Skip to content

Skip to secondary menu

Kaiwhakaatu a Ihowa

Te Reo Māori

He Pēhea Ōu Whakaaro Mō Āpōpō?

He Pēhea Ōu Whakaaro Mō Āpōpō?

Ka anga pēhea te ao . . .

  • ka noho pēnei tonu?

  • ka kino kē atu?

  • ka pai haere rānei?

 TĀ TE PAIPERA E KĪ ANA

“Ka murua hoki e ia ngā roimata katoa i ō rātou kanohi; ā kore ake he mate; kāhore hoki he auē, kāhore he tangi, kāhore he mamae, i ngā wā i muri nei; kua pahemo atu hoki ngā mea o mua.”—Whakakitenga 21:3, 4.

KO TŌNA PAINGA MŌU

Ngā momo mahi whai hua, e hari ai koe.—Īhāia 65:21-23.

Kāhore he māuiuitanga, he mamaetanga rānei ahakoa te momo.—Īhāia 25:8; 33:24.

He oranga harikoa, me te whanau me ngā hoa, e kore e mutu.—Ngā Waiata 37:11, 29.

 KIA TINO WHAKAPONO RĀNEI TĀTOU KI NGĀ KŌRERO O TE PAIPERA?

Āe, e rua nei ngā take:

  • E āhei ana te Atua ki te whakatutuki i tāna kupu. I roto i te Paipera ko Ihowa, ko te Atua anake ka karangatia “ko te Kaha Rawa,” nō te mea kāhore he mutunga o tōna kaha. (Whakakitenga 15:3) Nā reira, e tino āhei ana ia ki te whakatutuki i tāna kupu whakaari kia huri i te ao kia pai ake. Hei tā te Paipera, “ki te Atua ia e taea ngā mea katoa.”—Matiu 19:26.

  • E tino hiahia ana te Atua ki te whakatutuki i tāna kupu. Hei tauira, e matenui ana a Ihowa kia ora anō te hunga mate.—Hopa 14:14, 15.

E whakaatu mai ana te Paipera i whakaora ai te Tama a te Atua, a Ihu, i ngā tūroro. He aha ia i pērā ai? Nāna hoki i pai ai. (Māka 1:40, 41) I tino rite rawa te ngākau o Ihu ki tō te Matua i tōna hiahia ki te āwhina i te hunga rawakore.—Hoani 14:9.

Nā reira, ka tino mōhio tātou e pai ana a Ihowa rāua ko Ihu kia hari ai tātou ā te wā!—Ngā Waiata 72:12-14; 145:16; 2 Pita 3:9.

 HEI WHAKAARO

Ka pēheatia te ao e te Atua kia pai ake?

Kei te Paipera te whakautu ki taua pātai i MATIU 6:9, 10 me RĀNIERA 2:44.