Префрли се на текстот

Префрли се на споредното мени

Префрли се на содржината

Јеховини сведоци

македонски

Онлајн Библија | СВЕТО ПИСМО - ПРЕВОД НОВ СВЕТ

Псалми 118:1-29

118  Благодарете му на Јехова, зашто е добар;+ зашто неговата милост* трае довека!+   Израел нека рече: „Зашто, неговата милост трае довека“.+   Домот Аронов нека рече:+ „Зашто, неговата милост трае довека“.+   Оние што се бојат од Јехова, нека речат:+ „Зашто, неговата милост трае довека“.+   Во својата мака го повикав Јах;+ Јах ме услиши и ме доведе на широко место.+   Јехова е на мојата страна; нема да се плашам.+ Што може да ми направи земен човек?+   Јехова е на мојата страна меѓу оние што ми помагаат,+ затоа ќе воскликнувам над оние што ме мразат.+   Подобро е да бараш прибежиште кај Јехова+ отколку да имаш доверба во земниот човек.+   Подобро е да бараш прибежиште кај Јехова+ отколку да имаш доверба во достоинствениците.+ 10  Сите народи ме опколија.+ Во името на Јехова ги одбивав нивните напади.+ 11  Ме опколија, навистина ме беа опколиле.+ Во името на Јехова ги одбивав нивните напади. 12  Ме опколија како пчели;+ се угаснаа како запалени трње.+ Во името на Јехова ги одбивав нивните напади.+ 13  Силно ме турнаа за да паднам,+ но Јехова ми помогна.+ 14  Јах е моето засолниште и мојата сила,+ тој ми е спасителот.+ 15  Глас на радост и спасение+ се слуша во шаторите+ на праведните.+ Јеховината десница ја покажува својата сила.+ 16  Јеховината десница се воздига,+ Јеховината десница ја покажува својата сила.+ 17  Нема да умрам, туку ќе живеам+ за да ги објавувам делата на Јах.+ 18  Јах остро ме укори,+ но не ме предаде на смртта.+ 19  Отворете ми ги портите на праведноста!+ Ќе влезам низ нив, ќе го фалам Јах.+ 20  Ова е Јеховината порта.+ Низ неа ќе влезат праведниците.+ 21  Ќе те фалам, зашто ме услиши+ и ми стана спасител.+ 22  Каменот што го отфрлија градителите+ стана аголен камен.*+ 23  Тоа дело е од Јехова;+ и чудесно е во наши очи.+ 24  Тоа е денот што го направи Јехова.+ Ќе се веселиме и ќе се радуваме на тој ден.+ 25  О Јехова, те молиме, спаси нѐ!+ О Јехова, те молиме, подари ни успех!+ 26  Благословен е оној што доаѓа во името Јеховино;+ ве благословуваме од Јеховиниот дом!+ 27  Јехова е Бог,+ тој ни дава светлина.+ Накитете ја со гранки+ празничната поворка,+ сѐ до роговите на жртвеникот!+ 28  Ти си мојот Бог, тебе ќе те фалам.+ Ти си мојот Бог, тебе ќе те возвишувам.+ 29  Благодарете му на Јехова зашто е добар;+ зашто неговата милост трае довека!+

Фусноти

Или: „лојална љубов“. Во врска со изразот „милост“ во стиховите 1-4 и 29, види ја фуснотата за 1Мо 19:19.
Буквално: „глава на аголот“.