Префрли се на текстот

Префрли се на споредното мени

Префрли се на содржината

Јеховини сведоци

македонски

Твоето семејство може да биде среќно

 ТЕМА 3

Како да ги решавате проблемите

Како да ги решавате проблемите

„Горливо сакајте се еден со друг, зашто љубовта покрива мноштво гревови“ (1. Петрово 4:8)

Откако ти и твојот сопружник ќе стапите во брак, ќе се појават најразлични проблеми. Тие може да произлезат од разликите во вашите размислувања, чувства и ставови. Проблеми може да се појават и поради некои надворешни влијанија и неочекувани настани.

Библијата нѐ советува да ги решаваме проблемите, а не да бегаме од нив (Матеј 5:23, 24). Библиските совети можат да ви помогнат да ги решавате проблемите на најдобар можен начин.

 1. РАЗГОВАРАЈТЕ ЗА ПРОБЛЕМОТ

ШТО ВЕЛИ БИБЛИЈАТА: „Има... време за зборување“ (Проповедник 3:1, 7). Одвој време да разговарате за проблемот. Отворено кажи му на твојот сопружник што мислиш и како се чувствуваш. Секогаш ‚зборувај ја вистината‘ (Ефешаните 4:25). Дури и кога си многу изнервиран, не почнувај караница. Со тоа што ќе останеш смирен, ќе спречиш една обична дискусија да прерасне во жестока расправија (Изреки 15:4; 26:20).

Дури и кога имате различни мислења за некоја работа, остани љубезен и никогаш не престанувај да покажуваш љубов и почит кон твојот брачен другар (Колошаните 4:6). Обиди се што побргу да го решиш несогласувањето и не дозволувај да се прекине комуникацијата меѓу вас (Ефешаните 4:26).

ШТО МОЖЕШ ДА НАПРАВИШ:

  • Договори се со твојот сопружник кога да разговарате за проблемот.

  • Кога другиот зборува, не го прекинувај. Ќе дојде и твојот ред да зборуваш.

 2. СЛУШАЈ И ПОКАЖИ РАЗБИРАЊЕ

ШТО ВЕЛИ БИБЛИЈАТА: „Сакајте се срдечно еден со друг. Предводете во искажувањето почит еден кон друг“ (Римјаните 12:10). Многу е важно како слушаш додека другиот зборува. Потруди се да го разбереш гледиштето на твојот сопружник така што ќе покажеш сочувство и понизност (1. Петрово 3:8; Јаков 1:19). Немој само да се преправаш дека слушаш. Ако е можно, остави го она што го правиш во моментот и посвети му целосно внимание на твојот сопружник или, пак, замоли го да разговарате малку подоцна. Ако на твојот партнер гледаш како на соиграч а не како на противник, нема „брзо да се навредуваш“ (Проповедник 7:9).

ШТО МОЖЕШ ДА НАПРАВИШ:

  • Слушај внимателно додека другиот зборува, дури и ако не ти се допаѓа она што го слушаш.

  • Не се задржувај само на зборовите на твојот сопружник. Обрни внимание на неговите гестови, изразот на лицето и тонот на гласот.

3. СПРОВЕДЕТЕ ГИ ОДЛУКИТЕ

ШТО ВЕЛИ БИБЛИЈАТА: „Од секој труд има корист, а празните зборови водат до немаштија“ (Изреки 14:23). Не е доволно само да дојдете до едно добро заедничко решение. Треба и да го спроведете на дело. Тоа можеби ќе бара многу труд, но сигурно ќе се исплати (Изреки 10:4). Ако соработувате како еден тим, вашиот труд нема да биде залуден (Проповедник 4:9).

ШТО МОЖЕШ ДА НАПРАВИШ:

  • Одредете што може да стори секој од вас за да го решите проблемот.

  • Одвреме-навреме разговарајте за тоа каков напредок сте постигнале.

Нешто повеќе

РАЗБУДЕТЕ СЕ!

Како да бидеш добар слушач

Вистинското слушање не е само техника туку израз на љубов. Научи како да бидеш подобар слушач.

РАЗБУДЕТЕ СЕ!

Како да прекинете со навредите

Што можете да направите ако сте дозволиле навредите да ви го поткопаат бракот?

РАЗБУДЕТЕ СЕ!

Не е решение да се казнувате со молчење

Како може двајца што се во брак да дојдат до тој степен што нема да сакаат да зборуваат еден со друг? Што можат да сторат за да најдат заеднички јазик?