Префрли се на текстот

Префрли се на споредното мени

Префрли се на содржината

Јеховини сведоци

македонски

Онлајн Библија | СВЕТО ПИСМО - ПРЕВОД НОВ СВЕТ

Матеј 4:1-25

4  Тогаш духот го одведе Исус во пустината+ за Ѓаволот да го искуша.+  Откако постеше четириесет дни и четириесет ноќи,+ огладне.  И дојде Искушувачот,+ па му рече: „Ако си Божји син,+ кажи им на овие камења да станат лебови!“  А тој одговори: „Напишано е: ‚Човек не смее да живее само од леб, туку треба да живее и од секој збор што излегува од Јеховината уста‘ “.+  Тогаш Ѓаволот го одведе во светиот град,+ го постави на врвот од храмскиот ѕид  и му рече: „Ако си Божји син, фрли се долу!+ Зашто, напишано е: ‚На своите ангели ќе им заповеда за тебе, и тие ќе те носат на раце за да не удриш некаде со ногата во камен‘ “.+  А Исус му одговори: „Но напишано е и ова: ‚Не искушувај го Јехова, својот Бог!‘ “+  Потоа Ѓаволот го одведе на една мошне висока планина и му ги покажа сите царства на светот+ и нивната слава,  па му рече: „Сето ова ќе ти го дадам+ ако паднеш и ми се поклониш“.*+ 10  Тогаш Исус му рече: „Бегај, Сатано! Зашто, напишано е: ‚Јехова, својот Бог, обожавај го*+ и само нему+ служи му!‘ “*+ 11  Тогаш Ѓаволот го остави.+ И гледај, дојдоа ангели и почнаа да му служат.+ 12  А кога чу дека го фатиле Јован,+ се повлече во Галилеја.+ 13  И откако замина од Назарет, дојде и се насели во Капернаум+ покрај морето, на подрачјето на Завулон и Нефталим,+ 14  за да се исполни она што беше речено преку пророкот Исаија: 15  „Земјо Завулонова и земјо Нефталимова, по должината на морскиот пат, од другата страна на Јордан, Галилејо на незнабошците!*+ 16  Народот што живееше во темнина+ виде голема светлина.+ Над оние што живееја во земја на смртната сенка светна+ светлина“.+ 17  Тогаш Исус почна да проповеда: „Покајте се,+ зашто се приближи небесното царство!“+ 18  А одејќи покрај Галилејското Море,* виде двајца браќа, Симон,+ наречен Петар,+ и брат му Андреј, како спуштаат мрежа во морето, зашто беа рибари. 19  И им рече: „Тргнете по мене, и ќе ве направам рибари на луѓе!“+ 20  И веднаш ги оставија мрежите+ и појдоа по него.* 21  Заминувајќи оттаму, виде други двајца кои беа браќа,+ Јаков, синот на Зеведеј,+ и брат му Јован, како во чамецот заедно со својот татко Зеведеј ги крпат мрежите. И ги повика. 22  Веднаш ги оставија чамецот и татка си, и појдоа по него. 23  И минуваше+ низ цела Галилеја,+ поучувајќи во нивните синагоги,+ проповедајќи ја добрата вест за царството и лекувајќи секаква болест+ и секаква немоќ кај народот. 24  И веста за него се разнесе по цела Сирија.+ И му ги доведоа сите што страдаа,+ болни од разни болести и измачени, обземени од демони и епилептичари+ и парализирани, и тој ги излекува. 25  Затоа го следеше многу народ од Галилеја,+ и од Декаполис,* и од Ерусалим,+ и од Јудеја и од другата страна на Јордан.

Фусноти

Или: „ако покажеш почит кон мене; извршиш чин на обожавање во моја чест“.
Буквално: „На Јехова, својот бог, клањај му се“.
Или: „врши му света служба“.
Изразот „незнабошци“ во Библијата се однесува на не-Евреите (паганите), кои не го познавале вистинскиот Бог.
Види ја фуснотата за 4Мо 34:11.
Изразот „појде (оди) по Исус“ се користи во преносна смисла и значи дека станале следбеници на Исус.
Или: „[На сојузот] на Десетте градови; Десеттоградието“.