Skip to content

Muye pa utantiko wa vilimo

 VINO SWE INA KLISTU TWAAYA

Umwina Klistu Aali ni Miyele Isuma nu Mucinzi Angalenga Iya Nanti Muci Atataila Ukutemwa Icumi

Umwina Klistu Aali ni Miyele Isuma nu Mucinzi Angalenga Iya Nanti Muci Atataila Ukutemwa Icumi

Aci aiza yaya Aina Klistu ilingi yakalenga yaiya ukutemwa icumi pa mulandu ni miyele yao isuma. Nomba ukucita vii kukalondekwa ukuzizimizya pa myaka ingi. (1 Pet. 2:21-23; 3:1, 2) Ndi cakuti yakamucuzya, twalililini ukucita ivisuma pakuti mucimvye iviipe. (Loma 12:21) Limwi ya winu yatange yuvwe mazwi yano mungalanda pali Yeova, nomba ndi yalola imiyele inu isuma yangasenula amalenganyo yao pa cumi.

Mwaezya na maka ukulola ivintu wakwe vino ya winu yakavilola. (Filipi 2:3, 4) Mwaya nu luse ni cikuuku, nupya mwaezya ukuomba imilimo yonsi ino umuci alinzile ukuomba umu mucinzi. Mwaya ya kuvwa asuma. (Yako. 1:19) Mwateeka umwenzo, nu kulenga ya winu yasininkizye ukuti mwayatemwa. Nanti icakuti ya winu yataya nu luse ni cikuuku kuli mwemwe, manyini ukuti Yeova akataizya pali ucisinka winu.—1 Pet. 2:19, 20.

TAMBINI VIDYO YAKUTI YEOVA AKATWAZWA NGA TULI NI NTAZI, ALINO MWASUKE MAUZYO ALONDELELAPO:

  • Uzye ivintu vyali uli lino ya Grace Li yatwazilwe sile?

  • I cani calenzile yasambilile icumi ca muli Baibo?

  • Uzye ya Nkazi Li yazizimizye uli intazi lino yawatiziwe?

  • I vyani vino ya Nkazi Li yapepelangako ya iya?

  • A mapaalo ci yano ya Nkazi Li yapokelela pa mulandu ni miyele yao isuma nu kulanga umucinzi?

Imiyele isuma nu kulanga umucinzi vikaazwa sana!