Префрли се на текстот

Префрли се на споредното мени

Префрли се на содржината

Јеховини сведоци

македонски

Онлајн Библија | СВЕТО ПИСМО - ПРЕВОД НОВ СВЕТ

1. Царевите 17:1-24

17  Илија+ Тесвитецот, еден од жителите на Галад,+ му рече на Ахав: „Како што е жив Јехова,+ Богот на Израел, пред кого стојам,+ во овие години ќе нема ниту роса ниту дожд,+ освен по моја наредба“.+  Потоа му дојде Јеховината реч:+  „Замини оттука и тргни кон исток, па скриј+ се кај потокот* Херит, кој се наоѓа источно од Јордан.  Од тој поток ќе пиеш,+ а на гавраните+ ќе им заповедам да ти носат храна таму“.+  Тој отиде и постапи според Јеховината реч.+ Отиде и се насели кај потокот Херит, кој е источно од Јордан.  Гавраните му донесуваа леб и месо наутро и, исто така, му донесуваа леб и месо навечер, а вода пиеше од потокот.+  Но по некое време, потокот пресуши,+ зашто немаше дожд во земјата.  Тогаш му дојде Јеховината реч:+  „Стани и појди во Сарепта,+ која му припаѓа на Сидон, па остани таму. Еве, ѝ заповедав на една тамошна вдовица да те храни“. 10  Тој стана и отиде во Сарепта. Кога дојде на градската порта, таму здогледа една жена, вдовица, која собираше дрва. Ѝ се обрати и ѝ рече: „Те молам, донеси ми малку вода во садот да пијам!“+ 11  Кога тргна да го донесе, тој викна по неа и ѝ рече: „Те молам, донеси ми и малку леб!“+ 12  А таа му одговори: „Како што е жив Јехова,+ твојот Бог, немам леб,+ туку само грст+ брашно во ќупот и малку масло во грнето.+ И еве, собирам малку дрва, па ќе отидам и ќе зготвам нешто за себе и за син ми за да го изедеме тоа, па да умреме“.+ 13  Тогаш Илија ѝ рече: „Не плаши се.+ Влези и направи го она што го рече. Само најнапред направи од тоа мала погачка за мене+ и донеси ми ја, а потоа можеш да зготвиш нешто за себе и за син ти. 14  Зашто, вака вели Јехова, Богот на Израел: ‚Брашното во ќупот нема да се потроши и маслото во грнето не ќе го снема сѐ до денот кога Јехова ќе пушти дожд на земјата‘ “.+ 15  Таа отиде и направи така како што ѝ рече Илија, и многу денови имаа што да јадат таа, тој и нејзиниот дом.+ 16  Брашното во ќупот не се потроши и маслото во грнето не го снема,+ според речта што ја кажа Јехова преку Илија. 17  А потоа се разболе синот на таа жена, кај која живееше, и неговата болест стануваше сѐ потешка, така што на крајот издивна.+ 18  Тогаш жената му рече на Илија: „Зошто ми го направи тоа,+ Божји човеку? Дојде кај мене за да ме потсетиш на мојот грев+ и да ми го усмртиш синот“. 19  Но тој ѝ одговори: „Дај ми го син ти!“ Па го зеде од нејзината прегратка и го однесе во горната соба,+ каде што живееше, и го положи на својата постела.+ 20  Тогаш почна да го повикува Јехова: „Јехова, Боже мој,+ зар навистина ќе ѝ нанесеш зло и на оваа вдовица, кај која живеам, и ќе ѝ го усмртиш синот?“ 21  И откако се спружи трипати над момчето,+ извика кон Јехова: „Јехова, Боже мој, те молам нека се врати животот* во ова дете!“+ 22  И Јехова го услиши гласот на Илија,+ па животот на момчето се врати во него, и тоа оживеа.+ 23  Тогаш Илија го зеде момчето, го донесе од горната соба во куќата и ѝ го даде на мајка му, велејќи: „Еве, син ти е жив!“+ 24  А жената му одговори на Илија: „Сега знам навистина дека си Божји човек+ и дека е вистинита Јеховината реч во твојата уста“.+

Фусноти

Види го додатокот 12.
Буквално: „душата“. Види го додатокот 2.