ЧЫНЖЫМАК лӱддымӧ айдеме тӱткӧ лийшаш. Тӱткӧ огеш лий гын, тудо шкалан чот ӱшаныше лийын кертеш але шкаланже да весе-влаклан эҥгекым конда. Гедеон лӱддымӧ да тунамак тӱткӧ айдеме лийын. Тудо тыгай жапыште илен, кунам еврей-влак угыч Иегова деч кораҥыныт. Сандене Юмо мадианитян-влаклан еврей-влакын мландышт ӱмбак кержалташ да нуным шыгыремдаш эрыкым пуэн. Тидлан кӧра еврей-влак пасушто пашам ышташ лӱдыныт. Но калыкын кинде лийже манын, Гедеон лӱддымын шурным шийын. Туге гынат тудо тӱткӧ лийын. Гедеон виноградым темдыме верыште шурным шийын. Вес семынже, тиде известняк курыкышто ыштыме вынем лийын.

Илыш тынар чот неле лийын, еврей калык Иеговам полыш нерген сӧрвалаш тӱҥалын. Молан тудо нуным коден манын шарныкташлан, Юмо нунын дек пророкым колтен. Вара Иегова Гедеон дек суксым тыгай увер ден колтен: «Еврей калыкым утарашлан тый ойырен налме улат». Гедеон тудлан иктаж-могай палым ончыкташ йодын. Вашешыже суксо теве мом ыштен: кӱ гыч тул лектын да Гедеонын надырлан кондымо шыл ден киндым йӱлатен. Тиддеч вара суксо уке лийын. Жап эртымеке, Иегова Гедеонлан ачажын ыштыме священный меҥгым руэн шуаш да Вааллан чоҥымо жертвенникшым шалаташ кӱштен. Тыгак Гедеон Иеговалан жертвенникым чоҥышаш да тушан надырым кондышаш ыле. Гедеон тиде кӱштымашым шуктен, но шке ачаж ден олаште илыше-влак деч лӱдын. Нигӧ тудым ынже уж манын, чыла тидым йӱд жапыште ыштен.

Икмыняр жап эртымеке, мадианитян-влак амалик ден вес эрвел калык-влак ден пырля моткоч кугу армийым погеныт да Израиль ваштареш сар дене лектыныт. Нуно Изреель лап верыш толыныт да тиде мландым шурнышырчык гай теменыт. Гедеон ӱмбак Иегован шӱлышыжӧ волен да тудо, Израильын икмыняр тукымышко уверзе-влакым колтен, Юмын калыкшым аралаш нуным ӱжын. Но адакат Гедеон шке вийжылан ӱшанен огыл. Юмо тудлан полшаш тӱҥалеш але уке тудо пален налнеже ыле, сандене тудлан кок чудым ышташ йодын. Икымше гана тудо йодын: «Тек идыме верыште йӱдлан кодымо меж ӱмбалне лупс лиеш, а йырваш улшо мланде кукшо кодеш». Кокымшо гана: «Тек меж мӧҥгешла кукшо лиеш, а мланде — лупсан». Иегова Гедеон дене чытыше лийын да тудын йодмыжым шуктен.

 Юмо тудлан полша манын умылымеке, Гедеон 32 000 еҥ гыч шогышо кугу огыл шке войска дене тушман армий ваштареш лектын, кушто 135 000 сарзе лийын. Еврей-влак Харод лӱман памаш воктене лагерь ден верланеныт. Иегова Гедеонлан тыйын войскат чот кугу манын каласен да сарыш каяш лӱдшӧ-влакым чылаштымат мӧҥгышкышт колташ кӱштен. Тиддеч вара Гедеонын войскаштыже 10 000 еҥ кодын. Тидыжат чот шуко манын Иегова каласен. Тудо Гедеонлан ончаш кӱштен, кузе сарзе-влак памаш гыч йӱыт. Кӧ сукен шинчын да кумык лийын вӱдым йӱын, войскаште кодын кертын огыл. А кӧ тӱткӧ лийын да йырваш мо ышталтмым эскерен, кид копа гыч вӱдым йӱын, Гедеон ден кодын кертын. Тыгай еҥ 300 гына лийын.

Ындыжым Гедеонын войскаже моткоч изи лийын гынат, тудо нимом ончыде лӱддымын кучедалмашлан ямдылалташ тӱҥалын. Иегова тудлан полша манын Гедеоным угыч ӱшандарен. Юмо тудлан тушманын лагерьышкыже йӱдым шолып пураш каласен. Гедеон тыгакак ыштен. Тушто тудо кок сарзын мутланымыштым колын. Иктыже шке омым каласкален, а весыже умылтарен: омо еврей-влакын сеҥымашыштым ончыкта. Юмо тудын могырыштыжо улеш манын Гедеонын нимогай кокыте шонымаш кодын огыл. Тудо шке сарзе-влак дек пӧртылын да каласкален, кузе нунылан кредалаш кӱлеш. Тудо каласен: «Мыйым ончен тыгак ыштыза». Келге йӱдым еврей-влак тушманын лагерьжым авыреныт. Кунам Гедеон палым ончыктен, нуно кувшин-влакым шалатеныт, кушто факел-влак шылтыме лийыныт. Вара пучым пуалыныт да кычкыралыныт: «Иегован да Гедеонын кредалмашыже!» Кугу йӱкым колын да тул волгалтмыжым ужын тушман-влак мом ышташ пален огытыл. Чот лӱдын, нуно куржаш пижыныт. Иегова тыге ыштен: нуно икте-весыштым пуштедаш тӱҥалыныт. Иктаж 15 000 мадиан сарзе гына куржын утаралтын.

Гедеон нуным поктен, нунын армийыштым тӱрыснек шалатен да вуйлатышышт-влакым пуштын. Тыгак тыгай еврей-влакым наказатлен, кӧмыт тудын сарзе-влаклан кочкышым пуаш келшен огытыл. Калык Гедеоным шке кугыжалан шогалташ шонен, но тудыжо ӱҥышӧ лийын, келшен огыл да каласен: «Иегова тендам вуйлаташ тӱҥалеш». Тиде лӱддымӧ да тӱткӧ айдемым Юмо суапландарен. Гедеонын судья лиймыж годым Израиль мландыште тыныс лийын. Гедеонын ӱмыржӧ кужу лийын. Апостол Павел тудым пеҥгыде ӱшанымашан еҥ-влак коклаште палемден (Евр. 11:32).

Тидын нерген Библийыште лудса:

• Судей 6:1—7:22; 8:4—23, 28

Лончылашлан йодыш:

Гедеонын лӱддымылыкшӧ кушеч койын?

 Келгынрак шымлен налза

1. 1. Мадиан сарзын омыж гыч «йыргешке шож кинде» Гедеонын войскажым символ семын сайын ончыктен манын, молан южо библеист-влак шонат? (Суд. 7:13; it «Ячмень», абз. 7, wcgr).

   Вашмутет

2. 2. 300 пуч гыч лекше йӱк молан мадианитян-влакым лӱдыктен? (it «Рог», абз. 3, wcgr). 1

   Вашмутет

3. 3. Мадиан войскам тӱрыснек пытарашлан Гедеон ден сарзыже-влаклан мом ышташ кӱлын? (w04 15/10 15—16, абз. 9, 10, wcgr). 2

   Вашмутет

4. 4. Тиде библийысе каласкалымашым могай деталь-влак пеҥгыдемдат? (w05 15/4 32, wcgr).

   Вашмутет

 Пален налмым илышыш пуртыза

• Гедеон Юмын калыкшым сеҥымашке конден, но шкеже ӱҥышӧ кодын да весе-влак дене тынысым аралаш тыршен (Суд. 8:1—3). Кузе еш вуй-влак да кугурак иза-влак Гедеон деч примерым налын кертыт, кунам иктаж-кӧ нунын решенийышт дене огеш келше?

  Вашмутет

• Могай ситуацийыште мыланна иканаште лӱддымылык да тӱткӧ лиймаш полшен кертеш? 3

  Вашмутет

• Гедеон деч примерым налын, кузе эше те лӱддымылыкым ончыктен кертыда?

  Вашмутет

Кумданрак шонкалыза

• Тиде каласкалымаш гыч те Иегова нерген мом пален налында?

  Вашмутет

• Тиде каласкалымаш Иегован шонен пыштымашыже дене кузе кылдалтеш?

  Вашмутет

• Кунам Гедеон ылыжеш, тудлан могай йодышым пуэда ыле?

  Вашмутет