Префрли се на текстот

Префрли се на споредното мени

Префрли се на содржината

Јеховини сведоци

македонски

Разбудете се!  |  април 2015

 ЗЕМЈИ И НАРОДИ

Во посета на Хондурас

Во посета на Хондурас

ХОНДУРАС на шпански значи „длабочини“. Можеби Кристофер Колумбо го искористил овој збор за да ги опише водните пространства на Атлантскиот Океан крај брегот на оваа земја. Некои велат дека така земјата Хондурас го добила своето име.

Луѓето во Хондурас многу ги ценат верноста и соработката во семејството. На пример, честопати мажот и жената заеднички ги носат поважните одлуки, како што се одлуките поврзани со домашните трошоци или образованието на децата.

Повеќето жители на Хондурас се мелези — потекнуваат од родител од Европа и родител кој е староседелец. Во оваа земја сѐ уште живеат домородни народи, како што се Чортите и Гарифуните.

Музичар од народот Гарифуна удира на дрвен тапан

Гарифуните влечат корени од други места. Тие се потомци на Африканците и карипските Индијанци  кои живееле на островот Сент Винсент. Околу 1797 год., Гарифуните пристигнале на островот Ислас де ла Баија. Подоцна, се населиле долж карипскиот брег на Средна Америка. Оттаму се распрснале низ другите делови на Средна и Северна Америка.

Гарифуните многу сакаат да танцуваат во придружба на дрвени тапани. Носат традиционална облека во живописни бои, сакаат да раскажуваат приказни и да јадат ереба (голема, тенка торта направена од корен од маниока).

Во Хондурас има околу 400 собранија на Јеховините сведоци. Се одржуваат состаноци на шпански, англиски, гарифуна, хондурашки знаковен јазик, кинески мандарински и мискито.

Ереба — голема, тенка торта направена од корен од маниока