Skip to content

Uzye Caya Sile Ningo ku Ina Klistu Kuomvya Vyakucilikila Uvyazi?

Uzye Caya Sile Ningo ku Ina Klistu Kuomvya Vyakucilikila Uvyazi?

Vino Baibo yalandapo

Yesu atanenyile asambi yakwe ukukwata nanti kukanakwata ana. Nanti asambi yako Yesu patali uwayapeezile isunde lilyo. Pataya pano Baibo yalesya kuomvya ivyakucilikila uvyazi. Icisinte cimwi ica muli Baibo icaya pali Loma 14:12 cikati: “Wensi uwa munotuli alailongwela vyonsi kuli Leza.”

Fwandi atwalane yakwata insambu zya kuisoolwela kukwata ana nanti foo. Nupya yangapingulapo ana yano yalinzile kukwata na lino yalinzile kuyakwata. Ndi icakuti iya nu muci yapingulapo kuomvya inzila yakucilikilamo uvyazi itanga ilenge muntu kuponya inda, kusi alinzile kuyapingwila nupya aliyo yakwata insambu zizyo. Kusi aliwensi angayapingula pali cico.—Loma 14:4, 10-13.