വിവരങ്ങള്‍ കാണിക്കുക

രണ്ടാംഘട്ട മെനു കാണിക്കുക

യഹോവയുടെ സാക്ഷികൾ

മലയാളം

“പാറ” കാണാൻ അവസരം!

“പാറ” കാണാൻ അവസരം!

ലോക​മെ​മ്പാ​ടു​മാ​യി യഹോ​വ​യു​ടെ സാക്ഷി​ക​ളു​ടെ 15 ബ്രാ​ഞ്ചോ​ഫീ​സു​ക​ളിൽ അച്ചടി നടക്കു​ന്നുണ്ട്. അവയിൽ ഒന്നാണ്‌ മധ്യയൂ​റോപ്പ് ബ്രാഞ്ച്. ജർമനി​യി​ലെ സെൽറ്റേ​ഴ്‌സി​ലു​ള്ള സ്റ്റീൻഫെൽസി​ലാണ്‌ അത്‌. ജർമൻ ഭാഷയിൽ സ്റ്റീൻഫെൽസ്‌ എന്നാൽ “കല്ലുപാറ” എന്നാണ്‌ അർഥം.

2014 മേയ്‌ 23-25 തീയതി​ക​ളിൽ മധ്യയൂ​റോപ്പ് ബ്രാഞ്ച്, അയൽക്കാർക്കും ബിസി​നെ​സ്സു​കാർക്കും പ്രാ​ദേ​ശി​ക അധികാ​രി​കൾക്കും സന്ദർശി​ക്കാ​നാ​യി ബ്രാ​ഞ്ചോ​ഫീസ്‌ തുറന്നു​കൊ​ടു​ത്തു. “സെൽറ്റേ​ഴ്‌സിൽ 30 വർഷം” എന്നായി​രു​ന്നു ആ പരിപാ​ടി​യു​ടെ പേര്‌. 1984 ഏപ്രിൽ 21-നായി​രു​ന്നു ആ ബ്രാഞ്ച് സമുച്ച​യ​ത്തി​ന്‍റെ ഔദ്യോ​ഗി​ക ഉദ്‌ഘാ​ട​നം.

ആ മൂന്നു ദിവസം​കൊണ്ട് 3,000-ത്തിലേറെ പേർ അവിടം സന്ദർശി​ച്ചു. “യഹോവയുടെ സാക്ഷി​ക​ളു​ടെ ബ്രാ​ഞ്ചോ​ഫീസ്‌ സന്ദർശി​ക്കു​ന്നത്‌ ഒരു പ്രത്യേക അനുഭ​വ​മാണ്‌,” അവിടത്തെ മേയർ പറഞ്ഞു. അദ്ദേഹം ആ പ്രദേ​ശത്ത്‌ സേവനം ആരംഭി​ച്ചിട്ട് ഏകദേശം 30 വർഷമാ​യി​രു​ന്നു. “1979 മുതൽ 1984 വരെയുള്ള ചുരു​ങ്ങി​യ സമയം​കൊണ്ട് സ്റ്റീൻഫെൽസിൽ ഈ ബ്രാ​ഞ്ചോ​ഫീസ്‌ പണിതത്‌ എങ്ങനെ​യാ​ണെന്ന് എനിക്ക് ഇപ്പോ​ഴും വിശ്വ​സി​ക്കാൻ പറ്റുന്നില്ല” എന്നും അദ്ദേഹം പറഞ്ഞു.

ചില വിശേ​ഷ​ങ്ങൾ

“യഹോ​വ​യു​ടെ ജനം മധ്യയൂ​റോ​പ്പിൽ” എന്നതാ​യി​രു​ന്നു അവിടത്തെ ഒരു പ്രദർശ​ന​ത്തി​ന്‍റെ വിഷയം. ആ ദേശത്തെ യഹോ​വ​യു​ടെ സാക്ഷി​ക​ളു​ടെ 120 വർഷത്തെ ചരിത്രം മനസ്സി​ലാ​ക്കു​ന്ന​തി​നു സന്ദർശ​കർക്കു സാധിച്ചു. ബ്രാ​ഞ്ചോ​ഫീസ്‌ സന്ദർശി​ക്കു​ന്ന​വർക്ക് ഇപ്പോ​ഴും ആ പ്രദർശ​നം കാണാ​വു​ന്ന​താണ്‌.

അപൂർവ​വും സവി​ശേ​ഷ​വും ആയ ചില ബൈബി​ളു​ക​ളു​ടെ പ്രദർശ​ന​മാ​യി​രു​ന്നു മറ്റൊന്ന്. ഉദാഹ​ര​ണ​ത്തിന്‌, ജർമൻ ഭാഷയി​ലു​ള്ള സമ്പൂർണ ബൈബി​ളി​ന്‍റെ 1534-ലെ ഒരു പതിപ്പും 1599-ലെ ഏലിയാസ്‌ ഹൂട്ടരി​ന്‍റെ 12 പരിഭാ​ഷ​കൾ അടങ്ങിയ പോളി​ഗോട്ട് ബൈബി​ളി​ന്‍റെ ഒരു ഭാഗവും അക്കൂട്ട​ത്തിൽ ഉണ്ടായി​രു​ന്നു. കൂടാതെ, ഇക്കാല​ത്തും ബൈബിൾത​ത്ത്വ​ങ്ങൾ പ്രാ​യോ​ഗി​ക​മാ​ണെന്നു വ്യക്തമാ​ക്കു​ന്ന ചില ചാർട്ടു​ക​ളും വീഡി​യോ​ക​ളും മറ്റും അവി​ടെ​യു​ണ്ടാ​യി​രു​ന്നു.

ബ്രാ​ഞ്ചോ​ഫീ​സിൽ ജോലി ചെയ്യുന്ന 1,000-ത്തിലധി​കം സ്‌ത്രീ​പു​രു​ഷ​ന്മാ​രു​ടെ ദിനചര്യ മനസ്സി​ലാ​ക്കു​ന്ന​തിന്‌ രണ്ടു ടൂറുകൾ സന്ദർശ​കർക്കാ​യി ക്രമീ​ക​രി​ച്ചി​ട്ടു​ണ്ടാ​യി​രു​ന്നു. “ഞങ്ങളുടെ താമസ​സ്ഥ​ലം” എന്ന ടൂറാ​യി​രു​ന്നു ആദ്യ​ത്തേത്‌. അവിടെ താമസി​ക്കു​ന്ന ചിലരു​ടെ മുറികൾ ചെന്നു​കാ​ണാ​നും ഓഫീ​സി​ന്‍റെ ഊണു​മു​റി​യിൽ വന്ന് ഭക്ഷണം കഴിക്കാ​നും സന്ദർശ​കർക്ക് അവസരം ലഭിച്ചു. കെട്ടി​ട​ത്തി​ന്‍റെ ചുറ്റു​മു​ള്ള, പാർക്കു​പോ​ലെ മനോ​ഹ​ര​മാ​യ സ്ഥലം ചുറ്റി​ന​ട​ന്നു കാണാ​നും അവർക്കു കഴിഞ്ഞു. “അതിമ​നോ​ഹ​രം!” എന്നാണ്‌ അവരിൽ ഒരാൾ പറഞ്ഞത്‌.

രണ്ടാമത്തെ ടൂറിന്‍റെ പേര്‌ “ഉത്‌പാ​ദ​നം” എന്നായി​രു​ന്നു. ഇതിലൂ​ടെ, അച്ചടി​ശാ​ല​യും ബയൻഡിങ്‌ ഡിപ്പാർട്ടു​മെ​ന്‍റും പ്രസി​ദ്ധീ​ക​ര​ണ​ങ്ങൾ പായ്‌ക്കു ചെയ്‌ത്‌ അയയ്‌ക്കു​ന്ന ഷിപ്പിങ്‌ ഡിപ്പാർട്ടു​മെ​ന്‍റും അവർക്കു സന്ദർശി​ക്കാ​നാ​യി. ബൈബിൾസാ​ഹി​ത്യ​ങ്ങൾ അച്ചടിച്ച് ബയൻഡു ചെയ്‌ത്‌ 50-ലേറെ രാജ്യ​ങ്ങ​ളി​ലേ​ക്കു കയറ്റി അയയ്‌ക്കു​ന്നത്‌ എങ്ങനെ​യെന്ന് അവർ നേരിട്ട് കണ്ടു. ഒരാൾ ഇങ്ങനെ പറഞ്ഞു: “യഹോവയുടെ സാക്ഷികൾ ലോകം മുഴു​വ​നു​മു​ള്ള സംഘട​ന​യാ​ണെന്ന് എനിക്ക് അറിയി​ല്ലാ​യി​രു​ന്നു. ഭൂമി​യു​ടെ ഓരോ മുക്കി​ലും മൂലയി​ലും അവരുടെ പ്രസി​ദ്ധീ​ക​ര​ണ​ങ്ങൾ ചെന്നെ​ത്തു​ന്നു. സന്നദ്ധ​സേ​വ​ക​രെ ഉപയോ​ഗിച്ച് ഇതെല്ലാം ചെയ്യു​ന്നത്‌ ശരിക്കും ഒരു അത്ഭുതം​ത​ന്നെ​യാണ്‌.”

യഹോ​വ​യു​ടെ സാക്ഷി​ക​ളു​ടെ ഔദ്യോ​ഗി​ക വെബ്‌​സൈ​റ്റാ​യ jw.org-ന്‍റെ പ്രദർശ​ന​മാ​യി​രു​ന്നു എടുത്ത്‌ പറയേണ്ട ഒരു സവി​ശേ​ഷത. സന്ദർശകർ ഒന്നടങ്കം വീഡി​യോ​ക​ളും മറ്റു പ്രദർശ​ന​ങ്ങ​ളും കണ്ടു. പലർക്കും ഒരുപാ​ടു ചോദ്യ​ങ്ങ​ളു​ണ്ടാ​യി​രു​ന്നു; സംഘാ​ട​കർ അവയ്‌ക്കെ​ല്ലാം ഉത്തരം നൽകി.

സന്ദർശകർ jw.org-നെക്കു​റിച്ച് കൂടുതൽ മനസ്സി​ലാ​ക്കു​ന്നു

യഹോ​വ​യു​ടെ സാക്ഷി​ക​ളു​ടെ ലോക​വ്യാ​പക പ്രവർത്ത​ന​ത്തെ​ക്കു​റിച്ച് പലർക്കും പുതി​യൊ​രു കാഴ്‌ച​പ്പാ​ടു ലഭിച്ചു. അതു​കൊ​ണ്ടു​ത​ന്നെ, വളരെ മതി​പ്പോ​ടെ​യും സന്തോ​ഷ​ത്തോ​ടെ​യും ആണ്‌ പല സന്ദർശ​ക​രും അവിടം വിട്ടത്‌. ഒരാൾ പറഞ്ഞു: “യഹോ​വ​യു​ടെ സാക്ഷി​ക​ളെ​ക്കു​റിച്ച് എനിക്കു പല തെറ്റി​ദ്ധാ​ര​ണ​ക​ളു​മു​ണ്ടാ​യി​രു​ന്നു. എന്‍റെ അഭി​പ്രാ​യം ഞാൻ തിരു​ത്തേ​ണ്ടി​യി​രി​ക്കു​ന്നു.” ഒരു സ്‌ത്രീ പല തവണ ഇങ്ങനെ പറഞ്ഞു: “എന്‍റെ എല്ലാ മുൻവി​ധി​ക​ളും പിഴു​തെ​റി​ഞ്ഞ ദിവസ​മാണ്‌ ഇത്‌.”

^ ഖ. 17 2014-ലെ കണക്ക്

^ ഖ. 21 2014-ലെ കണക്ക്

^ ഖ. 24 2014-ലെ കണക്ക്

കൂടുതല്‍ അറിയാന്‍

ഇന്ന് യഹോവയുടെ ഇഷ്ടം ചെയ്യുന്നത്‌ ആരാണ്‌?

ബെഥേൽ എന്നാൽ എന്താണ്‌?

വളരെ പ്രധാനപ്പെട്ട ഒരു ലക്ഷ്യത്തോടെ പ്രവർത്തിക്കുന്ന അനുപമമായ ഒരു സ്ഥലമാണ്‌ ബെഥേൽ. അവിടെ സേവിക്കുന്നവരെപ്പറ്റി കൂടുതൽ പഠിക്കൂ.

ഇന്ന് യഹോവയുടെ ഇഷ്ടം ചെയ്യുന്നത്‌ ആരാണ്‌?

യഹോവയുടെ സാക്ഷികളുടെ ബ്രാഞ്ച് ഓഫീസിന്‍റെ ചുമതലകൾ എന്തെല്ലാം?

സന്ദർശകർക്ക് ഒരു ഗൈഡിന്‍റെ സഹായത്തോടെ ഞങ്ങളുടെ ബ്രാഞ്ച് ഓഫീസുകൾ ചുറ്റിടന്നു കാണാം. ഞങ്ങൾ നിങ്ങളെ സ്വാഗതം ചെയ്യുന്നു.