങ്ങയുടെ മുമ്പാകെ വന്ന്‌ അതു ബോധി​പ്പി​ക്ക​ണ​മാ​യി​രു​ന്നു.+ 20  ഇനി ഞാൻ സൻഹെ​ദ്രി​ന്റെ മുമ്പാകെ നിന്ന​പ്പോൾ എന്നിൽ എന്തെങ്കി​ലും കുറ്റം കണ്ടെത്തി​യെ​ങ്കിൽ അത്‌ ഈ നിൽക്കു​ന്നവർ പറയട്ടെ. 21  അവരുടെ ഇടയിൽ നിന്ന​പ്പോൾ, ‘മരിച്ച​വ​രു​ടെ പുനരു​ത്ഥാ​ന​ത്തിൽ ഞാൻ വിശ്വ​സി​ക്കു​ന്ന​തു​കൊ​ണ്ടാണ്‌ ഇന്നു നിങ്ങൾ എന്നെ ന്യായം വിധി​ക്കു​ന്നത്‌’ എന്നു വിളി​ച്ചു​പ​റ​ഞ്ഞ​ത​ല്ലാ​തെ മറ്റൊ​ന്നും ഞാൻ ചെയ്‌തി​ട്ടില്ല.”+ 22  ഈ മാർഗത്തെക്കുറിച്ച്‌*+ നന്നായി അറിയാ​മാ​യി​രു​ന്നി​ട്ടും, “സൈന്യാ​ധി​പ​നായ ലുസി​യാസ്‌ വരു​മ്പോൾ ഞാൻ നിങ്ങളു​ടെ കാര്യ​ത്തിൽ തീരു​മാ​ന​മു​ണ്ടാ​ക്കാം” എന്നു പറഞ്ഞ്‌ ഫേലി​ക്‌സ്‌ കേസ്‌ മാറ്റി​വെച്ചു. 23  എന്നിട്ട്‌ പൗലോ​സി​നെ തടവിൽ സൂക്ഷി​ക്കാൻ സൈനി​കോ​ദ്യോ​ഗ​സ്ഥ​നോ​ടു കല്‌പി​ച്ചു. എന്നാൽ പൗലോ​സി​നു കുറച്ച്‌ സ്വാത​ന്ത്ര്യം കൊടു​ക്ക​ണ​മെ​ന്നും പൗലോ​സി​നെ പരിച​രി​ക്കാൻ അദ്ദേഹ​ത്തി​ന്റെ സ്‌നേ​ഹി​തരെ അനുവ​ദി​ക്ക​ണ​മെ​ന്നും ഫേലി​ക്‌സ്‌ നിർദേ​ശി​ച്ചു. 24  കുറച്ച്‌ ദിവസം കഴിഞ്ഞ്‌ ഫേലി​ക്‌സ്‌ ജൂതവം​ശ​ജ​യായ തന്റെ ഭാര്യ ദ്രുസി​ല്ല​യോ​ടൊ​പ്പം വന്ന്‌ പൗലോ​സി​നെ വിളി​പ്പിച്ച്‌ ക്രിസ്‌തു​യേ​ശു​വി​ലുള്ള വിശ്വാ​സ​ത്തെ​ക്കു​റിച്ച്‌ കേട്ടു.+ 25  എന്നാൽ നീതി, ആത്മനി​യ​ന്ത്രണം, വരാനി​രി​ക്കുന്ന ന്യായവിധി+ എന്നിവ​യെ​ക്കു​റിച്ച്‌ പൗലോ​സ്‌ പറഞ്ഞ​പ്പോൾ ഫേലി​ക്‌സ്‌ ഭയപ്പെട്ട്‌, “ഇപ്പോൾ പൊയ്‌ക്കൊ​ള്ളൂ, സമയം കിട്ടു​മ്പോൾ വീണ്ടും വിളി​പ്പി​ക്കാം” എന്നു പറഞ്ഞു. 26  പക്ഷേ പൗലോ​സ്‌ തനിക്കു പണം തരു​മെന്നു പ്രതീ​ക്ഷിച്ച്‌ ഫേലി​ക്‌സ്‌ പൗലോ​സി​നെ കൂടെ​ക്കൂ​ടെ വിളി​ച്ചു​വ​രു​ത്തി സംസാ​രി​ക്കു​മാ​യി​രു​ന്നു. 27  രണ്ടു വർഷം കഴിഞ്ഞ​പ്പോൾ ഫേലി​ക്‌സി​ന്റെ പിൻഗാ​മി​യാ​യി പൊർക്യൊ​സ്‌ ഫെസ്‌തൊ​സ്‌ സ്ഥാന​മേറ്റു. ജൂതന്മാ​രു​ടെ പ്രീതി നേടാൻ ആഗ്രഹിച്ച+ ഫേലി​ക്‌സ്‌ പൗലോ​സി​നെ തടവു​കാ​ര​നാ​യി​ത്തന്നെ വിട്ടിട്ട്‌ പോയി.

അടിക്കുറിപ്പുകള്‍

അഥവാ “പ്രഭാ​ഷ​ക​നായ.”
അഥവാ “പ്രശ്‌ന​ക്കാ​ര​നും.”
അനു. എ3 കാണുക.
അക്ഷ. “ദൈവ​ത്തി​നു ഞാൻ വിശു​ദ്ധ​സേ​വനം ചെയ്യു​ന്നത്‌.”
അഥവാ “കുറ്റമി​ല്ലാത്ത.”
പദാവലി കാണുക.

പഠനക്കുറിപ്പുകൾ

ദൃശ്യാവിഷ്കാരം

സൻഹെ​ദ്രിൻ
സൻഹെ​ദ്രിൻ

മഹാസൻഹെ​ദ്രിൻ എന്ന്‌ അറിയ​പ്പെ​ട്ടി​രുന്ന, ജൂതന്മാ​രു​ടെ പരമോ​ന്ന​ത​കോ​ട​തി​യിൽ 71 അംഗങ്ങ​ളു​ണ്ടാ​യി​രു​ന്നു. യരുശ​ലേ​മി​ലാ​യി​രു​ന്നു അത്‌. (പദാവ​ലി​യിൽ “സൻഹെ​ദ്രിൻ” കാണുക.) അതിലെ ഇരിപ്പി​ടങ്ങൾ അർധവൃ​ത്താ​കൃ​തി​യിൽ, മൂന്നു നിരയാ​യി​ട്ടാ​ണു ക്രമീ​ക​രി​ച്ചി​രു​ന്നത്‌ എന്നു മിഷ്‌ന പറയുന്നു. കോട​തി​വി​ധി​കൾ രേഖ​പ്പെ​ടു​ത്താൻ രണ്ടു ശാസ്‌ത്രി​മാ​രും കാണും. ഒന്നാം നൂറ്റാ​ണ്ടി​ലെ സൻഹെ​ദ്രിൻ എന്നു ചിലർ കരുതുന്ന ഒരു കെട്ടി​ട​ത്തി​ന്റെ (യരുശ​ലേ​മിൽനിന്ന്‌ കണ്ടെടു​ത്തത്‌) വാസ്‌തു​ശൈലി അടിസ്ഥാ​ന​മാ​ക്കി​യാണ്‌ ഈ ചിത്ര​ത്തി​ലെ ചില ഭാഗങ്ങൾ തയ്യാറാ​ക്കി​യി​രി​ക്കു​ന്നത്‌.—അനുബന്ധം ബി12-ലെ “യരുശ​ലേ​മും സമീപ​പ്ര​ദേ​ശ​വും” എന്ന ഭൂപടം കാണുക.

1. മഹാപു​രോ​ഹി​തൻ

2. സൻഹെ​ദ്രി​നി​ലെ അംഗങ്ങൾ

3. പ്രതി

4. ഗുമസ്‌തന്മാർ