Etal ñan katak ko ilo bok in

Etal ñan secondary menu

Etal ñan laajrak in katak ko

Ri Kõnnaan ro an Jeova

Kajin M̦ajel̦

Ta eo Baibõl̦ Ej Lukkuun Katakin Kõj?

 KÕMEL̦EL̦E KO JET

Wõn Maikõl Arkenjel̦ Eo?

Wõn Maikõl Arkenjel̦ Eo?

EJEJA an Baibõl̦ kwal̦o̦k kõn enjel̦ eo etan Maikõl. Bõtab, ñe Baibõl̦ ej kõnnaan kõn e, ekkã an kwal̦o̦k bwe ewõr juon men ej kõm̦m̦ane. Ilo bokin Daniel, ej kwal̦o̦k bwe Maikõl ej tarin̦aeik enjel̦ ro renana. Ilo bokin Jud, ej kwal̦o̦k bwe Maikõl ej aitwerõk ippãn Setan. Im ilo bokin Revelesõn, Maikõl ej tarin̦aeik Tepil̦ eo im enjel̦ ro an renana. Ilo an Maikõl jurake irooj bõtata eo an Jeova im tarin̦aeik ro me rej kõjdate Anij, ej jerbal ekkar ñan mel̦el̦ein etan. Mel̦el̦ein etan Maikõl ej “Wõn Ej Ãinwõt Anij?” Ak kiiõ, wõn in Maikõl?

Jet armej elõñl̦o̦k jãn juon etaer. Ñan waanjoñak, ãt eo juon etan Jekob ej Israel. Ãt eo juon etan rijjilõk Piter ej Saimõn. (Jenesis 49:1, 2; Matu 10:2) Ãindeinl̦o̦k wõt,  Baibõl̦ ej kaalikkar bwe Maikõl ej ãt eo juon etan Jijej Kũraij, m̦okta jãn an kar mour ioon lal̦ in im ãlikin an kar pãd ioon lal̦ in. Jen lale jet eoon ko jãn Baibõl̦ ñan kam̦oole men in.

Arkenjel̦. Naanin Anij ej ba bwe Maikõl ej “arkenjel̦ eo.” (Jud 9) Arkenjel̦ ej mel̦el̦ein “enjel̦ eo eutiejtata.” Kõnke Baibõl̦ ej ba bwe Maikõl ej arkenjel̦ eo, men in ej kaalikkar bwe ewõr juon wõt arkenjel̦. Ilo m̦ool, aolep iien ñe Baibõl̦ ej kõjerbal naan in “arkenjel̦,” ejjab jitõñl̦o̦k ñane ãinwõt bwijin enjel̦ ak ej kwal̦o̦k bwe ej juon wõt enjel̦. Bareinwõt, maroñ im jerbal ko an arkenjel̦ eo rej ãinl̦o̦kwõt jerbal ko an Jijej. Ãlikin an kar Irooj Jijej Kũraij jerkakpeje, bokin 1 Tessalonika 4:16 ej ba: “Irooj enaaj wanlal̦tak jãn lañ, kõn lam̦õj, im ainikien arkenjel̦.” Eoon in ej kaalikkar bwe ainikien Jijej ej ãinwõt ainikien juon arkenjel̦. Innem ealikkar bwe Jijej ej Maikõl, arkenjel̦ eo.

Rũtõlin Jarin Tarin̦ae. Baibõl̦ ej ba bwe “Maikõl im enjel̦ ro an rar tarin̦aeik tũrãikõn eo . . . im enjel̦ ro ippãn.” (Revelesõn 12:7) Eoon in ej kaalikkar bwe Maikõl ej Rũtõlin jarin tarin̦ae eo an enjel̦ ro ilañ me retiljek. Bokin Revelesõn ej bar kwal̦o̦k bwe Jijej ej Rũtõlin jarin tarin̦ae eo an enjel̦ ro retiljek. (Revelesõn 19:14-16) Im rijjilõk Paul ear make kõnono kõn “Irooj Jijej” im “enjel̦ ro an rekajoor.” (2 Tessalonika 1:7, UBS) Innem, Baibõl̦ ej kõnono kõn Maikõl im “enjel̦ ro an” im bareinwõt kõn Jijej im “enjel̦ ro an.” (Matu 13:41; 16:27; 24:31; 1 Piter 3:22, UBS) Mel̦el̦ein ke bwe ewõr ruo jarin tarin̦ae an enjel̦ ro retiljek? Ejjab. Ejjel̦o̦k juon eoon ilo Baibõl̦ ej kwal̦o̦k kõn men in. Baibõl̦ ejjab ba bwe ewõr juon an Maikõl make jarin tarin̦ae im ewõr juon an Jijej make jarin tarin̦ae. Innem, ealikkar bwe Maikõl ej Jijej Kũraij. *—Lale kõmel̦el̦e eo itulal̦.

^ par. 1 Kwõmaroñ lale mel̦el̦e ko jet me rej kwal̦o̦k bwe ãt eo Maikõl, ej jitõñl̦o̦k ñan eo Nejin Anij, ilo Volume 2, peij 393-394, ilo bok eo etan Insight on the Scriptures. Ri Kõnnaan ro an Jeova rar kõm̦m̦ane bok in.