Skip to content

Muye pa utantiko wa vilimo

 VINO SWE INA KLISTU TWAAYA

Yeova Wamanya Vino Tukalonda

Yeova Wamanya Vino Tukalonda

Vino muomvi mutailwe uwa mano akatusambilizya “pa nsita ilinge,” vikalangilila ukuti Yeova aakatungulula umuomvi, wamanya vino tukalondekwa lwa ku mupasi. (Mate. 24:45) Maukongano nu kulongana kwa mukasi ka mulungu vyaya pa vintu ivikalangilila ukuti Yeova akatusambilizya pa nsita ilinge.

TAMBINI VIDYO YA KUTI LIPOTI UKUFUMA KULI KOMITI YA MULIMO WA KUSAMBILIZYA YA MU 2017 ALINO MWASUKE MAUZYO ALONDELILEPO:

  • A weni alinzile ukulumbanyiziwa pa maukongano yano tukaipakizya, nupya umulandu ci?

  • A lilaci lino yakatandika ukupekanya ukongano?

  • Uzye yakacita uli pa kusoolola malyasi akaya pa ukongano?

  • I milimo ci nayuze ikaombwa pa kupekanya maukongano?

  • Uzye inzila zino yakaomvya pa kusambilizya aakazanwa ukwi sukulu lya Gilyadi zikaomviwa uli pa kulemba vino tukasambilila pa kulongana kwa mukasi ka mulungu?

  • Uzye ma dipatimenti apusanepusane yakaombela uli pamwi pa kupekanya kulongana kwa mukasi ka mulungu?

Uzye mukauvwa uli pali vino Yeova akatusambilizya pakuti tutwalilile ukukomya utailo witu?