Skip to content

Muye pa utantiko unono

Inte Zyakwe Yeova

Cimambwe-Lungu

Uzye Mukafumya Kwi Impiya Zino Mukaomvya Pakuti Mwavwilizye Umulimo Winu?

Uzye Mukafumya Kwi Impiya Zino Mukaomvya Pakuti Mwavwilizye Umulimo Winu?

Mulimo witu wa kusimikila ukatungililwa ni misangulo ya kuitemelwa iikafuma kuli ya Nte Yakwe Yeova. Pa kulongana kwitu, kutaaya ukupoka imituulo iiliyonsi. (Mateo 10:7, 8) Lelo, umu vifulo vino tukalonganilamo mukaya utumbokosi tuno antu yonsi aakulonda ukusangwilako yakasumbilamo imisangulo yao. Nupya akusangwilako yasimanyikwa, kapya yasilembapo izina nanti sile ukwikapo icimanyililo cakulanga ukuti aliyo yati-yasangwilako.

Cimwi icikalenga ukuti impiya zino tukakwata zyatukwanisya i cakuti, tutakwata yasimapepo yano tukafolisya. Nupya yasitulipila lino tukuya uku kusimikila uku ng’anda ni ng’anda, alino ni vifulo vino tukalonganilamo vitaaya ivyalulumbi.

Misangulo yonsi iikatumwa uku maofesi yako ya Nte Yakwe Yeova, ikaomviwa uku kwazwilizya antu atiyaponelwa na mazanzo, kusakamala ya misyonali na angalizi akatandalila ivilongano, kwavwilizya umulimo wa kukuula mang’anda muno tukalonganila, alino nu kupulinta Mabaibo ni mpapulo zyuze izya kusambililamo vyakwe Leza nu kuzisenda pakuti zikafike uku ncende zyuze.

Cila-muntu akaisoolwela ndi cakuti akulonda ukupeela umusangulo wa kwazwilizya ivikulondekwa pa cilongano, nanti ukwavwilizya umulimo wa mu nsi yonsi, nanti sile ukusangwilako kuli vyonsi vyoili. Lyonsi kwene amu vilongano vyonsi yakayanena vino impiya zino yakusangula zikuomba.