വിവരങ്ങള്‍ കാണിക്കുക

രണ്ടാംഘട്ട മെനു കാണിക്കുക

യഹോവയുടെ സാക്ഷികൾ

മലയാളം

അമസോൺ മഴക്കാ​ട്ടിൽ ഒരു സമ്മേള​ന​ഹാൾ

അമസോൺ മഴക്കാ​ട്ടിൽ ഒരു സമ്മേള​ന​ഹാൾ

അമസോൺ മഴക്കാ​ടു​ക​ളു​ടെ ഹൃദയ​ഭാ​ഗത്ത്‌ യഹോ​വ​യു​ടെ സാക്ഷി​ക​ളു​ടെ ഒരു പുതിയ സമ്മേള​ന​ഹാൾ തല ഉയർത്തി നിൽക്കു​ന്നു. ബ്രസീ​ലി​ലെ മനൗസ്‌ നഗരത്തി​നു വടക്കു സ്ഥിതി​ചെ​യ്യു​ന്ന 52 ഹെക്‌ടർ (128 ഏക്കർ) ഏറെയും വനമാണ്‌. ഏഞ്ചലിം പെഡ്രാ മരങ്ങളു​ടെ​യും ബ്രസീൽ അണ്ടി ഉണ്ടാകുന്ന കുപ്പാസു മരങ്ങളു​ടെ​യും മുകളിൽ ഇരുന്ന് ട്യൂക്കൻ പക്ഷിക​ളും വർണപ്പ​കി​ട്ടു​ള്ള മക്കൗസ്‌ പക്ഷിക​ളും മറ്റനേകം പക്ഷിക​ളും ചിലയ്‌ക്കു​ന്ന​തു നമുക്കു കേൾക്കാം. പക്ഷേ എന്തിനാണ്‌ ഇങ്ങനെ​യൊ​രു സ്ഥലത്ത്‌ ഒരു സമ്മേള​ന​ഹാൾ പണിതത്‌?

ആമസോൺ നദിയു​ടെ അഴിമു​ഖ​ത്തു​നിന്ന് 1,450 കിലോ​മീ​റ്റർ (900 മൈൽ) മാറി​യാണ്‌ 20 ലക്ഷത്തോ​ളം ജനസം​ഖ്യ​യു​ള്ള മനൗസ്‌ നഗരം. മനൗസി​ലും ചുറ്റു​മു​ള്ള പട്ടണങ്ങ​ളി​ലും, അതു​പോ​ലെ ആമസോ​ണി​ന്‍റെ​യും അതിന്‍റെ പോഷ​ക​ന​ദി​ക​ളു​ടെ​യും അടുത്തുള്ള ജനവാ​സ​കേ​ന്ദ്ര​ങ്ങ​ളി​ലും താമസി​ക്കു​ന്ന 7,000-ത്തോളം യഹോ​വ​യു​ടെ സാക്ഷി​കൾക്ക് ഈ ഹാൾ പ്രയോ​ജ​ന​പ്പെ​ടും. മനൗസി​നു പടിഞ്ഞാറ്‌ 800-ലേറെ കിലോ​മീ​റ്റർ (500 മൈൽ) മാറി സ്ഥിതി ചെയ്യുന്ന സാവോ ഗബ്രി​യേൽ ഡാ കാച്ചോ​യി​റ എന്ന പട്ടണത്തിൽനി​ന്നു​ള്ള​വർപോ​ലും ഇവി​ടെ​യാ​ണു സമ്മേള​ന​ങ്ങൾക്കാ​യി കൂടി​വ​രാറ്‌. ഇവിടെ നടക്കുന്ന സമ്മേള​ന​ത്തി​ലോ കൺ​വെൻ​ഷ​നി​ലോ സംബന്ധി​ക്കു​ന്ന​തി​നു ചില സാക്ഷികൾ മൂന്നു ദിവസം ബോട്ടിൽ യാത്ര ചെയ്യേ​ണ്ടി​വ​രു​ന്നു!

അമസോൺ മേഖല​യു​ടെ മധ്യഭാ​ഗത്ത്‌ ഒരു സമ്മേള​ന​ഹാൾ പണിയുക എന്നതു വളരെ ബുദ്ധി​മു​ട്ടു​പി​ടി​ച്ച ഒരു സംരം​ഭ​മാ​യി​രു​ന്നു. സാവോ പൗലോ​യി​ലെ സാന്‍റോസ്‌ തുറമു​ഖത്ത്‌ എത്തിയ 13 കണ്ടെയ്‌നർ നിർമാ​ണ​സാ​മ​ഗ്രി​കൾ, ബ്രസീൽ തീരം വഴിയും തുടർന്ന് ആമസോൺ നദിയി​ലൂ​ടെ​യും ആണ്‌ അവിടെ എത്തിച്ചത്‌.

ബ്രസീ​ലിൽ പണിയുന്ന 27-‍ാമത്തെ സമ്മേള​ന​ഹാ​ളാണ്‌ ഇത്‌. 2014 മേയ്‌ 4 ഞായറാ​ഴ്‌ച നടന്ന സമർപ്പ​ണ​ച്ച​ട​ങ്ങിൽ 1,956 പേർ ഹാജരാ​യി. അവിടെ എത്തിയ പലർക്കും മറക്കാ​നാ​കാ​ത്ത ഒരു അനുഭ​വ​മാ​യി​രു​ന്നു അത്‌; കാരണം ആദ്യമാ​യി​ട്ടാ​യി​രു​ന്നു ഒരു സമ്മേള​ന​ഹാ​ളിൽവെച്ച് അവർ ഒരു പരിപാ​ടി കൂടു​ന്നത്‌.

മുമ്പ് പൊതു​സ്ഥ​ല​ത്തു​വെച്ച് സമ്മേള​ന​ങ്ങൾ നടക്കു​മ്പോൾ മിക്കവർക്കും പ്രസം​ഗ​ക​നെ എന്നല്ല, സ്റ്റേജു​പോ​ലും കാണാൻ കഴിയു​മാ​യി​രു​ന്നി​ല്ല. എന്നാൽ ഈ ഹാളിൽ കൂടി​വ​രു​ന്ന​വർക്കു പ്രസം​ഗ​ക​നെ കണ്ടു​കൊണ്ട് പരിപാ​ടി ആസ്വദി​ക്കാ​നാ​കും. ഒരു സാക്ഷി പറഞ്ഞത്‌ ഇങ്ങനെ​യാണ്‌: “ഞാൻ കൺ​വെൻ​ഷൻ കൂടാൻ തുടങ്ങി​യിട്ട് വർഷങ്ങ​ളാ​യി. പക്ഷേ, ഒരിക്കൽപ്പോ​ലും ബൈബിൾനാ​ട​ക​ങ്ങൾ എനിക്കു കാണാൻ കഴിഞ്ഞി​ട്ടി​ല്ല, കേൾക്കാ​നേ കഴിഞ്ഞി​രു​ന്നു​ള്ളൂ.” പക്ഷേ ഇപ്പോൾ, കൂടി​വ​രു​ന്ന എല്ലാവർക്കും സ്റ്റേജിൽ നടക്കുന്ന പരിപാ​ടി​കൾ കാണാ​നാ​കു​ന്നു.

കൂടുതല്‍ അറിയാന്‍

ഇന്ന് യഹോവയുടെ ഇഷ്ടം ചെയ്യുന്നത്‌ ആരാണ്‌?

യഹോവയുടെ സാക്ഷികൾ സമ്മേളനങ്ങൾ സംഘടിപ്പിക്കുന്നത്‌ എന്തുകൊണ്ട്?

ഓരോ വർഷവും മൂന്നു പ്രത്യേക അവസരങ്ങൾക്കായി ഞങ്ങൾ കൂടിരുന്നു. ഈ കൂടിവുളിൽ സംബന്ധിക്കുന്നതുകൊണ്ട് നിങ്ങൾക്ക് എങ്ങനെ പ്രയോജനം നേടാം?

ഇന്ന് യഹോവയുടെ ഇഷ്ടം ചെയ്യുന്നത്‌ ആരാണ്‌?

യഹോവയുടെ സാക്ഷികളുടെ രാജ്യഹാളുകൾ നിർമിക്കുന്നത്‌ എന്തിന്‌, എങ്ങനെ?

ഞങ്ങളുടെ ആരാധനാലയങ്ങളെ രാജ്യഹാളുകൾ എന്നു വിളിക്കുന്നത്‌ എന്തുകൊണ്ട്? ലളിതമായ ഈ കെട്ടിടങ്ങൾ സഭകളിലുള്ളവരെ എങ്ങനെ സഹായിക്കുന്നു എന്ന് പഠിക്കുക.