വിവരങ്ങള്‍ കാണിക്കുക

രണ്ടാംഘട്ട മെനു കാണിക്കുക

യഹോവയുടെ സാക്ഷികൾ

മലയാളം

നൈജീ​രി​യ​യിൽ 3,000 രാജ്യ​ഹാ​ളു​ക​ളു​ടെ പണി പൂർത്തി​യാ​കു​ന്നു

നൈജീ​രി​യ​യിൽ 3,000 രാജ്യ​ഹാ​ളു​ക​ളു​ടെ പണി പൂർത്തി​യാ​കു​ന്നു

രണ്ടായി​ര​ത്തി പതിനാല്‌, മാർച്ച് ഒന്ന് ശനിയാ​ഴ്‌ച നൈജീ​രി​യ​യു​ടെ ചരി​ത്ര​ത്തി​ലെ ഒരു നാഴി​ക​ക്ക​ല്ലാ​യി​രു​ന്നു. അന്ന് ബെനിൻ നഗരത്തി​ലെ യഹോ​വ​യു​ടെ സാക്ഷി​ക​ളു​ടെ സമ്മേള​ന​ഹാ​ളിൽ 823 ആളുകൾ ആവേശ​ത്തോ​ടെ കൂടി​വ​ന്നു. 1999-ഓടെ പരിമി​ത​മാ​യ വിഭവങ്ങൾ ഉപയോ​ഗി​ച്ചു​കൊണ്ട് രാജ്യ​ഹാ​ളു​കൾ നിർമി​ക്കാ​നു​ള്ള ക്രമീ​ക​ര​ണം അനുസ​രിച്ച് യഹോ​വ​യു​ടെ സാക്ഷികൾ ആ രാജ്യത്ത്‌ 3,000 ഹാളുകൾ പണിതു.

മുമ്പ്

1920 മുതലുള്ള കാലഘ​ട്ട​ങ്ങ​ളിൽ ആരാധ​ന​യ്‌ക്കാ​യി കൂടി​വ​രാൻ സഭകൾ എന്തെല്ലാം ക്രമീ​ക​ര​ണ​ങ്ങൾ ചെയ്‌തു എന്നതി​നെ​ക്കു​റി​ച്ചു​ള്ള ചരി​ത്ര​വി​വ​ര​ണം ആ യോഗ​ത്തിൽ ഉണ്ടായി​രു​ന്നു. തുടക്ക​ത്തിൽ സ്വകാ​ര്യ​ഭ​വ​ന​ങ്ങ​ളും വാടക​യ്‌ക്കെ​ടു​ത്ത ഹാളു​ക​ളും ആണ്‌ ഉപയോ​ഗി​ച്ചി​രു​ന്നത്‌. 1935-ലാണ്‌ യഹോ​വ​യു​ടെ സാക്ഷി​ക​ളു​ടെ ആരാധ​ന​യ്‌ക്കാ​യി നൈജീ​രി​യ​യി​ലെ ലെസ്സയിൽ ഒരു രാജ്യ​ഹാൾ ആദ്യമാ​യി പണിതത്‌. 1938-നും 1990-നും ഇടയിൽ സഭകളു​ടെ എണ്ണം ഏതാണ്ട് 200 മടങ്ങ്, അതായത്‌ 14-ൽ നിന്ന് 2,681 ആയി വർധിച്ചു. എങ്കിലും പലർക്കും യോഗ​ങ്ങൾക്കാ​യി കൂടി​വ​രാൻ സ്ഥലങ്ങൾ കണ്ടെത്തുക ബുദ്ധി​മു​ട്ടാ​യി​രു​ന്നു. ചില രാജ്യ​ഹാ​ളു​ക​ളിൽ ആറോളം സഭകൾ കൂടി​വ​ന്നു. പലയി​ട​ങ്ങ​ളി​ലും കൂടിവന്ന ആളുക​ളു​ടെ എണ്ണം അധിക​മാ​യ​തി​നാൽ ആളുകൾക്ക് പുറത്തു​നിന്ന് ജനാല​യി​ലൂ​ടെ പരിപാ​ടി​കൾ ശ്രദ്ധി​ക്കേ​ണ്ട​താ​യി വന്നു. ഇതിനി​ടെ മറ്റ്‌ ചില സഭകൾ സ്വകാ​ര്യ​ഭ​വ​ന​ങ്ങ​ളി​ലും സ്‌കൂ​ളി​ലെ ക്ലാസ്സ്മു​റി​ക​ളി​ലും ആണ്‌ കൂടി​വ​ന്നി​രു​ന്നത്‌.

ശേഷം

1990-ൽ യഹോ​വ​യു​ടെ സാക്ഷി​ക​ളു​ടെ ബ്രാ​ഞ്ചോ​ഫീസ്‌, നിർമാ​ണ​വേ​ല​യെ പിന്തു​ണ​യ്‌ക്കു​ന്ന​തി​നാ​യി രാജ്യ​ഹാൾ നിർമാ​ണ​ഫ​ണ്ടി​ലൂ​ടെ ലോണു​കൾ നൽകാൻ തുടങ്ങി. 1997 ആയപ്പോ​ഴേ​ക്കും 105-ഓളം സഭകൾക്ക് രാജ്യ​ഹാ​ളു​കൾ നിർമി​ക്കാ​നോ പുതു​ക്കി​പ്പ​ണി​യാ​നോ ഉള്ള സഹായം മേഖലാ നിർമാണ കമ്മിറ്റി​കൾ നൽകി. 1997 മുതൽ 1999 വരെയുള്ള വർഷങ്ങ​ളിൽ 13 രാജ്യ​ഹാ​ളു​കൾ നിർമി​ച്ചു. അത്‌ ഓരോ​ന്നും നിർമി​ക്കു​ന്ന​തിന്‌ 7 മുതൽ 15 ദിവസങ്ങൾ മാത്ര​മാണ്‌ എടുത്തത്‌.

ഇത്ര​വേ​ഗം രാജ്യ​ഹാ​ളു​കൾ പണിയാൻ സാധി​ച്ചെ​ങ്കി​ലും നൈജീ​രി​യ​യി​ലെ യഹോ​വ​യു​ടെ സാക്ഷി​ക​ളു​ടെ വർധന​യോ​ടു​ള്ള താരത​മ്യ​ത്തിൽ അത്‌ അപര്യാ​പ്‌ത​മാ​യി​രു​ന്നു. ഇനിയും 1,114 രാജ്യ​ഹാ​ളു​കൾ രാജ്യ​ത്തിന്‌ ആവശ്യ​മാ​യി​ട്ടു​ണ്ടെന്ന് 1998 ഏപ്രി​ലിൽ ബ്രാ​ഞ്ചോ​ഫീസ്‌ കണക്കാക്കി.

ബെനിൻ നഗരത്തിൽവെച്ച് നടന്ന ഒരു യോഗ​ത്തിൽ സംസാ​രി​ക്ക​വെ നൈജീ​രി​യ​യി​ലെ ബ്രാഞ്ച് കമ്മിറ്റി അംഗമായ ഡോൺ ട്രോസ്റ്റ് സദസ്യ​രോട്‌ ഇങ്ങനെ പറഞ്ഞു: “ഇത്‌ ഒരു ബൃഹത്തായ പദ്ധതി​യാണ്‌! ‘ഇത്‌ എങ്ങനെ പൂർത്തി​യാ​കും?’ എന്നതി​നെ​ക്കു​റിച്ച് ഞങ്ങൾക്ക് ആശങ്കയു​ണ്ടാ​യി​രു​ന്നു.” 1999-ൽ ആറ്‌ മുതൽ എട്ട് വരെ അംഗങ്ങ​ളു​ള്ള നിർമാ​ണ​സം​ഘ​ങ്ങൾ രാജ്യത്ത്‌ ആകമാ​ന​മു​ള്ള ഹാളുകൾ നിർമി​ക്കാ​നാ​യി മുന്നോട്ട് വന്നപ്പോൾ ഈ ചോദ്യ​ത്തിന്‌ ഉത്തരം ലഭിച്ചു. അവർ ലളിത​മാ​യ രൂപക​ല്‌പന ഉപയോ​ഗിച്ച് കഴിഞ്ഞ 14 വർഷങ്ങ​ളാ​യി ഓരോ മാസവും ശരാശരി 17 ഹാളുകൾ നിർമി​ച്ചി​രി​ക്കു​ന്നു.

അവർ കൈവ​രി​ച്ച ആ നേട്ട​ത്തെ​ക്കു​റിച്ച് സദസ്യരെ അഭിന​ന്ദി​ച്ച​ശേ​ഷം ഡോൺ ട്രോസ്റ്റ് സഹോ​ദ​രൻ ഇനിയും ഒരുപാട്‌ ജോലി​കൾ ചെയ്യാ​നുണ്ട് എന്ന് ചൂണ്ടി​ക്കാ​ട്ടി. 2013-ൽ നൈജീ​രി​യ​യി​ലെ യഹോ​വ​യു​ടെ സാക്ഷി​ക​ളു​ടെ എണ്ണത്തിൽ 8,000-ത്തിലധി​കം പേരുടെ വർധന​യു​ണ്ടാ​യി. “ഇതേ രീതി തുടരു​ക​യാ​ണെ​ങ്കിൽ വർഷം​തോ​റും 100 പുതിയ രാജ്യ​ഹാ​ളെ​ങ്കി​ലും വേണ്ടി​വ​രും” എന്ന് അദ്ദേഹം പറഞ്ഞു. 2013-ൽ 5,700 സഭകളി​ലാ​യി 3,51,000 പ്രചാ​ര​ക​രു​ടെ അത്യുച്ചം നൈജീ​രി​യ​യിൽ റിപ്പോർട്ട് ചെയ്‌തു.

കൂടുതല്‍ അറിയാന്‍

ഇന്ന് യഹോവയുടെ ഇഷ്ടം ചെയ്യുന്നത്‌ ആരാണ്‌?

യഹോവയുടെ സാക്ഷികളുടെ രാജ്യഹാളുകൾ നിർമിക്കുന്നത്‌ എന്തിന്‌, എങ്ങനെ?

ഞങ്ങളുടെ ആരാധനാലയങ്ങളെ രാജ്യഹാളുകൾ എന്നു വിളിക്കുന്നത്‌ എന്തുകൊണ്ട്? ലളിതമായ ഈ കെട്ടിടങ്ങൾ സഭകളിലുള്ളവരെ എങ്ങനെ സഹായിക്കുന്നു എന്ന് പഠിക്കുക.