Skip to content

Uzye Mungati a Weni Aakatungulula Insi?

Uzye Mungati a Weni Aakatungulula Insi?

Uzye mungati . . .

  • a Leza?

  • antunze?

  • a muze sile?

 VINO BAIBOLO IKASAMBILIZYA AEVI:

“Insi yonsi ikateekwa nu Mwipe.”—1 Yoane 5:19. Cimambwe New Testament.

‘Umwana wakwe Leza wiziile ukuti aonone ivicitwa vyakwe Ciwa.’—1 Yoane 3:8.

UKUMANYA UKUTI UMWIPE AAKATUNGULULA INSI KUKA-AVWA

Tukamanya ningo icaleenga ukuti umu nsi muye amavya.—Umbwilo 12:12.

Tukataila ukuti wanda umwi insi ilaziipa cuze.—1 Yoane 2:17.

 UZYE I CUMICUMI TUNGAZUMILA VINO BAIBOLO IKASAMBILIZYA?

Ee, ivintu vitatu ivingalenga tuzumile aevi:

  • Uteeko wakwe Satana ulononwa. Nanti ciye uli Yeova alasisyapo imiteekele yakwe Satana. Walaya ukuti ‘alonona Ciwa,’ nupya alaziifya vyonsi vino Satana onona.—Ayebulai 2:14.

  • Leza wasoolola Yesu Klistu ukuti ace ateeke insi. Yesu wapusana sana na kateeka wa ndakai umwipisye, uwaitemwa cuze. Ukulozya kuli Ukateeka wakwe Yesu, Leza walaya ukuti: ‘Alaya nu luse pa mupiina na aakucula . . . Alayakulula ukufuma ukukutitikiziwa nu ku unkalwe’.—Masamu 72:13, 14.

  • Leza atanga-sombe. Muli Baibolo mwaya amazwi aakuti: “Leza atange atumpoke.” (Ayebulai 6:18) Ndi Yeova walaya ukucita icintu cimwi, ala icintu cico alacicita nanti ciye uli! (Ezaya 55:10, 11) “Kateeka wa nsi ii yalamusumba ukunzi.”—Yoane 12:31, Amalembo ya Calo Cipya.

 VWILINI MUNGATI ULI?

Uzye umu nsi mulaya uli lino kateeka wa nsi alafumiziiwapo?

Baibolo ika-asuka icuzyo kwene cii pali MASAMU 37:10, 11 na pa UMBWILO 21:3, 4.