Skip to content

Muye pa utantiko wa vilimo

 IVINGAAVWA AAKULOSYA

Kufwilwa Kukaleta Sana Ulanda

Kufwilwa Kukaleta Sana Ulanda

“Sophia * nani twikazile mu cupo pa myaka kuluta 39 kufika lino wizile alwala ulwale pa myaka iingi nu kufwa. Anji yangazwilizye sana, nupya nani napamviwe ni vintu vyuze. Lelo natwalilile ukuvwa sana uyi pa mwaka upuma. Nasakamikwanga sana insita izingi nupya nafilwanga ni vya kucita. Na ndakai kwene, lino ipapita ni myaka itatu kufuma pano wafwilile, ncili nkauvwa sana uyi insita zimwi ukwaula nu kwenekela.”—Kostas.

Uzye mwatala mwafwilwapo? Nga vino cili, mufwile mukayuvwa wakwe ya Kostas. I vintu vinono sile ivikauvwisya sana uyi, lelo kufwilwa iya nanti umuci, lupwa, nanti cuza wino mwatemwana sana kwacilanapo. Avino asambilila sana pa vikalenga muntu kuya nu ulanda yalanzile. Cipande icali muli magazini imwi (The American Journal of Psychiatry) calanzile ukuti; “imfwa ali cintu icipisye cikalenga antu yauvwa ukuti uwatafwa yatalatala yamulolepo.” Ndi cakuti muntu ali nu ulanda wa musango uu, limwi angatandika kuyuzya ati: ‘Uzye alilaci lino ndata kuvwa vii? Uzye ndatala injepo ni nsansa nupya? Uzye ningasansamusiwa uli?’

Masuko ku mauzyo yaa iyasukwa muli Zyukini! wii. Cipande cilondeliilepo cikulanda pali vino limwi vingamucitikila ndi cakuti mwacifwililwe mutemwikwa. Lyene vipande vyuze vimalanda sana pali vino vingamwazwa kucefyako ulanda.

Tukutaila ukuti ivyeo vii vimaazwa sana yayo yonsi akulondekwa kukomeleziwa pa mulandu nu ulanda uwipisye uno yakupitamo.

^ par. 3 Amazina yamwi atiyalumbulwa muu asi mazina yao acumi.