Skip to content

Uzye Izwi Lyakwe Leza A Weni Nanti I Cani?

Uzye Izwi Lyakwe Leza A Weni Nanti I Cani?

Vino Baibo yalandapo

Amazwi yakuti “izwi lyakwe Leza” ilingi yakalozya ukwi landwe licindame nanti uku kupokelela amalandwe yayo. (Luka 11:28) Umu ncende zimwi “Izwi Lyakwe Leza” nanti “Izwi” likaomviwa ukukulozya ukwi zina lya mucinzi lya kupeela umuntu.—Umbwilo 19:13; Yoane 1:14.

Ilandwe ilicindame. Ilingi ya kasema yalandanga ukuti malandwe yano yalandanga yali a mazwi yakwe Leza. Yelemiya watandike na mazwi yakuti “[Yeova] avwanga kunondi ati,” pa kulanda amazwi ya usesemo. (Yelemiya 1:4, 11, 13; 2:1) Lino kasema Samueli atatala wanena Saulo ukuti Leza wamusoolwile ukuya umwene, walanzile ati: “Utale ulolele pano panono, pakuti nkunene amazwi yano [Yeova] watavwanga.”—1 Samueli 9:27.

Izina lya mucinzi. “Izwi” nupya likazanwa muli Baibo wi zina lya mucinzi lyakwe Yesu Klistu, lyaombanga lino wali nu mwili wa mupasi na lino wali nu mwili wa untunze. Uvwini vimwi ivyalenga aamwa vivyo:

  • Izwi akuno wali lino ivintu vyonsi vitatala vyaumbwa. “Ku utandiko wa uumbo, kwali wino akaamwa Izwi . . . Kufuma ku utandiko kwene wene wali na Leza.” (Yoane 1:1, 2) Yesu “ali yeli . . . Akuno wali lino vyonsi vitali viyeko.”—Kolose 1:13-15, 17.

  • Izwi wizile pano nsi nu kwizaya umuntu. “Izwi wiya wizile aya umuntu, . . . nupya wizile aikala pamwi naswe.” (Yoane 1:14) Klistu Yesu “mukuitemelwa wasile vyonsi vino wakweti, atoola mwata wa muzya. Wene wizile aya umuntu nu kuloleka wa muntu.”—Filipi 2:5-7.

  • Izwi u Mwana wakwe Leza. Pa cisila ca kulanda amazwi atiyalandwa papela akuti “Izwi wiya wizile aya umuntu,” umutumwa Yoane watwalilile nu kulanda amazwi yakuti: “Twaweni lulumbi lwakwe lwakuya Mwana wenga sile kufuma kuli Leza Tata.” (Yoane 1:14) Yoane walemvile nu kuti: “Yesu ali Mwana wakwe Leza.”—1 Yoane 4:15.

  • Izwi wakwata imiyele ino Leza wakwata. “Izwi wene wali a leza,” nanti “wali umucindame.” (Yoane 1:1; An American Translation) “Kuyengesa kwa lulumbi lwakwe Leza kukaloleka muli aliwe [Yesu], nupya wene atapusana na aliwe mu mwata wakwe.”—Ayebulai 1:2, 3.

  • Izwi u mwene aakuteeka. Baibo ikalanda ukuti ku mutwe wakwe Izwi wakwe Leza kwaya “ingala zingi zya wene.” (Umbwilo 19:12, 13) Izwi nupya akaamwa ukuti “Kateeka wakwe ya kateeka nu Mwene wakwe ya mwene.” (Umbwilo 19:16) Yesu akaamwa ukuti “Akateeka wakwe yakateeka nupya Mwene wakwe yamwene onsi.”—1 Timoti 6:14, 15.

  • Izwi aliwe akalandilako Leza. Izina lyakuti “Izwi” likalondolola wino akaamwa izina lilyo ukuti ali wino Leza akaomvya pa kupeela ivyeo nanti masunde. Yesu walanzile ukuti waomvile umulimo uu, watiile: “Pano ntakuivwangila, lelo Tata uwantuma wene wampeela ilamulo muno ningavwangila na muno ningakosolela. . . . Caleka vino nkukosola avino Tata wanenyile, avino nkavwanga.”—Yoane 12:49, 50.