Префрли се на текстот

Префрли се на споредното мени

Префрли се на содржината

Јеховини сведоци

македонски

Разбудете се!  |  јули 2015

 ТЕМА ОД НАСЛОВНАТА | ИМАШ ЛИ КОНТРОЛА НАД СВОЈОТ ЖИВОТ?

Предизвик: Негативни чувства

Предизвик: Негативни чувства

ДАЛИ си преплавен од силни чувства на тага, лутина или огорченост? Ако да, можеби немаш доволно време и сила за она што навистина ти е важно. Што можеш да направиш? *

БИБЛИСКИ ПРИМЕР: ДАВИД

Цар Давид се измачувал со најразлични чувства, меѓу кои биле и чувствата на тага и загриженост. Што му помогнало да не дозволи овие чувства да го контролираат неговиот живот? Давид имал доверба дека Бог ќе се грижи за него (1. Самоилова 24:12, 15). Освен тоа, си ги запишувал чувствата со кои се борел. Исто така, бидејќи имал силна вера, често му се молел на Бог. *

ШТО ПРАВИ ГРЕГОРИ

Како што беше спомнато во воведната статија, Грегори страда од анксиозно растројство. Тој вели: „Мојата загриженост ги преминуваше сите граници и не можев да ја контролирам“. Како успеал да се справи со овој предизвик? „Многу ми помогна тоа што ја прифатив помошта од жена ми и пријателите. Освен тоа, побарав стручна помош и подобро се информирав за мојата состојба. Откако направив промени во мојот начин на живот, почувствував дека јас имам контрола врз мојата здравствена состојба, а не таа врз мене. Иако сѐ уште ме обземаат чувства на загриженост, сега ми е појасно што ги предизвикува и знам што треба да направам за да се чувствувам подобро.“

„Веселото срце дејствува добро како лек“ (Изреки 17:22)

ШТО МОЖЕШ ДА НАПРАВИШ ТИ

Ако негативните чувства ти го контролираат животот, примени ги следниве совети:

  • Запишувај ги своите чувства во дневник.

  • Кажи му на некој близок пријател или роднина како се чувствуваш.

  • Размисли дали твоите чувства имаат реална основа. На пример, прашај се: ‚Дали има вистински причини да имам толку лошо мислење за себе?‘

  • Немој да дозволиш чувствата на загриженост, гнев или огорченост да ти ја црпат силата. Наместо тоа, пренасочи ја на нешто покорисно. *

Заклучок: Негативните чувства честопати не се резултат на нашите околности, туку на начинот на кој гледаме на нив.

^ пас. 3 Понекогаш негативните чувства се предизвикани од здравствен проблем за кој е потребна медицинска помош. Разбудете се! не се залага за некој посебен начин на лекување. Секој треба добро да размисли и лично да избере како ќе се лекува.

^ пас. 5 Многу псалми од Библијата се молитви кои ги запишал Давид.

^ пас. 13 За повеќе информации, види ги воведните статии со наслов „Како да се справиме со грижите“ кои излегоа во Стражарска кула од 1 јули 2015.

Нешто повеќе

СТРАЖАРСКА КУЛА

„Разбирањето го спречува човекот да се гневи“

Еден настан од животот на Давид, царот на Израел, може да ти помогне да си ги контролираш емоциите кога некој ќе те навреди или испровоцира.

РАЗБУДЕТЕ СЕ!

Како да бидеш среќен

Може ли библиската мудрост да ти помогне да бидеш среќен? Во оваа статија се разгледани четири библиски начела кои се многу практични.

ОДГОВОР НА БИБЛИСКИ ПРАШАЊА

Може ли Бог да ми помогне ако имам депресија?

Бог може да им помогне на оние што се борат со депресија.

ОДГОВОР НА БИБЛИСКИ ПРАШАЊА

Дали Бог ќе ги чуе моите молитви за помош?

Дали Бог навистина е заинтересиран за нашите проблеми?