Skip to content

Muye pa utantiko unono

Inte Zyakwe Yeova

Cimambwe-Lungu

A Weni Uwatandike Imipepele Inu?

A Weni Uwatandike Imipepele Inu?

Iuvi lyakwe ya Nte Yakwe Yeova ilya ndakai lyatandike ku ma 1870. Pa nsita iiya, asambi ya Baibo aali kaliumba kanono sile aikalanga mupipi na Pittsburgh, Pennsylvania, uku United States, yakolongananga lyonsi ku kusambilila sana Baibo. Yalinganyanga ivisambilizyo vya mu macalici kuli vino Baibo ikasambilizya. Vino yasambililanga yatandike ukuvilemba umu mabuku, ya nyuzipepala na magazini ino ndakai tukati Lupungu Lwa Mulinzi—Ulukamanyisya Antu pa Wene Wakwe Yeova.

Mwiumba lilyo ilya yasambi ya Baibo mwali nu muntu uwi zina lyako Charles Taze Russell. Nanti cakuti Russell u watungululanga lino yakusambilila Baibo pa nsita iiya, napya nanti cakuti u watandike ukulemba magazini ya Lupungu Lwa Mulinzi, asi wino watandike imipepele ipya. Cino Russell na asambi ya Baibo yalondesyanga, u kusambilizya antu ivisambilizyo vyako Yesu alino nu kucita vino Aina Klistu ya kutandikilapo yacitanga. Yesu aliwe watandike icilongano ca Ina Klistu, fwandi twamanya ukuti aliwe watandike iuvi litu.—Kolose 1:18-20.