Префрли се на текстот

Префрли се на споредното мени

Префрли се на содржината

Јеховини сведоци

македонски

Онлајн Библија | СВЕТО ПИСМО - ПРЕВОД НОВ СВЕТ

Јов 21:1-34

21  Тогаш Јов одговори:   „Добро слушајте што ќе ви речам, и тоа нека ви биде утеха!   Истрпете јас нешто да кажам, а кога ќе го кажам своето, тогаш потсмевајте се!+   Зар јас му зборувам на човекот за својата грижа? Како не губам трпение?*   Кон мене свртете го лицето и зачудете се, ставете си ја раката на уста!+   Кога ќе се сетам на сѐ, се вознемирувам и треперење ми го обзема телото.   Зошто остануваат живи злите,+ дочекуваат старост и се богатат повеќе отколку другите?+   Нивното потомство напредува пред нив, нивните потомци напредуваат пред нивни очи.   Нивните куќи се во мир, без страв,+ и Божјиот стап не е над нив. 10  Нивните бикови ги оплодуваат кравите и не го расипуваат семето, нивните крави се отелуваат+ и не пометнуваат. 11  Ги пуштаат своите дечиња безгрижно да си играат надвор како стадо, нивните деца потскокнуваат наоколу. 12  Пеат во придружба на дајре и харфа,+ се радуваат на звукот на кавал. 13  Деновите им минуваат во веселба+ и мирно слегуваат во гробот.* 14  А на вистинскиот Бог му велат: ‚Остави нѐ!+ Не сакаме да знаеме за твоите патишта.+ 15  Кој е Семоќниот, па да му служиме,+ и каква корист имаме од тоа што му се обраќаме?‘+ 16  Гледај, нивната благосостојба не е во нивни раце.+ Намерите на злите се далеку од мене.+ 17  Кога згаснала светилката на злите?+ Кога ги снашла неволја? Кога испратил Бог уништување во својот гнев?+ 18  Стануваат ли тие како слама на ветар,+ како плева што ја носи виор? 19  Бог ќе го чува злото на човекот за неговите синови,+ така ќе му плати што тој ќе го почувствува тоа.+ 20  Злосторникот со свои очи ќе си ја гледа пропаста, ќе пие од гневот на Семоќниот.+ 21  Зашто, на што ќе се радува во својата куќа кога ќе го нема, кога ќе се преполови бројот на месеците од неговиот живот?+ 22  Зар тој ќе го учи на мудрост Бог,+ Оној што им суди на високите?+ 23  Еден ќе умре во потполна благосостојба,+ без никакви грижи и во мир, 24  со бедра полни со сало и со коски полни со сочна срцевина, 25  а друг ќе умре со горчина во душата, без да вкуси нешто добро.+ 26  Двајцата ќе лежат заедно во правта+ и црви ќе ги прекријат.+ 27  Ете, добро ги знам вашите помисли и сплетките со кои сакате да ми нанесете зло.+ 28  Вие велите: ‚Каде е куќата на достоинственикот? Каде е шаторот на злите? Каде се шаторите во кои живееја?‘+ 29  Ги прашавте ли оние што патуваат по патиштата? Размислувате ли за нивното сведоштво, 30  дека злиот е поштеден во денот на неволјата+ и се избавува во денот на гневот? 31  Кој ќе го прекори в лице+ за неговите дела? Кој ќе му врати за она што го направил?+ 32  А него ќе го однесат на гробишта,+ и над неговиот гроб ќе чуваат стража. 33  Слатки ќе му бидат грутките земја во долината,+ и со себе ќе ги повлече сите луѓе,+ а број им нема на оние што дошле таму пред него. 34  Затоа се толку празни вашите утехи+ и вашите одговори се празна измама!“

Фусноти

Буквално: „мојот дух не станува нестрплив“.
Буквално: „шеолот“.