Skip to content

Muye pa utantiko wa vilimo

 VINO SWE INA KLISTU TWAAYA

Muce Mwame Yonsi Aya Umu Cifulo Cino Mukasimikilamo Ukuti Yace Yazanwe Uku Ciusyo!

Muce Mwame Yonsi Aya Umu Cifulo Cino Mukasimikilamo Ukuti Yace Yazanwe Uku Ciusyo!
VITANTAME VII

Mukasimikilamo Ukuti Yace Yazanwe Uku Ciusyo!

Kampeni iya kwama antu uku Ciusyo iilatandika pa 27 Febuluwale, tulaombesya sana pakuti tukaame antu aingi sana umu cifulo citu ukuti yakize uku kwiusya imfwa yakwe Klistu. Tufwile nu kwikako sana amano kuli yonsi aakalondesya ukusambilila icumi pakuti yangatwalilia ukuya nu mwenzo wa kulondesya ukusambilila.

VYA KUCITA

AMAZWI AAKULANDA

“Tukupeela antu kapepala kaa pakuti yace yazanwe uku cintu cicindamisye. Pa 23 Maaci, antu aingi umu nsi yonsi yalakongana ku kwiusya imfwa yakwe Yesu Klistu nu kuvwa ilyasi lya Baibo ililalanda pali vino imfwa yakwe Yesu yatwazwa, nupya kutalaya ukulipilisya. Fwandi kapepala kaa, kakumulanga insita alino ni cifulo kuno tulalonganila. Mukwai ndi cakuti mungaca mukwanisye muce mwize.”

Ndi cakuti umuntu akulondesya ukuvwa . . .

  • MUPEELINI LUPUNGU

    Mulande amazwi alalenga ukuti mukakwate apa kuyatandikila lino mulaswililako.

  • MUTAMBISYINIKO VIDYO IKULANDA PA CIUSYO

    Mulande amazwi alalenga ukuti mukakwate apa kuyatandikila lino mulaswililako.

Ndi cakuti mwaswililako, vino mungacita aevi . . .

  • MUTAMBISYINI VIDYO IYAKUTI, U MULANDU CI UNO MULINZILE UKUSAMBILILA BAIBO?

    Lyene mulangini vino tukasambilila Baibo.

  • MUPEELINI IBUKU LYAKUTI UZYE BAIBO IKASAMBILIZYA UKUTI ULI?

    Muneniniko ivyeo navyuze ivikalanda pa Ciusyo, ivyaya pa mafwa 206-208. Lyene mupeelini ibuku.

  • MUPEELINI KABUKU KAKUTI MWAUVWILA LEZA

    Mulanzyanye umulandu uno imfwa yakwe Klistu yacindamila, muomvye ivyeo ivili pa mafwa 18-19. Lyene mupeelini kabuku