Te whakautu o te Paipera

 Kāore e rite katoa ngā hāhi. E kī ana te Paipera, he maha ngā hāhi kāore i pai ki te Atua. Whakaarohia ngā wāhanga e rua.

Wāhanga 1: Te karakia ki ngā atua teka

 Te kōrero a te Paipera mō te karakia ki ngā atua teka, “He teka kau . . . he horihori [he koretake], he mea huakore.” (Heremaia 10:3-5; 16:19, 20) I whakahau a Ihowā a te Atua i te iwi o ngā Īharaira o nehe: “[Kaua] ētahi atua kē atu mōu ki mua i ahau.” (Ekoruhe 20:3, 23; 23:24) I te karakiatanga o ngā Īharaira ki ētahi atua kē “ka mura te riri o Ihowā.”​—Tauanga 25:3; Rewitikuha 20:2; Kaiwhakariterite 2:13, 14.

 Kei te rite tonu te āhua o te Atua ki te karakia ki a rātou “e kīia nei he atua.” (1 Koriniti 8:5, 6; Karatia 4:8) E whakahau ana ia ki ngā tāngata e hiahia ana ki te karakia ki a ia, kia mutu te whakahoa ki ngā tāngata e karakia ana ki ngā hāhi teka, e kī ana “Puta mai i roto i a rātou, kia mutu kē.” (2 Koriniti 6:14-17) Mehemea he rite katoa ngā hāhi, e ārahi ana ki te Atua, he aha ia i hōmai ai i tēnei whakahau?

Wāhanga 2: Te āhua o te karakia ki te Atua pono, kāore ia e whakaae

 I ētahi wā, i karakia ngā Īharaira ki te Atua pono mā te whakauruuru i ngā tikanga o ngā atua teka. I kino a Ihowā ki tēnei. (Ekoruhe 32:8; Tiuteronomi 12:2-4) I roto i te Paipera, i whakahē a Īhu i ngā kaiārahi o te hāhi i tōna wā, nā te āhua o tā rātou karakia ki te Atua. Ahakoa he kaiārahi o te hāhi, heoi i tinihanga rātou. I kī a Īhu mō rātou, “kapea ake ngā mea nunui o te ture, te whakawā, te tohu tangata, te whakapono.” ​—Matiu 23:23.

 He rite tonu i ēnei rā, ko te hāhi anake e hāngai ana ki te pono e ārahi i ngā tāngata ki te Atua. E kitea ana tēnei pono i te Paipera. (Hoani 4:24; 17:17; 2 Tīmoti 3:16, 17) Ko ngā akoranga a ngā hāhi kāore e tautoko ana i te Paipera, he whakakotiti kē atu i ngā tāngata mai i te Atua. He maha ngā whakaakoranga e mahara ana ngā tāngata nō te Paipera. Pēnei, i te Tokotoru Tapu, te wairua matekore, me te wāhi whakamamae nui mutungakore. Engari, nō te karakia kē o ngā atua teka ēnei akoranga. Ngā karakia e whakanui ana i ēnei whakaakoranga he “maumau,” he koretake hoki, nō te mea he whakakapi i ngā tikanga o te Atua.​—Māka 7:7, 8.

 He whakarihariha te Atua i ngā hāhi teka. (Taituha 1:16) Hei āwhina i ngā tāngata kia tata atu ki te Atua, me whakaawe tētahi hāhi i o rātou oranga, ia rā, ia rā, kaua ki ngā kawa me ngā tikanga noa iho. Hei tauira, e kī ana te Paipera: “Ki te mea he āhua karakia tō tētahi i roto i a koutou, ki te kore e parairetia e ia tōna arero, he tinihanga hoki tāna ki tōna ngākau, he maumau karakia tāna. Ko te karakia pono, ko te mea poke kore ki te aroaro o te Atua Matua, ko ia tēnei: Ko te tirotiro i ngā pani i ngā pouaru i ō rātou mate, ko te tiaki i a ia ake kei poke i te ao.” (Hēmi 1:26, 27) E kī ana te King James Version i te “karakia pono” mō tēnei karakia mā, tēnei karakia tinihanga kore hoki.