Ivikacitika Lino Umuntu Wafwa
ELENGANYINI ukuti mukutamba vidyo ikulanda pa muntu uwalumbuka sana, limwi umuntu wiyo a kimba wa nyimbo wino mwatemwa sana. Vidyo iyo yatandikila ukulangizya umi wa muntu wiyo kutandika lino wali umwance, vino wasambilile ukwimba, na vino akacita pakuti amanyileko vino angaimba ningo. Lyene mwiza mwalola vino akwimba ku maumba ya antu, icakuti wamanyikwa sana umu nsi. Lino papita insita, muntu wiyo wakota nu kufwa wafwa.
Ilyasi ilya muntu wii uwizile afwa ilyaya muli vidyo i lya cumi. Nampo nga wali a kimba wa nyimbo, uwasambilila vyakwe sayansi nanti kateya wa vyangalo nanti umuntu muze sile uwamanyikwa, ilyasi lyene a lyonga. Umuntu wii waomvile vintu ivingi, nomba mungelenganya pa vintu uwingi vino wali nu kuomba ngi cakuti aatakosile nu kufwa.
Tunguvwa sana ulanda nga twelenganya pali vii, lelo vikwene i vili nu kutucitikila swensi kwene. (Kasambilizya 9:5) Nanti tungezya uli, nomba wanda umwi tulakota nu kufwa. Asi cico conga, limwi umi witu ungapeleela nga twalwala nanti ukuzanwa mu uzanzo ukwaula ukwenekela. Wakwe vino Baibo yalanda, twaya wakwe “kungwi, wino akaloleka pa kasita kanono nupya ata kuloleka.”—Yakobo 4:14, NWT.
Yamwi yene yatamanya na vino umi wao ulaya, acino yakaikalila nu umi wakuti “Lekini twamwa nu kulya, pano mutondo tulafwa.” (1 Kolinto 15:32) Nomba uzye musikuzumila ukuti mikalile ya musango uwo ingaletelela umwi imfwa? Insita zimwi sana sana ndi cakuti umuntu akucuula, angatandika kuyuzya ati ‘uzye vintu vilatwalilila ukuya vikwene?’ Uzye aekwi kuno mungazana icasuko?
Antu aingi yazumila sana muli vyakwe sayansi. Kuombesya kwakwe ya sayansi mu kupanga imilembo kwalenga antu yaikalako amanda aingi. Nupya ya sayansi aingi yakuombesya ukuti yalenga antu yaikala imyaka iingi kuluta na vino caya ndakai. Nampo nga yalatunguluka mu kuombesya kwao nanti foo, mauzyo aakasyalako aakuti: U mulandu ci uno tukakotela nu kufwa? Uzye kwaya upalilo wakuti umwanisi witu kuli kuti imfwa ilafumiziwapo? Vipande ivyalondelelapo vikulanda pa malyasi kwene yaa nupya vimaasuka ni iuzyo lyakuti, uzye umi ulatala uzipe?
Limwi Mungatemwa Ukulolako na Vii
LUPUNGU LWA MULINZI
Antu Yakalondesya Ukwikala Imyaka Iingi
Yamwi aasambilila sana pa vintu vya umi, pa myelenganyizizye na pa miyele ya muntu ino avyazi yakaambukizyako ana, yakaezya ukulonda icalenga antu yakota. I vyani ivyacitika pa mulandu nu kulondelezya kuko?
