Кога ќе дојде до некоја криза или ќе се случи некоја несреќа, тоа може да се одрази врз здравјето на луѓето.

• Тешките ситуации ги ставаат луѓето под стрес, а долготрајниот стрес може да доведе до здравствени проблеми.

• Во вонредни ситуации здравствениот систем може да биде оптоварен и поради тоа потешко да се дојде до соодветно лекување.

• Во кризни ситуации луѓето страдаат во финансиски поглед и тешко им е да ги обезбедат основните работи, како што се храна и здравствена грижа.

• Поради сериозните болести и стресот, би можел да носиш лоши одлуки кои штетно ќе влијаат врз твоето здравје.

• Ако ги занемаруваш здравствените проблеми, состојбата може само да ти се влоши, па дури и да си го доведеш животот во опасност.

• Колку подобро здравје имаш толку полесно ќе носиш добри одлуки во случај на криза.

• Без разлика каква ти е економската состојба, можеш да преземеш нешто за да си го заштитиш здравјето.

Секогаш кога е можно, еден мудар човек размислува за можните опасности и презема мерки за да ги избегне. Ова важи и во поглед на здравјето. Обично има помали шанси да се заразиш или барем да поминеш со полесни симптоми ако одржуваш добра хигиена. Впрочем, подобро е да се спречи отколку да се лечи.

„Затоа што одржуваме добра лична хигиена и хигиена во домот, се поштедуваме од дополнителни здравствени трошоци“ (Андреас). a