Etal ñan katak ko ilo bok in

Etal ñan secondary menu

Ri Kõnnaan ro an Jeova

Kajin M̦ajel̦

Ro Remej Renaaj Ke Bar Mour?

Ro Remej Renaaj Ke Bar Mour?

Ta l̦õmn̦ak eo am̦ . . .

  • aet?

  • reban?

  • bõlen?

 EKKAR ÑAN BAIBÕL̦

“Renaaj jerkak jãn mej.”Jerbal 24:15, United Bible Societies.

TOKJÃN AM̦ TÕMAKE MEN IN

Enaaj kaenõm̦m̦an eok ñe emej juon ejitõnbõro ippam̦.2 Korint 1:3, 4, Naan Ko Rejouj Ministries.

Enaaj kõm̦m̦an bwe kwõn jab mijak in mej.Hibru 2:15, UBS.

Kwõnaaj reim̦aanl̦o̦k ñan iien eo me kwõnaaj bar lo ro rejitõnbõro ippam̦ im rar mej.Jon 5:28, 29, UBS.

 UNIN JEJ AIKUJ TÕMAKI NAAN KEIN JÃN BAIBÕL̦

Jen lale jilu iaan un kein:

  • Anij ej Ri Kõm̦anm̦an mour otemjej. Baibõl̦ ej ba bwe Jeova Anij ej “lel̦o̦k mour im menono im men otemjej ñan armej otemjej.” (Jerbal 17:24, 25, UBS; Sam 36:9, UBS) Kõnke Jeova ej letok mour, innem alikkar bwe ewõr an maroñ ñan kõmour ro im rar mej.

  • Anij ear kõmour jet armej ilo iien ko etto. Baibõl̦ ej kwal̦o̦k kõn ralitõk iien ko me kar kõmour ro rar mej. Armej rein rar mej ear kitibuj ajri, em̦m̦aan, im kõrã. Jet iaaer rar mej ium̦win jidik wõt iien, bõtab juon iaaer ear mej ium̦win emãn raan!Jon 11:39-44.

  • Anij ekõn̦aan bar kõmour ro remej. Jeova edike mej, joñan ej watõke ãinwõt juon an ri kõjdat. (1 Korint 15:26) Kõn men in, elukkuun “kõn̦aan” jol̦o̦k ri kõjdat in. Enaaj kõm̦m̦ane men in ilo an naaj kõmour ro rar mej. Jeova ej keememej wõt ro im rar mej im el̦ap an kijooror in bar lale aer mour ioon lal̦.Job 14:14, 15.

[Pija eo ilo peij 1]

 JOUJ IM L̦ÕMN̦AK KÕN KAJJITÕK IN

Etke jej rũttol̦o̦k im mej?

Baibõl̦ ej uwaake kajjitõk in ilo bok in JENESIS 3:17-19 im ROM 5:12.