Префрли се на текстот

Префрли се на споредното мени

Префрли се на содржината

Јеховини сведоци

македонски

Разбудете се!  |  Бр. 4, 2016

 ТЕМА ОД НАСЛОВНАТА | КАКО ДА СТЕКНЕШ ДОБРИ НАВИКИ

3. Не откажувај се лесно

3. Не откажувај се лесно

Се вели дека се потребни 21 ден за нешто да ти стане навика. Но, истражувањата покажуваат дека, реално, на некои луѓе им треба повеќе време за да направат поголеми промени, а на други помалку. Треба ли тоа да те разочара?

Да претпоставиме дека си решил редовно да вежбаш трипати неделно.

  • Првата недела успеваш во тоа.

  • Втората недела пропушташ еден ден.

  • Третата недела повторно успеваш.

  • Четвртата недела едвај успеваш да вежбаш еднаш.

  • Петтата недела повторно ја постигнуваш целта, и оттогаш натаму редовно вежбаш.

Значи, ти биле потребни пет недели за вежбањето да ти стане навика. Можеби изгледа дека тоа е прилично долго време, но откако ќе ја постигнеш целта, ќе се радуваш што си успеал да стекнеш една убава навика.

БИБЛИСКО НАЧЕЛО: „Ако праведникот падне и седум пати, пак ќе стане“ (Изреки 24:16).

Библијата нѐ советува да не се откажуваме лесно. Всушност, не е најважно колку пати ќе паднеш, туку колку пати ќе успееш да станеш.

Не е најважно колку пати ќе паднеш, туку колку пати ќе успееш да станеш

ШТО МОЖЕШ ДА НАПРАВИШ

  • Не заклучувај пребрзо дека, ако еднаш не си успеал, никогаш нема да успееш. Очекувај дека ќе имаш и падови.

  • Концентрирај се на она што си успеал да го постигнеш. На пример, ако се трудиш да го подобриш начинот на кој зборуваш со твоите деца, прашај се: „Кога последен пат ми дојде да им се развикам но не го направив тоа? Што направив наместо да им се развикам? Како можам пак да го направам истото?“ Наместо да се концентрираш на неуспесите, поставувај си вакви прашања за да собереш нови сили да работиш на својата цел.

Би сакал ли да дознаеш како библиските начела можат да ти помогнат кога си загрижен, кога имаш семејни проблеми или кога не можеш да пронајдеш вистинска среќа? Зборувај со некој од Јеховините сведоци или посети ја нашата интернет-страница jw.org/mk.

Нешто повеќе

ДОБРА ВЕСТ ОД БОГ!

Зошто библиските начела се за наше добро?

Исус објаснил зошто ни треба водство и кои две библиски начела се најважни.