AKORANGA 06
I Tīmata Pēhea te Ora?
“Kei [te Atua] hoki te puna o te ora.” (Ngā Waiata 36:9) E whakapono ana koe ki tērā? Kei te whakaaro ētahi tāngata i puta mai te ora i ngā mea tupurangi. Mehemea he tika tērā, nā te aituā noa tātou i ora ai. Heoi, mehemea nā Ihowā, nā te Atua te ora i hanga, kāore e kore he take tōna i hanga ai, nē? a Whakaarohia te kōrero o te Paipera mō te tīmatanga o te ora, me ētahi take hei whakapono he tika taua kōrero.
1. I tīmata pēhea te ao nui mārama?
E kī ana te Paipera: “He mea hanga nā te Atua i te tīmatanga te rangi me te whenua.” (Kenehi 1:1) E whakaae ana te nuinga o te hunga pūtaiao he tīmatanga tō te ao nui mārama. I hanga pēheatia e te Atua? Nā tōna “kaha pakari”—tōna wairua tapu—i hanga e ia ngā mea katoa i te ao nui mārama, tae noa ki ngā ikarangi, ngā whetū, me ngā aorangi.—Kenehi 1:2.
2. I hanga e te Atua te whenua hei aha?
“Kīhai i hanga e [Ihowā te whenua] hei takoto kau, i whakaahuatia e ia hei nohoanga.” (Īhāia 45:18) I hanga e ia tō tātou ao hei kāinga pūmau, pai mō te tangata. (Pānuitia Īhāia 40:28; 42:5.) E whakaatu ana te pūtaiao, he hanganga motuhake te whenua. Ko tēnei anake te aorangi e mōhiotia ana kei roto ngā mea katoa, e ora ai te tangata.
3. He aha te tangata kāore e rite ki te kararehe?
Mutu ana te hanga i te whenua, i hanga e Ihowā ngā mea ora ki reira. Tuatahi, kapi tonu i a ia te whenua ki te otaota me te kararehe. Kātahi, “ka hanga e te Atua te tangata rite tonu ki a ia.” (Pānuitia Kenehi 1:27.) He aha te rerekētanga o te tangata? Nā tō tātou rite ki te Atua, ka taea e tātou te whakakite i ōna āhua, pērā i te aroha me te whakarite whakawā. I hangaia hoki tātou e ia ki te ako reo, ki te whakamihi i ngā mea ātaahua, ki te pārekareka i te waiata. Otiia, e āhei ana tātou te karakia ki tō tātou Kaihanga, kāore te kararehe e pērā.
KIMI MĀRAMATANGA
Tirohia ngā mea e whakaatu ana i āta hangaia te ora, mēnā e pai ana hoki ngā kōrero o te Paipera, mō te hanganga o te ao. Whakaarohia ngā āhuatanga o te tangata, e whakaako ana i a tātou mō te Atua.
4. He mea āta hanga te ora
Ka whakamihia ngā tāngata mō ngā tauira e tango ana rātou i te ao tūroa. Kāti, ki a wai te mihi mō ngā tauira tuatahi? Mātakitakitia te ATAATA, kōrerotia te pātai e whai ake.
-
He aha ētahi tauira kua tangohia e ngā kaihoahoa tāngata i te ao tūroa?
He mea hoahoa, he mea hanga, ngā whare katoa nā tētahi. Engari nā wai i hoahoa, i hanga ngā mea i te ao tūroa? Pānuitia Ngā Hīperu 3:4, kōrerotia ēnei pātai:
-
Ki tōu whakaaro, he aha ētahi tauira mīharo i te ao tūroa?
-
He tika rānei te whakapono he mea āta hanga te ao nui mārama, me ngā mea katoa o roto? He aha ai?
I mōhio rānei koe?
Ka kite koe i ētahi tuhinga me ngā ataata e pā ana ki tēnei kaupapa i jw.org i roto i te rārangitanga “Was It Designed?” me “Viewpoints on the Origin of Life.”
“He mea hanga hoki nā tētahi ngā whare katoa; ko te Atua ia te kaihanga o ngā mea katoa”
5. He pai te kōrero o te Paipera mō te hanganga o te ao
I Kenehi upoko 1, e kōrero ana te Paipera mō te tīmatanga o te whenua me ngā mea ora o reira. He pono tērā kōrero, he pakiwaitara rānei? Mātakitakitia te ATAATA, kōrerotia ngā pātai e whai ake.
-
E whakaako ana rānei te Paipera, e ono ngā rā 24-haora, i hangaia ai te whenua, me ngā mea ora katoa i runga?
-
Ki tōu whakaaro, he mārama, he tika rānei te kōrero o te Paipera mō te hanganga o te ao? He aha ai, he aha i kore ai rānei?
Pānuitia Kenehi 1:1, kōrerotia tēnei pātai:
-
E kī ana te hunga pūtaiao, he tīmatanga tō te ao nui mārama. Kei te rite rānei tā rātou whakaaro, ki tāu i pānui i te Paipera?
Kei te whakaaro ētahi, tērā pea i whakamahi te Atua i te whanaketanga, hei hanga i ngā mea ora. Pānuitia Kenehi 1:21, 25, 27, kōrerotia ēnei pātai:
-
E whakaako ana rānei te Paipera, i hanga e te Atua he oranga taketake, ka waiho kia whanake ai hei ika, hei kararehe ngote ū, hei tangata hoki? I hanga rānei e ia ngā momo ora taketake katoa, o “ia āhua”? b
6. He hanganga motuhake te tangata nā te Atua
Kāore tātou e rite ki ngā kararehe i hanga e Ihowā. Pānuitia Kenehi 1:26, kōrerotia tēnei pātai:
-
Nō te mea he rite tō tātou āhuatanga ki te Atua, ka whakaatu tō tātou aroha, me te atawhai i te aha mōna?
E KĪ ANA ĒTAHI: “He pakiwaitara ngā kōrero o te Paipera mō te hanganga.”
-
He aha tōu whakaaro? He aha ai?
WHAKARĀPOPOTO
Nā Ihowā i hanga te ao nui mārama me ngā mea ora katoa.
Titiro anō
-
He ako aha te Paipera, mō te tīmatanga o te ao nui mārama?
-
Nā te Atua, i waiho i nga mea ora hei whanake ki tētahi atu momo oranga, i hanga rānei e ia ngā mea katoa?
-
He motuhake te tangata nā te aha?
RAPU
Kitea te hoahoatanga i roto i te ao tūroa.
Kitea me pēhea te matua e whakamārama ki tāna tamaiti, te kōrero o te Paipera mō te hanganga.
Whakaarohia mehemea ka whakaae tahi te whanaketanga me te Paipera.
“Did God Use Evolution to Create the Different Types of Life?” (Web article)
Āta tirohia mehemea e kī ana te hītori mātātoka me te whakamātautau pūtaiao i hangaia te ora, mehemea rānei i puta noa mai kāhore he kaihanga.
a Ka kōrero te Akoranga 25 mō te take i hanga e te Atua te tangata.
b I te Paipera, e kōrero ana te kupu “āhua” mō tētahi rōpū whānui o ngā mea ora.
