Te whakautu o te Paipera

 Kāore e whakamahia ana e te Paipera te kupu “whakatahe,” hei whakamutua i te ora o te tamaiti kukune. Heoi anō, e whakaatu ana e te Paipera ki te whakaaro o te Atua mō te oranga tangata, te oranga hoki o te pēpi i te kōpū.

 Ko te ora, he taonga mai te Atua. (Kenehi 9:6; Ngā Waiata 36:9) Kei te hira nui ki te Atua te oranga o ngā mea katoa, te oranga hoki o te pēpi i roto i te kōpū. Nō reira, mēnā ka āta whakaarohia tētahi kia whakamate te pēpi, e rite ki te kōhuru.

 E kī ana te Ture o te Atua ki a Iharaira: “Ki te whawhai ētahi tāngata ki a rātou, ā ka whara tētahi wahine e hapū ana, ā ka [“whānau wawe,” NW] tāna tamaiti, otiia kāhore atu he hē, me tango he utu i a ia, arā tā te tahu o te wahine e whakarite ai ki a ia; hei tā ngā kaiwhakawā e mea ai tāna e hōmai ai. Engari, ki te mate, nā, me hōmai e koe he mate hei utu mō te mate.”​—Ekoruhe 21:22, 23. a

•  Āhea te tīmatanga o te oranga tangata?

•  Ka murua rānei e te Atua te tangata kua whakatahe tāna pēpi?

•  He hara rānei te whakatahe ki te mōrearea te oranga o te whaea, o te tamaiti rānei?

 Āhea te tīmatanga o te oranga tangata?

 Ki te Atua, ka timata te oranga o te tangata i te whakairatanga. I te Paipera, ki te titiro a te Atua he rite tonu te pēpi i te kōpū ki te pēpi kua whānau kē, arā ki te tangata. Whakaarohia ēnei tauira kei raro.

•   I roto i te wairua, i mea a Rāwiri Kīngi ki te Atua: “I kite ōu kanohi i ahau, kāhore anō kia āhua noa.” (Ngā Waiata 139:16) I tirohia e te Atua a Rāwiri hei tangata i mua noa atu i tōna whānautanga.

•   I mua i te whānautanga o Heremaia, i whiriwhiri te Atua i a ia mō te mahi motuhake hei poropiti. I mea te Atua ki a ia: “Kīanō koe i hangā e ahau i roto i te kōpū, kua mōhio ahau ki a koe, ā kīanō koe i puta mai i te puku, kua whakatapua koe e ahau; kua whakaritea koe e ahau hei poropiti ki ngā iwi.”​—Heremaia 1:5.

•   Tētahi o ngā kaituhi o te Paipera, ko Ruka, he tākuta hoki ia. He kotahi tāna kupu Kariki mō te tamaiti i roto i te kōpū me te tamaiti kua whānau mai.​—Ruka 1:41; 2:12, 16.

 Ka murua rānei e te Atua te tangata kua whakatahe tāna pēpi?

 Ka taea e ngā wāhine kua whakatahe tāna pēpi te murunga hara o te Atua. Ki te whakaae rātou ki te whakaaro o te Atua mō te ora, kāhore he take kia tino mānukanuka rawa rātou i te taumaha o te hara. “Kī tonu a Ihowā i te aroha me te atawhai . . . Pērā i te matara o te rāwhiti i te uru, pērā tonu tāna whakamataratanga atu i ā tātou mahi tutū i a tātou.” b (Ngā Waiata 103:8-12) Ka murua e Ihowā te hunga katoa e rīpenetā pono ana i ō rātou hara o mua, tae ki te whakatahe.​—Nehemia 9:17.

 He hara rānei te whakatahe ki te mōrearea te oranga o te whaea, o te tamaiti rānei?

 Nā ngā kōrero o te Paipera mō te oranga o te tamaiti i te kōpū, e kore e tika te whakatahe i runga i te whakaaro tērā pea ka mōrearea te whaea, te tamaiti rānei.

 Pēhea ki te puta mai he mōrearea i te wā o te whakawhānau? Nā taua mōrearea, me whiriwhiri te whānau mehemea kia ora te whaea, kia ora te pēpi rānei. Ki te pēnei, mā te whānau e whakatau tēnei wero taumaha.