Skip to content

Muye pa utantiko wa vilimo

Ivyeo Kuli Yonsi Aali pa Ukongano

Ivyeo Kuli Yonsi Aali pa Ukongano

APA KWIKALA Mukwai mwalangulukilako yauze. Mwaiusya ukuti, yano mufwile ukusungila apaakwikala aa lupwa apalamisye, yano mwizile nayo, yano mukaikala nayo apa ng’anda, nanti yano mukasambilila nayo Baibo ndakai. Mukwai mutaika iviya apa ncende ino mutaakwikalapo.

IVIKUPONGA NU KWAKUVIZANA Ivintu vyonsi vino mwazana ivitamanyikwe aineco mufwile ukuvitwala ukwi ofesi lya Vikuponga nu Kwakuvizana. Ndi cakuti pali vino mwatimuponzya, muye ukwi ofesi kwene lii mukalole nga akuno vili. Ana yano mwazana iyaponga mufwile ukuyatwala uku dipatiment kwene lii. Lelo, mutafwile ukulola iofesi lilyo ngati u kwakusungila ana. Mukwai mwasakamala ana inu, nupya mwaya nayo lyonsi.

KWAZWA ALWALE Mukwai mumanye ukuti iofesi lii likaombela sile pa ndwala na mazanzo IVIKAIZA MU KUPUMIKIZYA.

LUWATIZYO Vilimba apaakwikala yano yali pa kuwatiziwa yalavitantikila limwi pa nkoleelo ya cisewele; nga cisi vivyo, ale yala-mumanyisya vino yapekinye. Yonsi aali pa kuwatiziwa yalinzile ukwikala apa vilimba vivyo lino ilyasi lya luwatizyo litatala lyatandika pa wanda wakwe ciili akatondo. Cila muntu alinzile ukwiza ni taulo alino ni vyakuzwala vya mucinzi pa kuya uku luwatizyo.

MISANGULO Impiya zikalondekwa pakuti tupekanye ningo apaakulonganila, iviombelo vya mazwi, ni vyakutambisizyako mavidyo, alino ni vintu vyuze ivingi ivya kwavwilizya ukuti tuipakizye ukongano, nu kupalama kuli Yeova. Imisangulo ino mukasangwilako mu kuitemelwa ikaavwilizya ku kupekanya ivintu vivyo alino nu ku mulimo wa mu nsi yonsi. Fwandi, nga mungatemwa ukuti musangwileko, itwika utumbokosi monsi sile tuno mungasumbilamo imisangulo inu. Tukataizya wakwe cimwi pa misangulo inu yonsi. Iumba Ilikatungulula likumutaizya sana pali vino mukalondesya ukutungilila ivya Wene.

MULIMO WA KUITEMELWA Ndi cakuti mungatemwa ukwazwilizyako umu milimo imwi apa ukongano uu, mukwai muye ku Dipatiment ya Vyeo nu Mulimo wa Kuitemelwa.

YA KAPYUNGA Cino ya kapyunga yaayelako, u kumwavwa. Mukwai mwalondela vino yakumunena, wakwe, kuno mufwile ukwimika ya motoka nanti majinga, kwakupitila antu, apaakwikala, alino na vyuze.

 KUKOMAANA KUIYEELE

SUKULU LYAKWE YA KAKOSOOLA YA WENE Ya painiya aali ni myaka kutandikila pali 23 kufika kuli 65 aakulondesya kulundulula imiombele yao ya mulimo wa kusimikila yakulalikwa ukuzanwa kukukomaana kwakwe yano yakulonda ukuya ku Sukulu Lyakwe ya Kakosoola ya Wene ukulayako pa wanda wakwe citatu kasanya. Yalamumanyiisya insita ni cifulo ukulayela ukukomaana kuu.

Uwapekanyiziwe ni Iumba Likatungulula Ilya Nte Zyakwe Yeova