Skip to content

Muye pa utantiko wa vilimo

 ISAMBILILO 19

Ukufika Antu pa Mwenzo

Ukufika Antu pa Mwenzo

Mapinda 3:1

IVILI UMWI SAMBILILO LII: Mwaazwilizya ya kakutika ukumanya ucindami wa vintu vino yasambilila nu kuviomvya.

IVYA KUCITA:

  • Azwini ya kakutika inu ukuiceceta. Mwauzya mauzyo pakuti mungazwa antu ali umwi umba ukuiceceta pali vino yakayuvwa.

  • Azwini antu ukutwalilila ukulondesya ukucita ivisuma. Komelezyini ya kakutika inu ukuiceceta pakuti yangamanya umulandu uno yakacitila ivintu ivisuma. Yazwini pakuti yangalondesya ukucita ivisuma pa mulandu nu kutemwa Yeova, ukutemwa antu yauze, nu kutemwa ivisambilizyo ivyaya muli Baibo. Azwini ya kakutika ukumanya usuma uwaya muli vino Baibo ikalanda; mutayanena sile ivya kucita. Ukucila ukuyalenga ukuvwa insonyi, yazwini ukuyuvwa ukuti iyakomeleziwa pa cisila ca kukutika ukwi lyasi, nu kucinciziwa ukuombesya.

  • Mwaleka Yeova aliwe alumbanyiziwa. Langililini vino masunde aya muli Baibo, ivisinte, ni visambilizyo ivyayamo vikalanga imiyele ino Leza wakwata na vino watutemwa. Avwini ya kakutika ukumanya vino Yeova akayuvwa pakuti yalondesya ukumuzanzya.