Префрли се на текстот

Префрли се на споредното мени

Префрли се на содржината

Јеховини сведоци

македонски

Стражарска кула — издание за проучување  |  април 2015

Може ли едно пресечено дрво да порасне пак?

Може ли едно пресечено дрво да порасне пак?

ВО СПОРЕДБА со величествениот либански кедар, маслиновото дрво, чие стебло е извиткано и полно со јазли, можеби не остава некој посебен впечаток. Но, маслиновите дрвја се необично издржливи и можат да опстојат и во многу тешки временски услови. Се проценува дека некои од нив се стари околу 1.000 години. Разгранетите корења на ова дрво му овозможуваат повторно да порасне дури и кога стеблото му е уништено. Сѐ додека корењата се живи, тоа повторно ќе пушти фиданки.

Верниот Божји слуга Јов бил уверен дека, дури и да умре, ќе живее пак (Јов 14:13-15). За да покаже дека има доверба во Божјата моќ да го воскресне, тој дал споредба со едно дрво, можеби маслиново. Јов рекол: „И за дрвото има надеж. Ако го исечат, ќе потера пак“. Откако ќе падне дожд по некоја голема суша, исушената пенушка на маслинката повторно може да заживее и да „пушти гранки како младо растение“ (Јов 14:7-9).

Исто како што еден земјоделец едвај чека пресеченото дрво повторно да потера пуштајќи гранки, така и Јехова Бог копнее да ги врати во живот и своите слуги и многу други луѓе кои починале (Мат. 22:31, 32; Јован 5:28, 29; Дела 24:15). Колку ќе бидеме среќни кога ќе ги пречекаме нашите најмили кои повторно ќе можат да му се радуваат на животот!