Skip to content

Muye pa utantiko wa vilimo

 VINO SWE INA KLISTU TWAAYA

Mwe Yavyazi, Mwaazwa Ana Inu Pakuti Yace Yaomba Ningo Uku Nkoleelo

Mwe Yavyazi, Mwaazwa Ana Inu Pakuti Yace Yaomba Ningo Uku Nkoleelo

Avyazi aika amano kuli ukapepa yakalondesya sana kuti anao yace yaye aomvi ya cumi yakwe Yeova. Avyazi yangazwa anao ukucita vivyo ngi cakuti yakuyasambilizya Baibo nu kuyafika pa mwenzo kutandika uku unya. (Malan. 6:7; Mapi. 22:6) Uzye pa kuyasambilizya mufwile ukuipeelesya? Ee avino cifwile sile ukuya! Nomba mulapaalwa wakwe cimwi nga mwaombesya.—3 Yoa. 4.

Avyazi yangasambililako ivingi kuli Yosefu na Maliya. “Cila mwaka akwasi yakwe Yesu yayanga ku Yelusalemu ku kuzevya Cimulo ca Ucilo,” nanti cakuti yalinzile ukuombesya nu kusumbapo impiya pa kusenda ulupwa. (Luka 2:41) Fwandi ivyacindime sana mu lupwa luu u kukomya ucuza wao na Yeova. Na avyazi aandakai yangatungulula anao mu nzila isuma ngi cakuti cila nsita yakusambilizya ana nu kuya ivilangililo visuma.—Masa. 127:3-5.

MUTAMBE VIDYO IIKUTI YASAMBILIZYANGA ANAO CILA NSITA, ALINO MWASUKE MAUZYO AALONDELELAPO:

  • Uzye ya Jon na ya Sharon Schiller yacisile uli pakuti yakolezya Uwene lino yakukuzya anao?

  • U mulandu ci uno avyazi yalinzile ukusundiila cila mwana kulingana na vino akulondekwa?

  • Uzye avyazi yangacita uli pa kwazwa ana yao ukumanya ivya kukaana matunko?

  • I viombelo ci vino mwaomvya pali vino iuvi lyatupeela pa kwazwa ana inu ukukomya ucuza na Yeova?

Kuombela Yeova ali cino cilinzile ukuya icicindame sana mu lupwa lwinu