Skip to content

Muye pa utantiko wa vilimo

 VINO SWE INA KLISTU TWAAYA

Mwacenjela Lino Mukuomvya Intaneti

Mwacenjela Lino Mukuomvya Intaneti

MULANDU UNO CACINDAMILA: Wakwe vino iviombelo vyuze vyaya, na Intaneti kwene ingatwazwa nanti kutonoona. Aina Klistu yamwi yasilonda nu kuomvya intaneti. Aina Klistu yauze nayo yakaomvya intaneti pakuti yalanzyanya na ya lupwa ni vyuza. Nomba Ciwa akaalonda ukuomvya inzila kwene yii iya kuuvwanilamo na antu pa Intaneti mu nzila iipe, cakuti na ucuza witu na Yeova ungonooneka. Nomba wako vino Yesu wacisile, tungalondela visinte ivyaaya mwi Zwi Lyakwe Leza pa kumanya amavya aayamo nu kusenkako.—Luka 4:4, 8, 12.

VINTU VINO MULINZILE KUCENJELAKO:

  • Kusumba insita itali pa intaneti. Nga tukusumba sana insita pa Intaneti, tungonoona insita ya kuomba imilimo yakwe Yeova

    Visinte vya muli Baibo: Efes. 5:15, 16; Filipi 1:10

  • Kutamba ivitazifile. Ukulola ivikope vya yantu atazwite ningo kungalenga umwi ukuteekwa uzya wa kutamba ivya uzelele. Kuwelenga ivyeo vya yasangu kungonoona utailo witu

    Visinte vya muli Baibo: Mate. 5:28; Filipi 4:8

  • Kulemba mazwi aipe nanti ukwika ivikope ivitazifile. Pa mulandu wakuti umwenzo walwalisya, antu yamwi yangalonda ukulemba ivyeo viipe nanti ukwika ivikope ivitaazifile pa Intaneti. Nomba nga mwacita vivyo mungayononela sile izina nu konoona ucuza winu na Yeova

    Visinte vya muli Baibo: Loma 14:13; Efes. 4:29

TAMBINI VIDYO YAKUTI UWACENJELA LINO UKUOMVYA INTANETI, ALINO MULANZYANYE VINO MUNGACITA PAKUTI IVYALONDELELAPO VITAMUCITIKILA: